Tíntɔ́n 27:2 - MAWUXÓWÉMA

² A nǎ bló vɔ̌sákpe ɔ́ bɔ é ná ɖó zo ɖo zwe tɔn ɛnɛ lɛ́ɛ ɖokpó ɖokpó jí; zo lɛ́ɛ ná tɔ́n ganjí, bɔ zwe lɛ́ɛ kpó vɔ̌sákpe ɔ́ kpó ná nɔ bǔ, bɔ a nǎ kɔn ganvɔ dó.

Tíntɔ́n 27:2 Iomraidhean Croise

1 Axɔ́sú 1:50

Adoniyasi lɔmɔ̌ ɖi xɛsi nú Salomɔ́ɔ bó yi goxɔ Mawu Mavɔmavɔ tɔn ɔ́ mɛ, bó zunfán vɔ̌sákpe ɔ́ sín zo lɛ́ɛ .

1 Axɔ́sú 2:28

Ée Jowabu se nǔ e jɛ dó Adoniyasi kpó Abiyatáa kpó jí é ɔ́, é hɔn yi goxɔ Mawu Mavɔmavɔ tɔn mɛ, bó zunfán vɔ̌sákpe ɔ́ sín zo lɛ́ɛ, ɖó Adoniyasi jí wɛ é nɔ; é nɔ Abusalɔ́mu jí ǎ.

1 Axɔ́sú 8:64

Gbe énɛ́ ɔ́ gbe ɔ́, axɔ́sú ɔ́ jó kɔ́xota e ɖo sinsɛnxɔ ɔ́ nukɔn ɔ́ bǐ nú Mawu Mavɔmavɔ. Đó vɔ̌sákpe ganvɔ tɔn e ɖo sinsɛnxɔ ɔ́ nukɔn ɔ́ sixú hɛn vɔ̌ lɛ́ɛ bǐ ǎ, bɔ Salomɔ́ɔ gbɔ bo dó vɔ̌ e è nɔ dó zo é, jinukúnvɔ́ lɛ́ɛ, kpó kanlin e è dǒ sá kɔnɖókpɔ́vɔ́ ná lɛ́ɛ sín jǒ kpó zo ɖo kɔ́xo ɔ́ ta.

2 Axɔ́sú 16:14

Akázi ɖe vɔ̌sákpe e è zě ganvɔ dó bló ná, bɔ é ɖo fínɛ́ ɖ'ayǐ ɔ́ síin. É jló nú vɔ̌sákpe énɛ́ ɔ́ ní nɔ vɔ̌sákpe yɔ̌yɔ́ ɔ́ kpó Mawu Mavɔmavɔ xwé ɔ́ kpó tɛ́ntin ǎ. É zé yi ɖó vɔ̌sákpe yɔ̌yɔ́ ɔ́ gúdo ɖo xwé ɔ́ sín taligbé.

2 Tan 4:1

È zě ganvɔ dó bló vɔ̌sákpe ɖokpó ná, bɔ ga tɔn nyí mɛ̌tlu wǒ, gblǒ tɔn lɔ ɔ́ nyí mɛ̌tlu wǒ, jǐ yiyi tɔn nyí mɛ̌tlu atɔ́ɔ́n.

Ɖɛhan 118:27

Mawu Mavɔmavɔ wɛ nyí Mawu, é wɛ nɔ́ ná wěziza mǐ. Mi dó kan kanlin e ná hu wɛ è ɖe lɛ́ɛ, bó dɔn yě yi káká vɔ̌sákpe ɔ́ sín zwe lɛ́ɛ kɔn.

Tíntɔ́n 27:3

A nǎ zé ganvɔ dó bló nǔ e è nǎ zǎn ɖo vɔ̌sákpe ɔ́ jí lɛ́ɛ: gannú e mɛ afín ná nɔ́ kɔn dó lɛ́ɛ, pɛ́li lɛ́ɛ, gannú lɛ́ɛ, gǎfu lɛ́ɛ, kpódó nǔ e mɛ è nǎ nɔ́ dó zǎlínkpɔ́n zo ɖe lɛ́ɛ kpó.

Tíntɔ́n 29:12

A nǎ yǐ nyibúsú ɔ́ sín hun ɖě, bó sɔ́ alɔví d'é mɛ, bó ɖá dó vɔ̌sákpe e ɖo goxɔ ɔ́ nukɔn ɔ́ sín zo lɛ́ɛ wú, bó ná húzú hun e kpo ɔ́ kɔn nyi vɔ̌sákpe ɔ́ sín afɔ wú.

Tíntɔ́n 38:30

Ganvɔ énɛ́ ɔ́ wɛ è zǎn dó bló só e ɖo goxɔ ɔ́ sín ali nu lɛ́ɛ ná, bó bló vɔ̌sákpe ɔ́ kpó ganja tɔn kpó, kpódó nǔ e è nɔ zán ɖo vɔ̌sákpe ɔ́ kɔn lɛ́ɛ bǐ kpó.

Ezekiyɛ́li 43:15

Vɔ̌sákpe ɔ́, akpáxwé tɔn e ɖo aga, bɔ adogwle ɖo fínɛ́ ɔ́, jǐ yiyi tɔn nyí nǔjlɛ́kpo yětɔn ɛnɛ bɔ zwe tɔn ɛnɛ lɛ́ɛ tɔ́n.

Levíi ví 16:18

É ná tɔ́n sín goxɔ ɔ́ mɛ bó ná yi vɔ̌sákpe e ɖo Mawu Mavɔmavɔ nukɔn ɔ́ kɔn, bó ná bló lě e è nɔ bló gbɔn, bó nɔ́ xwlé vɔ̌sánú Mawu Mavɔmavɔ ɔ́ dó slá wǔ nú vɔ̌sákpe ɔ́. É ná wún nyibúsú ɔ́ kpódó gbǎgbá ɔ́ kpó sín hun, bó ná sá dó vɔ̌sákpe ɔ́ sín zo lɛ́ɛ wú lɛ́ lɛ̌ dó.

Levíi ví 4:18

É ná sá hun ɔ́ ɖě dó vɔ̌sákpe e ɖo Mawu Mavɔmavɔ nukɔn, ɖo goxɔ ɔ́ mɛ fínɛ́ ɔ́ sín zo lɛ́ɛ wú. Énɛ́ ɔ́ gúdo ɔ́, é ná tɔ́n, bó ná kɔn hun e kpo ɔ́ bǐ nyi vɔ̌sákpe e jí è nɔ dó vɔ lɛ́ɛ zo ɖe, bɔ é ɖo goxɔ ɔ́ nukɔn ɔ́ sín dodó wú.

Levíi ví 4:25

Vɔ̌sánú-xwlémawutɔ́ ɔ́ ná sɔ́ alɔví tɔn dó kanlin ɔ́ sín hun mɛ, bó ná sá ɖě dó vɔ̌sákpe e jí è nɔ dó vɔ̌ lɛ́ɛ zo ɖe ɔ́ sín zo lɛ́ɛ wú, bó ná kɔn hun e kpo ɔ́ nyi vɔ̌sákpe ɔ́ sín dodó wú.

Levíi ví 4:7

É ná sá hun ɔ́ dó vɔ̌sákpe e jí è nɔ dó zǎlínkpɔ́n zo ɖe, bɔ é ɖo Mawu Mavɔmavɔ nukɔn, ɖo goxɔ ɔ́ mɛ fínɛ́ ɔ́ sín zo lɛ́ɛ wú. Énɛ́ ɔ́ gúdo ɔ́, é ná tɔ́n, bó ná kɔn nyibúsú ɔ́ sín hun e kpo ɔ́ bǐ nyi vɔ̌sákpe e jí è nɔ dó vɔ̌ lɛ́ɛ zo ɖe, bɔ é ɖo goxɔ ɔ́ sín alihɛ́nnu ɔ́ sín dodó wú.

Levíi ví 8:15

Mɔyízi gbo gbe nyibúsú ɔ́, bó yí hun tɔn bó sɔ́ alɔví tɔn d'é mɛ, bó sá dó vɔ̌sákpe ɔ́ sín zo lɛ́ɛ wú lɛ́ lɛ̌ dó, bó dó slá wǔ nú vɔ̌sákpe ɔ́. É kɔn hun e kpo ɔ́ nyi vɔ̌sákpe ɔ́ sín dodó wú; lě e é slá wǔ nú vɔ̌sákpe ɔ́, bó ɖe ɖó vo bɔ è nǎ nɔ́ sá vɔ̌ e nɔ súnsún hwɛ sín kɔ nú mɛ ɔ́ ɖ'é jí gbɔn ɔ́ nɛ́.

Zakalíi 9:15

Mawu Mavɔmavɔ Nǔbǐwúkpétɔ́ ɔ́ ná cyɔ́n alɔ jǐ yětɔn. É ná sɛ́ kɛ́njí dó bɔ é ná hu mɛ lɛ́ɛ, bó ná sú kún yětɔn dó. Yě ná ɖu ɖo mɛ e ná fɔ́n gǔ dó yě jí lɛ́ɛ jí. Yě ná kɔn kɛntɔ́ lɛ́ɛ sín hun nyi ayǐ, bɔ é ná sa tɔ vɛ̌ɛn ɖɔhun, abǐ kanlin e è dǒ sá vɔ̌ ná lɛ́ɛ sín hun e gɔ́ basya bó kɔn nyi vɔ̌sákpe ɔ́ sín zwe lɛ́ɛ mɛ é ɖɔhun.

Kɛ́nsísɔ́ 3:31

Hǔn yědɛɛ lɛ́ɛ wɛ nɔ kpé nukún dó akɔjijɛgbá ɔ́ kpódó távo ɔ́ kpó, kpódó zogbɛ́nhɛnnú ɔ́ kpó, kpódó vɔ̌sákpe lɛ́ɛ kpó, kpódó nǔzínzán e è nɔ dó wa sinsɛnzɔ́ ná, ɖo tɛn mímɛ́ ɔ́ mɛ lɛ́ɛ kpó, kpódó xɔmɛgbovɔ ɔ́ kpó, kpódó nǔ e ɖ'é wú lɛ́ɛ bǐ kpó wú.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.