Tíntɔ́n 21:6 - MAWUXÓWÉMA

⁶ gǎn ɔ́ ná sɔ́ Mawu dó ɖó kúnnuɖetɔ́, bó ná sɔ́ nya ɔ́ ɖó hɔn tɔn wú, abǐ é ná sɔ́ ɛ ɖó hɔn tɔn sín kpo wú, bó ná sɔ́ swe dó tɔ́n tó n'i dó hɔn ɔ́ wú. Énɛ́ ɔ́, bɛ́ sín gbe énɛ́ ɔ́ gbe ɔ́, nya ɔ́ ná nyí mɛsɛntɔ́ tɔn káká sɔ́yi.

Tíntɔ́n 21:6 Iomraidhean Croise

1 Axɔ́sú 12:7

Bɔ yě ɖɔ n'i ɖɔ: “Égbé din ɔ́, nú a ɖe xlɛ́ yě ɖɔ émí ɖo gbesisɔ mɛ, bó ná nyí mɛsɛntɔ́ togun ɔ́ tɔn ɔ́, nú a dǒ gbe ɖagbe nú yě ɔ́, yě ná nyí mɛsɛntɔ́ towe káká sɔ́yi.”

Ɖɛhan 82:1

Asáfu sín han. Mawu ɖǒ nǔmɛsɛn lɛ́ɛ sín kplé, Mawu ɖo te ɖo yě tɛ́ntin bó ɖo hwɛ ɖɔ wɛ:

Tíntɔ́n 12:12

“Zǎn énɛ́ ɔ́ mɛ ɔ́, un ná gbɔn Ejípu to ɔ́ mɛ, bó ná hu nukɔngbéví súnnu e ɖo to ɔ́ mɛ lɛ́ɛ bǐ, un ná hu gbɛtɔ́ kpó kanlin kpó sín nukɔngbéví bǐ. Un ná ɖó hwɛ nú vodún e ɖo Ejípu lɛ́ɛ bǐ. Nyɛ wɛ nyí Mawu Mavɔmavɔ.

Tíntɔ́n 21:22

“Ényí ɖɔ mɛɖé lɛ́ɛ ɖo jlɛ ɖɔ wɛ, bó xo za nú nyɔ̌nu xoxónɔ ɖé, bɔ nyɔ̌nu ɔ́ gblé xo, nú nǔ nyanya ɖé má sɔ́ wa ɛ ǎ ɔ́, yě ná yi ɖɔ xó ɔ́ ɖo hwɛɖɔtɔ́ gɔ́n, é jló asisúnɔ ɔ́, é ná byɔ́ akwɛ́ ɖé, nú hwɛɖɔtɔ́ ɔ́ yí gbe ná ɔ́, mɛ e dó nǔ ɔ́ sin ɔ́ ná sú.

Tíntɔ́n 21:5

Lo ɔ́, nú kannumɔ ɔ́ ɖɔ bó tɛ ɖɛ̌ jí ɖɔ émí yí wǎn nú gǎn émítɔn, kpódó asi émítɔn kpó, kpódó vǐ émítɔn lɛ́ɛ kpó, bó má jló ná jó yě dó, bó ná jɛ yěɖée sí ǎ ɔ́,

Tíntɔ́n 21:7

“Nú súnnu ɖé ká sɔ́ vǐ tɔn nyɔ̌nu sa, bɔ é ná nyí kannumɔ ɔ́, nyɔ̌nu énɛ́ ɔ́ ná jɛ éɖée sí kannumɔ súnnu lɛ́ɛ ɖɔhun ǎ.

Tíntɔ́n 22:28

“Nǔkún e mi ya lɛ́ɛ kpódó vǐwun e mi gbɛ lɛ́ɛ kpó ɔ́, mi ná zé éé nyí ce lɛ́ɛ wá nú mì, mi ma ɖó hwenu ná ó; mi ná nukɔngbéví mitɔn lɛ́ɛ mì.

Ezayíi 1:26

Un ná zé hwɛɖɔtɔ́ towe lɛ́ɛ dó húzú hwɛɖɔtɔ́ ɖ'ayǐ tɔn lɛ́ɛ, un ná zé azaglɔ́gán towe lɛ́ɛ dó húzú azaglɔ́gán xóxó tɔn lɛ́ɛ; énɛ́ ɔ́, è nǎ nɔ́ ylɔ́ we ɖɔ ‘Toxo hwɛjijɔ tɔn’ ‘Toxo gbejínɔtɔ́.’ ”

Levíi ví 25:23

“È sixú sa ayǐkúngban ɖé bǐ gbídígbídí ǎ, ɖó ayǐkúngban ɔ́, ce wɛ, bɔ midɛɛ lɛ́ɛ ká nyí jǒnɔ ɖo to ce mɛ; mi ná nɔ fínɛ́ káká sɔ́yi ǎ.

Levíi ví 25:40

Lo ɔ́, mi hɛn ɛ ɖi azɔ̌watɔ́ e ɖo azɔ̌ wa nú mi wɛ, bɔ mi ɖo axɔ́ sú i wɛ, abǐ jǒnɔ e ɖo mi gɔ́n ɔ́ ɖɔhun. É ná ɖo azɔ̌ wa nú mi wɛ káká jɛ ‘Awǎjijɛxwe’ ɔ́ mɛ.

Sofoníi 3:3

Gǎn e ɖo toxo ɔ́ mɛ lɛ́ɛ cí kinnikínní e ɖo adǎn jí é ɖɔhun. Hwɛɖɔtɔ́ e ɖo toxo ɔ́ mɛ lɛ́ɛ cí hla e xovɛ́ sin, bɔ é yi zǎngbé, bɔ adɔ ma lɔn nǔ n'i nú é ɖu nǔɖé kpo nú zǎnzǎn ǎ é ɖɔhun.

Sɛ́nflínmɛ 1:16

Énɛ́ ɔ́, un kplɔ́n nǔ mɛ énɛ́ lɛ́ɛ e nyí hwɛɖɔtɔ́ mitɔn lɛ́ɛ; un ɖɔ lě e yě ná ɖɔ hwɛ gbɔn é nú yě; é ɖɔ nú yě ɖɔ: ‘Mi wlí tó hwɛ e nɔví mitɔn lɛ́ɛ ná wá jɛ nú mi lɛ́ɛ wú ganjí, bó hɛn ayi dó xó e ná dɔn Izlayɛ́li ví kpó nɔví tɔn ɖě kpó, abǐ to ɖěvo mɛ nu ɖé kpó wá hwɛ nukɔn ɔ́ wú, bó ɖɔ gbo ganjí.

Sɛ́nflínmɛ 15:16

Ényí kannumɔ ɖé ká ɖɔ émí kún jló ná jó mi dó ó, ɖɔ émí yí wǎn nú mi kpó mɛ mitɔn lɛ́ɛ kpó, ɖɔ émí mɔ vivo ɖo gɔ̌n mitɔn ɔ́,

Sɛ́nflínmɛ 15:17

mi ná zé swe bó ná tɔ́n tó n'i dó hɔn wú, bɔ é ná húzú kannumɔ mitɔn káká yi. É ná bó nyí kannumɔ nyɔ̌nu hǔn, mi bló mɔ̌ n'i.

Sɛ́nflínmɛ 16:18

Mi ná zé hwɛɖɔtɔ́ kpó hwɛgbotɔ́ kpó gbɔn akɔta ɖokpó ɖokpó mɛ ɖo toxo e Mawu Mavɔmavɔ, Mawu mitɔn ná ná mi lɛ́ɛ bǐ mɛ, bɔ yě ná nɔ́ ɖɔ hwɛ ɖó sɛ́nxwi jí ɖo togun ɔ́ mɛ.

1 Samuwɛ́li 1:22

Amɔ̌, Ana yi ɖě xwe nɛ́ xwe ǎ. É ɖɔ nú asú tɔn ɖɔ: “Nú vǐ ɔ́ kó ɖe anɔ̌ ɔ́, un ná kplá ɛ yi, bó ná sɔ́ ɛ yi xwlé Mawu Mavɔmavɔ, bɔ é ná nɔ fínɛ́ káká sɔ́yi.”

1 Samuwɛ́li 27:12

Énɛ́ ɔ́ wɛ zɔ́n bɔ Akíci ɖeji dó Davídi wú, bó nɔ ɖɔ dó ayi mɛ ɖɔ: “É húzú nǔ gbɛ́hɛn nú mɛ tɔn Izlayɛ́li ví lɛ́ɛ, bó ká ná nyí mɛsɛntɔ́ ce káká sɔ́yi.”

1 Samuwɛ́li 28:2

Davídi ɖɔ nú Akíci ɖɔ: “È nǎ mɔ lě e nyɛ mɛsɛntɔ́ mɛtɔn ná wa nǔ gbɔn é.” Bɔ Akíci ɖɔ nú Davídi ɖɔ: “Un ná sɔ́ we bɔ a nǎ nɔ́ kplá mì, bó ná nɔ́ nya xɛ ɖo jǐ ce hwebǐnu.”