Tíntɔ́n 3:5 - MAWUXÓWÉMA

⁵ Bɔ Mawu ɖɔ: “Ma sɛkpɔ́ fí ó. Đe afɔkpa sín afɔ, ɖó ayǐkúngban e jí a ɖe ɔ́, ayǐkúngban ɖeɖóvo wɛ.”

Tíntɔ́n 3:5 Iomraidhean Croise

Tíntɔ́n 19:12

A nǎ ɖǒ dogbó nú yě lɛ́ lɛ̌ dó só ɔ́, bó ná dó sɛ́n nú yě ɖɔ yě nǐ má xá só ɔ́ jí ó, yě nǐ má ká ɖó alɔ wú ó. Mɛ ɖěbǔ ɖó alɔ wú ɔ́, mɛ ɔ́ ná kú.

Tíntɔ́n 19:21

bɔ Mawu Mavɔmavɔ ɖɔ n'i ɖɔ: “Jɛ te bo gbɛ́ nú Izlayɛ́li ví lɛ́ɛ ɖɔ yě ní má syɛ́n ta bo wá ba nǔ do ó; mɛ gěgé táá kú ɖo yě mɛ.

Tíntɔ́n 4:28

Énɛ́ ɔ́, Mɔyízi ɖɔ xó e Mawu Mavɔmavɔ e sɛ́ ɛ dó ɔ́ ɖɔ n'i lɛ́ɛ bǐ nú Aalɔ́ɔn, bó lɛ́ ɖɔ nǔjíwǔ e Mawu Mavɔmavɔ ɖɔ é ní bló lɛ́ɛ bǐ n'i.

Nǔnywɛ́tɔ́xó 5:1

Ma nɔ yá wǔ ɖɔ xó ó. Ma nɔ hwlɛ́n dó bó nɔ́ dó akpá nú Mawu ó. Mawu ɔ́, jǐxwé wɛ é ɖe, bɔ hwɛ ka ɖo ayǐkúngban jí; hǔn ma nɔ ɖɔ xó dín ó.

Jelemíi 30:21

Mɛ e ná nyí gǎn ɖo yě nu ɔ́, un ná sɔ́ ɖo tɛ́ntin yětɔn; mɛ e ná kpa acɛ dó yě nu ɔ́, un ná sɔ́ ɖo yě mɛ. Un ná dɔn ɛ bɔ é ná sɛkpɔ́ mì, ɖó nú un ma ylɔ́ mɛɖé ǎ ɔ́, mɛ ɔ́ sixú syɛ́n ta bó sɛkpɔ́ mì ǎ. Nyɛ Mawu Mavɔmavɔ wɛ ɖɔ mɔ̌.

Levíi ví 10:3

Énɛ́ ɔ́, Mɔyízi ɖɔ nú Aalɔ́ɔn ɖɔ: “Nǔ e Mawu Mavɔmavɔ kó ɖɔ ɖ'ayǐ gbɔn xógbe élɔ́ lɛ́ɛ jí ɔ́ nɛ́. É ɖɔ: ‘Un jló ɖɔ mɛ e nɔ wa azɔ̌ nú mì lɛ́ɛ ní nɔ́ ɖó sísí nú mǐmɛ́ e un nyí ɔ́; énɛ́ ɔ́, togun ɔ́ bǐ ná nɔ́ kpa susu nú mì.’ ” Aalɔ́ɔn ka kɛ nu ǎ.

Mɛsɛ́dó 7:33

Aklúnɔ ka ɖɔ n'i ɖɔ: ‘ɖe afɔkpa towe lɛ́ɛ, ɖó ayǐkúngban e jí a ɖo te ɖe ɔ́, ayǐkúngban mímɛ́ wɛ.

Sɛ́nflínmɛ 23:14

Mɛ ɖokpó ɖokpó ná ɖó nǔɖé, bɔ nú é sɛ yi zɔ ɔ́, é ná nɔ́ dó kun do, bɔ nú é yi afɔ jí ɔ́ kpé ɔ́, é ná zé dó dɔn kɔ́ d'é jí.

Eblée 12:20

ɖó sɛ́n e è dǒ nú yě ɔ́ hú gǎn yě; é wɛ nyí ɖɔ: “Nú mɛ ɖěbǔ ɖó alɔ só ɔ́ wú ɔ́, é ná bo nyí kanlin wɛ ɔ́, è nǎ nyi awǐnnya dó e káká bó ná hu i.”

Jozuwée 5:15

Ahwangán Mawu Mavɔmavɔ tɔn ɔ́ ká ɖɔ n'i ɖɔ: “Đe afɔkpa towe, ɖó tɛn e mɛ a ɖe ɔ́, tɛn mímɛ́ wɛ.” Bɔ Jozuwée ɖe afɔkpa tɔn.

2 Piyɛ́ɛ 1:18

Mǐ ɖésúnɔ ɔ́, hwenu e mǐ kpó é kpó ɖo só mímɛ́ ɔ́ jí ɔ́, mǐ se gbe énɛ́ e ɖi sín jǐxwé é.