Tíntɔ́n 26:1 - MAWUXÓWÉMA

¹ “Goxɔ ɔ́, lɛ̌ɛnkanvɔxwɛ gaga wǒ wɛ a nǎ dó bló ná. Avɔxwɛ lɛ́ɛ ɔ́, avɔlɔntɔ́ e alɔnu yětɔn mɛ́ ganjí lɛ́ɛ ná zé kan didɛ kwlésinnɔ, vɔvɔ, kpódó vɔvɔ cɛ́cɛ́ kpó dó lɔn ná, bó ná lɔn wɛnsagun susunɔ lɛ́ɛ gbɔn mɛ, dó ba acɔ́ ná.

Tíntɔ́n 26:1 Iomraidhean Croise

2 Samuwɛ́li 7:2

É wá su gbe ɖokpó, bɔ Davídi ɖɔ nú gbeyíɖɔ Natáan ɖɔ: “Xɔ e mɛ nyɛ ɖe ɔ́, sɛ́dlutín wɛ è dǒ gbá, bɔ akɔjijɛgbá Mawu tɔn ɔ́ ká ɖo avɔgoxɔ mɛ. Étɛ́ a lin d'é wú?”

1 Axɔ́sú 6:29

Salomɔ́ɔ zɔ́n bɔ è kun wɛnsagun susunɔ, bó kun děma, bó kun folówa kikɛ dó xwlɛ e è tɛ́ dó xɔ ɔ́ sín dǒ lɛ́ɛ wú lɛ́ lɛ̌ dó, ɖo gǔdo kpó xomɛ kpó lɛ́ɛ mɛ.

1 Tan 17:1

Axɔ́sú Davídi jɛ hɔn tɔn mɛ. É wá su gbe ɖokpó, bɔ é ɖɔ nú gbeyíɖɔ Mawu tɔn Natáan ɖɔ: “Kpɔ́n! Xɔ e mɛ nyɛ ɖe ɔ́, sɛ́dlutín wɛ è dǒ gbá, bɔ akɔjijɛgbá Mawu Mavɔmavɔ tɔn ɔ́ ká ɖo avɔgoxɔ mɛ. Étɛ́ a lin d'é wú?”

1 Tan 21:29

Nǔ ɖo mɔ̌ có, goxɔ Mawu Mavɔmavɔ tɔn e Mɔyízi dó ɖó gbětótló mɛ ɔ́ kpódó vɔ̌sákpe e jí è nɔ dó vɔ̌ zo ɖe ɔ́ kpó ɖo tɛn mímɛ́ mɛ ɖo Gabawɔ́ɔn hwenɛ́nu.

Tíntɔ́n 25:18

A nǎ zé siká dó tun wɛnsagun susunɔ we ɖó nusú ɔ́ sín tó we jí, ɖo gblǒ we lɛ́ɛ jí.

Tíntɔ́n 25:4

avɔ kwlésinnɔ, avɔ vɔvɔ, avɔ vɔvɔ cɛ́cɛ́, lɛ̌ɛnkanvɔ ɖagbe ɖagbe kpódó gbɔ̌fúnvɔ kpó.

Tíntɔ́n 25:8

Yě ná bló goxɔ ɖokpó nú mì, bɔ un ná nɔ yě mɛ.

Tíntɔ́n 26:2

Avɔxwɛ lɛ́ɛ bǐ ná ɖó jlɛ̌ ɖokpó ɔ́; ga yětɔn ná nyí mɛ̌tlu wɛ̌nɛ; bɔ gblǒ yětɔn ná nyí mɛ̌tlu we.

Tíntɔ́n 26:31

“A nǎ zé lɛ̌ɛnkanvɔ e dɛ kan ɔ́ dó bló xɔmɛgbovɔ ɖokpó ná, bɔ é ná ɖó hwɛkan kwlésinnɔ, vɔvɔ kpódó vɔvɔ cɛ́cɛ́ kpó. Avɔlɔntɔ́ lɛ́ɛ ná wa azɔ̌ tɔn ganjí, bó ná ɖe wɛnsagun susunɔ lɛ́ɛ d'é mɛ dó ba acɔ́ ná.

Tíntɔ́n 26:36

“A nǎ bló avɔ ɖokpó, bó dó ɖó Tɛn mímɛ́ ɔ́ sín ali nu, bɔ é ná ɖó hwɛkan kwlésinnɔ vɔvɔ kpódó vɔvɔ cɛ́cɛ́ kpó. Lɛ̌ɛnkanvɔ e dɛ kan ɔ́ wɛ è ka ná dó bló ná. Mɛ e nɔ kó avɔ lɛ́ɛ wɛ ká ná kó ganjí.

Tíntɔ́n 31:7

yě ná bló goxɔ e mɛ un ná nɔ́ wá kpé yě ɖe ɔ́, bó ná bló akɔjijɛgbá ɔ́, bó ná bló nusú tɔn, bó ná bló nǔ e è nɔ zán ɖo goxɔ ɔ́ mɛ lɛ́ɛ bǐ,

Tíntɔ́n 35:11

Nǔ élɔ́ lɛ́ɛ wɛ nyí Mawu xwé ɔ́: goxɔ ɔ́, avɔ e è nǎ cyɔ́n dó lɛ́ɛ, nǔhɛnnú lɛ́ɛ, xwlɛ lɛ́ɛ, wɛ̌n lɛ́ɛ, dotín lɛ́ɛ kpódó afɔ lɛ́ɛ kpó.

Tíntɔ́n 35:35

Ée Mawu Mavɔmavɔ ná nǔnywɛ́ yě bɔ é gɔ́ ayi yětɔn mɛ mɔ̌ ɔ́, yě ná nɔ wa azɔ̌ alɔkpa alɔkpa lɛ́ɛ bǐ: yě ná nɔ kpa awǐnnya ɖagbe ɖagbe lɛ́ɛ, yě ná nɔ ɖe nǔ dó avɔ mɛ, yě ná nɔ́ kó avɔ kwlésinnɔ, avɔ vɔvɔ, avɔ vɔvɔ cɛ́cɛ́; yě ná nɔ kó lɛ̌ɛnkanvɔ, yě ná nɔ́ lɔn avɔ, bó ná nɔ́ wa azɔ̌ tɛnmɛ tɛnmɛ lɛ́ɛ abǐ yě ná nɔ́ dó nǔ lɛ́ɛ wá.

Tíntɔ́n 35:6

Avɔ kwlésinnɔ, avɔ vɔvɔ, avɔ vɔvɔ cɛ́cɛ́, lɛ̌ɛnkanvɔ ɖagbe ɖagbe kpódó gbɔ̌fúnvɔ kpó.

Tíntɔ́n 36:35

È zě lɛ̌ɛnkanvɔ e dɛ kan ɔ́ dó bló xɔmɛgbovɔ ɖokpó ná, bɔ é ɖó hwɛkan kwlésinnɔ vɔvɔ kpó vɔvɔ cɛ́cɛ́ kpó. Avɔlɔntɔ́ e alɔnu yětɔn mɛ́ ganjí lɛ́ɛ ɖe wɛnsagun susunɔ lɛ́ɛ d'é mɛ dó ba acɔ́ ná.

Tíntɔ́n 39:3

È zě siká akú dó gan gbajagbaja bó sɛ́n kan tɔn bó gbɛ kan ɖɔhun, bó ján gbɔn kan kwlésinnɔ ɔ́, vɔvɔ ɔ́, vɔvɔ cɛ́cɛ́ ɔ́, kpó kan didɛ e è nɔ dó lɔn lɛ̌ɛnkanvɔ ná ɔ́ kpó mɛ; è blǒ bɔ é mɛ́ sin.

Tíntɔ́n 40:2

“Sun nukɔntɔn ɔ́ sín azǎn nukɔntɔn ɔ́ gbe ɔ́, a nǎ blǒ goxɔ e mɛ un ná nɔ wá kpé togun ɔ́ ɖe ɔ́, nɔtɛn ce ɔ́.

Kɛ́nsísɔ́ 3:25

Gɛɛcɔ́ni ví lɛ́ɛ nɔ́ kpé nukún dó Goxɔ ɔ́ wú; yě nɔ́ kpé nukún dó nǔ e ɖo Goxɔ ɔ́ mɛ lɛ́ɛ, nǔ e ɖo Mawu xwé lɛ́ɛ, nǔ e è nɔ cyɔ́n dó Goxɔ ɔ́ kpódó avɔ e ɖo Goxɔ ɔ́ sín ali nu ɔ́ kpó wú.

Kɛ́nsísɔ́ 4:25

Yě ná nɔ́ ɖíɖá Goxɔ ɔ́ sín avɔ ɖagbe ɖagbe lɛ́ɛ kpó avɔ ɖě lɛ́ɛ e è cyɔ́n Goxɔ ɔ́ jí lɛ́ɛ kpó, kpó anyǔ e è cyɔ́n avɔ lɛ́ɛ jí lɛ́ɛ kpó, kpódó avɔ e ɖo Goxɔ ɔ́ sín ali nu ɔ́ kpó.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Jǎan 2:21

Lo ɔ́, sinsɛnxɔ e xó ɖɔ nú yě wɛ Jezu ɖe hwenɛ́nu ɔ́, agbaza é ɖésúnɔ tɔn wɛ.

Eblée 8:2

É ɖo vɔ̌sánú-xwlémawutɔ́ ɖaxó sín azɔ̌ wa wɛ ɖo Tɛn mímɛ́ bǐ ɔ́ mɛ; Tɛn mímɛ́ bǐ e nyí goxɔ titewungbe e gbɛtɔ́ ma gbá ǎ, bɔ Aklúnɔ gbá é.

Eblée 9:2

È gbǎ goxɔ ɖokpó bɔ è nɔ ylɔ́ tɛn nukɔntɔn e ɖo goxɔ ɔ́ mɛ ɔ́ ɖɔ Tɛn mímɛ́. Fí énɛ́ ɔ́ wɛ è fɔ zogbɛ́nhɛnnú kpó távo kpó, kpódó wɔ̌xúxú e è xwlé Mawu lɛ́ɛ kpán ɖó.

Eblée 9:9

Nǔ énɛ́ ɔ́, xlɛ́ ɖé wɛ é nyí, bó ɖo xó ɖɔ dó hwenu e mǐ ɖe din ɔ́ wú wɛ. Nǔ énɛ́ ɔ́ ɖo tíntín mɛ wɛ ɖɔ nǔ e è nɔ ná Mawu lɛ́ɛ kpó vɔ̌ e è nɔ sɔ́ kanlin dó sá n'i ɔ́ kpó kún sixú bló bónú mɛ e ɖo Mawu sɛn gbɔn mɔ̌ wɛ ɔ́ sín ayi ní mɛ́, bónú nǔ vɔ ɖ'é wú ó.

Nǔɖexlɛ́mɛ 19:8

È nǎ acɛ asi tɔn ɖɔ ní dó akwɛ́núvɔ fɛ́ɖɛ́fɛ́ɖɛ́ ɖagbe ɖagbe e nɔ kɔ́n, bó mɛ́ é.” Đó mɛɖeɖóvo Mawu tɔn lɛ́ɛ sín azɔ̌ jlɔ́jlɔ́ lɛ́ɛ wɛ nyí akwɛ́núvɔ fɛ́ɖɛ́fɛ́ɖɛ́ ɖagbe ɖagbe ɔ́.

Nǔɖexlɛ́mɛ 21:3

Un se gbe ɖaxó ɖé gosín axɔ́súzinkpo ɔ́ kɔn, bó ɖo ɖiɖɔ wɛ ɖɔ: “Din ɔ́, nɔtɛn Mawu tɔn ɖo gbɛtɔ́ lɛ́ɛ tɛ́ntin! É ná nɔ xá yě, bɔ yě ná nyí togun tɔn. Mawu ɖésúnɔ ná nɔ kpɔ́ xá yě, bó ná nyí Mawu yětɔn.