Tíntɔ́n 2:2 - MAWUXÓWÉMA

² Nyɔ̌nu ɔ́ mɔ xo bó ji vǐ súnnu ɖokpó. É mɔ ɖɔ vǐ ɔ́ nyɔ́ ɖɛkpɛ, bó sɔ́ ɛ hwlá nú sun atɔn.

Tíntɔ́n 2:2 Iomraidhean Croise

2 Axɔ́sú 11:3

Vǐ ɔ́ kpó nyɔ̌nu e nɔ hɛn ɔ́ kpó nɔ hwlǎhwlá ɖo Mawu Mavɔmavɔ xwé gbe káká nú xwe ayizɛ́n. Atalíi ɔ́ ká ɖo axɔ́sú ɖu ɖo to ɔ́ nu wɛ hwenɛ́nu.

Ɖɛhan 112:5

É nyɔ́ ɖɔ gbɛtɔ́ ní nɔ hun alɔ bó nɔ́ nya nǔ nú mɛ, é nyɔ́ ɖɔ gbɛtɔ́ ní nɔ wa nǔ tɔn lɛ́ɛ bǐ lě e sɛ́n ɔ́ ɖɔ gbɔn é.

Tíntɔ́n 6:20

Amulámu da daányɔ̌nu tɔn Yokɛvɛ́di bɔ é ji Aalɔ́ɔn ɔ́ kpó Mɔyízi ɔ́ kpó n'i. Xwe kantɔn afɔtɔn-nukún-we (137) wɛ Amulámu nɔ gbɛ xɔ.

Kɛ́nsísɔ́ 26:59

Amulámu sín asi ɔ́ nyí Yokɛvɛ́di; Levíi ví wɛ, bɔ è ji i ɖo Ejípu. Vǐ atɔn wɛ Yokɛvɛ́di ji nú Amulámu; yě wɛ nyí Aalɔ́ɔn, Mɔyízi kpó Miliamu kpó. Miliamu ɔ́, nyɔ̌nu wɛ.

Mɛsɛ́dó 7:20

Hwenɛ́nu wɛ è ji Mɔyízi, bɔ é nyɔ́ ɖɛkpɛ ɖésú ɖo Mawu nukún mɛ. Mɛ tɔn lɛ́ɛ kpé nukún wú tɔn ɖo tɔ́ tɔn sín xwé gbe xɔ sun atɔn.

Sɛ́nflínmɛ 33:16

Dɔkun ɖaxó e ɖo to ɔ́ mɛ lɛ́ɛ kpódó fɛ́nú Mawu e nɔ zungodwe mɛ bó ɖɔ xó ɔ́ tɔn kpó ní kɔn dó Jozɛ́fu e nyí gǎn nú nɔví tɔn lɛ́ɛ é sín akɔta jí.

Eblée 11:23

Nǔɖiɖi e mɛ e ji Mɔyízi lɛ́ɛ ɖó ɔ́ wɛ zɔ́n bɔ hwenu e è ji i ɔ́, yě sɔ́ ɛ hwlá xɔ sun atɔn. Yě mɔ ɖɔ vǐ ɔ́ nyɔ́ ɖɛkpɛ; énɛ́ ɔ́ wú ɔ́, yě ɖi xɛsi nú sɛ́n e axɔ́sú ɔ́ dó é gbigba ǎ.

1 Samuwɛ́li 16:12

Jɛsée sɛ́ mɛ dó gbě tɔn mɛ nǔgbó. Nyaví vɔvɔ ɖagbe ɖagbe ɖé wɛ, bó ɖó nukún cɔɔn. Ée é wá ɔ́, Mawu Mavɔmavɔ ɖɔ nú Samuwɛ́li ɖɔ: “Sí te bo kɔn ami dó ta n'i bó sɔ́ ɛ axɔ́sú. É wɛ un sɔ́.”