Tíntɔ́n 2:8 - MAWUXÓWÉMA

⁸ Bɔ axɔ́ví nyɔ̌nu ɔ́ yí gbe n'i ɖɔ: “Bo yi ba bo wá.” Bɔ é yi kplá vǐ ɔ́ sín nɔ wá.

Tíntɔ́n 2:8 Iomraidhean Croise

Ɖɛhan 27:10

Đó tɔ́ ce kpó nɔ ce kpó ná bó ɖe alɔ sín kan ce mɛ ɔ́, hwɛ Mawu Mavɔmavɔ ɔ́, a nǎ kɛ alɔ bo yí mì.

Tíntɔ́n 2:7

Énɛ́ ɔ́, vǐ ɔ́ sín dadá sɛkpɔ́ ɛ, bó ɖɔ n'i ɖɔ: “Má yi ba vǐnɔ ɖokpó wá nú we ɖo Eblée lɛ́ɛ mɛ, bónú é ná nɔ́ ná anɔ̌ vǐ ɔ́ nú we a?”

Tíntɔ́n 2:9

Ée nyɔ̌nu ɔ́ wá ɔ́, axɔ́ví nyɔ̌nu ɔ́ ɖɔ n'i ɖɔ: “Kplá vǐ élɔ́ yi xwé, bó nɔ́ ná ɛ anɔ̌ nú mì; un ná nɔ́ sú axɔ́ we.” Bɔ nyɔ̌nu ɔ́ yí vǐ ɔ́, bó nɔ́ ná anɔ̌ ɛ.

Tíntɔ́n 6:20

Amulámu da daányɔ̌nu tɔn Yokɛvɛ́di bɔ é ji Aalɔ́ɔn ɔ́ kpó Mɔyízi ɔ́ kpó n'i. Xwe kantɔn afɔtɔn-nukún-we (137) wɛ Amulámu nɔ gbɛ xɔ.

Ezekiyɛ́li 16:8

Un lɛ́ gbɔn akpá towe, bó mɔ ɖɔ a ko wínnyá bǐ bó ko su xɔ́ntɔn ɖó. Énɛ́ ɔ́, un vlɔ́n awu ce bo cyɔ́n nú we, bó hwlá mɛ̌ nú we. Un zin alɔ dó akɔ́n ɖɔ un ná nɔ gbejí nú we, lobo jɛ akɔ xá we. Lě e a hǔzú ce gbɔn é nɛ́; nyɛ Aklúnɔ Mavɔmavɔ wɛ ɖɔ mɔ̌.