Tíntɔ́n 17:2 - MAWUXÓWÉMA

² Énɛ́ ɔ́, togun ɔ́ ba xó Mɔyízi. Yě ɖɔ n'i ɖɔ: “Nǎ sin mǐ, nú mǐ ná nu.” Bɔ Mɔyízi ɖɔ nú yě ɖɔ: “Aniwú mi ɖo xó ba mì wɛ? Étɛ́wú mi ɖo Mawu Mavɔmavɔ tɛ́n kpɔ́n wɛ?”

Tíntɔ́n 17:2 Iomraidhean Croise

Ɖɛhan 106:13

Tlóló jɛ́n yě ká lɛ́ wɔn nǔ e é bló lɛ́ɛ, yě sɔ́ nɔ te bɔ nǔ e é ɖɔ ɔ́ jɛ vɔ́vɔ́ ǎ.

Ɖɛhan 106:14

Nǔ jɛ yě jló jí ɖo gbětótló mɛ, bɔ yě jɛ Mawu tɛ́nkpɔ́n jí.

Ɖɛhan 78:18

Yě syɛ́n ta káká bó tɛ́n Mawu kpɔ́n; yě byɔ́ nǔɖuɖu i dó tɛ́n ɛ kpɔ́n.

Ɖɛhan 78:41

Yě lɛ́ jɛ Mawu tɛ́nkpɔ́n jí, yě lɛ̌ jɛ agɔ jɛ dó Mɛ mímɛ́ Izlayɛ́li tɔn ɔ́ jí.

Ɖɛhan 78:56

Lo ɔ́, yě tɛ́n Mawu Ajalɔ̌nlɔn ɔ́ kpɔ́n, yě fɔ́n gǔ dó jǐ tɔn, yě sɔ́ nɔ́ nyi sɛ́n tɔn lɛ́ɛ ǎ.

Ɖɛhan 95:8

“Mi ma tlí tó lě e togun mitɔn bló gbɔn ɖo Mɛliba é ó, abǐ lě e yě bló gbɔn ɖo Masa ɖo gbětótló mɛ é ó.

Ɖɛhan 95:9

Tɔ́gbó mitɔn lɛ́ɛ tɛ́n mì kpɔ́n gbɔn fí énɛ́ lɛ́ɛ, yě ko mɔ nǔ e un nɔ jlɛ́ lɛ́ɛ có bó nɔ́ lɛ́ tɛ́n mì kpɔ́n.

Tíntɔ́n 15:24

Énɛ́ ɔ́, togun ɔ́ jɛ nǔ hlún ɖɔ dó Mɔyízi wú jí ɖɔ: “Étɛ́ wɛ mǐ nǎ nu?”

Tíntɔ́n 16:8

Mɔyízi ɖɔ: “Égbé gbadanu ɔ́, Mawu Mavɔmavɔ ná ná lan mi, bɔ mi ná ɖu; é jɛ sɔ zǎnzǎn ɔ́, é ná ná wɔ̌xúxú mi bɔ mi ná ɖu gɔ́ xo, ɖó Mawu Mavɔmavɔ se nǔ e mi hlún ɖɔ dó wǔ tɔn é; étɛ́ wɛ mǐdɛɛ lɛ́ɛ nyí? É nyí mǐdɛɛ lɛ́ɛ jí hlún nǔ ɖɔ dó wɛ mi ɖe ǎ, Mawu Mavɔmavɔ jí hlún nǔ ɖɔ dó wɛ mi ɖe.”

Tíntɔ́n 17:7

È ɖǒ nyǐkɔ nú fí énɛ́ ɔ́ ɖɔ Masa kpó Mɛliba kpó; tínmɛ tɔn wɛ nyí “tɛ́nkpɔ́n” kpó “xóbiba” kpó, ɖó Izlayɛ́li ví lɛ́ɛ ba xó Mɔyízi bó tɛ́n Mawu Mavɔmavɔ kpɔ́n bó ɖɔ: “Mawu Mavɔmavɔ ɖo tɛ́ntin mǐtɔn a? Abǐ é ɖo tɛ́ntin mǐtɔn ǎ?”

Tíntɔ́n 5:21

bó ɖɔ nú yě ɖɔ: “Mawu Mavɔmavɔ ní kpɔ́n nǔ e mi wa ɔ́, bó ɖɔ hwɛ tɔn xá mi. Mi wɛ zɔ́n bɔ axɔ́sú Ejípu tɔn ɔ́ kpó azaglɔ́gán tɔn lɛ́ɛ kpó gbɛ́ wǎn nú mǐ. Mi wɛ sɔ́ ahwanfunnú e yě ná dó hu mǐ ɔ́ dó alɔ mɛ nú yě.”

Ezayíi 7:12

Lo ɔ́, Akázi ɖɔ: “Éeǒ, un ná byɔ́ nǔ ɖěbǔ ǎ, un jló ná tɛ́n Mawu Mavɔmavɔ kpɔ́n ǎ.”

Malacíi 3:15

Mi nɔ lɛ́ ɖɔ: “Mǐ mɔ din lo ɖɔ jimakplɔ́n lɛ́ɛ wɛ nǔ nyɔ́ ná, bɔ gbɛ ɔ́ nɔ́ hun ali nú nǔnyanyawatɔ́ lɛ́ɛ. Yě ná bó ɖo xó ba Mawu wɛ ɔ́, yě nɔ́ gán ɖ'é mɛ jɛ́n wɛ.”

Kɛ́nsísɔ́ 14:2

Yě bǐ ɖó gbe kpɔ́, bó jɛ nǔ hlún ɖɔ dó Mɔyízi kpó Aalɔ́ɔn kpó wú jí, bó nɔ́ ɖɔ nú yě ɖɔ: “Ényí mǐ kó kú ɖo Ejípu ɔ́, é nyɔ́ hú; abǐ ényí mǐ gbɔ bó kú ɖo gbětótló ɔ́ mɛ fí ɔ́, é nyɔ́ hú!

Kɛ́nsísɔ́ 14:22

Yě mɛ e mɔ susu ce, bó mɔ nǔjíwǔ e un bló ɖo Ejípu, bó bló ɖo gbětótló mɛ lɛ́ɛ, yě mɛ énɛ́ lɛ́ɛ e tɛ́n mì kpɔ́n azɔn mɔ̌kpán, lobo ma ɖótó mì ǎ lɛ́ɛ ɔ́,

Kɛ́nsísɔ́ 21:5

Bɔ mɛ lɛ́ɛ jɛ nǔ hlún ɖɔ dó Mawu kpó Mɔyízi kpó wú jí ɖɔ: “Aniwú mi ka kplá mǐ tɔ́n sín Ejípu bɔ mǐ ná kú jɛ gbětótló mɛ fí? Đó nǔɖuɖu ɖe ɖo fí ǎ; sin ka ɖe ǎ. Wamamɔnɔ nǔɖuɖu élɔ́ cikɔ nú mǐ.”

Matíe 4:7

Jezu ka yí gbe n'i ɖɔ: “Mɔ̌ jɛ́n wɛ è lɛ́ wlán ɖɔ jí: ‘Ma tɛ́n Aklúnɔ Mawu towe kpɔ́n ó.’ ”

Luki 15:12

Yɔkpɔ́vú ɔ́ ka ɖɔ nú tɔ́ tɔn gbe ɖokpó ɖɔ: ‘Daá, nǎ gǔ e ná nyí ce ɔ́ mì;’ bɔ tɔ́ ɔ́ ka má dɔkun tɔn nú yě.

Luki 4:12

Jezu yí gbe n'i ɖɔ: “È lɛ̌ wlán ɖɔ jí: ‘Ma tɛ́n Aklúnɔ Mawu towe kpɔ́n ó.’ ”

Mɛsɛ́dó 15:10

Hǔn din ɔ́, aniwú mi ka nɔ ɖíɖá agban e tɔ́gbó mitɔn lɛ́ɛ kpódó mi ɖésúnɔ kpó ma kpé wú bó hɛn ǎ ɔ́ ahwanvú lɛ́ɛ, bó dó ɖo do ba nú Mawu wɛ?

Mɛsɛ́dó 5:9

Ée é ɖɔ mɔ̌ ɔ́, Piyɛ́ɛ ɖɔ n'i ɖɔ: “Nɛ̌ ka gbɔn bɔ hwi kpódó asú towe kpó blá ɖɔ, bó jló ná ba do nú Yɛ Aklúnɔ tɔn kpɔ́n mɔ̌? Đǒtó; mɛ e ɖi asú towe lɛ́ɛ nɛ́ ɖo xwé gbe byɔ́ wɛ nɛ́; yě ná sɔ́ hwi lɔmɔ̌ yi ɖi.”

1 Kɔlɛ́ntinu 10:9

Mǐ ɖó ná tɛ́n Aklúnɔ kpɔ́n, lě e mɛɖé lɛ́ɛ bló gbɔn ɖo yě mɛ, bɔ dan ɖu yě bɔ yě kú é ǎ.

Sɛ́nflínmɛ 6:16

Mi ma sɔ́ tɛ́n Mawu Mavɔmavɔ, Mawu mitɔn kpɔ́n ɖě ó; mi ko bló ɖě ɖo Masa, mi ma sɔ́ bló ɖě ó.

Sɛ́nflínmɛ 9:22

“Mɔ̌ ɖokpó ɔ́, mi dó xomɛsin nú Mawu Mavɔmavɔ ɖo Taveéla, bó dó n'i ɖo Masa, bó lɛ́ dó n'i ɖo Kivlɔti-Taawa.

Eblée 3:9

Tɔ́gbó mitɔn lɛ́ɛ tɛ́n mì kpɔ́n ɖo fínɛ́, có yě ká mɔ nǔwiwa ce lɛ́ɛ káká nú xwe kanɖé (40).

1 Samuwɛ́li 8:6

Ée yě ɖɔ nú Samuwɛ́li ɖɔ é ní sɔ́ axɔ́sú ɖokpó nú émí ɔ́, é vɛ́ wǔ tɔn ɖésú. Samuwɛ́li ka xo ɖɛ.