Tíntɔ́n 16:8 - MAWUXÓWÉMA

⁸ Mɔyízi ɖɔ: “Égbé gbadanu ɔ́, Mawu Mavɔmavɔ ná ná lan mi, bɔ mi ná ɖu; é jɛ sɔ zǎnzǎn ɔ́, é ná ná wɔ̌xúxú mi bɔ mi ná ɖu gɔ́ xo, ɖó Mawu Mavɔmavɔ se nǔ e mi hlún ɖɔ dó wǔ tɔn é; étɛ́ wɛ mǐdɛɛ lɛ́ɛ nyí? É nyí mǐdɛɛ lɛ́ɛ jí hlún nǔ ɖɔ dó wɛ mi ɖe ǎ, Mawu Mavɔmavɔ jí hlún nǔ ɖɔ dó wɛ mi ɖe.”

Tíntɔ́n 16:8 Iomraidhean Croise

Tíntɔ́n 16:12

“Un se nǔ e hlún ɖɔ wɛ Izlayɛ́li ví lɛ́ɛ ɖe é. Đɔ nú yě ɖɔ: ‘É jɛ égbé gbadanu ɔ́, mi ná ɖu lan, bɔ sɔ zǎnzǎn ɔ́, mi ná ɖu wɔ̌xúxú gɔ́ xo. Énɛ́ ɔ́, gbɔn nǔwiwa ce lɛ́ɛ mɛ ɔ́, mi ná tunwun ɖɔ nyɛ wɛ nyí Mawu Mavɔmavɔ mitɔn.’ ”

Tíntɔ́n 16:9

Mɔyízi ɖɔ nú Aalɔ́ɔn ɖɔ: “Đɔ nú Izlayɛ́li togun ɔ́ bǐ ɖɔ yě ní sɛkpɔ́ Mawu Mavɔmavɔ, ɖó é se nǔ e hlún ɖɔ dó wǔ tɔn wɛ yě ɖe é.”

Tíntɔ́n 17:2

Énɛ́ ɔ́, togun ɔ́ ba xó Mɔyízi. Yě ɖɔ n'i ɖɔ: “Nǎ sin mǐ, nú mǐ ná nu.” Bɔ Mɔyízi ɖɔ nú yě ɖɔ: “Aniwú mi ɖo xó ba mì wɛ? Étɛ́wú mi ɖo Mawu Mavɔmavɔ tɛ́n kpɔ́n wɛ?”

Ezayíi 32:6

Xó ma ɖó ta ɖé jɛ́n gbɛtɔ́ maɖóta ɖé lɛ́ɛ nɔ́ ɖɔ; nǔ baɖabaɖa e yě ná dó sin ɔ́ lin wɛ jɛ́n yě nɔ́ ɖe; yě nɔ́ xo dǎka, bó nɔ́ ɖo xó nyanya ɖɔ dó Mawu Mavɔmavɔ wú wɛ; yě nɔ́ tɛ nǔɖuɖu mɛ e ɖo xovɛ́ é, bó nɔ́ tɛ sin mɛ e kɔ xú é.

Ezayíi 37:29

A sin xomɛ dó mì, bó dó mɛmasígbe bɔ é wá káká gɔ̌n ce. Énɛ́ wú ɔ́, un ná dó gan awɔntín mɛ nú we, bó ná dó aja nu nú we, bó ná lɛ́ kɔ nú we gbɔn ali e a gbɔn wá é.

Kɛ́nsísɔ́ 11:18

A nǎ ɖɔ nú togun ɔ́ ɖɔ: ‘Mi slá wǔ nú sɔ! Mi ná mɔ lan ɖu; Mawu Mavɔmavɔ se nǔ e hlún ɖɔ wɛ mi ɖe é, bó ɖɔ: mɛ̌ wɛ ná ná mǐ lan bɔ mǐ nǎ ɖu? Đó hwenu e mǐ ɖo Ejípu ɔ́, mǐ ɖo ganjí.’ Mawu Mavɔmavɔ ná ná lan mi bɔ mi ná ɖu.

Kɛ́nsísɔ́ 14:27

“Un se Izlayɛ́li ví lɛ́ɛ ɖo nǔ hlún ɖɔ dó wǔ ce wɛ; káká hwetɛ́nu wɛ un ka ná jó togun baɖabaɖa énɛ́ ɔ́ dó, bɔ é ná hlún nǔ ɖɔ dó wǔ ce yi jɛ?

Kɛ́nsísɔ́ 21:7

Izlayɛ́li ví e kpo lɛ́ɛ fyá wá Mɔyízi gɔ́n, bó ɖɔ n'i ɖɔ: “Mǐ hu hwɛ, ɖó mǐ hlún nǔ ɖɔ dó Mawu Mavɔmavɔ kpó hwi kpó wú; sa vo nú Mawu Mavɔmavɔ, bónú é ná nya dan énɛ́ lɛ́ɛ dó zɔ nú mǐ.” Ée yě ɖɔ mɔ̌ ɔ́, Mɔyízi jɛ vo sa nú Mawu Mavɔmavɔ jí dó Izlayɛ́li ví lɛ́ɛ tamɛ.

Matíe 10:40

“Mɛ e yí mi ɔ́, nyɛ wɛ é yí; mɛ e ka yí nyɛ ɔ́, mɛ e sɛ́ mì dó ɔ́ wɛ é yí.

Matíe 9:4

Jezu mɔ nǔ jɛ nǔ e lin wɛ yě ɖe ɔ́ wú, bó ɖɔ nú yě ɖɔ: “Étɛ́wú mi ka ɖo nǔ nyanya mɔ̌hunkɔtɔn lɛ́ɛ lin wɛ?

Luki 10:16

É lɛ́ ɖɔ nú ahwanvú tɔn lɛ́ɛ ɖɔ: “Mɛ e ɖótó mi ɔ́, nyɛ wɛ é ɖótó; mɛ e ka gbɛ́ mi ɔ́, nyɛ wɛ é gbɛ́. Mɛ e ka gbɛ́ mì ɔ́, é gbɛ́ mɛ e sɛ́ mì dó ɔ́.”

Jǎan 13:20

Má ɖɔ nǔgbó nú mi: mɛ e yí mɛ e un sɛ́ dó ɔ́ ɖěbǔ sín jǒnɔ ɔ́, nyɛ ɖésúnɔ wɛ é yí, bɔ mɛ e ka yí mì ɔ́, mɛ e sɛ́ mì dó ɔ́ wɛ é yí.”

Hlɔ̌manu 13:2

Énɛ́ ɔ́, mɛ e nɔ sí te dó acɛkpikpa ɔ́ jí ɔ́, nǔ e Mawu ɖɔ è nǐ wa ɔ́ jí sí te dó wɛ é ɖe. Mɛ e ka nɔ sí te dó nǔ e Mawu ɖɔ è nǐ wa lɛ́ɛ jí ɔ́ ná dɔn hwɛɖónúmɛ Mawu tɔn dó éɖée jí.

1 Kɔlɛ́ntinu 10:10

Mi ɖó ná hlún nǔ ɖɔ lě e mɛɖé lɛ́ɛ bló gbɔn ɖo yě mɛ, bɔ wɛnsagun e nɔ hu mɛ ɔ́ wá hu yě ɔ́ ǎ.

1 Tɛsalonikinu 4:8

Hǔn, mɛ e hɔn nǔkplɔ́nmɛ énɛ́ nyi gbě ɔ́, é nyí gbɛtɔ́ wɛ é hɔn nyi gbě ǎ; lo ɔ́, Mawu e ná Yɛsinsɛn tɔn mi ɔ́ wɛ é hɔn nyi gbě.

1 Samuwɛ́li 8:7

Énɛ́ ɔ́, Mawu Mavɔmavɔ ɖɔ nú Samuwɛ́li ɖɔ: “Đǒtó Izlayɛ́li ví lɛ́ɛ; blǒ nǔ e ba wɛ yě ɖe ɔ́ nú yě. Đó hwi wɛ yě gbɛ̌ ǎ, nyɛ wɛ yě gbɛ̌ ɖɔ nyi kún sɔ́ ná ɖu axɔ́sú ɖo émí nu ó.