Tíntɔ́n 20:3 - MAWUXÓWÉMA

³ Ma sɛn nǔ ɖěvo zɛ nyɛ wú ó.

Tíntɔ́n 20:3 Iomraidhean Croise

1 Axɔ́sú 11:4

Hwenu e Salomɔ́ɔ wá kpo nyɔ̌xó ɔ́, asi tɔn lɛ́ɛ lílɛ́ ayixa tɔn bɔ é jɛ vodún lɛ́ɛ sɛn jí, bɔ ayixa tɔn bǐ sɔ́ ɖo Mawu Mavɔmavɔ, Mawu tɔn wú, tɔ́ tɔn Davídi ɖɔhun ǎ.

Ɖɛhan 29:2

Mi kpa susu e jɛ xá nyǐkɔ tɔn é n'i. Mi ɖe kɔ́ n'i kpó acɔ́ɖónú sinsɛn tɔn lɛ́ɛ kpó.

Ɖɛhan 73:25

Mɛ̌ un ka ɖó ɖo jǐnukúnsin zɛ hwɛ wú? Hwi mɛ vo ɔ́, gbɛ víví ɖé ɖo ayǐkúngban jí fí nú nyɛ ǎ.

Ɖɛhan 81:10

È ma mɔ vodún ɖo gɔn towe ó, ma sɛn vodún ó.

Ɖɛhan 81:9

Togun ce, ɖǒtó mì, un ná gba akpá ɖé nú we. Izlayɛ́li, tó wɛ a lo kó ɖó mì.

Tíntɔ́n 15:11

Óo! Mawu Mavɔmavɔ, nǔmɛsɛn tɛ́ wɛ cí hwɛ ɖɔhun? Nǔmɛsɛn tɛ́ wɛ ɖó susu, bó nyí mǐmɛ́, bó nɔ́ bló nǔjíwǔ lɛ́ɛ, bɔ kpikpa jɛ xá hwɛ ɖɔhun?

Tíntɔ́n 20:23

Mi ma sɔ́ kpatágan abǐ siká dó bló nǔmɛsɛn ɖě, bó sɛn gɔ́ nú mì ó.

Tíntɔ́n 22:19

Mɛ e ma nɔ xwlé vɔ̌sánú Mawu Mavɔmavɔ ɔ́ kɛ́ɖɛ́ ǎ, lobo nɔ lɛ́ xwlé vodún lɛ́ɛ ɔ́, è ɖǒ ná sú kún tɔn dó.

Tíntɔ́n 23:24

Mi ma jɛ kpo nú vodún yětɔn lɛ́ɛ ó, mi ma sɛn vodún yětɔn lɛ́ɛ ó, mi ma wa nǔ yě ɖɔhun ó. Lo ɔ́, mi ná gba vodún yětɔn lɛ́ɛ, bó ná gba awǐnnya e yě nɔ́ tun te bó nɔ́ sɛn lɛ́ɛ.

Tíntɔ́n 32:8

Yě yá wǔ lɛ́ kɔ sín ali e un ɖɔ yě ní gbɔn ɔ́ jí; yě sínsín siká bó dó bló nyibúví ná, bó jɛ kpo ɖo nukɔn tɔn, bó ɖe kɔ́ n'i, bó xwlé vɔ̌sánú i, bó ɖɔ: ‘Izlayɛ́li ví lɛ́ɛ e mi, vodún mǐtɔn e ɖe mǐ tɔ́n sín Ejípu ɔ́ ɖíe!’

Tíntɔ́n 34:14

Mi ná ɖe kɔ́ nú vodún ɖě ǎ, ɖó nyɛ Mawu Mavɔmavɔ sín nyǐkɔ nyí ‘Wǔhwinhwan’ , un jló ɖɔ mɛ e nyí ce lɛ́ɛ ní sɛn nǔ ɖěvo ǎ.

Ezayíi 26:4

Mi ɖeji dó Mawu Mavɔmavɔ wú kúgbe gbɛgbe. Mi ɖeji dó wǔ tɔn, só wɛ é nyí, é ɖo te tɛgbɛ.

Ezayíi 42:8

Nyi wɛ nyí Mawu Mavɔmavɔ; mɔ̌ wɛ nyǐkɔ ce nyí; susu e nyí ce ɔ́, un nɔ jó dó nú mɛ ɖé ǎ. Un ka nɔ jó yɛ̌yi e nyí ce ɔ́ dó nú bǒcyɔ ɖé ǎ.

Ezayíi 43:10

Mawu Mavɔmavɔ ɖɔ nú togun tɔn ɖɔ: “Midɛɛ lɛ́ɛ wɛ nyí kúnnuɖetɔ́ ce, mi wɛ nyí mɛsɛntɔ́ ce e un sɔ́ é, bónú mi ná tunwun bó ɖi nǔ nú mì, bó mɔ nukúnnú jɛ mɛ ɖɔ nyɛ wɛ nyí Mawu. Mawu ɖě kó ɖe dó nukɔn nú mì ǎ; ɖo gǔdo ce ɔ́, Mawu ɖě ká ná ɖe ǎ.

Ezayíi 44:8

Togun ce e mi, mi ma ɖi xɛsi ó, ado ma hu mi ó; un ko ɖɔ nú mi, un ko ɖe xlɛ́ mi ɖ'ayǐ, mi ko tunwun ganjí, mi wɛ nyí kúnnuɖetɔ́ ce. Nyɛ mɛvo ɔ́, Mawu ɖěvo ɖe wɛ a? Gbeɖé, Só ɖěvo ɖe ǎ. Nyɛ sɔ́ mɔ ǎ.”

Ezayíi 46:9

Mi flín nǔ nukɔn nukɔntɔn e jɛ ɖ'ayǐ xóxó lɛ́ɛ. Nyɛ wɛ nyí Mawu, é sɔ́ kpo mɛɖé ǎ. Mawu nyi ɖɔhun ɖě tíin ǎ.

Jelemíi 25:6

Mi ma sɛn vodún ó, mi ma jɛ kpo nú vodún ó. Ényí mi ma sɔ́ nǔ énɛ́ lɛ́ɛ e è nɔ sɔ́ alɔ dó bló lɛ́ɛ dó dó xomɛsin nú mì ǎ ɔ́, un ná wa nǔ nyanya ɖěbǔ nú mi ǎ.’

Jelemíi 35:15

Mɛsɛntɔ́ ce, gbeyíɖɔ ce lɛ́ɛ ɔ́, un gɔn yě sɛ́ dó mi ǎ; un sɛ́ yě dó mi, bɔ yě nɔ́ ɖɔ nú mi ɖɔ: ‘Mɛ ɖokpó ɖokpó ní jó gbɛ nyanya e zán wɛ é ɖe ɔ́ dó; mi wa nǔ lě e é jɛ xá gbɔn é. Mi ma sɔ́ jɛ kpo nú nǔmɛsɛn lɛ́ɛ ɖě ó. Énɛ́ ɔ́, mi ná nɔ to e un ná mi kpó tɔ́gbó mitɔn lɛ́ɛ kpó ɔ́ mɛ.’ Mi ka wlí tó xó e un ɖɔ ɔ́ wú ǎ, mi dó tókúse mɛ.

Jelemíi 7:9

Étɛ́! Mi ná nɔ ɖo ajo ja wɛ, mi ná nɔ ɖo mɛ hu wɛ, mi ná nɔ ɖo aga lɛ wɛ, mi ná nɔ ɖo nyǐkɔ ce xwlé dó wǔvɔ́ wɛ, mi ná nɔ ɖo zǎlínkpɔ́n dó zo nú vodún Baalu wɛ, mi ná nɔ ɖo vodún e mi ma tunwun kpɔ́n ǎ lɛ́ɛ sɛn wɛ!

Daniyɛ́li 3:18

É ná bó ma ka jló e nú é ná hwlɛ́n mǐ gán ǎ ɔ́, axɔ́sú Sɛ́mɛɖó, tunwun ɖɔ mǐ kún ɖo vodún mɛtɔn lɛ́ɛ ná sɛn wɛ ó, mǐ kún ka ná ɖe kɔ́ nú bǒcyɔ e mɛ tun te ɔ́ ó.”

Ozée 13:4

Mawu Mavɔmavɔ ɖɔ: “Izlayɛ́linu lɛ́ɛ mi, nyɛ ɔ́, Mawu Mavɔmavɔ, Mawu mitɔn wɛ un nyí sín hwenu e mi tɔ́n sín Ejípu é; mi tunwun Mawu ɖěvo zɛ nyɛ wú ǎ, Mɛhwlɛ́ngántɔ́ ɖěvo tíin zɛ nyɛ wú ǎ.

Matíe 4:10

Jezu ka ɖɔ n'i ɖɔ: “Satáan, bǔ dó mì! Ɖó è ko wlán dó Mawuxówéma ɔ́ mɛ ɖɔ jí: ‘Aklúnɔ Mawu towe wɛ a nǎ ɖe kɔ́ ná, lobo sɛn é ɖokpónɔ géé.’ ”

1 Kɔlɛ́ntinu 8:4

Hǔn nǔ e kan nǔɖuɖu e è dǒ sá vɔ̌ nú vodún lɛ́ɛ ɖuɖu ɔ́, mǐ tunwun ganjí ɖɔ vodún ɖě kún ɖo gbɛ ɔ́ mɛ ó; mǐ tunwun ganjí ɖɔ Mawu ɖokpó géé wɛ tíin.

1 Kɔlɛ́ntinu 8:6

Lo ɔ́, Mawu ɖokpó géé wɛ tíin nú mǐdɛɛ lɛ́ɛ: é wɛ nyí Tɔ́ e ɖó nǔ bǐ é; é wɛ mǐ ɖo gbɛ ná; mɔ̌ ɖokpó ɔ́, Aklúnɔ ɖokpó géé wɛ tíin; é wɛ nyí Jezu Klísu e jí nǔ lɛ́ɛ bǐ tíin gbɔn é; é jí wɛ mǐ ɖo gbɛ gbɔn.

Efɛ́zinu 5:5

Mi tunwun ganjí ɖɔ agalɛtɔ́, nǔblíblíwatɔ́ abǐ gwěnɔ ɖé kún xwe axɔ́súɖuɖu Klísu tɔn kpódó Mawu tɔn kpó mɛ gbeɖé ó; ɖó gwě ɔ́, vodúnsinsɛn ɖɔhun wɛ é ɖe.

Sɛ́nflínmɛ 5:7

Ma sɛn nǔ ɖěvo zɛ nyɛ wú ó.

Sɛ́nflínmɛ 6:14

Mi ná sɛn vodún ǎ; mi ná sɛn togun e lɛ́ lɛ̌ dó mi lɛ́ɛ sín vodún lɛ́ɛ ǎ.

Sɛ́nflínmɛ 6:5

A nǎ yí wǎn nú Mawu Mavɔmavɔ, Mawu towe kpódó ayi towe bǐ kpó, kpódó lǐndɔ̌n towe bǐ kpó, kpódó hlɔ̌nhlɔ́n towe bǐ kpó.

Filípunu 3:19

Fí e yě ná yi dɔn ɖe ɔ́ wɛ yě kán wezun xwe; ɖó nǔ ɖokpó e yě nɔ sɛn ɔ́ wɛ nyí adɔgo yětɔn ; yě nɔ xɔ susu ɖo nǔ e ɖó ná hu winnyá nú yě ɔ́ mɛ, bɔ gbɛ mɛ fí sín nǔ lɛ́ɛ kɛ́ɖɛ́ jí jɛ́n ayixa yětɔn nɔ ɖe.

Kolósinu 2:18

Mi ma lɔn nú mɛ e nɔ hun xomɛ ɖo mɛɖéesɔ́hwe ɖo wějí sín nǔwiwa lɛ́ɛ kpódó wɛnsagun lɛ́ɛ sinsɛn kpán mɛ ɔ́, ɖě ní ɖó hwɛ nú mi ó; mɛ mɔ̌hun ɔ́, nǔmimɔ e é nɔ mɔ lɛ́ɛ wú wɛ é nɔ gán jɛ, bɔ linlin gbɛtɔ́ tɔn e é nɔ ɖó lɛ́ɛ nɔ zɔ́n bɔ goyíyí dó wǔvɔ́ nɔ gbɛ́ dó e.

Nǔɖexlɛ́mɛ 19:10

Bɔ un jɛ kpo ɖo afɔ tɔn lɛ́ɛ kɔn, bó ná ɖe kɔ́ n'i, bɔ é ka ɖɔ nú mì ɖɔ: “Gbɔ! Ma bló mɔ̌ ó! Mɛsɛntɔ́ wɛ un nyí hwi kpó nɔví towe lɛ́ɛ kpó ɖɔhun; nɔví towe e hɛn kúnnuɖiɖe Jezu tɔn lɛ́ɛ é. Mawu wɛ a nǎ ɖe kɔ́ ná!” Kúnnuɖiɖe Jezu tɔn ɔ́ wɛ nɔ sɔ́ xó e gbeyíɖɔ lɛ́ɛ ná ɖɔ ɔ́ dó ayi mɛ nú yě.

Nǔɖexlɛ́mɛ 22:9

É ka ɖɔ nú mì ɖɔ: “Gbɔ, ma bló mɔ̌ ó! Mɛsɛntɔ́ wɛ un nyí hwi kpó nɔví towe gbeyíɖɔ lɛ́ɛ kpán ɖɔhun; bó nyí mɛsɛntɔ́ mɛ e nɔ se tónú nú xó e è wlán dó wěma élɔ́ mɛ lɛ́ɛ é ɖɔhun. Mawu wɛ a ɖǒ ná ɖe kɔ́ ná.”

Hwɛɖɔtɔ́ 6:10

Un ɖɔ nú mi ɖɔ nyɛ wɛ nyí Mawu Mavɔmavɔ, Mawu mitɔn; mi kún ɖó ná sɛn vodún Amɔliti e tɛ́ntin mi ɖe lɛ́ɛ tɔn lɛ́ɛ ó. Lo ɔ́, mi se tónú nú mì ǎ.’ ”