Tíntɔ́n 19:4 - MAWUXÓWÉMA

⁴ Mi ɖésúnɔ ɔ́, mi mɔ nǔ e un wa xá Ejípunu lɛ́ɛ é; bó ká mɔ lě e un bɛ́ midɛɛ lɛ́ɛ, lě e gangan nɔ zé vǐ tɔn dó awa jí ɔ́ ɖɔhun, bó kplá mi wá fí gbɔn é.

Tíntɔ́n 19:4 Iomraidhean Croise

Ezayíi 40:31

Amɔ̌, mɛ e nɔ gán jɛ Mawu Mavɔmavɔ wú lɛ́ɛ ɔ́, hlɔ̌nhlɔ́n ɖěvo nɔ wá nú yě; yě nɔ́ zɔn hɔ̌nsúhɔ́nsú ɖɔhun; yě nɔ́ ɖo wezun kán wɛ, nǔ ká nɔ́ cikɔ nǔ yě ǎ; Yě nɔ́ ɖo yiyi wɛ, hlɔ̌nhlɔ́n yětɔn ka nɔ́ vɔ ǎ.

Ezayíi 63:9

Yě ɖo aluwɛ mɛ ɔ́, é ɖésú nɔ́ nɔ aluwɛ mɛ xá yě, bɔ wɛnsagun e nɔ ɖo kpɔ́ xá ɛ ɔ́ nɔ hwlɛ́n yě; éyɛ́ Mawu ɔ́ ɖésú xɔ yě ɖo wǎn yíyí tɔn kpó nǔbláwǔkúnúmɛ tɔn kpó mɛ; é wɛ kpé nukún dó yě wú, bó hɛn sɔ yě ɖo hwe yětɔn nu.

Ozée 11:1

Mawu Mavɔmavɔ ɖɔ: “Hwenu e Izlayɛ́li ɖo vǔ ɔ́, un yí wǎn n'i. Un ylɔ́ vǐ súnnu ce sín Ejípu.”

Ajée 2:5

Un ko zin alɔ énɛ́ ɔ́ dó akɔ́n hwenu e mi tɔ́n sín Ejípu é. Un ka na nɔ tɛ́ntin mitɔn. Mi ma ɖi xɛsi ó.

Malacíi 2:10

Mǐ bǐ wɛ ɖó tɔ́ ɖokpó ɔ́ ǎ cé? Mawu ɖokpó ɔ́ wɛ ɖó mǐ bǐ ǎ cé? Étɛ́wú wɛ mǐ ma ka nɔ nɔ gbejí nú mǐɖée ǎ, bó nɔ́ hɛn akɔ e Mawu jɛ xá tɔ́gbó mǐtɔn lɛ́ɛ ɔ́ gblé?

Sɛ́nflínmɛ 1:30

Mawu Mavɔmavɔ, Mawu mitɔn e ɖo ali xlɛ́ mi wɛ ɔ́ ná fun ahwan nú mi, lě e é kó bló gbɔn bɔ mi mɔ ɖo Ejípu,

Sɛ́nflínmɛ 1:31

bó lɛ́ mɔ ɖo gbětótló mɛ é. Mi ɖésú mɔ ganjí ɖɔ é hɛn mi awa mɛ lě e tɔ́ nɔ́ hɛn vǐ tɔn awa mɛ é ɖɔhun; mɔ̌ wɛ é hɛn mi gbɔn sín dɔ̌n káká wá fí.”

Sɛ́nflínmɛ 29:1

Mɔyízi ylɔ́ Izlayɛ́li togun ɔ́ bǐ bó ɖɔ nú yě ɖɔ: “Mi ɖésú mɔ nǔ e Mawu Mavɔmavɔ bló ɖo Ejípu xá Ejípu xɔ́sú ɔ́ kpó mɛsɛntɔ́ tɔn lɛ́ɛ bǐ kpó, kpó to ɔ́ bǐ kpó ɖo nukún mitɔn mɛ é.

Sɛ́nflínmɛ 29:2

Mi ɖésú mɔ ya tobutóbú e Mawu Mavɔmavɔ dó nú yě lɛ́ɛ, nǔjíwǔ ɖaxó ɖaxó lɛ́ɛ kpó nǔdábaɖa e é jlɛ́ lɛ́ɛ kpó.

Sɛ́nflínmɛ 4:9

Mɔyízi ɖɔ: “Nǔ ɖokpó e mi ná bló é wɛ nyí ɖɔ mi ná nɔ acéjí, bɔ ayi mitɔn ná ɖo te hwebǐnu, bó má wɔn nǔ e nukún mitɔn lɛ́ɛ mɔ é ó. Mi kplɔ́n yě vǐ mitɔn lɛ́ɛ kpó vǐvú mitɔn lɛ́ɛ kpó.

Jozuwée 23:3

Mi ka mɔ lě e Mawu Mavɔmavɔ, Mawu mitɔn wa nǔ xá togun e ɖo ayǐkúngban énɛ́ lɛ́ɛ jí gbɔn ɖó mi wútu é. É ɖésúnɔ fun ahwan nú mi.

Nǔɖexlɛ́mɛ 12:14

Lo ɔ́, è nǎ gangan ɖaxó sín awa we nyɔ̌nu ɔ́, bónú é ná zɔn yi tɛn tɔn mɛ ɖo gbětótló mɛ, fí e è nǎ ná ɛ nǔɖuɖu ɖe xɔ xwe atɔn adaɖé é; fí e dan ɔ́ ma ná wlí i ɖe ǎ é.