Tíntɔ́n 3:1 - MAWUXÓWÉMA

¹ Hwenɛ́nu ɔ́, Mɔyízi ka ɖo nukún kpé dó asi tɔn tɔ́ Jetlo , vɔ̌sánú-xwlémawutɔ́ Madiáani tɔn ɔ́ sín gbɔ̌ lɛ́ɛ wú wɛ. É wá jɛ gbe ɖokpó, bɔ é kplá gbɔ̌ lɛ́ɛ gbɔn gbětótló gúdo, bó yi jɛ Mawu só ɔ́ kɔn ɖo Holɛ́bu.

Tíntɔ́n 3:1 Iomraidhean Croise

1 Axɔ́sú 19:19

Elíi gosín Holɛ́bu, bó ɖo yiyi wɛ bó yi mɔ Elizée, Cafáti ví ɔ́, bɔ é ɖo gle lɛ wɛ. Nyibú ko nukún-ɛnɛ wɛ ɖo gle ɔ́ lɛ wɛ. Elizée ɖésú wɛ hɛn nyibú we gǔdo tɔn lɛ́ɛ, bó dó ɖo gle lɛ ná wɛ. Elíi gbɔn akpá tɔn, bó zé awu tɔn ɖaxó ɔ́ nyi jǐ tɔn bó ɖidó.

1 Axɔ́sú 19:8

Bɔ Elíi fɔ́n, bó ɖu nǔ, bó nu sin, bɔ nǔɖuɖu énɛ́ ɔ́ ná ɛ hlɔ̌nhlɔ́n, bɔ é ɖi zɔnlin nú kéze kanɖé (40) zǎn kanɖé (40), bó wá jɛ Holɛ́bu, só Mawu tɔn kɔn.

Ɖɛhan 106:19

Yě bló nyibúví ɖokpó ɖo Holɛ́bu só ɔ́ kɔn, yě jɛ akpajlɛ́ e è sínsín gan dó bló é sɛn jí.

Tíntɔ́n 17:6

Nyɛ ka ná nɔ te ɖo nukɔn towe ɖo Holɛ́bu só ɔ́ jí; a nǎ zin kpo ɔ́ dó só ɔ́ wú; énɛ́ ɔ́, sin ná tɔ́n, bɔ togun ɔ́ ná nu.” Mɔyízi bló nǔ e Mawu Mavɔmavɔ ɖɔ ɔ́, ɖo tomɛxó Izlayɛ́li tɔn lɛ́ɛ nukún mɛ.

Tíntɔ́n 18:12

Jetlo, Mɔyízi sín asitɔ́ ɔ́ sá vɔ̌ e è nɔ dó zo ɔ́ kpódó kɔnɖókpɔ́ sín vɔ̌ lɛ́ɛ kpó nú Mawu. Aalɔ́ɔn kpódó tomɛxó lɛ́ɛ bǐ kpó wá ɖu kɔnɖókpɔ́ nǔɖuɖu ɔ́ xá Mɔyízi sín asitɔ́ ɔ́, ɖo Mawu nukɔn.

Tíntɔ́n 19:11

Yě ní sɔ́ nǔ ɖ'ayǐ nú azǎn atɔngɔ́ ɔ́ gbe, ɖó azǎn atɔn gbe ɔ́, nyɛ Mawu Mavɔmavɔ ná jɛ te wá Sinayíi só ɔ́ jí ɖo togun ɔ́ bǐ nukún mɛ.

Tíntɔ́n 19:2

Gbětótló Hlefidímu tɔn ɔ́ mɛ wɛ yě gosín bó wá gbětótló mɛ fí, ɖo Sinayíi só ɔ́ kpá, bó ɖó gɔnu ɖó fínɛ́.

Tíntɔ́n 19:3

Mɔyízi fán só ɖidó Mawu gɔ̌n. Mawu Mavɔmavɔ ɖo só ɔ́ jí, bó sú xó ylɔ́ ɛ sɛ́ dó, bó ɖɔ n'i ɖɔ: “Xó e a nǎ ɖɔ nú Jakɔ́bu sín kúnkan Izlayɛ́li ví lɛ́ɛ ɔ́ ɖíe:

Tíntɔ́n 2:16

Vɔ̌sánú-xwlémawutɔ́ ɖé ká ɖo Madiáani fínɛ́. É ɖó vǐ nyɔ̌nu tɛ́nwe. Vǐ lɛ́ɛ wá sin dun gɔ́ nǔ e mɛ gbɔ̌ lɛ́ɛ nɔ́ nu sin ɖe lɛ́ɛ gbé lě e yě kó nɔ́ bló gbɔn é, bónú tɔ́ yětɔn sín gbɔ̌ lɛ́ɛ ná wá nu.

Tíntɔ́n 2:18

Ée yě lɛ́ kɔ yi tɔ́ yětɔn Hlewuyɛ́li gɔ́n ɔ́, é kanbyɔ́ yě ɖɔ: “Nɛ̌ ká gbɔn bɔ mi ka yá wǔ wá sɔ mɔ̌ égbé?”

Tíntɔ́n 2:21

Ée ɖyɔ̌vǐ lɛ́ɛ yi ylɔ́ Mɔyízi ɔ́, é yí gbe bó wá nɔ nya ɔ́ gɔ́n. Nya ɔ́ ká ná ɛ vǐ tɔn Sipɔ́la bɔ é da.

Tíntɔ́n 24:13

Énɛ́ ɔ́, Mɔyízi sɔ́ nǔ, bó ná yi só Mawu tɔn ɔ́ jí, éé kpódó Jozuwée e nɔ wa azɔ̌ xá ɛ ɔ́ kpó.

Tíntɔ́n 3:12

Mawu ká ɖɔ n'i ɖɔ: “Un ɖo kpɔ́ xá we. Nǔ e ná ɖe xlɛ́ we ɖɔ nyɛ wɛ sɛ́ we dó ɔ́ ɖíe: a ɖe togun ɔ́ tɔ́n sín Ejípu ɔ́, mi ná wá sɛn mì ɖo só élɔ́ jí.”

Tíntɔ́n 3:5

Bɔ Mawu ɖɔ: “Ma sɛkpɔ́ fí ó. Đe afɔkpa sín afɔ, ɖó ayǐkúngban e jí a ɖe ɔ́, ayǐkúngban ɖeɖóvo wɛ.”

Tíntɔ́n 33:6

Énɛ́ ɔ́, bɛ́ sín Holɛ́bu só ɔ́ kɔn ɔ́, Izlayɛ́li ví lɛ́ɛ ɖe nǔ e yě dǒ, bó dó ba acɔ́ ná lɛ́ɛ bǐ.

Tíntɔ́n 4:18

Mɔyízi lɛ́ kɔ yi Jetlo asi tɔn tɔ́ ɔ́ gɔ́n, bó ɖɔ n'i ɖɔ: “Kɛnklɛ́n ná gbe mì nú má lɛ́ kɔ yi nɔví ce lɛ́ɛ gɔ́n ɖo Ejípu, bó ná kpɔ́n ɖɔ yě kpo ɖo gbɛ a jí.” Jetlo ka ɖɔ nú Mɔyízi ɖɔ é ná yi ɖagbe.

Tíntɔ́n 4:27

Mawu Mavɔmavɔ ɖɔ nú Aalɔ́ɔn ɖó adagbigbo ɔ́ wú ɖɔ: “Yi kpé Mɔyízi ɖo gbětótló mɛ.” Ée Aalɔ́ɔn se mɔ̌ ɔ́, é yi nǔgbó, bó yi kpé Mɔyízi ɖo Mawu sín só ɔ́ kɔn, bó zunfán ɛ, bó kí si n'i.

Amɔ́si 1:1

Xó e Amɔ́si ɖɔ lɛ́ɛ wɛ ɖo wěma élɔ́ mɛ; Amɔ́si ɔ́, lɛ̌ngbɔ́nyitɔ́ e ɖo Tekowa toxo ɔ́ mɛ lɛ́ɛ ɖě wɛ. Mawu ɖe nǔ xlɛ́ ɛ dó togun Izlayɛ́li tɔn ɔ́ wú ɖo axɔ́sú Judáa tɔn Oziyási kpó axɔ́sú Izlayɛ́li tɔn Jelobowámu, Yexoázi ví ɔ́ kpó hwenu. Mawu ɖe nǔ énɛ́ ɔ́ xlɛ́ ɛ ɔ́, é bló xwe we cóbɔ ayǐkúngban dán wǔ.

Kɛ́nsísɔ́ 10:29

Mɔyízi ɖɔ xó nú Hobabu; Hobabu ɔ́, Hlewuyɛ́li e nyí Madiáani ví, bó nyí Mɔyízi sín asi tɔ́ ɔ́ sín vǐ wɛ; é ɖɔ n'i ɖɔ: “Mǐ xwe to e Mawu Mavɔmavɔ ɖɔ émí ná ná mǐ ɔ́ mɛ; wǎ xwedó mǐ hɛn yi; mǐ ná wa ɖagbe nú we, ɖó Mawu Mavɔmavɔ dó akpá nú mǐ Izlayɛ́li ví lɛ́ɛ ɖɔ émí ná wa ɖagbe nú mǐ.”

Kɛ́nsísɔ́ 10:33

Izlayɛ́li ví lɛ́ɛ gosín Mawu Mavɔmavɔ sín só ɔ́ kɔn ɖidó, bó ɖi zɔnlin xɔ azǎn atɔn; akɔjijɛgbá Mawu Mavɔmavɔ tɔn ɔ́ jɛ nukɔn nú yě. Mɛ e hɛn akɔjijɛgbá ɔ́ lɛ́ɛ ɖi zɔnlin xɔ azǎn atɔn, bó ba fí e yě ná gbɔjɛ́ ɖe ɔ́ ɖ'ayǐ.

Luki 2:8

Lɛ̌ngbɔ́nyitɔ́ ɖé lɛ́ɛ ɖo gbě énɛ́ ɔ́ jí, bó ɖo zǎn cɔ́ wɛ ɖo lɛ̌ngbɔ́ yětɔn lɛ́ɛ kɔn, ɖo gběhan mɛ.

Mɛsɛ́dó 7:30

“Xwe kanɖé (40) wá yi, bɔ wɛnsagun Mawu tɔn ɖokpó wá tɔ́n dó jǐ tɔn ɖo gbětótló Sinayíi só tɔn mɛ, ɖo zungodwe ɖé mɛ, bɔ zungodwe ɔ́ ɖo zo ji wɛ.

Sɛ́nflínmɛ 1:2

Ényí è gosín Holɛ́bu só ɔ́ kɔn, bó wlí ali e wá Seyíi só kan mɛ é, bó ná yi Kadɛ́ci-Baanɛ́ya ɔ́, è nɔ zun zɔnlin nú azǎn wǒ-ɖokpó.

Sɛ́nflínmɛ 1:6

Hwenu e mǐ ɖo Holɛ́bu só kɔn ɔ́, Mawu Mavɔmavɔ, Mawu mǐtɔn ɖɔ nú mǐ ɖɔ: “Mi ɖo só élɔ́ kpá din ɔ́, é kó lín.

Sɛ́nflínmɛ 4:10

“Mi flín gbe e gbe mi yi Mawu Mavɔmavɔ, Mawu mitɔn nukɔn ɖo Holɛ́bu só jí, bɔ é ɖɔ xó nú mì é. É ɖɔ nú mì ɖɔ: ‘Kplé togun ɔ́ bǐ nú mì, un jló ná ná sɛ́n ce lɛ́ɛ yě, bɔ yě ná tunwun lě e yě ná nɔ́ sí mì gbɔn ɖo gbɛ hwenu yětɔn ɖo ayǐkúngban jí fí é, bó ná lɛ́ tunwun lě e yě ná nɔ́ kplɔ́n sɛ́n ce lɛ́ɛ vǐ yětɔn lɛ́ɛ gbɔn é.’

Hwɛɖɔtɔ́ 4:11

Hebɛ́ɛ Keni ví ɔ́ ɖo Kedɛ́ci kpá. Đ'ayǐ ɔ́, é kó klán xá nɔví tɔn Keni ví ɖě lɛ́ɛ. Mɔyízi sín asitɔ́ Hobabu wɛ ka dó kún yětɔn. Hebɛ́ɛ ɔ́ yi bló goxɔ tɔn nyi cɛ́nitín ɖé kpá ɖo Saanánimu.

1 Samuwɛ́li 16:11

Samuwɛ́li gbɔ bo kanbyɔ́ Jɛsée ɖɔ: “Vǐ towe lɛ́ɛ bǐ jɛ́n ná?” Bɔ Jɛsée yí gbe n'i ɖɔ: “É kpo mɛ kpɛví ɔ́; è nɔ ylɔ́ ɛ ɖɔ Davídi; amɔ̌, é kplá gbɔ̌ lɛ́ɛ yi amagbo mɛ.” Énɛ́ ɔ́, Samuwɛ́li ɖɔ n'i ɖɔ: “Dǒ wɛn sɛ́ dó e din tlóló. É má wá fí ǎ ɔ́, mɛɖé ná ɖu nǔ e è xwlé Mawu é ǎ.”