Tíntɔ́n 20:2 - MAWUXÓWÉMA

² “Nyɛ wɛ nyí Mawu Mavɔmavɔ, Mawu towe e ɖe we tɔ́n sín Ejípu fí e a nyǐ kannumɔ ɖe é.

Tíntɔ́n 20:2 Iomraidhean Croise

1 Axɔ́sú 18:39

Ée togun ɔ́ bǐ mɔ mɔ̌ ɔ́, yě xwe agbɔ̌nnusú do, bó ɖɔ: “Mawu Mavɔmavɔ wɛ ɖó acɛ nǔgbó! Mawu Mavɔmavɔ wɛ ɖó acɛ nǔgbó!”

2 Axɔ́sú 17:12

Yě sɛn vodún; Mawu Mavɔmavɔ ka ko dó sɛ́n tɔn nú yě.

2 Axɔ́sú 17:7

È ɖe Izlayɛ́li ví lɛ́ɛ sín to yětɔn mɛ, ɖó yě hu hwɛ dó Mawu Mavɔmavɔ, Mawu yětɔn e kplá yě sín Ejípu, bɔ yě gosín Ejípu xɔ́sú ɔ́ sín acɛ mɛ é. Awě énɛ́ ɔ́ xo yě, ɖó yě nɔ́ sɛn vodún.

2 Tan 28:5

Mawu Mavɔmavɔ, Mawu Akázi tɔn ɔ́ jó Akázi nú axɔ́sú Silíi tɔn ɔ́, bɔ Silíinu lɛ́ɛ ɖu ɖo jǐ tɔn, bó wlí ahwanfuntɔ́ tɔn lɛ́ɛ gěgé, lobo kplá yě yi Damási. Mɔ̌ ɖokpó ɔ́ wɛ Mawu Mavɔmavɔ lɛ́ jó e nú Izlayɛ́li xɔ́sú Pekáxi, Hlemaliyahu ví ɔ́, bɔ é wa nǔ xá ɛ bɔ é vɛ́ jlɛ́.

Ɖɛhan 50:7

“Togun ce, ɖǒtó mì má ɖɔ xó nú we; Izlayɛ́li, un ná dó hwɛ we, nyi wɛ nyí Mawu, Mawu towe.

Ɖɛhan 81:10

È ma mɔ vodún ɖo gɔn towe ó, ma sɛn vodún ó.

Ɖɛhan 81:11

Nyɛ wɛ nyí Mawu Mavɔmavɔ, Mawu towe; nyɛ wɛ ɖe we tɔ́n sín Ejípu. Kɛ nu gblogblo, un ná bɛ́ nǔɖuɖu d'é mɛ bɔ é ná gɔ́.

Ɖɛhan 81:7

“Un ɖe agban kpinkpɛn sín abɔ̌ towe ta, bɔ alɔ towe gosín xasun kpinkpɛn ɔ́ wú.

Tíntɔ́n 13:14

Ényí vǐ mitɔn lɛ́ɛ kanbyɔ́ mi gbe ɖokpó ɖɔ étɛ́wú wɛ mi nɔ bló mɔ̌ a jí ɔ́, mi ná yí gbe nú yě ɖɔ: ‘Mawu Mavɔmavɔ wɛ ɖe mǐ tɔ́n sín Ejípu kpó hlɔ̌nhlɔ́n tɔn kpó, bɔ mǐ gosín mɛ kannu; mɛɖé nɔ́ nɔ te hlɔ̌nhlɔ́n tɔn nukɔn ǎ.

Tíntɔ́n 13:3

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi flín azǎn élɔ́ e gbe mi tɔ́n sín Ejípu bó gosín mɛ kannu é; ɖó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ. Hǔn, mi ja nǔ e jɛ nɛ́ ɔ́ sín xwe ɖu gbé ɔ́, mi ɖó ná ɖu wɔ̌xúxú e mɛ è dǒ tɔ́n ɔ́ ǎ.

Tíntɔ́n 15:13

Đo xomɛnyínyɔ́ towe mɛ ɔ́, a kplá togun élɔ́ e a hwlɛ̌n gán é. Đo nǔwúkpíkpé towe mɛ ɔ́, a kplá togun élɔ́ yi tɛn mímɛ́ towe mɛ.

Tíntɔ́n 15:16

Xɛsi ɖaxó ɖé jɛ yě jí, ado hu yě. Gbɔn hlɔ̌nhlɔ́n ɖaxó e a ɖǒ ɔ́ gbla mɛ ɔ́, yě ná cí cúɖúɖú awǐnnya ɖɔhun, káká bɔ togun towe ná dín, togun e a xɔ gbɛ ná é.

Tíntɔ́n 15:26

É ɖɔ nú yě ɖɔ: “Nú mi ɖótó nyɛ Mawu Mavɔmavɔ, Mawu mitɔn ɔ́ sín gbe ganjí ɔ́, nú mi wa nǔ e jlɔ́ ɖo nukún ce mɛ lɛ́ɛ ɔ́, nú mi se nǔ e un zɔ́n mi lɛ́ɛ ganjí, bó nyi sɛ́n ce lɛ́ɛ bǐ ɔ́, un ná dó azɔn e un dó Ejípunu lɛ́ɛ ɔ́ ɖěbǔ mi ǎ. Nyɛ wɛ nyí Mawu Mavɔmavɔ e nɔ gbɔ azɔn nú mi é.”

Tíntɔ́n 20:1

Énɛ́ ɔ́ gúdo ɔ́, Mawu ɖɔ xó élɔ́ lɛ́ɛ nú togun ɔ́; é ɖɔ:

Tíntɔ́n 29:46

Yě ná tunwun ɖɔ nyɛ wɛ nyí Mawu Mavɔmavɔ. Mawu yětɔn e ɖe yě tɔ́n sín Ejípu, bó ná nɔ tɛ́ntin yětɔn é. “Mawu Mavɔmavɔ, Mawu yětɔn wɛ un nyí.”

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Ezayíi 43:3

Đó nyɛ Mawu Mavɔmavɔ wɛ nyí Mawu towe; nyɛ Mɛ Mímɛ́ Izlayɛ́li tɔn ɔ́, nyɛ wɛ nyí Mɛhwlɛ́ngántɔ́ towe. Un ná Ejípu dó xɔ gbɛ nú we, un sɔ́ Etiopíi kpó Seva kpó jó ɖó tɛn towe mɛ.

Jelemíi 16:14

Mawu Mavɔmavɔ ɖɔ: “Gbe ɖokpó ná wá su, bɔ mɛɖé sɔ́ ná xwlé nǔ dó nyǐkɔ ce mɛ ɖɔ: ‘Un xwlé Mawu Mavɔmavɔ nú we, é wɛ ɖe Izlayɛ́li ví lɛ́ɛ tɔ́n sín Ejípu’ ǎ.

Jelemíi 2:6

Yě kanbyɔ́ yěɖée vɔ́vɔ́ ɖɔ fítɛ́ Mawu Mavɔmavɔ e kplá émí sín Ejípu tomɛ ɔ́ ka ɖe é jí ǎ; yě kanbyɔ́ yěɖée ɖɔ Mawu Mavɔmavɔ e kplá émí gbɔn gbětótló mɛ, axéko jí fí e do gbɔn fí bǐ ɖe ɔ́, fí e jǐ ma nɔ ja ɖe gbeɖé ǎ ɔ́, fí e ablu ɖu axɔ́sú ɖe ɔ́, fí e mɛɖé má nɔ gbɔn gbeɖé ǎ ɔ́, fí e mɛɖé ma nɔ nɔ gbeɖé ǎ é ɔ́, yě kanbyɔ́ yěɖée ɖɔ fí e Mawu énɛ́ ɔ́ ka ɖe a jí ǎ.

Jelemíi 31:1

Mawu Mavɔmavɔ ɖɔ: “Hwenɛ́nu su ɔ́, un ná nyí Mawu nú Izlayɛ́li hɛ̌nnu lɛ́ɛ bǐ, bɔ yě ná nyí togun ce.”

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Jelemíi 34:13

“Xó e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe: Nyɛ lɔmɔ̌ jɛ akɔ ɖokpó xá tɔ́gbó mitɔn lɛ́ɛ, hwenu e un ɖe yě tɔ́n sín Ejípu, fí e yě ɖo mɛ kannu ɖe é.

Ezekiyɛ́li 20:19

Nyɛ wɛ nyí Mawu Mavɔmavɔ, Mawu mitɔn; mi xwedó sɛ́n ce lɛ́ɛ, mi bló nǔ e un zɔ́n lɛ́ɛ.

Ezekiyɛ́li 20:5

Ɖɔ nú yě ɖɔ: Xó e nyɛ Aklúnɔ Mavɔmavɔ ɖɔ nú tɔ́gbó yětɔn lɛ́ɛ ɔ́ ɖíe: hwenu e un sɔ́ Izlayɛ́li togun Jakɔ́bu ví lɛ́ɛ ɔ́, un zin alɔ dó akɔ́n nú yě bǐ, bó ɖe nyiɖée xlɛ́ yě ɖo Ejípu. Un zin alɔ dó akɔn nú yě ɖɔ nyɛ wɛ nyí Mawu Mavɔmavɔ, Mawu yětɔn.

Ezekiyɛ́li 20:7

Un ka ɖɔ nú yě ɖɔ: ‘Mi jó nǔmɛsɛn lɛ́ɛ dó, mi jó nǔ baɖabaɖa énɛ́ lɛ́ɛ dó; mi ma sɔ́ sɛn vodún ɖě ó, mi ma sɛn vodún Ejípu tɔn lɛ́ɛ bó hɛn miɖée blí ó. Nyɛ wɛ nyí Mawu Mavɔmavɔ, Mawu mitɔn.’

Ozée 12:10

Nyɛ ɔ́, Mawu Mavɔmavɔ, Mawu towe wɛ un nyí sín hwenu e a ɖo Ejípu é. Un ná bló bɔ a nǎ lɛ́ nɔ azava sá, xóxó hwenu ɖɔhun.

Ozée 13:4

Mawu Mavɔmavɔ ɖɔ: “Izlayɛ́linu lɛ́ɛ mi, nyɛ ɔ́, Mawu Mavɔmavɔ, Mawu mitɔn wɛ un nyí sín hwenu e mi tɔ́n sín Ejípu é; mi tunwun Mawu ɖěvo zɛ nyɛ wú ǎ, Mɛhwlɛ́ngántɔ́ ɖěvo tíin zɛ nyɛ wú ǎ.

Levíi ví 11:45

Đó nyɛ wɛ nyí Mawu Mavɔmavɔ, nyɛ wɛ ɖe mi tɔ́n sín Ejípu. Un ɖe mi tɔ́n, bó ná nyí Mawu mitɔn, mi ná nyí mɛ mímɛ́, ɖó mǐmɛ́ wɛ un nyí.”

Levíi ví 19:36

É nyɔ́ wa ɔ́, nǔdagan e sɔgbe ɔ́ wɛ mi ná nɔ́ zán; kilóo e sɔgbe ɔ́ wɛ mi ná nɔ́ zán, nǔjlɛ́nú e sɔgbe ɔ́ wɛ mi ná nɔ́ zán. Nyɛ wɛ nyí Mawu Mavɔmavɔ, Mawu mitɔn e ɖe mi tɔ́n sín Ejípu é.

Levíi ví 23:43

bónú kúnkan mitɔn lɛ́ɛ ná tunwun ɖɔ nyɛ wɛ nyí Mawu Mavɔmavɔ ɔ́. Un ɖó tɛnmɛ nú tɔ́gbó tɔgbo yětɔn lɛ́ɛ ɖó azava sá hwenu e è kplá yě sín Ejípu ɔ́. Nyɛ wɛ nyí Mawu Mavɔmavɔ, Mawu mitɔn.”

Levíi ví 25:38

Nyɛ wɛ nyí Mawu Mavɔmavɔ, Mawu mitɔn. Nyɛ wɛ ɖe mi tɔ́n sín Ejípu, bó ná ná Kanáa to ɔ́ mi, bó ná nyí Mawu mitɔn.”

Levíi ví 25:42

Đó mɛsɛntɔ́ ce e un ɖe sín Ejípu lɛ́ɛ wɛ; è nǎ sa yě kannumɔ ɖɔhun ǎ.

Levíi ví 25:55

“Mi ná nɔ́ nyi sɛ́n énɛ́ lɛ́ɛ, ɖó mɛsɛntɔ́ ce lɛ́ɛ wɛ mi Izlayɛ́li ví lɛ́ɛ nyí. Mɛsɛntɔ́ ce e un ɖe tɔ́n sín Ejípu lɛ́ɛ wɛ mi nyí. Nyɛ wɛ nyí Mawu Mavɔmavɔ, Mawu mitɔn.”

Levíi ví 26:1

“Mi ma lí vodún ó, mi ma kpa bǒcyɔ abǐ akpajlɛ́ awǐnnya e yě tun te bó nɔ sɛn lɛ́ɛ tɔn ó. Mi má zé awǐnnya e wú è ɖe nǔ dó é ɖěbǔ ɖó to mitɔn mɛ bó sɛn ó, ɖó nyɛ wɛ nyí Mawu Mavɔmavɔ, Mawu mitɔn.

Levíi ví 26:13

Nyɛ wɛ nyí Mawu Mavɔmavɔ, Mawu mitɔn e ɖe mi tɔ́n sín Ejípunu lɛ́ɛ to mɛ é, bónú mi ma sɔ́ nyí kannumɔ yětɔn ó. Nyɛ wɛ flí agban yětɔn e ɖo kɔ mitɔn jí ɔ́ gba, bó bló bɔ mi ná nɔ́ tɛ afɔ ayǐ bó gó.”

Amɔ́si 2:10

Có nyɛ wɛ ka kplá mi sín Ejípu, bó kplá mi gbɔn gbětótló mɛ xɔ xwe kanɖé (40), bó ná dó ná Amɔliti lɛ́ɛ sín to mi.

Hlɔ̌manu 10:12

Đó vogbingbɔn ɖé ɖo mɛ e nyí Jwifu é kpódó mɛ e ma nyí Jwifu ǎ é kpo tɛ́ntin ǎ; yě bǐ wɛ ɖó Aklúnɔ ɖokpó ɔ́; Aklúnɔ e nɔ dó nú mɛ e nɔ xomlá ɛ lɛ́ɛ bǐ, bɔ é nɔ túnflá é.

Hlɔ̌manu 3:29

Abǐ, Mawu ɔ́, Jwifu lɛ́ɛ sín Mawu kɛ́ɖɛ́ wɛ é nyí a? É nyí togun ɖě lɛ́ɛ lɔmɔ̌ tɔn ǎ cé? Ɛɛn, é nyí Mawu togun ɖě lɛ́ɛ lɔ tɔn ganjí.

Sɛ́nflínmɛ 13:10

hu wɛ è ɖǒ ná hu i dandan. Hwi mɛ e é jló ná dɔn dó hwɛ mɛ ɔ́ wɛ ná nyi awǐnnyaglo dó e dó nukɔn, bɔ togun ɔ́ bǐ ná zɔn jǐ tɔn bó hu.

Sɛ́nflínmɛ 15:15

Mi flín ɖɔ kannumɔ wɛ émí lɔmɔ̌ ko nyí ɖo Ejípu, bɔ Mawu Mavɔmavɔ, Mawu mitɔn ɖe mi tɔ́n. Énɛ́ ɔ́ wú wɛ un ɖo sɛ́n énɛ́ xa nú mi wɛ égbé.

Sɛ́nflínmɛ 20:1

Ényí mi sɔ́ ahwan nú, bó xwe ahwan fun xá kɛntɔ́ gbé, bó ná bó mɔ ɖɔ sɔ́ tɔn lɛ́ɛ, ahwankɛkɛ́ví tɔn lɛ́ɛ kpó ahwanfuntɔ́ tɔn lɛ́ɛ kpó sukpɔ́ hú émítɔn lɛ́ɛ hǔn, mi ma ɖi xɛsi nú yě ó, ɖó Mawu Mavɔmavɔ, Mawu mitɔn e ɖe mi tɔ́n sín Ejípu tomɛ ɔ́ ɖo kpɔ́ xá mi.

Sɛ́nflínmɛ 5:15

Flín ɖɔ kannumɔ wɛ émí nyí ɖo Ejípu, bɔ nyɛ Mawu Mavɔmavɔ, Mawu towe zé hlɔ̌nhlɔ́n ce e nukɔn nǔɖé má nɔ́ nɔ te ɖe ǎ é dó ɖe we tɔ́n. Énɛ́ ɔ́ wútu wɛ nyɛ Mawu Mavɔmavɔ, Mawu towe ɖɔ nú we ɖɔ hwi ní nyi gbɔjɛzánsɛ́n ɔ́.

Sɛ́nflínmɛ 5:6

“Nyɛ wɛ nyí Mawu Mavɔmavɔ, Mawu towe e ɖe we tɔ́n sín Ejípu fí e a nyǐ kannumɔ ɖe é.

Sɛ́nflínmɛ 7:8

Lo ɔ́, Mawu Mavɔmavɔ yí wǎn nú mi, lobo ɖe akpá e é zin alɔ dó akɔ́n bó dó nú tɔ́gbó mitɔn lɛ́ɛ é: hlɔ̌nhlɔ́n tɔn e nukɔn nǔɖé má nɔ́ nɔ te ɖe ǎ é wɛ é sɔ́ dó ɖe mi tɔ́n sín Ejípu, fí e mi ɖo Ejípu xɔ́sú ɔ́ sín fɛn mɛ ɖe, bó nyí kannumɔ tɔn é.

Hwɛɖɔtɔ́ 2:1

Wɛnsagun Mawu Mavɔmavɔ tɔn gosín Gilugalu wá Bokímu, bó ɖɔ nú Izlayɛ́li ví lɛ́ɛ ɖɔ: “Un ɖe mi tɔ́n sín Ejípu bó kplá mi wá ayǐkúngban e un dó akpá tɔn nú tɔ́gbó mitɔn lɛ́ɛ ɔ́ jí. Un ɖɔ un kún ná hɛn akɔ e un jɛ xá mi ɔ́ gblé gbeɖé ó.

Hwɛɖɔtɔ́ 6:10

Un ɖɔ nú mi ɖɔ nyɛ wɛ nyí Mawu Mavɔmavɔ, Mawu mitɔn; mi kún ɖó ná sɛn vodún Amɔliti e tɛ́ntin mi ɖe lɛ́ɛ tɔn lɛ́ɛ ó. Lo ɔ́, mi se tónú nú mì ǎ.’ ”