Tíntɔ́n 18:1 - MAWUXÓWÉMA

¹ Jetlo e nyí vɔ̌sánú-xwlémawutɔ́ Madiáani tɔn, bó nyí Mɔyízi sín asitɔ́ ɔ́, se nǔ e Mawu wa nú Mɔyízi kpó togun tɔn Izlayɛ́li ɔ́ kpó é bǐ; é se lě e Mawu Mavɔmavɔ ɖe Izlayɛ́li ví lɛ́ɛ tɔ́n sín Ejípu gbɔn é.

Tíntɔ́n 18:1 Iomraidhean Croise

Ɖɛhan 105:43

É ɖe togun tɔn tɔ́n kpó awǎjijɛ kpó, é ɖe mɛ e é cyán lɛ́ɛ tɔ́n kpó awǒbóbó kpó.

Ɖɛhan 105:5

Mi flín nǔjíwǔ e é bló lɛ́ɛ, mi flín nǔ e é jlɛ́ lɛ́ɛ kpó hwɛ e é ɖɔ lɛ́ɛ kpó.

Ɖɛhan 106:2

Mɛ̌ ká sixú ɖɔ nǔ ɖaxó ɖaxó e Mawu Mavɔmavɔ bló lɛ́ɛ? Mɛ̌ ká sixú jlá susu e jɛ xá ɛ lɛ́ɛ gbɔn fí bǐ?

Ɖɛhan 34:2

Un ná nɔ́ dó kú nú Mawu Mavɔmavɔ hwebǐnu, nu ce ná gɔn mlǎmlá ɛ gbeɖé ǎ.

Ɖɛhan 44:1

Xó lómílómí Kolée ví súnnu lɛ́ɛ tɔn dó han mɛ.

Ɖɛhan 78:4

mǐ ná zé hwlá dó vǐ mǐtɔn lɛ́ɛ ǎ. Mǐ ná ɖɔ lě e Mawu Mavɔmavɔ xɔ susu gbɔn ɔ́ nú yě, lě e é ɖó hlɔ̌nhlɔ́n sɔ ɔ́ nú yě; mǐ ná ɖɔ nǔjíwǔ e é wa lɛ́ɛ nú yě.

Tíntɔ́n 2:16

Vɔ̌sánú-xwlémawutɔ́ ɖé ká ɖo Madiáani fínɛ́. É ɖó vǐ nyɔ̌nu tɛ́nwe. Vǐ lɛ́ɛ wá sin dun gɔ́ nǔ e mɛ gbɔ̌ lɛ́ɛ nɔ́ nu sin ɖe lɛ́ɛ gbé lě e yě kó nɔ́ bló gbɔn é, bónú tɔ́ yětɔn sín gbɔ̌ lɛ́ɛ ná wá nu.

Tíntɔ́n 2:18

Ée yě lɛ́ kɔ yi tɔ́ yětɔn Hlewuyɛ́li gɔ́n ɔ́, é kanbyɔ́ yě ɖɔ: “Nɛ̌ ká gbɔn bɔ mi ka yá wǔ wá sɔ mɔ̌ égbé?”

Tíntɔ́n 2:21

Ée ɖyɔ̌vǐ lɛ́ɛ yi ylɔ́ Mɔyízi ɔ́, é yí gbe bó wá nɔ nya ɔ́ gɔ́n. Nya ɔ́ ká ná ɛ vǐ tɔn Sipɔ́la bɔ é da.

Tíntɔ́n 3:1

Hwenɛ́nu ɔ́, Mɔyízi ka ɖo nukún kpé dó asi tɔn tɔ́ Jetlo , vɔ̌sánú-xwlémawutɔ́ Madiáani tɔn ɔ́ sín gbɔ̌ lɛ́ɛ wú wɛ. É wá jɛ gbe ɖokpó, bɔ é kplá gbɔ̌ lɛ́ɛ gbɔn gbětótló gúdo, bó yi jɛ Mawu só ɔ́ kɔn ɖo Holɛ́bu.

Tíntɔ́n 4:18

Mɔyízi lɛ́ kɔ yi Jetlo asi tɔn tɔ́ ɔ́ gɔ́n, bó ɖɔ n'i ɖɔ: “Kɛnklɛ́n ná gbe mì nú má lɛ́ kɔ yi nɔví ce lɛ́ɛ gɔ́n ɖo Ejípu, bó ná kpɔ́n ɖɔ yě kpo ɖo gbɛ a jí.” Jetlo ka ɖɔ nú Mɔyízi ɖɔ é ná yi ɖagbe.

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Jelemíi 33:9

Hwenɛ́nu lo ɔ́, un ylɔ́ Jeluzalɛ́mu sín nyǐkɔ ɔ́, é ná nɔ́ víví nú mì. É wɛ un ná nɔ́ dó ba acɔ́ ná ɖo akɔta e ɖo ayǐkúngban ɔ́ jí lɛ́ɛ bǐ nukɔn. Hwenu e akɔta lɛ́ɛ na se ɖagbe e wa nú Jeluzalɛ́mu gbé un ja ɔ́, xɛsi ná ɖi yě, bɔ yě ná sísɔ́. Nú yě mɔ nyɔ̌ná e un ná Jeluzalɛ́mu ɔ́, kpó lě e nǔ tɔn lɛ́ɛ ɖo nukɔn yi gbɔn wɛ ɔ́ kpó ɔ́, ado ná hu yě.”

Zakalíi 8:23

Hwenɛ́nu ɔ́, jǒnɔ wǒ ná tíin, bɔ yě mɛ ɖokpó ɖokpó ná dó gbe vovo: yě ná hɛn Jwifu ɖokpó sín awu ɖaxó sín tó majómájó bó dó hɛn ɛ ɖó te bó ná ɖɔ n'i ɖɔ: ‘Mǐ jló ná xwedó mi, ɖó mǐ se ɖɔ Mawu ɖo kpɔ́ xá mi.’ ”

Kɛ́nsísɔ́ 10:29

Mɔyízi ɖɔ xó nú Hobabu; Hobabu ɔ́, Hlewuyɛ́li e nyí Madiáani ví, bó nyí Mɔyízi sín asi tɔ́ ɔ́ sín vǐ wɛ; é ɖɔ n'i ɖɔ: “Mǐ xwe to e Mawu Mavɔmavɔ ɖɔ émí ná ná mǐ ɔ́ mɛ; wǎ xwedó mǐ hɛn yi; mǐ ná wa ɖagbe nú we, ɖó Mawu Mavɔmavɔ dó akpá nú mǐ Izlayɛ́li ví lɛ́ɛ ɖɔ émí ná wa ɖagbe nú mǐ.”

Mɛsɛ́dó 14:27

Ée yě wá Antyɔ́ci ɔ́, yě kplé agun Klísu tɔn e ɖo fínɛ́ lɛ́ɛ, bó ɖɔ nǔ e Mawu wa gbɔn yě jí ɔ́ bǐ nú yě, bó ka lɛ́ ɖɔ lě e Mawu hun ali nú mɛ e ma nyí Jwifu ǎ lɛ́ɛ gbɔn, bónú yě lɔ na sixú ɖi nǔ nú Jezu é nú yě.

Mɛsɛ́dó 15:12

Énɛ́ ɔ́, agun ɔ́ bǐ nɔ abwɛ̌ tóó, bó ɖótó Baanabási kpódó Pɔ́lu kpán, bɔ yě wlǐ nǔ e Mawu jlɛ́ ɔ́, kpódó nǔdábaɖa e é ɖe xlɛ́ gbɔn yě jí, ɖo mɛ e ma nyí Jwifu ǎ lɛ́ɛ tɛ́ntin é bǐ ɖɔ.

Hlɔ̌manu 15:18

Đó ényí un glá bó ɖɔ nǔɖé xó ɔ́, azɔ̌ e Klísu wa gbɔn jǐ ce, bó ná dɔn mɛ e ma nyí Jwifu ǎ lɛ́ɛ, bónú yě ná se tónú nú Mawu ɔ́ sín xó kɛ́ɖɛ́ jɛ́n é ná nyí; é wa azɔ̌ énɛ́ gbɔn xóɖiɖɔ kpó nǔwiwa kpó mɛ,

Jozuwée 2:10

Đó mǐ se ɖɔ hwenu e mi tɔ́n sín Ejípu bó wá jɛ Xu Vɔvɔ ɔ́ tó ɔ́, Mawu Mavɔmavɔ bló bɔ sin ɔ́ xú, bɔ mi gbɔn ayǐkúngban xúxú jí bó dín. Mǐ lɛ́ se ɖɔ mi hu Amɔliti lɛ́ɛ sín axɔ́sú we: Sihɔ́ni kpó Ɔgu kpó ɖo Judɛ́ɛn tɔ ɔ́ sín zǎnzǎnhwe jí, lobo hɛn nǔ yětɔn lɛ́ɛ bǐ gblé.

Jozuwée 9:9

Yě yí gbe n'i ɖɔ: “Mǐ mɛsɛntɔ́ towe lɛ́ɛ ɔ́, to e mɛ mǐ gosín ɔ́ lín ɖésú. Mawu Mavɔmavɔ, Mawu towe sín nyǐkɔ wɛ mǐ se, mǐ ká lɛ́ se nǔjíwǔ e é bló ɖo Ejípu lɛ́ɛ bǐ.

Hwɛɖɔtɔ́ 1:16

Asitɔ́ Mɔyízi tɔn Keni sín vǐ lɛ́ɛ gosín Jeliko, děkan toxo ɔ́ mɛ kpó Judáa sín súnnu lɛ́ɛ kpó, lobo yi jɛ agban ɖó ayǐkúngban Judáa tɔn ɔ́ sín afɔligbé ɖo Aladi sín afɔligbé. Yě yi nɔ Amalɛ́ki togun ɔ́ tɛ́ntin.

Hwɛɖɔtɔ́ 4:11

Hebɛ́ɛ Keni ví ɔ́ ɖo Kedɛ́ci kpá. Đ'ayǐ ɔ́, é kó klán xá nɔví tɔn Keni ví ɖě lɛ́ɛ. Mɔyízi sín asitɔ́ Hobabu wɛ ka dó kún yětɔn. Hebɛ́ɛ ɔ́ yi bló goxɔ tɔn nyi cɛ́nitín ɖé kpá ɖo Saanánimu.