Tíntɔ́n 24:4 - MAWUXÓWÉMA

⁴ Mɔyízi wlán nǔ e Mawu Mavɔmavɔ ɖɔ n'i lɛ́ɛ bǐ. Ayǐhɔ́ngbe tɔn ɔ́, é fɔ́n zǎn, bó bló vɔ̌sákpe ɖokpó ɖó só ɔ́ kpá, bó fɔ awǐnnya wěwe tun te nyi fínɛ́. Awǐnnya lɛ́ɛ ɖokpó ɖokpó nyi Izlayɛ́li sín akɔta wěwe lɛ́ɛ ɖokpó ɖokpó tɔn.

Tíntɔ́n 24:4 Iomraidhean Croise

Bǐbɛ́mɛ 12:7

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.

Bǐbɛ́mɛ 28:18

Jakɔ́bu fɔ́n zǎn, bó zé awǐnnya e é ɖó kɔ ɔ́ tun te, bó dó bló awǐnnya e è nǎ nɔ́ sɛn é, bó kɔn ami d'é jí.

Bǐbɛ́mɛ 28:22

Awǐnnya élɔ́ e un sɔ́ tun te dó bló awǐnnya e è nǎ nɔ́ sɛn ɔ́ ná nyí Mawu xwé.” Bɔ é ɖɔ nú Mawu ɖɔ: “Nǔ e a nǎ ná mì lɛ́ɛ ɔ́, un ná ná we bǐ sín mǎɖówǒ.”

Bǐbɛ́mɛ 31:45

Énɛ́ ɔ́, Jakɔ́bu sɔ́ awǐnnya ɖokpó tun te, bónú é ná nyí flǐn nú yě.

1 Axɔ́sú 11:30

Axiya dɔn awu yɔ̌yɔ́ e é dó ɔ́, bó hɛn tlɛ́n ɖó wěwe,

1 Axɔ́sú 18:31

É bɛ́ awǐnnya wěwe bɔ é sɔgbe xá Jakɔ́bu ví lɛ́ɛ sín akɔta wěwe lɛ́ɛ. Jakɔ́bu wɛ Mawu Mavɔmavɔ ɖɔ yě ná nɔ ylɔ́ ɖɔ Izlayɛ́li.

Ɛsidlási 6:17

Nyibúsú kanwe ko (100) kpódó agbo afɔɖé (200) kpó, kpódó lɛ̌ngbɔ́ví afɔwe kpó wɛ è do sá vɔ̌ nú Mawu ɖó xwe ɔ́ tamɛ. Yě lɛ́ zé gbǎgbá wěwe dó sá vɔ̌ nú Mawu, bónú é ná sɔ́ hwɛ kɛ Izlayɛ́li togun ɔ́ bǐ. Gbǎgbá ɖokpó ɖokpó ɖo akɔta ɖokpó ɖokpó sín tɛnmɛ.

Nɛɛmíi 10:1

“Nǔ e gbo mǐ lɛ́ɛ bǐ zɔ́n bɔ mǐ ɖe gbeta tɔ́n, bó zin alɔ dó akɔ́n ɖɔ mǐ ná nyi sɛ́n ɔ́. Gbeta énɛ́ ɔ́, mǐ wlán dó wěma mɛ, bó ɖó wuntun, bɔ gǎn mǐtɔn lɛ́ɛ, Levíi ví lɛ́ɛ, kpódó vɔ̌sánú-xwlémawutɔ́ mǐtɔn lɛ́ɛ kpó tɛ alɔ mɛ.

Tíntɔ́n 17:14

Mawu Mavɔmavɔ ɖɔ nú Mɔyízi ɖɔ: “Wlǎn nǔ e jɛ lɛ́ɛ bǐ dó wěma mɛ, bónú è ma wɔn ó. Đɔ nú Jozuwée ɖɔ un ná sú Amalɛ́ki ví lɛ́ɛ sín kún dó, mɛ ɖěbǔ sɔ́ ná flín yě ɖo ayǐkúngban ɔ́ jí ǎ.”

Tíntɔ́n 17:15

Mɔyízi mɛ vɔ̌sákpe ɖokpó bó ɖó nyǐkɔ ná ɖɔ: “Mawu Mavɔmavɔ wɛ nyí ahwansyá ce.”

Tíntɔ́n 21:1

Mawu Mavɔmavɔ lɛ́ ɖɔ nú Mɔyízi ɖɔ: “Sɛ́n e Izlayɛ́li ví lɛ́ɛ ná xwedó dó hɛn mɛsɛntɔ́ Eblée lɛ́ɛ, bɔ a nǎ ɖɔ nú yě ɔ́ ɖíe:

Tíntɔ́n 24:7

Énɛ́ ɔ́ gúdo ɔ́, é zé akɔjijɛwéma ɔ́, bó zé gbe dó jǐ, lobo xa nú togun ɔ́, bɔ yě ɖɔ: “Mǐ ná bló nǔ e Mawu Mavɔmavɔ ɖɔ lɛ́ɛ bǐ, mi ná se tónú n'i.”

Tíntɔ́n 28:21

È nǎ wlán Jakɔ́bu ví lɛ́ɛ ɖokpó ɖokpó sín nyǐkɔ ɖó awǐnnya lɛ́ɛ ɖokpó ɖokpó wú, lě e awǐnnyazɔ́watɔ́ nɔ́ kun nǔ dó awǐnnya wú gbɔn é. Bɔ awǐnnya énɛ́ lɛ́ɛ nyí xlɛ̌ akɔta Izlayɛ́li tɔn wěwe lɛ́ɛ tɔn.

Tíntɔ́n 34:27

Mawu Mavɔmavɔ lɛ́ ɖɔ nú Mɔyízi ɖɔ: “Wlǎn xó énɛ́ lɛ́ɛ, ɖó xó énɛ́ lɛ́ɛ wɛ un ná xwedó bó ná jɛ akɔ xá hwi kpódó Izlayɛ́li togun ɔ́ kpó.”

Ezayíi 19:19

Ayǐ ɖokpó ná wá hɔ́n, bɔ è nǎ mɛ vɔ̌sákpe ɖokpó nú Mawu Mavɔmavɔ ɖó Ejípu to ɔ́ tɛ́ntin, bó ná dó awǐnnya ɖokpó do ɖó to ɔ́ sín dogbó jí, bó ná dó zé Mawu Mavɔmavɔ su.

Levíi ví 24:5

Mawu Mavɔmavɔ ɖɔ nú Mɔyízi ɖɔ: “Zě linfín dó ɖa wɔ̌xúxú gbajagbaja wěwe ná. Wɔ̌xúxú ɖokpó ɖokpó ní da kilóo ayizɛ́n.

Kɛ́nsísɔ́ 17:2

“Đɔ nú vɔ̌sánú-xwlémawutɔ́ Eleazáa, Aalɔ́ɔn ví ɔ́ ɖɔ é ní cyán zǎlínkpɔ́nfyɔ́nú lɛ́ɛ sín myɔ mɛ, bó kɔn myɔkán lɛ́ɛ nyi gbě; nǔ mímɛ́ wɛ zǎlínkpɔ́nfyɔ́nú énɛ́ lɛ́ɛ nyí.

Luki 22:30

bónú mi na ɖu nǔ, bó nu sin xá mì, ɖo axɔ́súɖuto ce mɛ, lobo na jínjɔ́n axɔ́súzinkpo jí, bó na ɖɔ hwɛ xá Izlayɛ́li sín akɔta wěwe lɛ́ɛ.”

Galatinu 2:9

Jaki kpódó Sefási kpó, kpódó Jǎan kpán wɛ è nɔ mɔ ɖɔ yě nyí sósyɛ́n nú agun lɛ́ɛ; ée yě mɔ ɖɔ Mawu sɔ́ azɔ̌ énɛ́ dó así nú mì ɔ́, yě ná alɔ nyɛ kpódó Baanabási kpó, bó dó ɖe xlɛ́ ɖɔ azɔ̌ ɖokpó ɔ́ wa wɛ mǐ ɖe. Énɛ́ ɔ́, mǐ bǐ ɖó gbe kpɔ́, bɔ nyɛ kpódó Baanabási kpó ná yi mɛ e ma nyí Jwifu ǎ lɛ́ɛ gɔ́n, bɔ yědɛɛ lɛ́ɛ ná yi mɛ e nyí Jwifu lɛ́ɛ gɔ́n.

Sɛ́nflínmɛ 31:9

Mɔyízi wlán sɛ́n ɔ́ bó zé dó así nú Levíi ví vɔ̌sánú-xwlémawutɔ́ lɛ́ɛ; yě wɛ nɔ ɖíɖá akɔjijɛgbá Mawu Mavɔmavɔ tɔn ɔ́. Yě kpó tomɛxó Izlayɛ́li tɔn lɛ́ɛ kpó wɛ Mɔyízi zé sɛ́n ɔ́ jó ná.

Jozuwée 4:20

Jozuwée ɖɔ bɔ yě tɛ́ awǐnnya wěwe e yě bɛ́ sín Judɛ́ɛn tɔ ɔ́ mɛ lɛ́ɛ ɖó Gilugalu.

Jozuwée 4:5

Jozuwée ɖɔ nú yě ɖɔ: “Mi jɛ Mawu Mavɔmavɔ, Mawu mitɔn sín akɔjijɛgbá ɔ́ nukɔn, bó yi tɔ ɔ́ sín azan jí. Mi mɛ ɖokpó ɖokpó ná zé awǐnnya ɖokpó ɖokpó ɖó abɔ̌ ta. Awǐnnya ɖokpó ɖokpó ná nyí Izlayɛ́li sín akɔta lɛ́ɛ ɖokpó ɖokpó tɔn.

Nǔɖexlɛ́mɛ 21:14

Dǒ ɖaxó e è mɛ lɛ́ lɛ̌ dó toxo ɔ́, awǐnnya wěwe jí wɛ è dǒ do ɖó, bó wlǎn Lɛ̌ngbɔ́ví ɔ́ sín mɛsɛ́dó wěwe lɛ́ɛ sín nyǐkɔ dó awǐnnya énɛ́ lɛ́ɛ wú.