Tíntɔ́n 24:1 - MAWUXÓWÉMA

¹ Mawu Mavɔmavɔ ɖɔ nú Mɔyízi ɖɔ: “Wǎ gɔ̌n ce ɖo só ɔ́ jí; hwi kpó mɛ e ná wá lɛ́ɛ kpó ɖíe: Aalɔ́ɔn, Nadavu, Avihu, kpódó tomɛxó Izlayɛ́li tɔn kanɖé gban (70) kpó. Mi ná nɔ zɔ bó ná ɖe kɔ́ nú mì.

Tíntɔ́n 24:1 Iomraidhean Croise

1 Tan 6:3

Kexáti ví lɛ́ɛ ɖíe: Amulámu, Yisexáa, Eblɔ́n kpódó Wuziyɛ́li kpó.

Tíntɔ́n 1:5

Jakɔ́bu ví e wá Ejípu lɛ́ɛ bǐ bló kanɖé gban (70). Vǐ tɔn Jozɛ́fu ɔ́ ká kó ɖo Ejípu hwenɛ́nu nɛ́.

Tíntɔ́n 19:20

Ée Mawu Mavɔmavɔ jɛ te wá Sinayíi só ɔ́ jí aga ɔ́, é ylɔ́ Mɔyízi, bɔ é yi só ɔ́ jí aga,

Tíntɔ́n 19:24

Bɔ Mawu Mavɔmavɔ ɖɔ nú Mɔyízi ɖɔ: “Jɛ te yi fí e togun ɔ́ ɖó gɔnu ɖó ɔ́; énɛ́ ɔ́ gúdo ɔ́, hwi kpó Aalɔ́ɔn kpó ná xá só ɔ́ jí. Amɔ̌, vɔ̌sánú-xwlémawutɔ́ lɛ́ɛ kpó togun ɔ́ kpó ní má syɛ́n ta bo wá ba nǔ do ó, é má nyí mɔ̌ ǎ ɔ́, un táá wa nǔ xá yě.”

Tíntɔ́n 19:9

Ée é yi ɔ́, Mawu Mavɔmavɔ ɖɔ n'i ɖɔ: “Un ná zɔn akpɔ́kpɔ́ wiwi ɖé mɛ wá gɔ̌n towe, bónú Izlayɛ́li ví lɛ́ɛ ná se gbe ce hwenu e un ná ɖo xó ɖɔ xá we wɛ é, bó ná nɔ ɖeji dó wǔ towe hwebǐnu.” Mɔyízi ɖɔ xó e togun ɔ́ ɖɔ lɛ́ɛ nú Mawu Mavɔmavɔ.

Tíntɔ́n 20:21

Énɛ́ ɔ́, Izlayɛ́li ví lɛ́ɛ nɔ zɔ bɔ Mɔyízi sɛkpɔ́ akpɔ́kpɔ́ wiwi e mɛ Mawu ɖe é.

Tíntɔ́n 24:15

Ée Mɔyízi ɖɔ mɔ̌ ɔ́, é xá só ɔ́ jí bɔ akpɔ́kpɔ́ cyɔ́n só ɔ́.

Tíntɔ́n 24:2

Mɔyízi, hwɛ ɔ́, hwi ɖokpónɔ géé ná sɛkpɔ́ mì, mɛ ɖě lɛ́ɛ ɖě ní má sɛkpɔ́ mì ó; togun ɔ́ ní má ká xwedó mi wá só ɔ́ jí ó.”

Tíntɔ́n 24:9

Énɛ́ ɔ́ gúdo ɔ́, Mɔyízi xá só ɔ́ jí; é kpódó Aalɔ́ɔn, kpó Nadavu, kpó Avihu, kpódó tomɛxó Izlayɛ́li tɔn kanɖé gban (70) lɛ́ɛ kpó.

Tíntɔ́n 28:1

Mawu Mavɔmavɔ lɛ́ ɖɔ nú Mɔyízi ɖɔ: “Mɔyízi, ylɔ̌ nɔví towe Aalɔ́ɔn ní wá gɔ̌n towe, é kpódó vǐ tɔn Nadavu, Avihu, Eleazáa kpódó Itamáa kpó. A nǎ ɖe yě ɖó vo nú Izlayɛ́li ví ɖě lɛ́ɛ, bɔ yě ná nɔ wa vɔ̌sánú-xwlémawutɔ́zɔ́ nú mì.

Tíntɔ́n 3:5

Bɔ Mawu ɖɔ: “Ma sɛkpɔ́ fí ó. Đe afɔkpa sín afɔ, ɖó ayǐkúngban e jí a ɖe ɔ́, ayǐkúngban ɖeɖóvo wɛ.”

Tíntɔ́n 34:2

Sɔ́ nǔ ɖ'ayǐ nú sɔ zǎnzǎn; a nǎ fɔ́n zǎn bó ná xá Sinayíi só ɔ́ jí, bó nɔ te kpɔ́n mì ɖo fínɛ́.

Tíntɔ́n 6:23

Aalɔ́ɔn da Aminadabu ví Elizabɛ́ti, Naxicɔ́ni nɔví ɔ́, bɔ é ji Nadavu, Avihu, Eleazáa kpódó Itamáa kpó n'i.

Ezekiyɛ́li 8:11

Un mɔ tomɛxó Izlayɛ́li tɔn kanɖé gban (70) ɖo ɖiɖe énɛ́ lɛ́ɛ nukɔn; Yaazaniyahu Cafáni ví ɔ́ ɖo yě mɛ. Tomɛxó lɛ́ɛ ɖokpó ɖokpó hɛn zǎlínkpɔ́nfyɔ́nú alɔ mɛ, bɔ zǎlínkpɔ́n ɖo azɔ si ɖ'é mɛ wɛ gɔgɔgɔ.

Kɛ́nsísɔ́ 11:16

Ée Mɔyízi ɖɔ mɔ̌ ɔ́, Mawu Mavɔmavɔ ɖɔ n'i ɖɔ: “Kplé tomɛxó Izlayɛ́li tɔn e a tunwun ɖɔ yě nyí tomɛxó, bó ɖó acɛ ɖo togun ɔ́ jí lɛ́ɛ kanɖé gban (70). A nǎ kplá yě wá Goxɔ ɔ́ kɔn, bɔ yě kpódó hwi kpó ná nɔ nukɔn ce fínɛ́.

Luki 10:1

Énɛ́ gúdo ɔ́, Aklúnɔ lɛ́ ɖe ahwanvú kanɖé gban-nukún-we (72), bó sɛ́ yě dó webɔ webɔ, bɔ yě jɛ nukɔn n'i yi to e mɛ é ɖésú ɖó ná yi lɛ́ɛ, kpódó fí e é ɖó ná gbɔn lɛ́ɛ bǐ kpán.

Luki 10:17

Ahwanvú lɛ́ɛ lɛ́ kɔ wá kpódó xomɛhunhun kpán, bó ɖɔ nú Jezu ɖɔ: “Aklúnɔ, mǐ ylɔ́ nyǐkɔ towe lě ɔ́, yɛ nyanya lɛ́ɛ ɖésú nɔ jó ta nú mǐ.”

Sɛ́nflínmɛ 1:15

Énɛ́ ɔ́, un cyán gbɛtɔ́ nǔnywɛ́tɔ́, gbɛtɔ́ e è sixú ɖe kúnnu ɖagbe ná, bɔ yě kó ɖó azɔ̌, bó nɔ́ wa ɖo akɔta mitɔn lɛ́ɛ mɛ lɛ́ɛ. Un zé mɛ ɖě ɖó gbɛtɔ́ afatɔ́n (1.000) nu, bó zé mɛ ɖě ɖó gbɛtɔ́ kanwe ko (100) nu; mɛ ɖě kpa acɛ dó gbɛtɔ́ kanɖé wǒ (50) abǐ wǒ nu? Un zɔ́n mɛ ɖě lɛ́ɛ ɖɔ yě ní cɔ́ mɛ lɛ́ɛ ɖo akɔta ɖokpó ɖokpó mɛ.