Tíntɔ́n 23:1 - MAWUXÓWÉMA

¹ Mawu ɖɔ: “Mi má dó funfún to mɛ ó. Mi ma ɖe kúnnu agɔ dó nɔ nǔnyanyawatɔ́ jí ó.

Tíntɔ́n 23:1 Iomraidhean Croise

Bǐbɛ́mɛ 39:17

Ée asú tɔn wá xwé gbe ɔ́, é ɖɔ n'i ɖɔ: “Kannumɔ Eblée e a kplá wá nú mǐ ɔ́ wá gɔ̌n ce bó jló ná ba hǎ mì.

2 Samuwɛ́li 16:3

Axɔ́sú ɔ́ ɖɔ: “Fítɛ́ Mɛfibáalu gǎn towe Sawúlu sín vǐvú ɔ́ ɖe?” Bɔ Siva yí gbe n'i ɖɔ: “É cí Jeluzalɛ́mu, ɖó é ɖo ɖiɖɔ wɛ ɖɔ din ɔ́, Izlayɛ́li ví lɛ́ɛ ná zé axɔ́súɖuto tɔ́gbó émítɔn tɔn dó alɔ mɛ nú émí.”

2 Samuwɛ́li 19:27

É yí gbe nú axɔ́sú ɔ́ ɖɔ: “Sɛ́mɛɖó, mɛsɛntɔ́ ce wɛ blɛ́ mì; un ko lin ɖ'ayǐ ɖɔ ée zɔnlin ma sɔxú mì ǎ ɔ́, un ná ɖɔ bɔ è nǎ blá akpa nú tócí ce, bɔ un ná xá jí, bɔ nyi lɔ ná kplá mɛ yi.

Ɖɛhan 101:5

Mɛ e nɔ ɖɔ nɔzo tɔn nú ɖo nǔglɔ́ ɔ́, un nǎ xwe nu tɔn dó xɔ. Mɛ e nɔ mɔ ɖɔ émí jɛ́n tíin, bó nɔ́ ɖo éɖée mɔ wɛ ɔ́, nyi kpó é kpó ná vɛ́ ǎ.

Ɖɛhan 120:3

Mi mɛblɛ́tɔ́ lɛ́ɛ ɔ́, étɛ́ Mawu ka ná wa xá mi? Nɛ̌ é ká ná dɔn tó nú mi gbɔn?

Ɖɛhan 15:3

É nɔ́ ɖɔ mɛ nú ǎ. É nɔ́ wa nyanya nú nɔzo tɔn ǎ. É nɔ́ kɔ́n mɛ tɔn lɛ́ɛ sín wi ǎ.

Ɖɛhan 27:12

Ma jó mì dó nú kɛntɔ́ ní zé mì dó wa nǔ e jló e ɔ́ ná ó; ɖó kúnnu agɔɖetɔ́ lɛ́ɛ sí te dó jǐ ce, bó ɖo adǎn gblɔ́n nú mì wɛ.

Ɖɛhan 35:11

Kúnnu-agɔɖetɔ́ lɛ́ɛ sí te dó jǐ ce, yě nɔ́ kan nǔ byɔ́ mì dó nǔ e un ma mɔ do ná ǎ é wú.

Tíntɔ́n 20:16

Ma ɖe kúnnu agɔ dó nɔzo towe wú ó.

Tíntɔ́n 23:7

Ma dó hwɛ mɛ dó acɛ jí ó, ma hu xomɛvɔ́nɔ, abǐ hwɛjijɔnɔ ó; ɖó mɛ e gba acɛ mɔ̌ ɔ́, nyɛ nɔ mɔ ɛ dó mɔ xomɛvɔ́nɔ ǎ.

Nǔnywɛ́xó 10:18

Mɛ e gbɛ́ wǎn nú mɛ bó nɔ́ zé hwlá ɔ́, yɛmɛnúwatɔ́ wɛ; mɛ e nɔ ɖo mɛ nú ɖɔ kpé wɛ ɔ́, ta tɔn mɛ sɔgbe ǎ.

Nǔnywɛ́xó 12:17

Mɛ e nɔ ɖɔ xó nǔgbó ɔ́ nɔ́ zɔ́n bɔ è nɔ gbo hwɛ ganjí; mɛ e ka nɔ ɖe kúnnu agɔ ɔ́ nɔ́ zɔ́n bɔ è nɔ gbo hwɛ nyi do.

Nǔnywɛ́xó 14:5

Kúnnuɖetɔ́ e nɔ́ ɖɔ nǔgbó ɔ́ nɔ́ bú mɛ ǎ; lo ɔ́, kúnnu-agɔɖetɔ́ nɔ́ ɖo adingban te.

Nǔnywɛ́xó 17:4

Gbɛtɔ́ e nɔ́ xo dǎka ɔ́ nɔ́ wlí tó dǎkaxotɔ́ lɛ́ɛ sín xó wú; adingbannɔ nɔ ɖótó xó e nɔ hɛn mɛ gblé lɛ́ɛ.

Nǔnywɛ́xó 19:28

Kúnnuɖetɔ́ nǔvɔ́nɔ nɔ́ ké ya nú sɛ́n ǎ; mɛdídá lɛ́ɛ ɔ́, alǎnnú ɖiɖɔ wɛ nɔ́ víví nú yě.

Nǔnywɛ́xó 19:5

Mɛ e nɔ ɖe kúnnu agɔ ɔ́, è nǎ wá dɔn tó n'i gbe ɖokpó; adingbannɔ ɔ́, è nǎ gɔn tó dɔn n'i ǎ.

Nǔnywɛ́xó 19:9

Mɛ e nɔ ɖe kúnnu agɔ ɔ́, è nǎ dɔn tó n'i; mɛ e nɔ ɖó adingban ɔ́ ná sɔ́ éɖée nyi gbě.

Nǔnywɛ́xó 21:28

Kúnnu-agɔɖetɔ́ ná kú; lo ɔ́, mɛ e nyɔ́ tó ɖó mɛ ɔ́, ná nɔ́ ɖó acɛ tɛgbɛ bó ná nɔ́ ɖɔ xó.

Nǔnywɛ́xó 24:28

Ma nɔ yǎyá kpowun bó dó hwɛ nɔzo towe ó; ma sɔ́ nu towe dó ɖó adingban ná ó.

Nǔnywɛ́xó 25:18

Mɛ e ɖe kúnnu agɔ dó nɔzo tɔn wú ɔ́, mɛ mɔ̌hun ɔ́, kpota wɛ, hwǐ wɛ, aɖǐgá wɛ.

Nǔnywɛ́xó 25:23

Jɔhɔn e nɔ nyi sín totaligbé ɔ́ nɔ́ dɔn jǐ wá; mɔ̌ ɖokpó ɔ́, mɛ nú ɖɔ gbɔn xɔ glɔ́ xɔ glɔ́ nɔ́ dɔn xomɛsin wá.

Jelemíi 20:10

Mɛ gěgé ɖo xó nyanya ɖɔ dó wǔ ce wɛ, bɔ un se. Yě nɔ́ ylɔ́ mì ɖɔ: “Xɛsiɖofíbǐ.” Mɛ ɖé lɛ́ɛ nɔ́ ɖɔ: “Mǐ ní ɖe e gba!” Mɛ ɖěvo lɛ́ɛ nɔ́ ɖɔ: “Nǔgbó wɛ, mǐ ní ɖe e gba!” Xɔ́ntɔn ce lɛ́ɛ ɖésú nɔ́ ɖo cícɔ́ mì wɛ, bó ná kpɔ́n ɖɔ nyi ná ɖe afɔ nyi do a jí. Yě nɔ́ ɖɔ: “É lóó ká jɛ mɛ, nú mǐ nǎ bló n'i nɛ́! Mǐ nǎ ba hlɔn.”

Levíi ví 19:11

“Mi ma jɛ ajo dó miɖée ó; mi ma hízí miɖée ó; mi ma ka ɖó adingban nú miɖée ó.

Levíi ví 19:16

Mi ma ɖo hɛ̌n dó nɔzo mitɔn kpé wɛ ó; mi ma ka dó hwɛ nɔzo mitɔn dó acɛ jí, bónú é sín énɛ́ wú, bɔ è ɖǒ kúhwɛ n'i ó. Nyɛ wɛ nyí Mawu Mavɔmavɔ.

Matíe 19:18

Dɔ̌nkpɛvú ɔ́ ka kanbyɔ́ Jezu ɖɔ: “Mawusɛ́n tɛ́ lɛ́ɛ ka wɛ?” Bɔ Jezu yí gbe n'i ɖɔ: “Ma hu mɛ ó, ma lɛ aga ó, ma ja ajo ó, ma ɖe kúnnu agɔ ó,

Luki 19:8

Zacée ka sí te ɖo Aklúnɔ nukɔn, bó ɖɔ n'i ɖɔ: “Aklúnɔ! Un ná ná dɔkun ce sín vlɔ̌ɖówe wamamɔnɔ lɛ́ɛ, bónú un ka hízí mɛɖé ɔ́, un ná sú mɔ̌hunkɔtɔn donu ɛnɛ mɛ ɔ́.”

Luki 3:14

Sɔ́ja ɖé lɛ́ɛ lɔmɔ̌ ka kanbyɔ́ ɛ ɖɔ: “Mǐdɛɛ lɛ́ɛ ká lo? Étɛ́ mǐ ka ɖó ná wa?” É yí gbe nú yě ɖɔ: “Mi ma fán asú mɛɖé bó yí akwɛ́ tɔn ó; mi ma ɖó adingban dó mɛɖé nu ó; azɔ̌kwɛ́ e mi nɔ yí ɔ́ ní kpé mi.”

Jǎan 7:51

“Đo sɛ́n mǐtɔn mɛ ɔ́, e nɔ ɖó hwɛ nú mɛɖé má se xó ɖé ɖo nu tɔn, ma ka tunwun nǔ e é wa nyi do ɔ́ a?”

Hlɔ̌manu 3:8

Ényí mɔ̌ wɛ é nyí ɔ́, étɛ́wú mǐ ma ka ná ɖɔ mi wá nú mǐ ná wa nǔ nyanya bónú nǔ ɖagbe ná tɔ́n sín mɛ ǎ? Mɛ e jló ná ɖɔ xó ce nyanya lɛ́ɛ nɔ́ ɖɔ mɔ̌ wɛ nyi nɔ ɖɔ. Mɛ énɛ́ lɛ́ɛ ɔ́, è nǎ ɖó hwɛ nú yě; nǔ e yě wa é ka byɔ́ mɔ̌.

Efɛ́zinu 4:25

Énɛ́ wútu ɔ́, mi jó adingban dó, nú mɛ ɖokpó ɖokpó ní ɖɔ nǔgbó nú nɔzo tɔn, ɖó mǐ bǐ wɛ nyí wǔjɔnú agbaza ɖokpó ɔ́ tɔn.

Sɛ́nflínmɛ 5:20

Ma ɖe kúnnu agɔ dó nɔzo towe wú ó.

2 Timɔtée 3:3

Yě ná ɖó wǎn yíyí ɖěbǔ ǎ; yě ná nɔ kú nǔbláwǔ nú mɛ ǎ; yě ná nɔ́ ɖɔ mɛ nú; yě nɔ sixú ɖu ɖo yěɖée jí ǎ, bó ná nɔ nylá hun; yě ná nɔ́ gbɛ́ wǎn nú ɖagbewiwa.

1 Piyɛ́ɛ 3:16

Gbe fífá kpó mɛsísí kpó wɛ mi ka ná dó ná xósin yě. Mi ɖó ayixa mímɛ́, bónú jijɔ ɖagbe e Klísu sɔ́ dó ayi mɛ nú mi, bɔ mi ɖo zǐnzán wɛ ɔ́, hwenu e yě mɛ e nɔ ɖo xó nyanya ɖɔ d'é wú wɛ lɛ́ɛ ná dó hwɛ mi ɔ́, xó e yě nɔ ɖɔ lɛ́ɛ ní hu winnyá nú yě.

Nǔɖexlɛ́mɛ 12:10

Énɛ́ ɔ́ gúdo ɔ́, un se gbe ɖaxó ɖé ɖi sín jǐxwé bó ɖɔ: “Hwlɛngán sín hwenu su lo! Mawu ɖe axɔ́súɖuɖu tɔn kpó hlɔ̌nhlɔ́n tɔn kpó xlɛ́ lo! Klísu tɔn ɖe acɛkpikpa e nyí étɔn ɔ́ xlɛ́ lo! Đó hwɛdómɛtɔ́ e ɖo te ɖo Mawu mǐtɔn nukɔn bó ná dó hwɛ nɔví mǐtɔn lɛ́ɛ zǎn kéze ɔ́, è ko zin i dɛ́.