Tíntɔ́n 21:2 - MAWUXÓWÉMA

² Nú mi xɔ kannumɔ ɖé bɔ é nyí Eblée ɔ́, é ná wa azɔ̌ nú mi xɔ xwe ayizɛ́n; xwe tɛ́nwegɔ́ ɔ́, é ná jɛ éɖée sí, bó hɛn ɔ́, é ná yi. É ná sú axɔ́ ɖěbǔ ǎ.

Tíntɔ́n 21:2 Iomraidhean Croise

Bǐbɛ́mɛ 27:28

Mawu ní sɛ́ amyɔsun dó we sín jǐxwé; ní ná we ayǐkúngban ɖagbe lɛ́ɛ; ní ná we jinukún kpó vɛ̌ɛn yɔ̌yɔ́ kpó kɔn nyi kpɔ́.

Bǐbɛ́mɛ 27:36

Énɛ́ ɔ́, Esawu ɖɔ: “Jakɔ́bu jɛ́n é nyí nǔgbó, ɖó azɔn we nɛ́ é kó táfú mì nɛ́. É kó yí nukɔngbéví sín acɛ e un ɖó ɔ́, bó kó lɛ́ wá yí ɖɛ ce din!” É ká wá kanbyɔ́ tɔ́ tɔn ɖɔ: “Đɛ ɔ́ ɖě sɔ́ kpo ɖo así towe bɔ a nǎ xo nú mì ǎ cé?”

2 Axɔ́sú 4:1

Gbeyíɖɔ e nɔ gbeyíɖɔ Mawu tɔn lɛ́ɛ gbɛ́ta ɔ́ mɛ lɛ́ɛ ɖokpó sín asúkúsi wá mɔ Elizée gbe ɖokpó, bó sa vo n'i ɖɔ ní wá hwlɛ́n émí. É ɖɔ n'i ɖɔ: “Gǎn, asú ce kú. A ka tunwun ɖɔ é nɔ ɖó sísí nú Mawu Mavɔmavɔ. Axɔ́tɔ́nɔ ka wá din bo jló ná kplá vǐ ce we lɛ́ɛ, bó ná sɔ́ yě dó ɖó kannumɔ ná.”

Nɛɛmíi 5:8

Nǔgbó ɔ́, un wá kplé yě, bó ɖɔ nú yě ɖɔ: “Nɔví mǐtɔn e sɔ́ yěɖée sa xá toɖévomɛnu, bó húzú kannumɔ lɛ́ɛ ɔ́, mǐ vɔ́ yě xɔ lě e mǐ kpé wú gbɔn é. Din ɔ́, mi ɖésúnɔ wɛ nɔ́ sa nɔví mitɔn lɛ́ɛ, bɔ é ka lɛ́ nyí to mǐtɔn mɛ nu lɛ́ɛ wɛ mi nɔ sa yě xá.” Ée un ɖɔ mɔ̌ ɔ́, yě mɔ nǔɖé ɖɔ ǎ bo gbɔ bo xwɛ.

Tíntɔ́n 12:44

È nǎ gbo ada nú kannumɔ e è xɔ lɛ́ɛ bǐ; énɛ́ ɔ́, yě ná ɖu xwe ɔ́ sín nǔɖuɖu.

Tíntɔ́n 21:3

Nú kannumɔ ɔ́ ɖokpónɔ wɛ wá ɔ́, é ɖokpónɔ géé ná yi, nú é ká ko da asi có bó wá ɔ́, é kpódó asi tɔn kpó ná yi.

Tíntɔ́n 21:7

“Nú súnnu ɖé ká sɔ́ vǐ tɔn nyɔ̌nu sa, bɔ é ná nyí kannumɔ ɔ́, nyɔ̌nu énɛ́ ɔ́ ná jɛ éɖée sí kannumɔ súnnu lɛ́ɛ ɖɔhun ǎ.

Tíntɔ́n 22:3

“Nú kanlin wɛ é fin bɔ é kpo ɖo gbɛ ɔ́, é ɖó ná zé kanlin ɔ́ jó, bó ná lɛ́ zé mɔ̌hunkɔtɔn ɖokpó gɔ́ ná dó sú axɔ́ tɔn ná. É sixú nyí nyibú abǐ tócí abǐ gbɔ̌.”

Levíi ví 25:54

Nú è ma vɔ́ to mitɔn mɛ nu ɔ́ xɔ ǎ káká bɔ ‘Awǎjijɛxwe’ ɔ́ wá ɔ́, è nǎ jó e, bó ná jó vǐ tɔn lɛ́ɛ.”

Matíe 18:25

Ée é ma ka ɖó nǔɖé, bó ná dó sú axɔ́ ɔ́ ná ǎ é ɔ́, axɔ́sú ɔ́ zɔ́n ɖɔ è nǐ sa ka tɔn go tɔn, vǐ tɔn, asi tɔn káká yi jɛ é ɖésú jí, bó ná sɔ́ akwɛ́ ɔ́ dó sú axɔ́ è é ɖu ɔ́ ná.

1 Kɔlɛ́ntinu 6:20

axivɛ́nu wɛ Mawu xɔ mi, lobo sú axɔ́. Hǔn, mi bo zán agbaza mitɔn dó kpa susu nú Mawu.

Sɛ́nflínmɛ 15:1

Xwe tɛ́nwe mɛ tɛ́nwe mɛ tɛgbɛ ɔ́, mi ná nɔ́ zé axɔ́ kɛ mɛ e ɖu axɔ́ dó mi lɛ́ɛ bǐ.

Sɛ́nflínmɛ 15:18

Mi jó kannumɔ ɖé hǔn, é ní má nɔ́ vɛ́ nú mi ó, ɖó azɔ̌ e é wa nú mi nú xwe ayizɛ́n ɔ́ kó yi azɔ̌ e mɛ e ná yí akwɛ́ ɔ́ ná wa ɔ́ donu we. Mi jó e nú é yi bónú Mawu Mavɔmavɔ, Mawu mitɔn ná dó acɛ nǔ e mi ná wa lɛ́ɛ bǐ jí.

Sɛ́nflínmɛ 31:10

Bó ɖɔ nú yě ɖɔ: “Xwe tɛ́nwe mɛ tɛ́nwe mɛ tɛgbɛ ɔ́, xwe e xwe è nɔ zé axɔ́ kɛ mɛ ɔ́, xwe e xwe è nɔ ɖu azavaxwe ɔ́ wá hweɖěbǔnu ɔ́,