Tíntɔ́n 16:4 - MAWUXÓWÉMA

⁴ Mawu Mavɔmavɔ ká ɖɔ nú Mɔyízi ɖɔ: “Đǒtó mì. Un ná bló bɔ nǔɖuɖu ná ja kɔn nyi ayǐ nú mi sín jǐxwé. Togun ɔ́ ná nɔ tɔ́n ayǐhɔ́ngbe ayǐhɔ́ngbe, bó ná nɔ́ bɛ́ nǔɖuɖu e ná kpé gbe ɖokpó é. Un ná bló mɔ̌, bó dó tɛ́n ɛ kpɔ́n, bó ná kpɔ́n ɖɔ é ná xwedó nǔ e un ɖɔ n'i ɔ́, abǐ é ná gbɔ ají?

Tíntɔ́n 16:4 Iomraidhean Croise

Nɛɛmíi 11:23

Axɔ́sú ɖe gbetakɛ́n ɖé tɔ́n dó hanjitɔ́ lɛ́ɛ wú. Gbetakɛ́n ɔ́ ɖɔ xó dó lě e è nǎ kpé nukún dó yě wú gbɔn ɔ́ kpó lě e yě ná wa azɔ̌ yětɔn gbɔn ayǐhɔ́ngbe ayǐhɔ́ngbe ɔ́ kpó wú.

Nɛɛmíi 9:15

A nǎ yě nǔɖuɖu sín jǐxwé, bó ná dó gbɔ adɔ nú yě. A dɔn sin sín só mɛ, dó fá kɔ nú yě. A sɛ́ yě dó bɔ yě yi gba to e a zin alɔ d'akɔ́n ɖɔ émí ná ná yě é.

Nɛɛmíi 9:20

Đo xomɛnyínyɔ́ towe mɛ ɔ́, a nǎ yě Yɛ towe, bónú é ná ná nukúnnú-mɔjɛnǔmɛ yě. A nɔ ná yě nǔɖuɖu e è nɔ ylɔ́ ɖɔ mǎna ɔ́ hwebǐnu bɔ yě nɔ́ ɖu, bó nɔ ná sin yě bɔ yě nɔ́ nu dó fá kɔ ná.

Ɖɛhan 105:40

Yě byɔ́, bɔ é ná xɛ e è nɔ ylɔ́ ɖɔ káyi lɛ́ɛ yě; é nɔ́ sɛ́ wɔ̌xúxú dó yě sín jǐxwé, bɔ yě nɔ́ ɖu gɔ́ xo.

Ɖɛhan 78:23

É ɖe gbe dó akpɔ́kpɔ́ e ɖo jǐxwé lɛ́ɛ, é hun sɛ́xwé sín hɔn lɛ́ɛ.

Tíntɔ́n 15:25

Mɔyízi ka sú xó ylɔ́ Mawu Mavɔmavɔ, bɔ é xlɛ́ ɛ kpo ɖé, bɔ é sɔ́ nyi tɔ ɔ́ mɛ. Bɔ sin ɔ́ húzú sin ɖagbe. Fínɛ́ wɛ Mawu Mavɔmavɔ ná sɛ́n lɛ́ɛ kpó gbeta lɛ́ɛ kpó togun ɔ́ ɖe. Fínɛ́ ɖokpó ɔ́ wɛ é tɛ́n yě kpɔ́n ɖe.

Tíntɔ́n 16:15

Izlayɛ́li ví lɛ́ɛ mɔ, yě ká tunwun nǔ alɔkpa e wɛ ɔ́ ǎ, bó jɛ kinkanbyɔ́ yěɖée jí ɖɔ: “Étɛ́ ká nyí énɛ́?” Mɔyízi ka yí gbe nú yě ɖɔ: “Wɔ̌xúxú e Mawu Mavɔmavɔ ná mi bɔ mi ná ɖu ɔ́ wɛ.

Nǔnywɛ́xó 30:8

Sɛ ahizi kpó adingban kpó dó zɔ nú mì; ma ná ya mì ó, ma ka ná dɔkun mì ó; nǎ nǔɖuɖu e un nǎ ɖu bó nɔ gbɛ é mì kpowun.

Matíe 6:11

Nǎ nǔɖuɖu égbé tɔn mǐ.

Luki 11:3

nɔ ná nǔɖuɖu e mǐ ná ɖu é mǐ ayǐhɔ́ngbe ayǐhɔ́ngbe;

1 Kɔlɛ́ntinu 10:3

Yě bǐ wɛ ɖu nǔɖuɖu Yɛsinsɛn tɔn ɖokpó ɔ́,

Sɛ́nflínmɛ 8:16

Gbětótló ɖokpó énɛ́ ɔ́ mɛ wɛ Mawu Mavɔmavɔ ná mǎna e tɔ́gbó mitɔn lɛ́ɛ má mɔ kpɔ́n ǎ é mi, bó ná dó dó winnyá mi, bó ná dó tɛ́n mi kpɔ́n bɔ sɔ gúdo ná nyɔ́ nú mi.

Sɛ́nflínmɛ 8:2

Mi flín zɔnlin tobutóbú e Mawu Mavɔmavɔ kplá mi bɔ mi zun ɖo gbětótló mɛ xɔ xwe kanɖé (40) é. Mawu Mavɔmavɔ tɛ́n mi kpɔ́n gbɔn wǔvɛ́ tɛnmɛ tɛnmɛ lɛ́ɛ mɛ, bó ná dó mɔ nǔ jɛ nǔ e ɖo ayi mitɔn mɛ é wú; énɛ́ ɔ́, mi ná sixú nyi sɛ́n tɔn lɛ́ɛ kpó mi ná gbɔ kpó ɔ́, é ná tunwun.

Jozuwée 24:15

Nú mi ma ka jló ná sɛn Mawu Mavɔmavɔ ǎ hǔn, mi bo ɖɔ nǔ e mi ná sɛn ɔ́ bɛ́ sín égbé. É sixú nyí vodún e tɔ́gbó mitɔn lɛ́ɛ sɛn ɖ'ayǐ ɖo Efláti tɔ ɔ́ gúdo lɛ́ɛ; é ká sixú nyí vodún e Amɔliti e mɛ mi ɖe lɛ́ɛ nɔ sɛn lɛ́ɛ é. Amɔ̌, nyɛ kpó xwédo ce kpó ɔ́, Mawu Mavɔmavɔ wɛ mǐ ná sɛn.”