Tíntɔ́n 22:2 - MAWUXÓWÉMA

² Nú é ká nyí ɖɔ kéze wɛ nǔ énɛ́ ɔ́ jɛ ɔ́, kú tɔn ɖo kɔ nú mɛ e hu i é. Nú mɛ ɖé ja ajo ɔ́, é ɖó ná sú nǔ e é fin ɔ́ sín axɔ́ mɛ e é ja ajo dó ɔ́; nú é má ká ɖó nǔɖé bó ná sú axɔ́ ɔ́ ná ǎ ɔ́, è nǎ sɔ́ ɛ sa, ɖó ajo e é ja ɔ́ nu.

Tíntɔ́n 22:2 Iomraidhean Croise

Jɔ̌bu 24:14

Wun ɖo kinkɛn wɛ ɔ́, mɛhutɔ́ nɔ́ fɔ́n, bó nɔ́ hu wamamɔnɔ, mɛ e ma ɖó mɛɖé ǎ é. Zǎn ká bɔ ɔ́, é nɔ́ húzú ajotɔ́.

Jɔ̌bu 24:16

Zǎn mɛ ɔ́, ajotɔ́ lɛ́ɛ nɔ tɔ́n dǒ; kéze ɔ́, yě nɔ́ sú hɔn dó ta; yě nɔ́ ba wěziza xó ǎ.

Jɔ̌bu 30:5

È nɔ nya yě sín gbɛtɔ́ lɛ́ɛ tɛ́ntin; è nɔ sú xó dó ta nú yě ajotɔ́ ɖɔhun.

Jelemíi 2:34

Mi hu mɛ káká bɔ xomɛvɔ́nɔ sín kanjɔ kɔn nyi awu mitɔn sín kɛyɛ lɛ́ɛ mɛ. Yě ká ɖo hɔn mitɔn gba wɛ bɔ mi wá gbo yě dó ǎ. Mi ɖo nǔ wa gbɔn mɔ̌ wɛ,

Ozée 7:1

Mawu Mavɔmavɔ ɖɔ: “Hwenu e un jló ná gbɔ azɔn nú togun Izlayɛ́li tɔn ɔ́, hwɛ e akɔta Eflayímu tɔn ɔ́ hu lɛ́ɛ kpódó dǎka e Samalíinu lɛ́ɛ xo ɔ́ kpó wɛ un mɔ. Ajotɔ́ lɛ́ɛ byɔ́ xwé lɛ́ɛ gbe, ajotɔ́ axánsúnxó lɛ́ɛ ɖo ajo gbo mɛ wɛ gbɔn alixo alixo.

Jowɛ́li 2:9

Yě gba kpé toxo ɖaxó ɔ́ mɛ. Yě nɔ́ kán wezun gbɔn ahohó lɛ́ɛ jí. Yě nɔ́ xá xɔ lɛ́ɛ ta. Yě nɔ́ gbɔn flɛtɛ́li nu yi jɛ xɔ mɛ ajotɔ́ ɖɔhun.

Kɛ́nsísɔ́ 35:27

bɔ mɛ e ɖo mɛ e é hu ɔ́ sín hlɔn ná ba wɛ ɔ́ mɔ ɛ ɖo toxo ɔ́ gúdo bo hu i ɔ́, hlɔnbatɔ́ ɔ́ ná nyí mɛhutɔ́ hwenɛ́nu ǎ.

Matíe 24:43

Mi ní mɔ nǔ jɛ wú ganjí ɖɔ: ényí xwétɔ́ ɖé tunwun hwenu e ajotɔ́ ná wá xwé tɔn gbe dó ɔ́, wunzɛn wɛ é ná nɔ, bó ná lɔn bónú ajotɔ́ ná tɔ́n dǒ, bó byɔ́ xwé tɔn gbe ǎ.

1 Tɛsalonikinu 5:2

Đó mi ɖésúnɔ ɔ́, mi tunwun ganjí ɖɔ Aklúnɔzán ɔ́ ná wá fyán mɛ lě e ajotɔ́ nɔ wá fyán mɛ zǎn mɛ é ɖɔhun.

1 Piyɛ́ɛ 4:15

É ní ma sín mɛhuhu wú, ajojija wú, abǐ nǔ nyanya wiwa wú, abǐ nudómɛɖévoxómɛ wú bónú è dǒ ya nú mɛɖé ɖo mi mɛ ó.