Tíntɔ́n 2:10 - MAWUXÓWÉMA

¹⁰ Ée vǐ ɔ́ wá su ɔ́, é kplá ɛ wá jó nú axɔ́ví nyɔ̌nu ɔ́, bɔ é sɔ́ ɛ dó ɖó vǐ. É sun nyǐkɔ ɛ ɖɔ Mɔyízi. Đó é ɖɔ: “Tɔ mɛ wɛ un ɖe e tɔ́n sín.”

Tíntɔ́n 2:10 Iomraidhean Croise

Bǐbɛ́mɛ 16:11

Xo wɛ a ɖe din, bó ná ji vǐ súnnu ɖokpó, lobo ná sun nyǐ i ɖɔ Isimayɛ́li; ɖó un se nǔwamɛ ví e ya wɛ a ɖe é.

Bǐbɛ́mɛ 4:25

Adámu lɛ́ ɖó xó xá asi tɔn, bɔ é mɔ xo bó ji vǐ súnnu ɖokpó, bó sun nyǐ i ɖɔ Sɛ́ti. É ɖo ɖiɖɔ wɛ ɖɔ Mawu ná émí vǐ ɖěvo dó Abɛ́li e Kanyɛ́ɛ hu ɔ́ sín tɛnmɛ.

Bǐbɛ́mɛ 48:5

Jakɔ́bu lɛ́ ɖɔ nú Jozɛ́fu ɖɔ: “Din ɔ́, vǐ súnnu we e a ko ji ɖo Ejípu fí cóbɔ un wá gɔ̌n towe lɛ́ɛ ɔ́, vǐ ce lɛ́ɛ wɛ yě nyí, Hwlibɛ́ni kpó Sinmɛnyɔ́ɔ kpó ɖɔhun.

2 Samuwɛ́li 22:17

É dlɛ̌n alɔ tɔn sín jǐxwé bó hɛn mì, é ɖe mì tɔ́n sín tɔ ɖaxó mɛ.

Tíntɔ́n 2:9

Ée nyɔ̌nu ɔ́ wá ɔ́, axɔ́ví nyɔ̌nu ɔ́ ɖɔ n'i ɖɔ: “Kplá vǐ élɔ́ yi xwé, bó nɔ́ ná ɛ anɔ̌ nú mì; un ná nɔ́ sú axɔ́ we.” Bɔ nyɔ̌nu ɔ́ yí vǐ ɔ́, bó nɔ́ ná anɔ̌ ɛ.

Matíe 1:21

É ná ji vǐ súnnu ɖokpó, bɔ a nǎ sun nyǐ vǐ ɔ́ ɖɔ Jezu , ɖó é ná hwlɛ́n togun tɔn gán sín hwɛ tɔn lɛ́ɛ mɛ.”

Galatinu 4:5

bó ná sixú hwlɛ́n mɛ e ɖo sɛ́n ɔ́ glɔ́ lɛ́ɛ gán, bónú mǐ ná sixú húzú vǐ nú Mawu.

Eblée 11:24

Nǔɖiɖi e Mɔyízi ɖó ɔ́ wɛ zɔ́n bɔ hwenu e é su ɔ́, é gbɛ́ ɖɔ è nǐ ma ylɔ́ émí ɖɔ Ejípu xɔ́sú ɔ́ sín vǐ nyɔ̌nu sín vǐ ó.

1 Jǎan 3:1

Mi Kpɔ́n lě e Tɔ́ ɔ́ yí wǎn nú mǐ sɔ é. É yí wǎn nú mǐ káká bo ɖɔ è ní ylɔ́ mǐ ɖɔ Mawu ví; vǐ tɔn wɛ mǐ ka nyí nǔgbó. Ée gbɛ ɔ́ ma tunwun Mawu ɔ́ ǎ wútu wɛ é ma tunwun mǐ ǎ.

1 Samuwɛ́li 1:20

Đo xwe nɛ́ xwe ɔ́, Ana mɔ xo bo ji vǐ súnnu ɖokpó, bó ɖɔ dó ayi mɛ ɖɔ émí ná sun nyǐ i ɖɔ Samuwɛ́li, ɖó Mawu Mavɔmavɔ wɛ émí byɔ́ .