Tíntɔ́n 19:5 - MAWUXÓWÉMA

⁵ Din ɔ́, ényí mi ɖótó mì ɔ́, ényí mi hɛn akɔ e un jɛ xá mi ɔ́, mi ná nyí togun ce vívɛ́ná ɖo togun ɖě lɛ́ɛ bǐ mɛ; nǔgbó ɔ́, ayǐkúngban ɔ́ bǐ wɛ nyí ce.

Tíntɔ́n 19:5 Iomraidhean Croise

Bǐbɛ́mɛ 17:9

Mawu lɛ́ ɖɔ nú Ablaxámu ɖɔ: “Hwɛ ɔ́, a nǎ ɖó sísí nú akɔ e un jɛ xá we ɔ́. Hwi kpó vǐ towe e ná jɛ do towe mɛ lɛ́ɛ kpó ná ɖó sísí nú akɔ e un jɛ xá mi é, jijimɛ ɖě jɛ ɖě gúdo.

1 Axɔ́sú 8:53

Đó a ɖe mǐ ɖó vo nú togun ɖě lɛ́ɛ e ɖo ayǐkúngban jí lɛ́ɛ bǐ, bónú mǐ ná nyí towe lě e a ɖɔ gbɔn, gbɔn mɛsɛntɔ́ towe Mɔyízi jí hwenu e a ɖe tɔ́gbó mǐtɔn lɛ́ɛ tɔ́n sín Ejípu é!”

1 Tan 17:22

A blǒ bɔ togun towe Izlayɛ́li ná nyí togun towe káká sɔ́yi, bɔ hwɛ Mawu Mavɔmavɔ ɔ́, a hǔzú Mawu tɔn.

Jɔ̌bu 41:11

Zoɖɛ́ nɔ́ tɔ́n sín nu tɔn mɛ, nu tɔn mɛ nɔ kán myɔ.

Jɔ̌bu 41:3

Un ɖu nǔɖé sín axɔ́ dó mɛ ɖé ǎ. Nǔ e ɖo hwe glɔ́ fí lɛ́ɛ bǐ wɛ nyí ce.

Ɖɛhan 135:4

Mawu Mavɔmavɔ sɔ́ Jakɔ́bu bɔ é nyí étɔn; é sɔ́ Izlayɛ́li bɔ é nyí étɔn tunwuntunwun.

Ɖɛhan 24:1

Davídi sín han. Mawu Mavɔmavɔ tɔn wɛ nyí ayǐkúngban ɔ́ kpó ayǐkúngban dɔkun lɛ́ɛ kpó. É tɔn wɛ nyí gbɛ ɔ́ kpó gbɛtɔ́ e ɖo gbɛ ɔ́ mɛ lɛ́ɛ kpó.

Ɖɛhan 25:10

Ali e Mawu Mavɔmavɔ nɔ xlɛ́ mɛ lɛ́ɛ ɔ́, bǐ wɛ nɔ́ ɖe xomɛnyínyɔ́ tɔn kpó gbejíninɔ tɔn kpó xlɛ́ mɛ e ɖo gbejí nú akɔ e é jɛ xá yě lɛ́ɛ.

Tíntɔ́n 15:26

É ɖɔ nú yě ɖɔ: “Nú mi ɖótó nyɛ Mawu Mavɔmavɔ, Mawu mitɔn ɔ́ sín gbe ganjí ɔ́, nú mi wa nǔ e jlɔ́ ɖo nukún ce mɛ lɛ́ɛ ɔ́, nú mi se nǔ e un zɔ́n mi lɛ́ɛ ganjí, bó nyi sɛ́n ce lɛ́ɛ bǐ ɔ́, un ná dó azɔn e un dó Ejípunu lɛ́ɛ ɔ́ ɖěbǔ mi ǎ. Nyɛ wɛ nyí Mawu Mavɔmavɔ e nɔ gbɔ azɔn nú mi é.”

Tíntɔ́n 23:22

Lo ɔ́, nú mi se tónú n'i, bó bló nǔ e un ná ɖɔ nú mi lɛ́ɛ bǐ ɔ́, un ná nyí kɛntɔ́ mitɔn lɛ́ɛ sín kɛntɔ́, un ná li za xá mɛ e ɖo za li xá mi wɛ lɛ́ɛ.

Tíntɔ́n 24:7

Énɛ́ ɔ́ gúdo ɔ́, é zé akɔjijɛwéma ɔ́, bó zé gbe dó jǐ, lobo xa nú togun ɔ́, bɔ yě ɖɔ: “Mǐ ná bló nǔ e Mawu Mavɔmavɔ ɖɔ lɛ́ɛ bǐ, mi ná se tónú n'i.”

Tíntɔ́n 34:9

bó ɖɔ: “Aklúnɔ, nú a nǎ fɛ́nú towe mì nǔgbó hǔn, kɛnklɛ́n bó wá nɔ tɛ́ntin mǐtɔn; togun élɔ́ ɔ́, tótlítɔ́ wɛ é nyí. Lo ɔ́, sɔ́ hwɛ e mǐ hu lɛ́ɛ kpódó nǔ e mǐ wa nyi do lɛ́ɛ kpó kɛ mǐ, bó yí mǐ dó yí togun towe.”

Tíntɔ́n 6:7

Un ná zé mi dó ɖó togun ce ná; un ná nyí Mawu mitɔn, bɔ mi ná tunwun ɖɔ nyɛ Mawu Mavɔmavɔ, Mawu mitɔn ɔ́ wɛ ɖe mi sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú mi lɛ́ɛ mɛ.

Tíntɔ́n 8:22

Bɔ Mɔyízi ɖɔ n'i ɖɔ: “É nyɔ́ bónú mǐ ná bló mɔ̌ ǎ, ɖó vɔ̌sánú e mǐ nɔ xwlé Mawu Mavɔmavɔ, Mawu mǐtɔn ɔ́ lɛ́ɛ ɔ́, suɖunú wɛ Ejípunu lɛ́ɛ nɔ́ dó mɔ. Ényí mǐ sɔ́ nǔ e yě nɔ́ mɔ dó mɔ suɖunú ná lɛ́ɛ dó sá vɔ̌ ná ɖo nukún yětɔn mɛ ɔ́, yě ná nyi awǐnnyaglo dó hu mǐ.

Tíntɔ́n 9:29

Énɛ́ ɔ́, Mɔyízi ɖɔ n'i ɖɔ: “Un tɔ́n sín toxo ɔ́ mɛ ɔ́, un ná dlɛ́n alɔ sɛ́ dó Mawu Mavɔmavɔ, bɔ jǐ sɔ́ ná dó gbe ɖě ǎ, kɛ́njí ká sɔ́ ná ja ɖě ǎ; énɛ́ ɔ́, a nǎ tunwun ɖɔ Mawu Mavɔmavɔ tɔn wɛ nyí ayǐkúngban ɔ́.

Hanvíví 8:12

Hwɛ Salomɔ́ɔ ɔ́, a hɛn ɔ́, a nǎ yí gankwɛ́ towe afatɔ́n (1.000) lɛ́ɛ, bó ná afɔɖé (200) vǐwunglecɔ́tɔ́ lɛ́ɛ. Amɔ̌, vǐwungbo nyɛtɔn ɔ́, nyɛ ɖésúnɔ lɔ mɛ wɛ é ɖe.

Ezayíi 1:19

Ényí mi ɖó jlǒ ɖagbe bo se tónú nú mì ɔ́, mi ná ɖu nǔ ɖagbe e ɖo to ɔ́ mɛ lɛ́ɛ.

Ezayíi 41:8

“Mɛsɛntɔ́ ce Izlayɛ́li, ɖǒtó mì; hwi togun Jakɔ́bu tɔn e un sɔ́ é, hwi xɔ́ntɔn ce Ablaxámu kún ɔ́.

Ezayíi 43:1

Din ɔ́, Izlayɛ́li togun Jakɔ́bu tɔn, Mawu Mavɔmavɔ e ɖó we ɔ́, xó e é ɖɔ ɔ́ ɖíe; Mawu Mavɔmavɔ e bló we ɔ́, xó e é ɖɔ nú we ɔ́ ɖíe: “Ma ɖi xɛsi ó, un xɔ gbɛ nú we; un ylɔ́ we, ce wɛ a nyǐ.

Ezayíi 56:4

Đó xó e Mawu Mavɔmavɔ ɖɔ ɔ́ ɖíe: “Agooɖojǐe e nɔ nyi gbɔjɛzán ce lɛ́ɛ ganjí, bó nɔ́ wa nǔ e nɔ́ nyɔ́ nukún ce mɛ lɛ́ɛ, bó sɔgbe xá akɔ e un jɛ xá togun ce ɔ́,

Jelemíi 10:16

Amɔ̌, Mawu Jakɔ́bu ví lɛ́ɛ tɔn ɔ́, è sixú jlɛ́ ɛ dó nǔmɛsɛn yětɔn énɛ́ lɛ́ɛ wú ǎ, ɖó é wɛ ɖó nǔ bǐ; togun Izlayɛ́li tɔn wɛ ka nyí togun e é sɔ́ bɔ é nyí étɔn é. Nyǐkɔ tɔn nyí Mawu Mavɔmavɔ Nǔbǐwúkpétɔ́.

Jelemíi 13:11

Lě e è nɔ sin gǒjíblánú dó alin syɛ́nsyɛ́n ɔ́, mɔ̌ wɛ un dɔn Izlayɛ́li ví lɛ́ɛ kpódó Judáa ví lɛ́ɛ kpó dó wǔ syɛ́nsyɛ́n. Un bló mɔ̌ bónú yě ná nyí togun ce, bó sɔ́ nyǐkɔ ce yi jǐ, bó nyí susu ce, bó nyí acɔ́ɖónú ce. Lo ɔ́, yě ɖótó mì ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 7:23

Nǔ e un zɔ́n yě ɔ́ ɖíe: un ɖɔ nú yě ɖɔ yě ní se xó ce, bónú má nyí Mawu yětɔn, bɔ yě ná nyí togun ce. Ali e un ɖe nú yě ɔ́, yě ní gbɔn ali ɔ́ tlélé, bónú nǔ nǎ nyɔ́ nú yě.

Ezekiyɛ́li 16:8

Un lɛ́ gbɔn akpá towe, bó mɔ ɖɔ a ko wínnyá bǐ bó ko su xɔ́ntɔn ɖó. Énɛ́ ɔ́, un vlɔ́n awu ce bo cyɔ́n nú we, bó hwlá mɛ̌ nú we. Un zin alɔ dó akɔ́n ɖɔ un ná nɔ gbejí nú we, lobo jɛ akɔ xá we. Lě e a hǔzú ce gbɔn é nɛ́; nyɛ Aklúnɔ Mavɔmavɔ wɛ ɖɔ mɔ̌.

Levíi ví 20:24

Bó ɖɔ nú yě ɖɔ: ‘Mitɔn wɛ ayǐkúngban yětɔn ná nyí; to énɛ́ e mɛ anɔ̌sin kpódó wǐin kpó gɔ́ ɔ́, nyɛ wɛ ná mi.’ Nyɛ wɛ nyí Mawu Mavɔmavɔ, Mawu mitɔn e ɖe mi ɖó vo nú togun ɖě lɛ́ɛ é.

Amɔ́si 3:2

É ɖɔ: Midɛɛ lɛ́ɛ kɛ́ɖɛ́ wɛ un sɔ́ ɖo hɛ̌nnu e ɖo ayǐkúngban jí lɛ́ɛ bǐ mɛ; énɛ́ ɔ́ wú ɔ́, nǔ nyanya e mi wa lɛ́ɛ bǐ sín tó wɛ un ná dɔn nú mi.

Amɔ́si 6:1

Mi mɛ e vo fɛɛ ɖo Sinyɔ́ɔ ɖo Samalíi só ta, bó vɛdó ɖɔ nǔɖé kún ná wa émí ó lɛ́ɛ ɔ́, heelú mi. Mi wɛ nyí akɔta e jɛ nukɔn ɖo akɔta ɖě lɛ́ɛ mɛ ɔ́ bɔ è ɖɔ; è ɖɔ mi gɔ́n wɛ Izlayɛ́linu lɛ́ɛ nɔ wá.

Malacíi 3:17

Bɔ Mawu Mavɔmavɔ Nǔbǐwúkpétɔ́ ɔ́ ɖɔ: “Gbe e gbe un ná ɖe hlɔ̌nhlɔ́n ce xlɛ́ ɔ́, un ná zé mɛ énɛ́ lɛ́ɛ dó ɖó mɛ ce ná. Yě ná nyí togun ce, un ná nyɔ́ xomɛ dó yě wú lě e tɔ́ nɔ́ nyɔ́ xomɛ dó vǐ e nɔ́ sɛn ɛ ɔ́ wú gbɔn é.

1 Kɔlɛ́ntinu 10:26

Đó lě e Mawuxówéma ɔ́ ɖɔ gbɔn ɔ́: “Aklúnɔ tɔn wɛ nyí ayǐkúngban kpódó nǔ e ɖ'é mɛ lɛ́ɛ bǐ kpó.”

1 Kɔlɛ́ntinu 10:28

Amɔ̌ ényí mɛɖé ɖɔ nú mi ɖɔ: “Lan élɔ́ ɔ́, kanlin e è sɔ́ dó sá vɔ̌ ná nú vodún ɔ́ sín lan wɛ hǔn”, mi ma ɖu ó; ɖó mɛ e ɖɔ xó d'é wú nú mi ɔ́ wútu, nú ayixa ma xo hun xá mɛ ó.

Sɛ́nflínmɛ 10:14

Mawu Mavɔmavɔ, Mawu mitɔn wɛ ɖó jǐnukúnsin káká yi fí e é kponu ɖó é, bó ɖó ayǐkúngban kpó nǔ e ɖ'é jí lɛ́ɛ bǐ kpó.

Sɛ́nflínmɛ 11:27

Ényí mi nyi Mawu Mavɔmavɔ, Mawu mitɔn sín sɛ́n e un xa nú mi égbé lɛ́ɛ ɔ́, ɖɛ tɔn ná nɔ mi jí.

Sɛ́nflínmɛ 14:2

Đó togun ɖé wɛ mi nyí, bó ɖo vo nú Mawu Mavɔmavɔ, Mawu mitɔn. Mi wɛ é sɔ́ ɖo togun e ɖo ayǐkúngban ɔ́ jí lɛ́ɛ bǐ mɛ, bɔ mi vɛ́ n'i hú nǔ bǐ.

Sɛ́nflínmɛ 14:21

Mi ma ɖu kanlin kúkú ó; mi ná jǒnɔ e ɖo to mitɔn mɛ lɛ́ɛ, abǐ mi sa nú mɛ e ɖo to mitɔn mɛ gbɔn dín wɛ lɛ́ɛ. Đó midɛɛ lɛ́ɛ ɔ́, togun Mawu Mavɔmavɔ, Mawu mitɔn tɔn wɛ mi nyí, bó ɖe nú é ɖokpónɔ géé. Mi ma ɖa gbɔ̌ví ɖo nɔ tɔn sín anɔ̌sin mɛ ó.

Sɛ́nflínmɛ 26:18

Mawu Mavɔmavɔ ka byɔ́ mi, bɔ mi dó akpá n'i ɖɔ émí ná nyí togun é ɖokpónɔ géé tɔn, lě e é kó ɖɔ gbɔn é, bó ná bló nǔ e é zɔ́n lɛ́ɛ bǐ.

Sɛ́nflínmɛ 26:19

Énɛ́ ɔ́, é ná bló bɔ mi ná hú gǎn togun e é kó bló lɛ́ɛ bǐ ɖo susu mɛ, ɖo ɖɛkpɛ mɛ; nyǐkɔ mitɔn ná nɔ aga nú yě bǐ, bɔ mi ná nyí togun e Mawu Mavɔmavɔ, Mawu mitɔn sɔ́ ɖó vo lě e é kó dó akpá tɔn nú mi gbɔn é.”

Sɛ́nflínmɛ 28:1

Ényí mi ɖótó Mawu Mavɔmavɔ, Mawu mitɔn nǔgbó, bó ɖó ayi te, bó bló nǔ e é zɔ́n mi, bɔ un ɖo ɖiɖɔ nú mi wɛ égbé din lɛ́ɛ bǐ ɖ'é jí ɔ́, Mawu Mavɔmavɔ, Mawu mitɔn ná bló, bɔ mi ná hú gǎn togun e ɖo gbɛ ɔ́ mɛ lɛ́ɛ bǐ.

Sɛ́nflínmɛ 28:9

Ényí mi bló nǔ e Mawu Mavɔmavɔ, Mawu mitɔn zɔ́n mi lɛ́ɛ, bó wa jlǒ tɔn ɔ́, é ná sɔ́ mi bɔ mi ná nyí togun tɔn lě e é kó dó akpá tɔn gbɔn nú mi é.

Sɛ́nflínmɛ 4:20

Lo ɔ́, midɛɛ lɛ́ɛ ɔ́, Mawu Mavɔmavɔ sɔ́ mi bó ɖe mi tɔ́n sín Ejípu, kúgan mɛ, bónú mi ná húzú togun tɔn lě e mi ɖe gbɔn égbé din é.

Sɛ́nflínmɛ 5:2

Mawu Mavɔmavɔ, Mawu mǐtɔn jɛ akɔ xá mǐ ɖo Holɛ́bu só jí.

Sɛ́nflínmɛ 7:6

Đó togun ɖe ɖó vo Mawu Mavɔmavɔ, Mawu mitɔn tɔn wɛ mi nyí. Mawu Mavɔmavɔ, Mawu mitɔn sɔ́ mi bɔ mi ná nyí togun tɔn vívɛ́ná ɖo togun e ɖo ayǐkúngban ɔ́ jí lɛ́ɛ bǐ mɛ.”

Sɛ́nflínmɛ 9:29

Mawu Mavɔmavɔ, togun towe wɛ yě nyí. Yě mɛ e wú a zǎn hlɔ̌nhlɔ́n towe kpó acɛ towe e nukɔn nǔɖé má nɔ́ nɔ te ɖe ǎ é dó, dó ɖe yě tɔ́n sín Ejípu ɔ́, towe wɛ yě nyí tɛgbɛ.’ ”

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Eblée 11:8

Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu ylɔ̌ ɛ ɔ́, é se tónú n'i, bó ɖidó to e ná ná ɛ wɛ Mawu ɖe, bɔ é ná nyí étɔn ɔ́ mɛ. É gosín to é ɖésúnɔ tɔn mɛ, bó ɖidó, ma tunwun fí e é xwe é.

Eblée 8:9

É ná cí akɔ e un jɛ xá tɔ́gbó yětɔn lɛ́ɛ, gbe e gbe un hɛn alɔ yětɔn, bó kplá yě tɔ́n sín Ejípu é ɖɔhun ǎ; yě nɔ gbejí nú akɔjijɛ énɛ́ ɔ́ ǎ. Énɛ́ ɔ́ wú ɔ́, un sɔ́ flín yě ǎ.

Jozuwée 24:24

Togun ɔ́ ká yí gbe nú Jozuwée ɖɔ: “Mǐ ná sɛn Mawu Mavɔmavɔ, Mawu mǐtɔn, bó ná bló nǔ e é ɖɔ lɛ́ɛ.”

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

1 Samuwɛ́li 15:22

Samuwɛ́li lɛ́ ɖɔ: “Lě e Mawu Mavɔmavɔ yí wǎn nú tónú se nú xó tɔn gbɔn ɔ́ wɛ é yí wǎn nú vɔ̌ e è nɔ dó zo ɔ́, kpódó vɔ̌sísá ɖě lɛ́ɛ kpó gbɔn a? Gbeɖé! É yí wǎn nú tónú se n'i hú vɔ̌sísá. È blǒ nǔ e é ɖɔ ɔ́, é nɔ́ víví n'i hú jǒ.