Tíntɔ́n 17:3 - MAWUXÓWÉMA

³ Kɔ ɖo Izlayɛ́li ví lɛ́ɛ xú wɛ ɖésú, bɔ yě ɖo nǔ hlún ɖɔ dó Mɔyízi jí wɛ ɖɔ: “Étɛ́wú a kplá mǐ sín Ejípu, bó ná jó mǐ kpó vǐ mǐtɔn lɛ́ɛ kpó, kpódó kanlin mǐtɔn lɛ́ɛ kpó dó bɔ mǐ ná wɛ́n vɛ̌?”

Tíntɔ́n 17:3 Iomraidhean Croise

Nɛɛmíi 9:15

A nǎ yě nǔɖuɖu sín jǐxwé, bó ná dó gbɔ adɔ nú yě. A dɔn sin sín só mɛ, dó fá kɔ nú yě. A sɛ́ yě dó bɔ yě yi gba to e a zin alɔ d'akɔ́n ɖɔ émí ná ná yě é.

Nɛɛmíi 9:20

Đo xomɛnyínyɔ́ towe mɛ ɔ́, a nǎ yě Yɛ towe, bónú é ná ná nukúnnú-mɔjɛnǔmɛ yě. A nɔ ná yě nǔɖuɖu e è nɔ ylɔ́ ɖɔ mǎna ɔ́ hwebǐnu bɔ yě nɔ́ ɖu, bó nɔ ná sin yě bɔ yě nɔ́ nu dó fá kɔ ná.

Ɖɛhan 107:5

Adɔ nɔ ɖo nǔ yětɔn wa wɛ, yě nɔ́ mɔ sin nu ǎ, énɛ́ ɔ́, awakanmɛ kú yě.

Tíntɔ́n 12:38

Akɔta tɛnmɛ tɛnmɛ lɛ́ɛ nyi ahwan xwedó yě. Gbɔ̌ kpó nyibú kpó e yě kplá lɛ́ɛ sukpɔ́ ɖésú.

Tíntɔ́n 14:11

Yě kanbyɔ́ Mɔyízi ɖɔ: “Yɔdo ɖo Ejípu ǎ wú wɛ a kplá mǐ bɔ mǐ ná wá kú jɛ gbětótló mɛ fí lě a? Aniwú wɛ a kplá mǐ sín Ejípu?

Tíntɔ́n 15:24

Énɛ́ ɔ́, togun ɔ́ jɛ nǔ hlún ɖɔ dó Mɔyízi wú jí ɖɔ: “Étɛ́ wɛ mǐ nǎ nu?”

Kɛ́nsísɔ́ 14:22

Yě mɛ e mɔ susu ce, bó mɔ nǔjíwǔ e un bló ɖo Ejípu, bó bló ɖo gbětótló mɛ lɛ́ɛ, yě mɛ énɛ́ lɛ́ɛ e tɛ́n mì kpɔ́n azɔn mɔ̌kpán, lobo ma ɖótó mì ǎ lɛ́ɛ ɔ́,

Kɛ́nsísɔ́ 20:4

Aniwú wɛ mi kplá togun Mawu Mavɔmavɔ tɔn ɔ́ wá gbětótló mɛ fí, bɔ mǐ ná kú jɛ fí, mǐ kpó kanlin mǐtɔn lɛ́ɛ kpó?