Tíntɔ́n 2:16 - MAWUXÓWÉMA

¹⁶ Vɔ̌sánú-xwlémawutɔ́ ɖé ká ɖo Madiáani fínɛ́. É ɖó vǐ nyɔ̌nu tɛ́nwe. Vǐ lɛ́ɛ wá sin dun gɔ́ nǔ e mɛ gbɔ̌ lɛ́ɛ nɔ́ nu sin ɖe lɛ́ɛ gbé lě e yě kó nɔ́ bló gbɔn é, bónú tɔ́ yětɔn sín gbɔ̌ lɛ́ɛ ná wá nu.

Tíntɔ́n 2:16 Iomraidhean Croise

Bǐbɛ́mɛ 14:18

Lo ɔ́, Mɛlukisedɛ́ki , axɔ́sú Salɛ́mu tɔn ɔ́, éyɛ́ hɛn wɔ̌xúxú kpó vɛ̌ɛn kpó wá nú Ablámu. Mawu Ajalɔ̌nlɔn ɔ́ sín vɔ̌sánú-xwlémawutɔ́ wɛ é kó nyí ɖ'ayǐ.

Bǐbɛ́mɛ 24:11

Hwenu e é ɖo toxo e mɛ é xwe ɔ́ sɛkpɔ́ wɛ ɔ́, é yi jɛ dotɔ ɖé kɔn, ɖo toxo ɔ́ kpá, bó ɖɔ bɔ lǎkúnmí lɛ́ɛ jɛ kpo ɖo fínɛ́. Hwe ko lɛ́ kɔ hwenɛ́nu, bɔ hwenu e nyɔ̌nu lɛ́ɛ nɔ́ wá dun sin dó ɔ́ kó su.

Bǐbɛ́mɛ 24:13

Nyɛ ɖíe ɖo dotɔ ɔ́ kɔn e; ɖyɔ̌vǐ e ɖo toxo ɔ́ mɛ lɛ́ɛ ná wá dun sin.

Bǐbɛ́mɛ 29:2

Ée é ɖo yiyi wɛ ɔ́, é wá jɛ gbe ɖokpó bɔ é mɔ tɔ ɖokpó ɖo gbě ɔ́ jí. Gbɔ̌hwan atɔn ɖo tɔ ɔ́ nu, bó ɖo gbigbɔjɛ́ wɛ; tɔ énɛ́ ɔ́ sín sin wɛ è nɔ ná kanlin lɛ́ɛ. È zě awǐnnya ɖaxó ɖé dó sú tɔ ɔ́.

Bǐbɛ́mɛ 41:45

Axɔ́sú ɔ́ sun nyǐ Jozɛ́fu ɖɔ Safunáti-Panɛ́yaxi. É zé Asenáti da n'i; Asenáti ɔ́, Poti-Fela, hunnɔ Ɔnu toxo ɔ́ tɔn ɔ́ sín vǐ wɛ. Bɔ Jozɛ́fu sɔ́ nǔ bó yi gbɔn Ejípu to ɔ́ mɛ.

Tíntɔ́n 18:1

Jetlo e nyí vɔ̌sánú-xwlémawutɔ́ Madiáani tɔn, bó nyí Mɔyízi sín asitɔ́ ɔ́, se nǔ e Mawu wa nú Mɔyízi kpó togun tɔn Izlayɛ́li ɔ́ kpó é bǐ; é se lě e Mawu Mavɔmavɔ ɖe Izlayɛ́li ví lɛ́ɛ tɔ́n sín Ejípu gbɔn é.

Tíntɔ́n 18:12

Jetlo, Mɔyízi sín asitɔ́ ɔ́ sá vɔ̌ e è nɔ dó zo ɔ́ kpódó kɔnɖókpɔ́ sín vɔ̌ lɛ́ɛ kpó nú Mawu. Aalɔ́ɔn kpódó tomɛxó lɛ́ɛ bǐ kpó wá ɖu kɔnɖókpɔ́ nǔɖuɖu ɔ́ xá Mɔyízi sín asitɔ́ ɔ́, ɖo Mawu nukɔn.

Tíntɔ́n 3:1

Hwenɛ́nu ɔ́, Mɔyízi ka ɖo nukún kpé dó asi tɔn tɔ́ Jetlo , vɔ̌sánú-xwlémawutɔ́ Madiáani tɔn ɔ́ sín gbɔ̌ lɛ́ɛ wú wɛ. É wá jɛ gbe ɖokpó, bɔ é kplá gbɔ̌ lɛ́ɛ gbɔn gbětótló gúdo, bó yi jɛ Mawu só ɔ́ kɔn ɖo Holɛ́bu.

1 Samuwɛ́li 9:11

Ée yě ɖo kpó fán byɔ́ toxo ɔ́ mɛ wɛ ɔ́, yě kpé ɖyɔ̌vǐ ɖé lɛ́ɛ, bɔ yě xwe tɔ, bɔ yě kanbyɔ́ yě ɖɔ: “Nǔmɔtɔ́ ɔ́ ɖo xwé gbe a?”