Biblia Todo Logo
Bìoball air-loidhne

- Sanasan -




Tíntɔ́n 21:1 - MAWUXÓWÉMA

1 Mawu Mavɔmavɔ lɛ́ ɖɔ nú Mɔyízi ɖɔ: “Sɛ́n e Izlayɛ́li ví lɛ́ɛ ná xwedó dó hɛn mɛsɛntɔ́ Eblée lɛ́ɛ, bɔ a nǎ ɖɔ nú yě ɔ́ ɖíe:

Faic an caibideil Dèan lethbhreac




Tíntɔ́n 21:1
27 Iomraidhean Croise  

“A ɖo xɔ gbá nú mì wɛ. É nyɔ́! Nú a xwedó sɛ́n ce lɛ́ɛ bó bló nǔ e un ɖɔ lɛ́ɛ ɔ́, nú a se tónú, bó bló nǔ e un zɔ́n ɖɔ è nǐ bló lɛ́ɛ bǐ ɔ́, un ná ɖe nǔ e un dó akpá tɔn nú tɔ́ towe Davídi ɖɔ un ná bló ɔ́ nú we:


Nɔví mitɔn hwɛɖɔtɔ́ e ɖo toxo lɛ́ɛ mɛ lɛ́ɛ ɖě zě hwɛ ɖé wá gɔ̌n mitɔn hweɖěbǔnu hǔn, mi ɖe yě ɖó ali jí: é sixú nyí mɛ wɛ è hu, é sixú nyí sɛ́n ɔ́ jí dɔn nǔ dó wɛ è ɖe, abǐ nǔ e Mawu Mavɔmavɔ zɔ́n lɛ́ɛ, abǐ gbeta tɔn lɛ́ɛ, abǐ hwɛndo lɛ́ɛ; mi ɖe yě ɖó ali jí bónú yě ma wá hu hwɛ dó Mawu Mavɔmavɔ, bónú Mawu Mavɔmavɔ wá sin xomɛ dó mi kpó vǐ mitɔn lɛ́ɛ kpó ó. Lě e mi ná bló gbɔn, bó ma ná hu hwɛ ǎ é nɛ́.


Hwenu e mǐ ɖo kannumɔgbénu ɔ́, mɛ élɔ́ lɛ́ɛ gɔ́ nú yě: vɔ̌sánú-xwlémawutɔ́ Levíi ví lɛ́ɛ, hɔnjínɔtɔ́ lɛ́ɛ, hanjitɔ́ lɛ́ɛ, kpó mɛ e nɔ wa azɔ̌ kpaa ɖo Mawu xwé lɛ́ɛ kpó; toví wɛ nú yě. Mǐ mɛ e nɔ zɔ nú toɖévomɛnu lɛ́ɛ, bó nɔ́ gbejí nú Mawusɛ́n ɔ́ lɛ́ɛ ɔ́, mǐ kpó asi mǐtɔn lɛ́ɛ kpó, vǐ mǐtɔn súnnu kpó nyɔ̌nu kpó e ko ɖó nǔnywɛ́ lɛ́ɛ bǐ kpó wɛ gɔ́ nú yě.


É ɖɔ xó tɔn nú togun tɔn Jakɔ́bu ví lɛ́ɛ. É ná sɛ́n tɔn lɛ́ɛ kpó gbeta tɔn lɛ́ɛ kpó Izlayɛ́li.


Ée Mawu Mavɔmavɔ ɖɔ xó nú Mɔyízi fó ɔ́, Mɔyízi lɛ́ kɔ wá fí e yě ɖǒ gɔnu ɖó ɔ́, bó ylɔ́ mɛxó e ɖo togun ɔ́ mɛ lɛ́ɛ, bó ɖó xó énɛ́ lɛ́ɛ bǐ te nú yě, lě e Mawu Mavɔmavɔ ɖɔ n'i gbɔn é,


Un ná sɛ́n ce lɛ́ɛ yě, bó ɖɔ nǔ e un zɔ́n lɛ́ɛ nú yě, bónú mɛɖé bló ɖ'é jí ɔ́, mɛ ɔ́ ná nɔ gbɛ.


Énɛ́ ɔ́ wú wɛ un ná sɛ́n e má ná wa ɖagbe nú yě ǎ lɛ́ɛ yě, bó zɔ́n nǔ e yě xwedó ɔ́, yě ma sixú nɔ gbɛ ǎ lɛ́ɛ yě.


“Hǔn, mi Izlayɛ́li ví lɛ́ɛ, kpódó mi jǒnɔ e ɖo Izlayɛ́li ví lɛ́ɛ mɛ lɛ́ɛ kpó ní nyi sɛ́n ce lɛ́ɛ, bó nɔ́ wa nǔ e un zɔ́n lɛ́ɛ. Mi gbɛ́ walɔ gblégblé énɛ́ lɛ́ɛ bǐ; su wɛ.


“Hǔn, mi ná nɔ́ nyi sɛ́n ce lɛ́ɛ; mi ná nɔ́ wa nǔ e un zɔ́n lɛ́ɛ. Mɛ e ná bló mɔ̌ ɔ́ ná nɔ gbɛ. Nyɛ wɛ nyí Mawu Mavɔmavɔ.


“Mi ná nyi sɛ́n ce lɛ́ɛ bǐ, bó ná xwedó nǔ e un ɖɔ lɛ́ɛ bǐ. Mi ná nɔ xwedó yě dó wa nǔ. Nyɛ wɛ nyí Mawu Mavɔmavɔ.”


“Mi kpé nukún dó sɛ́n ce lɛ́ɛ wú bó nyi ganjí, bó kpé nukún dó nǔ e un zɔ́n lɛ́ɛ wú, bó bló gbɔn jí, bónú to e mɛ ná kplá mi yi wɛ un ɖe ɔ́ má wá slú mi sín kɔ ó.


sɛ́n e togun ɔ́ ná xwedó dó ɖɔ hwɛ xá mɛ e dó nǔ mɛ bɔ è kú ɔ́ kpó mɛ e ná ba hlɔn ɔ́ kpó lɛ́ɛ ɖíe:


Sɛ́n kpó tito kpó e Mawu Mavɔmavɔ ná Izlayɛ́li ví lɛ́ɛ gbɔn Mɔyízi jí ɖo ayǐkúngban wɛnjɛ Mɔwabu tɔn lɛ́ɛ jí, ɖo Judɛ́ɛn tɔ ɔ́ tó, ɖo Jeliko toxo ɔ́ nukɔn ɔ́ lɛ́ɛ nɛ́.


Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”


Ényí nɔví mitɔn Eblée ɖé wá sɔ́ éɖée sa kannumɔ ɖɔhun ɔ́, é ná sɛn mi nú xwe ayizɛ́n; é sixú nyí súnnu, é sixú nyí nyɔ̌nu. Amɔ̌, mi byɔ́ xwe tɛ́nwegɔ́ ɔ́ mɛ ɔ́, mi ná jó e dó bɔ é ná jɛ éɖée sí.


Hwe énɛ́ nu ɖokpó ɔ́, Mawu Mavɔmavɔ lɛ́ ná gbe mì ɖɔ nyi ní kplɔ́n sɛ́n lɛ́ɛ kpó nǔ e é zɔ́n lɛ́ɛ kpó mi, bónú mi ná zé dó wa azɔ̌ ná ɖo to e yí gbé mi ja ɔ́ mɛ.”


Ée yě tɔ́n sín Ejípu ɔ́, Mɔyízi ɖɔ su e yě ná nyi lɛ́ɛ, nǔ e yě ná wa lɛ́ɛ, nǔ e Mawu zɔ́n lɛ́ɛ nú yě.


“Éɖíe, un kplɔ́n sɛ́n lɛ́ɛ kpó nǔ e Mawu zɔ́n lɛ́ɛ kpó mi lě e Mawu Mavɔmavɔ, Mawu ce ɖɔ nyɛ ní bló gbɔn é, bónú mi ná zé yě dó wa azɔ̌ ná, ɖo to e ná yí wɛ mi ɖe é mɛ.


Sɛ́n e un ná mi égbé din é sɔgbe a cé? Akɔta ɖaxó tɛ́ ká ɖe, bó ɖó sɛ́n bɔ é sɔgbe mɔ̌?”


Mɔyízi kplé Izlayɛ́li ví lɛ́ɛ bǐ, bó ɖɔ nú yě ɖɔ: “Izlayɛ́li ví lɛ́ɛ e mi, mi ɖótó sɛ́n kpó nǔ e Mawu zɔ́n, bɔ è ja xixa nú mi gbé égbé din lɛ́ɛ kpó. Mi kpé nukún dó yě wú, bó kplɔ́n, bó zé yě dó wa azɔ̌ ná.


Amɔ̌, hwɛ ɔ́, nɔ gɔ̌n ce fí. Un ná ɖɔ gbetakɛ́n lɛ́ɛ, sɛ́n lɛ́ɛ, kpó nǔ e un ná zɔ́n lɛ́ɛ bǐ kpó nú we. A nǎ yi kplɔ́n yě, bɔ yě ná zé dó wa azɔ̌ ná, ɖo to e ná yě wɛ un ɖe, bɔ é ná nyí yětɔn ɔ́ mɛ.’ ”


Mɔyízi ɖɔ: “Mawu Mavɔmavɔ, Mawu mitɔn ɖɔ nyɛ ní kplɔ́n gbetakɛ́n tɔn lɛ́ɛ, sɛ́n tɔn lɛ́ɛ kpó nǔ e é zɔ́n lɛ́ɛ kpó mi. Yě wɛ mi ná zé dó wa azɔ̌ ná ɖo to e ná yí wɛ mi ɖe ɔ́ mɛ.


“É wá jɛ sɔ gúdo bónú vǐ mitɔn lɛ́ɛ kanbyɔ́ mi ɖɔ: ‘Étɛ́wú wɛ Mawu Mavɔmavɔ, Mawu mǐtɔn ná gbetakɛ́n énɛ́ lɛ́ɛ, sɛ́n énɛ́ lɛ́ɛ, kpó nǔ e é zɔ́n énɛ́ lɛ́ɛ kpó mi a jí’ ɔ́,


Bó ná dó fó ɔ́, nɔví lɛ́ɛ mi, mǐ kó kplɔ́n lě e mi ná zán gbɛ mitɔn gbɔn, bɔ é ná nyɔ́ Mawu nukún mɛ ɔ́ mi, bɔ mi ka ko ɖo blǒbló gbɔn jí wɛ. Nǔ e kpo bɔ mǐ ná ɖɔ nú mi din ɔ́ ɖíe: mǐ ɖo byɔ̌byɔ́ mi wɛ, bó ɖo vo sa nú mi wɛ ɖo Aklúnɔ Jezu nyǐkɔ mɛ ɖɔ mi ní nɔ zán gbɛ mitɔn, bónú é ní lɛ́ nyɔ́ d'é jí hú mɔ̌.


Lean sinn:

Sanasan


Sanasan