Tíntɔ́n 24:8 - MAWUXÓWÉMA

⁸ Ée yě ɖɔ mɔ̌ ɔ́, Mɔyízi mi hun e é kɔn dó gannú mɛ lɛ́ɛ dó togun ɔ́ wú bó ɖɔ: “Mi ɖótó! Hun élɔ́ wɛ sɔ́ akɔ e Mawu Mavɔmavɔ ɖɔ xó nú mi bó dó jɛ xá mi ɔ́ sín afɔ ɖó te.”

Tíntɔ́n 24:8 Iomraidhean Croise

1 Axɔ́sú 8:21

Un bló tɛnmɛ nú gbǎ e mɛ akɔjijɛ sín nǔ lɛ́ɛ ɖe ɔ́ ɖó xɔ ɔ́ mɛ; akɔ e é jɛ xá tɔ́gbó mǐtɔn lɛ́ɛ, hwenu e é ɖe yě tɔ́n sín Ejípu é.”

1 Axɔ́sú 8:9

Nǔɖé ɖo akɔjijɛgbá ɔ́ mɛ zɛ awǐnnyatɛ we e Mɔyízi bɛ́ d'é mɛ ɖo Holɛ́bu, hwenu e Izlayɛ́li ví lɛ́ɛ tɔ́n sín Ejípu, bɔ Mawu Mavɔmavɔ jɛ akɔ xá yě ɔ́ wú ǎ.

Ɖɛhan 78:36

Lo ɔ́, yě jɛ xó víví ɖɔ jí, bó ná dó klɔ́ Mawu, yě sɔ́ nu yětɔn dó jɛ adingban ɖó n'i jí.

Tíntɔ́n 24:6

Mɔyízi kɔn kanlin e è hu lɛ́ɛ sín hun vlɔ̌ dó gannú mɛ gannú mɛ, bó mi vlɔ̌ e kpo ɔ́ dó vɔ̌sákpe ɔ́ wú.

Ezayíi 52:15

Amɔ̌, din ɔ́, xó tɔn kpácá togun gěgé; axɔ́sú lɛ́ɛ sɔ́ ná tunwun nǔ e yě ná ɖɔ ɖo nukɔn tɔn é ǎ, ɖó nǔ e mɔ wɛ yě ɖe ɔ́ gbɔn vo nú nǔ e è ɖɔ nú yě ɔ́. Nǔ e kpɔ́n wɛ yě ɖe é kpó nǔ e yě se ɔ́ kpó nyí nǔ ɖokpó ɔ́ ǎ.”

Jelemíi 31:32

É ná cí akɔ e un jɛ xá tɔ́gbó yětɔn lɛ́ɛ, gbe e gbe un hɛn alɔ yětɔn, bó ɖe yě tɔ́n sín Ejípu, lobɔ yě ma nɔ gbejí ná ǎ é ɖɔhun ǎ. Nyi wɛ kpa acɛ nú tɔ́gbó yětɔn lɛ́ɛ có yě ká nɔ gbejí nú akɔ e un jɛ xá yě ɔ́ ǎ.”

Ezekiyɛ́li 16:8

Un lɛ́ gbɔn akpá towe, bó mɔ ɖɔ a ko wínnyá bǐ bó ko su xɔ́ntɔn ɖó. Énɛ́ ɔ́, un vlɔ́n awu ce bo cyɔ́n nú we, bó hwlá mɛ̌ nú we. Un zin alɔ dó akɔ́n ɖɔ un ná nɔ gbejí nú we, lobo jɛ akɔ xá we. Lě e a hǔzú ce gbɔn é nɛ́; nyɛ Aklúnɔ Mavɔmavɔ wɛ ɖɔ mɔ̌.

Ezekiyɛ́li 36:25

Un ná kɔn sin mímɛ́ dó mi jí, bɔ mi ná húzú mɛ mímɛ́. Un ná lɛ mi sín nǔ blíblí e mi wa lɛ́ɛ kpó vodún e mi sɛn lɛ́ɛ kpó mɛ.

Levíi ví 8:30

Mɔyízi wún ami mímɛ́ ɔ́ kpódó hun e ɖo vɔ̌sákpe ɔ́ jí é kpɛɖé kpó, bó mi dó Aalɔ́ɔn kpó awu tɔn lɛ́ɛ kpó wú, bó mi dó vǐ tɔn súnnu lɛ́ɛ kpó awu yětɔn lɛ́ɛ kpó wú, bó dó ɖe yě kpó awu yětɔn lɛ́ɛ kpó ɖó vo nú Mawu Mavɔmavɔ.

Ajée 2:5

Un ko zin alɔ énɛ́ ɔ́ dó akɔ́n hwenu e mi tɔ́n sín Ejípu é. Un ka na nɔ tɛ́ntin mitɔn. Mi ma ɖi xɛsi ó.

Zakalíi 9:11

Mawu Mavɔmavɔ ɖɔ: “Đó akɔ e un jɛ xá mi bó sɔ́ hun ce slé jí ɔ́ wú ɔ́, un ná ɖe mɛ mitɔn e nyí gantɔ́, ɖo do gɔngɔn e mɛ sin ma ɖe ǎ mɛ lɛ́ɛ nyi te.

Matíe 26:28

Ɖó élɔ́ ɔ́, hun ce wɛ; hun e Mawu dó sɔ́ akɔjijɛ sín afɔ ɖó te ná ɔ́ wɛ. É wɛ kɔn nyi ayǐ, dó gbɛtɔ́ gěgé tamɛ, nú hwɛ sɔ́ kɛ mɛ.

Maki 14:24

Bɔ é ɖɔ nú yě ɖɔ: “Élɔ́ ɔ́ hun ce wɛ; hun e Mawu dó sɔ́ akɔjijɛ sín afɔ ɖó te ná ɔ́ wɛ; é wɛ kɔn nyi ayǐ dó mɛ gěgé tamɛ.

Luki 22:20

Ée yě ɖu nǔ gúdo ɔ́, é sɔ́ vɛ̌ɛn kɔ́fu ɔ́ lɔmɔ̌ nú yě, bó ɖɔ: “Vɛ̌ɛn élɔ́ ɔ́, hun ce wɛ; hun ce e Mawu dó sɔ́ akɔjijɛ yɔ̌yɔ́ ɔ́ sín afɔ ɖó te ná ɔ́ wɛ; é wɛ kɔn nyi ayǐ dó ta mitɔn mɛ.]

1 Kɔlɛ́ntinu 11:25

Mɔ̌ ɖokpó ɔ́, ée yě ɖu nǔ fó ɔ́, é zé kɔ́fu e mɛ vɛ̌ɛn ɖe ɔ́, bó ɖɔ: “Élɔ́ ɔ́, akɔjijɛ yɔ̌yɔ́ Mawu tɔn e sín afɔ hun ce sɔ́ ɖó te ɔ́ wɛ. Ényí mi ɖo nunu wɛ hweɖěbǔnu hǔn, mi nɔ nu dó flín mì ná.”

Efɛ́zinu 1:7

Đó Mawu ɖe mǐ sín nǔ nyanya mɛ, bó sɔ́ hwɛ mǐtɔn lɛ́ɛ kɛ mǐ gbɔn Jezu Klísu sín hun gbla mɛ . Lě e é ɖe xomɛnyínyɔ́ tɔn maɖójlɛ̌ ɔ́ xlɛ́ mǐ gbɔn é nɛ́.

Sɛ́nflínmɛ 5:2

Mawu Mavɔmavɔ, Mawu mǐtɔn jɛ akɔ xá mǐ ɖo Holɛ́bu só jí.

Eblée 10:29

Énɛ́ ɔ́, nɛ̌ é ka ná nyí gbɔn nú mɛ e gbɛ́ wǎn nú Mawu ví ɔ́ é lo? Mɛ e sɔ́ akɔjijɛ Mawu tɔn sín hun e gbla mɛ è slá wǔ n'i gbɔn ɔ́ dó mɔ nǔ yǎyá, bó zun Yɛ nǔbláwǔkúnúmɛtɔ́ ɔ́, nɛ̌ é ka ná nyí gbɔn n'i? Mi ɖésúnɔ ɔ́, mi ná ko tunwun ɖɔ tó e è nǎ dɔn nú mɛ énɛ́ ɔ́ ná nylá hú mɛ e gba Mɔyízisɛ́n ɔ́ é tɔn.

Eblée 13:20

Mawu fífánɔ ɔ́ fɔ́n lɛ̌ngbɔ́nyitɔ́ ɖaxó Aklúnɔ mǐtɔn Jezu sín mɛkúkú lɛ́ɛ mɛ gbɔn hun akɔjijɛ mavɔ mavɔ ɔ́ tɔn gbla mɛ ɔ́,

Jozuwée 24:25

Gbe nɛ́ ɔ́ gbe ɖo Sikɛ́mu ɔ́, Jozuwée jɛ akɔ xá togun ɔ́. É dó sɛ́n lɛ́ɛ nú yě, bó ɖɔ tito e yě ná xwédo lɛ́ɛ nú yě.

1 Piyɛ́ɛ 1:2

Mawu Tɔ́ ɔ́ cyán mi, bɔ é sɔgbe xá lě e é ɖésúnɔ ko to gbɔn ɖ'ayǐ é, bɔ mi nyí mɛɖeɖóvo tɔn, gbɔn Yɛ tɔn sín nǔwiwa gbla mɛ, nú mi ná se tónú nú Jezu Klísu, bɔ hun tɔn ná lɛ mi wé. Mawu ní ná fɛ́nú kpó fífá kpó mi ní túnflá.