Tíntɔ́n 3:12 - MAWUXÓWÉMA

¹² Mawu ká ɖɔ n'i ɖɔ: “Un ɖo kpɔ́ xá we. Nǔ e ná ɖe xlɛ́ we ɖɔ nyɛ wɛ sɛ́ we dó ɔ́ ɖíe: a ɖe togun ɔ́ tɔ́n sín Ejípu ɔ́, mi ná wá sɛn mì ɖo só élɔ́ jí.”

Tíntɔ́n 3:12 Iomraidhean Croise

Bǐbɛ́mɛ 15:1

Ée nǔ énɛ́ lɛ́ɛ jɛ wá yi gúdo ɔ́, Ablámu mɔ nǔ. É mɔ Mawu Mavɔmavɔ bɔ é ɖɔ xó n'i; é ɖɔ n'i ɖɔ: “Ablámu! Ma ɖi xɛsi ó; nyɛ wɛ nyí gǎglónú towe; un ná ná we ajɔ bɔ é ná d'agba ɖésú.”

Bǐbɛ́mɛ 15:8

Bɔ Ablámu kanbyɔ́ Mawu Mavɔmavɔ ɖɔ: “Aklúnɔ Mavɔmavɔ, ani wɛ ná ɖe xlɛ́ mì ɖɔ to élɔ́ ná nyí ce?”

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Bǐbɛ́mɛ 31:3

Énɛ́ ɔ́, Mawu Mavɔmavɔ ɖɔ nú Jakɔ́bu ɖɔ: “Lɛ̌ kɔ yi mɛ towe lɛ́ɛ gɔ́n, ɖo fí e è ji we ɖe ɔ́. Un ná nɔ kpɔ́ xá we.”

2 Axɔ́sú 19:29

“Amɔ̌, hwɛ ɔ́, Ezekiyási, nǔ e ná nyí xlɛ̌ nú we ɔ́ ɖíe: Xwe élɔ́ mɛ ɔ́, nǔkún flá lɛ́ɛ wɛ è nǎ ɖu; xwe wegɔ́ ɔ́ mɛ ɔ́, è nǎ ɖu nǔ ɖokpó ɔ́, amɔ̌, xwe atɔngɔ́ ɔ́ mɛ ɔ́, nǔ e mi ɖésúnɔ ná dó é wɛ mi ná ɖu. Mi ná dó nǔkún bó ná ya, mi ná tun vǐwun, bɔ é ná sɛ́n, bɔ mi ná ɖu.

1 Tan 9:20

Pínxási Eleazáa ví ɔ́ wɛ nyí gǎn yětɔn ɖ'ayǐ, ɖó Mawu Mavɔmavɔ ɖo kpɔ́ xá ɛ.

Ɖɛhan 86:17

Sɔ́ wuntun ɖé xlɛ́ mì ɖɔ nǔ ná nyɔ́ nú mì; énɛ́ ɔ́, hwenu e mɛ e gbɛ́ wǎn nú mì lɛ́ɛ ná mɔ ɖɔ hwɛ Mawu Mavɔmavɔ wɛ gɔ́ alɔ nú mì bó dó gbɔ nú mì é ɔ́, winnyá ná hu yě.

Tíntɔ́n 18:5

Jetlo kpó Mɔyízi sín asi kpó, kpódó vǐ tɔn lɛ́ɛ kpó wá gbětótló mɛ fí e Mɔyízi jɛ agban nyi ɖo Mawu só ɔ́ kɔn é.

Tíntɔ́n 3:1

Hwenɛ́nu ɔ́, Mɔyízi ka ɖo nukún kpé dó asi tɔn tɔ́ Jetlo , vɔ̌sánú-xwlémawutɔ́ Madiáani tɔn ɔ́ sín gbɔ̌ lɛ́ɛ wú wɛ. É wá jɛ gbe ɖokpó, bɔ é kplá gbɔ̌ lɛ́ɛ gbɔn gbětótló gúdo, bó yi jɛ Mawu só ɔ́ kɔn ɖo Holɛ́bu.

Tíntɔ́n 3:13

Bɔ Mɔyízi ɖɔ nú Mawu ɖɔ: “Hǔn un ná yi Izlayɛ́li ví lɛ́ɛ gɔ́n, bó ná ɖɔ nú yě ɖɔ Mawu wɛ sɛ́ mì dó, Mawu e tɔ́gbó yětɔn lɛ́ɛ nɔ sɛn é wɛ sɛ́ mì dó gɔ̌n yětɔn. Nú yě ká kanbyɔ́ mì ɖɔ nɛ̌ nyǐkɔ tɔn nɔ́ nyí a jí ɔ́, nɛ̌ wɛ un ná ɖɔ nú yě?”

Tíntɔ́n 33:14

Mawu Mavɔmavɔ yí gbe nú Mɔyízi ɖɔ: “Nyɛ ɖésúnɔ kpódó hwi kpó wɛ xweyǐgbe, ado ní má hu we ó.”

Tíntɔ́n 4:12

Hǔn bo yi. Nyi ɖésúnɔ ná ɖo kpɔ́ xá we. A ja xó ɖɔ gbé ɔ́, un ná ɖɔ xó e a ɖǒ ná ɖɔ ɔ́ nú we.”

Tíntɔ́n 4:15

A nǎ ɖɔ xó n'i, a nǎ ɖɔ xó e é ɖó ná ɖɔ ɔ́ n'i. Bɔ nyɛ ɔ́, nú mi ɖo xó ɖɔ wɛ ɔ́, un ná ɖo kpɔ́ xá mi mɛ ɖokpó ɖokpó, bó ná ɖɔ nǔ e mi ɖó ná wa ɔ́ nú mi.

Tíntɔ́n 8:27

Mawu Mavɔmavɔ ká bló nǔ e Mɔyízi byɔ́ ɛ é, bɔ axɔ́sú ɔ́ kpó gǎn hɔn-yitɔ́ tɔn lɛ́ɛ kpó, kpó togun ɔ́ kpó ba asɔfin lɛ́ɛ kpo; é sɔ́ kpo ɖokpó géé ǎ.

Ezayíi 37:30

“Amɔ̌, hwɛ ɔ́, Ezekiyási, nǔ e ná nyí xlɛ̌ nú we ɔ́ ɖíe: Xwe élɔ́ mɛ ɔ́, nǔkún flá lɛ́ɛ wɛ è nǎ ɖu; xwe wegɔ́ ɔ́ mɛ ɔ́, è nǎ ɖu nǔ ɖokpó ɔ́. Amɔ̌, xwe atɔngɔ́ ɔ́ mɛ ɔ́, nǔ e mi ɖésúnɔ ná dó ɔ́ wɛ mi ná ɖu. Mi ná dó nǔkún bó ná ya; mi ná tun vǐwuntín bɔ é ná sɛ́n, bɔ mi ná ɖu.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 43:2

A ɖo tɔ mɛ gbɔn wɛ ɔ́, un ná ɖo kpɔ́ xá we; a ɖo tɔ gbo wɛ ɔ́, a nǎ kú tɔ ǎ. A ɖo zɔnlin ɖi gbɔn myɔ mɛ wɛ ɔ́, a nǎ ji myɔ ǎ, myɔ ná wa nǔɖé nú we ǎ.

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Jelemíi 1:8

Ma ɖi xɛsi nú yě ó, ɖó un ɖo kpɔ́ xá we; un ná hwlɛ́n we gán. Nyɛ Mawu Mavɔmavɔ wɛ ɖɔ mɔ̌ nú we.”

Kɛ́nsísɔ́ 16:28

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi ná mɔ din ɖɔ Mawu Mavɔmavɔ wɛ sɛ́ mì dó nǔgbó, nú má wa azɔ̌ énɛ́ lɛ́ɛ bǐ; mi ná mɔ ɖɔ é kún nyí nyɛ ɖésú wɛ kpɔ́n xo ce mɛ bo bló mɔ̌ ó.

Kɛ́nsísɔ́ 23:21

Mawu Mavɔmavɔ mɔ hwɛ ɖě ɖo Jakɔ́bu ví lɛ́ɛ tɛ́ntin ǎ. É mɔ tagba ɖěbǔ ɖo Izlayɛ́li ví lɛ́ɛ tɛ́ntin ǎ. Mawu Mavɔmavɔ, Mawu yětɔn ɖo kpɔ́ xá yě. É wɛ nyí axɔ́sú Izlayɛ́li togun ɔ́ tɔn. É wɛ nyí axɔ́sú e yě bǐ nɔ́ kpa awǒbóbó ná é.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Maki 16:20

Ahwanvú tɔn lɛ́ɛ ka sɔ́nǔ, bó jɛ Mawuxó jlá jí gbɔn fí bǐ. Aklúnɔ nɔ́ dó alɔ yě ɖo azɔ̌ énɛ́ kɔn, bó nɔ́ ɖe xlɛ́ ɖɔ xó e ɖɔ wɛ yě ɖe ɔ́ nyí nǔgbó, gbɔn nǔdábaɖa e yě nɔ́ jlɛ́ lɛ́ɛ gbla mɛ.]

Mɛsɛ́dó 11:21

Aklúnɔ sín hlɔ̌nhlɔ́n ɖo kpɔ́ xá yě, bɔ mɛ gěgé ɖi nǔ, bó húzú jɛ Aklúnɔ li jí.

Mɛsɛ́dó 7:7

Amɔ̌, un ná ɖɔ hwɛ xá akɔta e mɛ yě ná nyí kannumɔ ɖe é. Énɛ́ gúdo ɔ́, yě ná gosín to ɔ́ mɛ, bó ná wá sɛn mì ɖo fí.’

Hlɔ̌manu 8:31

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.

Sɛ́nflínmɛ 31:23

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”

Eblée 13:5

Mi ma jó miɖée dó nú wǎn yíyí nú akwɛ́ ɖu ɖo mi jí ó; nǔ e ɖo mi sí ɔ́ ní kpé mi, ɖó Mawu ɖɔ: “Un ná jó we dó gbeɖé ǎ; un ná ɖe alɔ sín kan towe mɛ gbeɖé ǎ.

Jozuwée 1:5

Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.

Hwɛɖɔtɔ́ 6:12

Wɛnsagun Mawu Mavɔmavɔ tɔn wá tɔ́n dó jǐ tɔn, bó ɖɔ n'i ɖɔ: “Ahwanfuntɔ́ akowunká, Mawu Mavɔmavɔ ɖo kpɔ́ xá we!”

Hwɛɖɔtɔ́ 6:16

Énɛ́ ɔ́, Mawu Mavɔmavɔ ɖɔ n'i ɖɔ: “Un ná ɖo kpɔ́ xá we, énɛ́ ɔ́, a nǎ ɖu ɖo Madiáani ví lɛ́ɛ jí gbɛtɔ́ ɖokpó géé wɛ yě nyǐ ɖɔhun.”

Hwɛɖɔtɔ́ 6:17

Jedenyɔ́ɔ ɖɔ n'i ɖɔ: “Ényí nǔ ce nyɔ́ nukún towe mɛ nǔgbó hǔn, nǎ xlɛ́ ɖé mì nú má dó tunwun ɖɔ hwi Mawu Mavɔmavɔ ɔ́ wɛ ɖo xó ɖɔ nú mì wɛ;

Hwɛɖɔtɔ́ 6:21

Énɛ́ ɔ́, wɛnsagun Mawu Mavɔmavɔ tɔn ɔ́ dlɛ́n alɔ, bɔ kpo e ɖo alɔ tɔn mɛ ɔ́, é zé nuvínu tɔn ɖó lan ɔ́ kpó wɔ̌xúxú lɛ́ɛ kpó wú. Ée é bló mɔ̌ ɔ́, myɔ tɔ́n sín awǐnnya ɔ́ mɛ, bó dó lan ɔ́ kpó wɔ̌xúxú lɛ́ɛ kpó zo. Énɛ́ ɔ́ gúdo ɔ́, wɛnsagun ɔ́ bú.

Hwɛɖɔtɔ́ 7:11

Énɛ́ ɔ́, a nǎ se nǔ e ɖɔ wɛ yě ɖe ɖo dɔ̌n ɔ́, bó ná ɖó akɔ́nkpinkpan bó ná yi tɔ́n ahwan yě.” Ée Mawu ɖɔ mɔ̌ ɔ́, Jedenyɔ́ɔ kpó mɛsɛntɔ́ tɔn ɔ́ kpó jɛ te bó yi káká fí e yě bɛ̌ gɔnu ɖíɖó sín é.

1 Samuwɛ́li 14:10

Lo ɔ́, nú yě ɖɔ mǐ ní wá gɔ̌n émítɔn ɔ́, mǐ ná yi. Énɛ́ ɔ́ wɛ ná ɖe xlɛ́ mǐ ɖɔ Mawu Mavɔmavɔ jó yě nú mǐ.”