Tíntɔ́n 3:11 - MAWUXÓWÉMA

¹¹ Mɔyízi ka ɖɔ nú Mawu ɖɔ: “Ani wɛ nyɛ nyí bó ná yi axɔ́sú Ejípu tɔn ɔ́ gɔ́n, bó ná ɖe Izlayɛ́li ví lɛ́ɛ tɔ́n sín to tɔn mɛ?”

Tíntɔ́n 3:11 Iomraidhean Croise

2 Samuwɛ́li 7:18

Ée axɔ́sú ɔ́ se mɔ̌ ɔ́, é yi Mawu Mavɔmavɔ nukɔn bo ɖɔ: “Aklúnɔ, Mawu Mavɔmavɔ ce, étɛ́ un ka nyí, nɛ̌ a ka mɔ xwédo ce gbɔn, bó zé mì wá ɖó tɛn e mɛ un ɖe din é?

1 Axɔ́sú 3:7

Mawu Mavɔmavɔ, Mawu ce, din ɔ́, a sɔ́ nyɛ mɛsɛntɔ́ towe dó ɖó axɔ́sú dó tɔ́ ce Davídi tɛnmɛ. Yɔkpɔ́vú wɛ un ka nyí. Un tunwun lě e un ná wa azɔ̌ énɛ́ ɔ́ gbɔn ɔ́ ǎ.

1 Axɔ́sú 3:9

Énɛ́ ɔ́ wú ɔ́, nǎ nǔnywɛ́ e nyɛ mɛsɛntɔ́ towe ná sixú ɖó bó nɔ togun towe nu, bó ná sixú tunwun nǔ ɖagbe kpó nǔ nyanya kpó. Énɛ́ ɔ́ mɛ vo ɔ́, mɛ ɖěbǔ sixú nɔ togun towe wɔ̌buwɔ́bú énɛ́ ɔ́ nu ǎ.”

1 Tan 29:14

Đó un nyí nǔtí ǎ, togun ce lɔmɔ̌ nyí nǔtí ǎ. Ényí mǐ ɖésúnɔ sín acɛ wɛ mǐ zé dó ná nǔ énɛ́ lɛ́ɛ we ǎ. Hwi wɛ ɖó nǔ bǐ; hwi wɛ ná nǔ e mǐ ná we lɛ́ɛ mǐ.

Tíntɔ́n 6:12

Mɔyízi ɖɔ nú Mawu Mavɔmavɔ ɖɔ: “Ée Izlayɛ́li ví lɛ́ɛ má ká ɖo tó ɖó mì wɛ din ǎ ɔ́, nɛ̌ axɔ́sú Ejípu tɔn ɔ́ ká ná ɖótó mì gbɔn? Nyi ɖíe má nyɔ́ xó ɖɔ ǎ e!”

Jelemíi 1:6

Ée Mawu ɖɔ mɔ̌ ɔ́, un ɖɔ: “Yéége Aklúnɔ, Mawu Mavɔmavɔ, un ma nyɔ́ xó ɖɔ nɛ́! Yɔkpɔ́vú wɛ nú mì.”

2 Kɔlɛ́ntinu 2:16

Amɔ̌, wǎn e nɔ hu mɛ ɔ́ wɛ mǐ nyí nú mɛ e ɖo bǔbú wɛ lɛ́ɛ, bó ka nyí wǎn e nɔ ná gbɛ mɛ ɔ́ nú mɛ e ɖo hwlɛngán sín ali jí lɛ́ɛ é. Mɛ̌ ka sixú kpé azɔ̌ mɔ̌hunkɔtɔn wú bó wa?

2 Kɔlɛ́ntinu 3:5

Nǔgbó ɔ́, gbɔn alɔkpa ɖěbǔ mɛ ɔ́, mǐ sixú ɖɔ ɖɔ mǐ sixú wa azɔ̌ mɔ̌hunkɔtɔn ɖo mǐ ɖésúnɔ sín hlɔ̌nhlɔ́n mɛ ǎ. Hlɔ̌nhlɔ́n e mǐ nɔ dó kpé nǔ wú ɔ́, Mawu gɔ́n wɛ é nɔ gosín.

Hwɛɖɔtɔ́ 6:15

Jedenyɔ́ɔ ka ɖɔ n'i ɖɔ: “Aklúnɔ ce, kɛnklɛ́n! Nɛ̌ un ná sixú hwlɛ́n Izlayɛ́li ví lɛ́ɛ gbɔn? Hɛ̌nnu ce wɛ nyí hɛ̌nnu e ɖo gǔdo bǐ ɖo akɔta Manasée tɔn ɔ́ mɛ é; nyɛ wɛ ka nyí yɔkpɔ́vú bǐ ɖo xwédo ce mɛ.”

1 Samuwɛ́li 18:18

Davídi ka yí gbe nú Sawúlu ɖɔ: “Sɛ́mɛɖó, un nyí mɛɖé ǎ. Daá ce xwédo ɔ́ kpó hɛ̌nnu tɔn kpó nyí nǔtí ɖo Izlayɛ́li ǎ. Mɛ̌ nyɛ ka nyí bó ná da axɔ́sú sín ví?”