Tíntɔ́n 24:3 - MAWUXÓWÉMA

³ Mɔyízi yi wlí nǔ e Mawu Mavɔmavɔ ɖɔ n'i lɛ́ɛ bǐ ɖɔ nú togun ɔ́; yě ká ɖó gbe kpɔ́, bó yí gbe ɖɔ: “Mi ná bló nǔ e Mawu Mavɔmavɔ ɖɔ ɔ́ bǐ.”

Tíntɔ́n 24:3 Iomraidhean Croise

2 Tan 15:14

Kpɛn kpó lanzo kpó ɖo nǔ ɖɔ wɛ bɔ yě zě gbe dó jǐ, bó dó akpá nú Mawu Mavɔmavɔ kpó awǒbóbó kpó.

2 Tan 15:15

Akpá énɛ́ ɔ́ e yě dó ɔ́ víví nú Judáanu lɛ́ɛ bǐ, ɖó yě dó akpá ɔ́ kpódó ayixa yětɔn bǐ kpó. Yě mɛ bǐ nɔ́ sɛn Mawu Mavɔmavɔ kpó jlǒ yě ɖésúnɔ tɔn kpó, bɔ Mawu Mavɔmavɔ zé éɖée xlɛ́ yě, bó ná ayij'ayǐ yě gbɔn ɖisí amyɔ.

Ɖɛhan 50:5

É ɖɔ: “Mi kplé mɛ e ɖo gbejí nú mì lɛ́ɛ, yě mɛ e sá vɔ̌ dó jɛ akɔ xá mì lɛ́ɛ nú mì!”

Tíntɔ́n 19:8

bɔ togun ɔ́ bǐ ɖó gbe kpɔ́, bó ɖɔ: “Mǐ ná bló nǔ e Mawu Mavɔmavɔ ɖɔ lɛ́ɛ bǐ.” Bɔ Mɔyízi ɖidó xó e togun ɔ́ ɖɔ lɛ́ɛ ɖɔ nú Mawu Mavɔmavɔ gbé.

Tíntɔ́n 24:2

Mɔyízi, hwɛ ɔ́, hwi ɖokpónɔ géé ná sɛkpɔ́ mì, mɛ ɖě lɛ́ɛ ɖě ní má sɛkpɔ́ mì ó; togun ɔ́ ní má ká xwedó mi wá só ɔ́ jí ó.”

Tíntɔ́n 24:7

Énɛ́ ɔ́ gúdo ɔ́, é zé akɔjijɛwéma ɔ́, bó zé gbe dó jǐ, lobo xa nú togun ɔ́, bɔ yě ɖɔ: “Mǐ ná bló nǔ e Mawu Mavɔmavɔ ɖɔ lɛ́ɛ bǐ, mi ná se tónú n'i.”

Jelemíi 11:4

Đ'ayǐ ɔ́, un ɖe tɔ́gbó mitɔn lɛ́ɛ sín Ejípu, zo hɛhɛ mɛ. Hwenɛ́nu wɛ un ko ɖɔ akɔjijɛ énɛ́ ɔ́ sín xó nú yě. Un ɖɔ nú yě ɖɔ: ‘Mi ɖótó xó ce lɛ́ɛ, mi bló nǔ e un ná ɖɔ nú mi lɛ́ɛ. Ényí mi bló ɔ́, mi ná nyí togun ce, bɔ un ná nyí Mawu mitɔn.

Jelemíi 34:13

“Xó e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe: Nyɛ lɔmɔ̌ jɛ akɔ ɖokpó xá tɔ́gbó mitɔn lɛ́ɛ, hwenu e un ɖe yě tɔ́n sín Ejípu, fí e yě ɖo mɛ kannu ɖe é.

Ajée 2:5

Un ko zin alɔ énɛ́ ɔ́ dó akɔ́n hwenu e mi tɔ́n sín Ejípu é. Un ka na nɔ tɛ́ntin mitɔn. Mi ma ɖi xɛsi ó.

Malacíi 2:10

Mǐ bǐ wɛ ɖó tɔ́ ɖokpó ɔ́ ǎ cé? Mawu ɖokpó ɔ́ wɛ ɖó mǐ bǐ ǎ cé? Étɛ́wú wɛ mǐ ma ka nɔ nɔ gbejí nú mǐɖée ǎ, bó nɔ́ hɛn akɔ e Mawu jɛ xá tɔ́gbó mǐtɔn lɛ́ɛ ɔ́ gblé?

Sɛ́nflínmɛ 11:1

Mɔyízi ɖɔ: “Mi yí wǎn nú Mawu Mavɔmavɔ, Mawu mitɔn; mi zé sɛ́n tɔn lɛ́ɛ, gbetakɛ́n tɔn lɛ́ɛ kpó nǔ e é zɔ́n lɛ́ɛ kpó dó wa azɔ̌ ná hwebǐnu.

Sɛ́nflínmɛ 4:1

Mɔyízi ɖɔ: “Din ɔ́, Izlayɛ́li ví lɛ́ɛ e mi, mi xwedó sɛ́n e un kplɔ́n mi lɛ́ɛ kpó nǔ e Mawu zɔ̌n mi lɛ́ɛ kpó. Mi zé yě dó wa azɔ̌ ná. Mi bló mɔ̌ ɔ́, mi ná nɔ gbɛ, bó ná yí to e ná mi wɛ Mawu Mavɔmavɔ, Mawu tɔ́gbó mitɔn lɛ́ɛ tɔn ɖe é.

Sɛ́nflínmɛ 4:45

Ée yě tɔ́n sín Ejípu ɔ́, Mɔyízi ɖɔ su e yě ná nyi lɛ́ɛ, nǔ e yě ná wa lɛ́ɛ, nǔ e Mawu zɔ́n lɛ́ɛ nú yě.

Sɛ́nflínmɛ 4:5

“Éɖíe, un kplɔ́n sɛ́n lɛ́ɛ kpó nǔ e Mawu zɔ́n lɛ́ɛ kpó mi lě e Mawu Mavɔmavɔ, Mawu ce ɖɔ nyɛ ní bló gbɔn é, bónú mi ná zé yě dó wa azɔ̌ ná, ɖo to e ná yí wɛ mi ɖe é mɛ.

Sɛ́nflínmɛ 5:1

Mɔyízi kplé Izlayɛ́li ví lɛ́ɛ bǐ, bó ɖɔ nú yě ɖɔ: “Izlayɛ́li ví lɛ́ɛ e mi, mi ɖótó sɛ́n kpó nǔ e Mawu zɔ́n, bɔ è ja xixa nú mi gbé égbé din lɛ́ɛ kpó. Mi kpé nukún dó yě wú, bó kplɔ́n, bó zé yě dó wa azɔ̌ ná.

Sɛ́nflínmɛ 5:31

Amɔ̌, hwɛ ɔ́, nɔ gɔ̌n ce fí. Un ná ɖɔ gbetakɛ́n lɛ́ɛ, sɛ́n lɛ́ɛ, kpó nǔ e un ná zɔ́n lɛ́ɛ bǐ kpó nú we. A nǎ yi kplɔ́n yě, bɔ yě ná zé dó wa azɔ̌ ná, ɖo to e ná yě wɛ un ɖe, bɔ é ná nyí yětɔn ɔ́ mɛ.’ ”

Sɛ́nflínmɛ 6:1

Mɔyízi ɖɔ: “Mawu Mavɔmavɔ, Mawu mitɔn ɖɔ nyɛ ní kplɔ́n gbetakɛ́n tɔn lɛ́ɛ, sɛ́n tɔn lɛ́ɛ kpó nǔ e é zɔ́n lɛ́ɛ kpó mi. Yě wɛ mi ná zé dó wa azɔ̌ ná ɖo to e ná yí wɛ mi ɖe ɔ́ mɛ.

Jozuwée 24:21

Ée Jozuwée ɖɔ mɔ̌ ɔ́, togun ɔ́ yí xó bó ɖɔ: “Gbeɖé, Mawu Mavɔmavɔ jɛ́n mǐ ná sɛn.”

Jozuwée 24:22

Jozuwée lɛ́ yí xó bó ɖɔ: “É nyí mɔ̌ hǔn, mi ɖésúnɔ wɛ nyí kúnnuɖetɔ́ miɖée tɔn. Mi ɖésúnɔ wɛ yí gbe ɖɔ émí ná sɛn Mawu Mavɔmavɔ nɛ́.” Bɔ yě yí gbe ɖɔ: “Ɛɛn! Mǐ ɖésúnɔ wɛ nyí kúnnuɖetɔ́ mǐɖée tɔn.”

Jozuwée 24:24

Togun ɔ́ ká yí gbe nú Jozuwée ɖɔ: “Mǐ ná sɛn Mawu Mavɔmavɔ, Mawu mǐtɔn, bó ná bló nǔ e é ɖɔ lɛ́ɛ.”