Tíntɔ́n 23:3 - MAWUXÓWÉMA

³ Nú è ɖo hwɛ ɖɔ wɛ hǔn, mi ma nɔ mɛɖé jí ó; mɛ ɔ́ ná bó nyí wamamɔnɔ hǔn, mi ma nɔ jǐ tɔn ó.

Tíntɔ́n 23:3 Iomraidhean Croise

Tíntɔ́n 23:6

“Mi ma táfú wamamɔnɔ e ɖo to mitɔn mɛ lɛ́ɛ ɖo hwɛ nukɔn ó.

Nǔnywɛ́xó 18:5

É nyɔ́ nú è na nɔ mɛ e wa nǔ nyi do ɔ́ jí, lobo gblé hwɛ dó ta nú mɛ e hwɛ tɔn jɔ é ǎ.

Nǔnywɛ́xó 22:22

Ma kpɔ́n ɖɔ wamamɔnɔ kún ɖó mɛɖé ó, bó blɛ́ ɛ ɖu, bó yí nǔ tɔn lɛ́ɛ ó. A yi hwɛgun hǔn, ma kpɔ́n ɖɔ mɛ ɖě ɔ́ kún ɖó mɛɖé ó, bó táfú i ó.

Ezayíi 10:1

Heelú yě mɛ e nɔ ɖe gbetakɛ́n nyanya tɔ́n lɛ́ɛ é; heelú yě mɛ e nɔ wlán sɛ́n e nɔ́ dɔn toví dó ya mɛ é dó wěma mɛ lɛ́ɛ é!

Levíi ví 19:15

“Mi ma dó hwɛ agɔ ó. Mi ɖo hwɛ ɖɔ wɛ hǔn, mi ma kpɔ́n wamamɔnɔ nukún ta dó ɖɔ hwɛ ó, mi ma ka kpɔ́n dɔkunnɔ nukún ta dó ɖɔ hwɛ ó. Mi xwedó hwɛjijɔ dó ɖɔ hwɛ.

Amɔ́si 5:12

Mawu ká ɖɔ: nyɛ Mawu ɔ́, nǔ nyanya tobutóbú e mi wa lɛ́ɛ ɔ́, un dán ɖěbǔ ǎ; un tunwun lě e nǔ e mi wa nyi do lɛ́ɛ syɛ́n sɔ é: xomɛvɔ́nɔ lɛ́ɛ sín kɛntɔ́ wɛ mi nyí. Mi nɔ yí gbe bɔ è nɔ dó ajɔ mi. Mi jɛ hwɛɖɔxɔsá ɔ́, mi nɔ lɔn nú è na ɖe xlɛ́ ɖɔ wamamɔnɔ lɛ́ɛ sín hwɛ jɔ ǎ.”

Sɛ́nflínmɛ 1:17

Mi ma nɔ mɛ ɖěbǔ jí ó; mi kú hǔn, bó ɖótó gǎn kpó ahwan kpó bǐ. Mi ma nú mɛ ɖěbǔ ván nukún dó mi ó, Mawu gbe wɛ mi ná xo bó ná ɖɔ hwɛ. Ényí xó ɖé ná hú gǎn mi hǔn, mi wá ɖɔ nú mì bónú má gbéjé kpɔ́n.’

Sɛ́nflínmɛ 16:19

Mi ma táfú mɛ ɖo hwɛ nukɔn ó, mi ma kpɔ́n mɛ nukúnta dó ɖɔ hwɛ ó, mi ma yí nǔ ɖu bó dó hwɛ agɔ ó, ɖó nǔ ɖu ɖo nǔ mɛ nɔ́ tɔ́n nukún nǔnywɛ́tɔ́ lɛ́ɛ, bɔ mɛ e hwɛ tɔn nyɔ́ é nɔ́ kú hwɛ.

Jaki 3:17

Lo ɔ́, nǔnywɛ́ e gosín Mawu gɔ́n ɔ́, nǔ mímɛ́ wɛ é to nyí hwɛ̌; énɛ́ ɔ́ gúdo ɔ́, é nɔ ba tagba ǎ; é fá bó nɔ lɛ́ hun xomɛ dó wa nǔ nú mɛ; é nyɔ́ xomɛ ɖésú, bó nɔ wa nǔ ɖagbe lɛ́ɛ; é nɔ nɔ mɛɖé jí ǎ; é ka nɔ wa yɛmɛnú ǎ.