Tíntɔ́n 3:10 - MAWUXÓWÉMA

¹⁰ Din ɔ́, yi, un sɛ́ we dó axɔ́sú Ejípu tɔn ɔ́ gɔ́n. Đe togun ce Izlayɛ́li tɔ́n sín to tɔn mɛ.”

Tíntɔ́n 3:10 Iomraidhean Croise

Bǐbɛ́mɛ 15:13

Bɔ Mawu Mavɔmavɔ ɖɔ n'i ɖɔ: “Tunwun ɖɔ vǐ towe lɛ́ɛ ná wá nyí jǒnɔ ɖo mɛ ɖěvo tomɛ. Yě ná nɔ mɛ kannu ɖo fínɛ́ bɔ è nǎ dó tagba nú yě xɔ xwe afɔwe (400).

Bǐbɛ́mɛ 15:14

Lo ɔ́, un ná ɖɔ hwɛ xá akɔta e yě ná nyí kannumɔ ná é. Énɛ́ ɔ́ gúdo ɔ́, yě ná tɔ́n sín fínɛ́, bó ná bɛ́ dɔkun gěgé wá yi.

Ɖɛhan 105:26

Énɛ́ ɔ́ wú ɔ́, é sɛ́ mɛsɛntɔ́ tɔn Mɔyízi dó, é kpódó Aalɔ́ɔn e é sɔ́ ɔ́ kpó.

Ɖɛhan 77:20

A ɖe ali gbɔn xu mɛ, a ɖe ali gbɔn sin ɖaxó ɖaxó lɛ́ɛ mɛ; mɛ ɖěbǔ ká mɔ afɔdo towe lɛ́ɛ ǎ.

Tíntɔ́n 12:40

Xwe afɔwe gban (430) wɛ Izlayɛ́li ví lɛ́ɛ nɔ Ejípu xɔ.

Tíntɔ́n 12:41

Đo xwe afɔwe gban (430) énɛ́ lɛ́ɛ sín vivɔnu e nyí Dǐndínwáyi Mawu Mavɔmavɔ tɔn sín azǎn ɔ́, togun Mawu Mavɔmavɔ tɔn ɔ́ bǐ tɔ́n sín Ejípu.

Tíntɔ́n 33:12

Mɔyízi ɖɔ nú Mawu Mavɔmavɔ ɖɔ: “Éɖíe, Mawu Mavɔmavɔ! A ɖe gbe nú mì ɖɔ má kplá togun élɔ́ hɛn yi; a ka ɖɔ mɛ e a jlǒ ná sɛ́ dó bɔ é ná dó alɔ mì ɔ́ nú mì ǎ. Có a ɖɔ nú mì ɖɔ émí tunwun mì ganjí bó ná fɛ́nú mì.

Tíntɔ́n 33:13

Din ɔ́, a nǎ fɛ́nú towe mì nǔgbó hǔn, blǒ bónú má tunwun linlin towe lɛ́ɛ; énɛ́ ɔ́, un ná tunwun we nǔgbó nǔgbó, bɔ a nǎ lɛ́ ná fɛ́nú towe mì yi fó. Ma wɔn ɖɔ émítɔn wɛ togun élɔ́ nyí ó.”

Tíntɔ́n 6:26

Aalɔ́ɔn kpó Mɔyízi kpó wɛ nyí mɛ e Mawu Mavɔmavɔ ɖɔ ná ɖɔ yě ní ɖe Izlayɛ́li ví lɛ́ɛ tɔ́n sín Ejípu sonu sonu é.

Ozée 12:13

Jakɔ́bu hɔn yi Mɛzopotamíi, Izlayɛ́li nɔ wa azɔ̌ nú mɛ ɖěvo ɖó nyɔ̌nu wú. Nyɔ̌nu wú wɛ é húzú lɛ̌ngbɔ́nyitɔ́.

Micée 6:4

Un ɖe mi tɔ́n sín Ejípu, bó hwlɛ́n mi sín kannumɔgbénu. Un sɛ́ Mɔyízi, Aalɔ́ɔn kpó Miliamu kpó dó mi, bónú yě ná nɔ nukɔn mitɔn bo xlɛ́ ali mi. Abǐ énɛ́ lɛ́ɛ sín hwɛ dó mì wɛ mi ɖe a?

Mɛsɛ́dó 7:34

Un mɔ ya e ji wɛ togun ce ɖe ɖo Ejípu ɔ́ ganjí. Un se azɔn e wɛn wɛ é ɖe ɔ́, lobo jɛ te wá hwlɛ̌nhwlɛ́n ɛ gán gbé. Din ɔ́, wǎ. Un ná sɛ́ we dó Ejípu.’

Mɛsɛ́dó 7:36

Mɔyízi énɛ́ wɛ kplá Izlayɛ́li ví lɛ́ɛ tɔ́n sín Ejípu, gbɔn nǔdábaɖa e é ɖe tɔ́n lɛ́ɛ kpódó nǔ e é jlɛ́ ɖo to énɛ́ ɔ́ mɛ, bó jlɛ́ ɖo Xu Vɔvɔ ɔ́ tó, bó jlɛ́ ɖo gbětótló mɛ, káká xɔ xwe kanɖé (40) ɔ́ kpó gbla mɛ.

Mɛsɛ́dó 7:6

Mawu ka lɛ́ ɖɔ n'i ɖɔ: ‘Vǐvú towe lɛ́ɛ ná yi cí mɛ ɖěvo tomɛ, bɔ è nǎ sɔ́ yě dó ɖó kannumɔ, lobo ná dó ya nú yě xɔ xwe afɔwe (400).

Mɛsɛ́dó 7:7

Amɔ̌, un ná ɖɔ hwɛ xá akɔta e mɛ yě ná nyí kannumɔ ɖe é. Énɛ́ gúdo ɔ́, yě ná gosín to ɔ́ mɛ, bó ná wá sɛn mì ɖo fí.’

Hwɛɖɔtɔ́ 6:14

Mawu Mavɔmavɔ ka lílɛ́ kpan nukɔn Jedenyɔ́ɔ bó ɖɔ n'i ɖɔ: “Yi hwlɛ́n Izlayɛ́li ví lɛ́ɛ sín Madiáani ví lɛ́ɛ sí kpó hlɔ̌nhlɔ́n e a ɖǒ ɔ́ kpó; nyɛ wɛ sɛ́ we dó.”

1 Samuwɛ́li 12:6

Bɔ Samuwɛ́li lɛ́ ɖɔ nú togun ɔ́ ɖɔ: “Mawu Mavɔmavɔ wɛ sɔ́ Mɔyízi kpó Aalɔ́ɔn kpó; é wɛ ɖe tɔ́gbó mitɔn lɛ́ɛ tɔ́n sín Ejípu.

1 Samuwɛ́li 12:8

Ée Jakɔ́bu kpó mɛ tɔn lɛ́ɛ kpó yi Ejípu ɔ́, tɔ́gbó mitɔn lɛ́ɛ jɛ xó sú ylɔ́ Mawu Mavɔmavɔ jí, bɔ é sɛ́ Mɔyízi kpó Aalɔ́ɔn kpó dó, bɔ yě kplá yě sín Ejípu wá fí.