Tíntɔ́n 27:1 - MAWUXÓWÉMA

¹ “A nǎ zé kasyatín dó bló vɔ̌sákpe ná. Akpáxwé tɔn lɛ́ɛ bǐ ná ɖó jlɛ̌ ɖokpó ɔ́; akpáxwé ɖokpó ɖokpó sín ga ná nyí mɛ̌tlu we adaɖé, jǐ yiyi tɔn ná nyí mɛ̌tlu ɖokpó adaɖé.

Tíntɔ́n 27:1 Iomraidhean Croise

2 Samuwɛ́li 24:18

Gbe énɛ́ gbe ɔ́, Gadi wá Davídi gɔ́n, bó ɖɔ n'i ɖɔ: “Yi gle e mɛ Alona Jebuzinu ɔ́ nɔ́ fún jinukún ɖe é mɛ, bó mɛ vɔ̌sákpe ɖokpó ɖó fínɛ́ nú Mawu Mavɔmavɔ.”

2 Axɔ́sú 16:14

Akázi ɖe vɔ̌sákpe e è zě ganvɔ dó bló ná, bɔ é ɖo fínɛ́ ɖ'ayǐ ɔ́ síin. É jló nú vɔ̌sákpe énɛ́ ɔ́ ní nɔ vɔ̌sákpe yɔ̌yɔ́ ɔ́ kpó Mawu Mavɔmavɔ xwé ɔ́ kpó tɛ́ntin ǎ. É zé yi ɖó vɔ̌sákpe yɔ̌yɔ́ ɔ́ gúdo ɖo xwé ɔ́ sín taligbé.

1 Tan 6:49

Izlayɛ́li ví lɛ́ɛ ná toxo énɛ́ lɛ́ɛ kpó ayǐkúngban e lɛ́ dó yě lɛ́ɛ kpó Levíi ví lɛ́ɛ.

2 Tan 4:1

È zě ganvɔ dó bló vɔ̌sákpe ɖokpó ná, bɔ ga tɔn nyí mɛ̌tlu wǒ, gblǒ tɔn lɔ ɔ́ nyí mɛ̌tlu wǒ, jǐ yiyi tɔn nyí mɛ̌tlu atɔ́ɔ́n.

Ɛsidlási 3:2

Vɔ̌sánú-xwlémawutɔ́ Jozuwée Yosadaku ví ɔ́, kpódó nɔví tɔn vɔ̌sánú-xwlémawutɔ́ ɖě lɛ́ɛ kpó, kpódó Zolobabɛ́li Calutiyɛ́li ví ɔ́ kpó, kpódó Zolobabɛ́li sín mɛ lɛ́ɛ kpó jɛ Mawu sín vɔ̌sákpe Izlayɛ́li ví lɛ́ɛ tɔn ɔ́ vɔ́ mɛ jí, bó ná nɔ xwlé vɔ̌ e è nɔ dó zo ɔ́ Mawu ɖ'é jí, lě e Mɔyízi ɖɛ̌mɛnu Mawu tɔn ɔ́ sín sɛ́n ɖɔ gbɔn é.

Tíntɔ́n 17:15

Mɔyízi mɛ vɔ̌sákpe ɖokpó bó ɖó nyǐkɔ ná ɖɔ: “Mawu Mavɔmavɔ wɛ nyí ahwansyá ce.”

Tíntɔ́n 24:4

Mɔyízi wlán nǔ e Mawu Mavɔmavɔ ɖɔ n'i lɛ́ɛ bǐ. Ayǐhɔ́ngbe tɔn ɔ́, é fɔ́n zǎn, bó bló vɔ̌sákpe ɖokpó ɖó só ɔ́ kpá, bó fɔ awǐnnya wěwe tun te nyi fínɛ́. Awǐnnya lɛ́ɛ ɖokpó ɖokpó nyi Izlayɛ́li sín akɔta wěwe lɛ́ɛ ɖokpó ɖokpó tɔn.

Tíntɔ́n 31:9

bó ná bló vɔ̌sákpe e jí è nǎ nɔ́ dó vɔ̌sánú lɛ́ɛ zo ɖe ɔ́ kpódó nǔ e è nǎ nɔ́ zán ɖ'é kɔn lɛ́ɛ kpó, bó ná bló ganzɛ́n kpó afɔ tɔn kpó,

Tíntɔ́n 35:16

Vɔ̌sákpe e jí è nɔ dó vɔ̌ zo ɖe é, kpó ganja tɔn e è zě ganvɔ dó bló ná é kpó, gankpo tɔn lɛ́ɛ kpódó nǔ e è nɔ zán ɖo vɔ̌sákpe ɔ́ kɔn lɛ́ɛ bǐ kpó, basya ɔ́ kpó nǔ e jí é nɔ́ nɔ ɔ́ kpó.

Tíntɔ́n 39:39

Vɔ̌sákpe e è sɔ́ ganvɔ dó bló ná é, ganja tɔn e è sɔ́ ganvɔ dó bló ná é, kpo e è nɔ dó sɔ́ ná lɛ́ɛ kpó nǔ e è nɔ zǎn ɖo vɔ̌sákpe ɔ́ kɔn lɛ́ɛ bǐ kpó; ganzɛ́n ɔ́ kpó nǔ e jí è sɔ́ ɖó ɔ́ kpó.

Tíntɔ́n 40:10

A nǎ sá ami mímɛ́ ɔ́ dó vɔ̌sákpe e jí è nɔ dó vɔ̌ zo ɖe ɔ́ kpó nǔ e è nǎ zán ɖ'é jí lɛ́ɛ bǐ kpó wú, bó ná ɖe vɔ̌sákpe ɔ́ ɖó vo nú mì; bɔ é ná nyí nǔ mímɛ́ titewungbe.

Tíntɔ́n 40:29

É zé vɔ̌sákpe e jí è nɔ dó vɔ̌ zo ɖe ɔ́ ɖó goxɔ ɔ́ sín alihɛ́nnu; é sá vɔ̌ e è nɔ dó zo ɔ́ kpó jinukúnvɔ́ kpó ɖ'é jí, lě e Mawu Mavɔmavɔ kó ɖɔ n'i gbɔn ɖ'ayǐ é.

Tíntɔ́n 40:6

A nǎ zě vɔ̌sákpe e jí è nɔ dó vɔ̌ zo ɖe ɔ́ ɖó goxɔ ɔ́ sín alihɛ́nnu.

Kɛ́nsísɔ́ 3:31

Hǔn yědɛɛ lɛ́ɛ wɛ nɔ kpé nukún dó akɔjijɛgbá ɔ́ kpódó távo ɔ́ kpó, kpódó zogbɛ́nhɛnnú ɔ́ kpó, kpódó vɔ̌sákpe lɛ́ɛ kpó, kpódó nǔzínzán e è nɔ dó wa sinsɛnzɔ́ ná, ɖo tɛn mímɛ́ ɔ́ mɛ lɛ́ɛ kpó, kpódó xɔmɛgbovɔ ɔ́ kpó, kpódó nǔ e ɖ'é wú lɛ́ɛ bǐ kpó wú.

Kɛ́nsísɔ́ 4:13

Vɔ̌sákpe e jí è nɔ dó vɔ̌ zo ɖe ɔ́, yě ná bɛ́ afín sín jí, bó ná tɛ́ avɔ vɔvɔ cɛ́cɛ́ ɖ'é jí,

Kɛ́nsísɔ́ 4:14

bó ná bɛ́ nǔ e è nɔ zán ɖo vɔ̌sísá hwenu lɛ́ɛ bǐ ɖ'é jí. Yě wɛ nyí afíngannú lɛ́ɛ, gǎfu lɛ́ɛ, pɛ́li lɛ́ɛ, basya lɛ́ɛ, nǔ e è ko nɔ sixú zán ɖo vɔ̌sákpe jí lɛ́ɛ bǐ, bó ná zé anyǔ tlitli cyɔ́n jí, bó ná bɛ́ kpo e è nɔ dó zé vɔ̌sákpe ɔ́ ná lɛ́ɛ dó alɔgan lɛ́ɛ mɛ.

Eblée 13:10

Vɔ̌sánú-xwlémawutɔ́ e nɔ wa azɔ̌ ɖo goxɔ e mɛ Jwifu lɛ́ɛ nɔ sɛn Mawu ɖe lɛ́ɛ mɛ ɔ́ ɖó acɛ e ɖu nǔ e è sɔ́ dó sá vɔ̌ nú Mawu ɖo vɔ̌sákpe mǐtɔn jí é ǎ.