Tíntɔ́n 16:3 - MAWUXÓWÉMA

³ Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Tíntɔ́n 16:3 Iomraidhean Croise

Jɔ̌bu 3:1

Ée nǔ énɛ́ lɛ́ɛ bǐ jɛ wá yi ɔ́, Jɔ̌bu gbɔ bo kɛ nu, bó dó nu azǎn e gbe è ji i é.

Jɔ̌bu 3:10

Đó é gbɛ́ gbɛ li sú dó mì, bɔ un wá ɖo ya ɖaxó élɔ́ ji wɛ égbé din.

Jɔ̌bu 3:20

Aniwú Mawu ká nɔ gbɔ bɔ è nɔ ji lelenɔ? Aniwú é nɔ́ gbɔ bɔ è nɔ ji yě mɛ e gbɛ ná vlɛ́ nu ná lɛ́ɛ?

Ɖɛhan 107:5

Adɔ nɔ ɖo nǔ yětɔn wa wɛ, yě nɔ́ mɔ sin nu ǎ, énɛ́ ɔ́, awakanmɛ kú yě.

Ɖɛhan 78:19

Yě ɖɔ xó nyanya dó Mawu wú ɖɔ: “Mawu ka sixú ná nǔɖuɖu mǐ ɖo gbětótló mɛ a?

Ɖɛhan 78:25

Yě mɛ bǐ ɖu nǔɖuɖu wɛnsagun lɛ́ɛ tɔn. Mawu sɛ́ nǔɖuɖu dó yě bɔ yě ɖu gɔ́ xo.

Tíntɔ́n 14:11

Yě kanbyɔ́ Mɔyízi ɖɔ: “Yɔdo ɖo Ejípu ǎ wú wɛ a kplá mǐ bɔ mǐ ná wá kú jɛ gbětótló mɛ fí lě a? Aniwú wɛ a kplá mǐ sín Ejípu?

Tíntɔ́n 17:3

Kɔ ɖo Izlayɛ́li ví lɛ́ɛ xú wɛ ɖésú, bɔ yě ɖo nǔ hlún ɖɔ dó Mɔyízi jí wɛ ɖɔ: “Étɛ́wú a kplá mǐ sín Ejípu, bó ná jó mǐ kpó vǐ mǐtɔn lɛ́ɛ kpó, kpódó kanlin mǐtɔn lɛ́ɛ kpó dó bɔ mǐ ná wɛ́n vɛ̌?”

Tíntɔ́n 2:23

Nǔ énɛ́ lɛ́ɛ jɛ ɔ́, xwe tɔn ko sɛ yi, bɔ Ejípu xɔ́sú ɔ́ wá kú. Izlayɛ́li ví lɛ́ɛ kpo ɖo azɔn wɛn wɛ ɖo kannumɔzɔ́ e wa wɛ yě ɖe ɔ́ glɔ́, bó ɖo xó sú wɛ. Xó e sú wɛ yě ɖe ɖo kannumɔgbénu ɔ́ hun káká yi Mawu gɔ́n.

Tíntɔ́n 5:21

bó ɖɔ nú yě ɖɔ: “Mawu Mavɔmavɔ ní kpɔ́n nǔ e mi wa ɔ́, bó ɖɔ hwɛ tɔn xá mi. Mi wɛ zɔ́n bɔ axɔ́sú Ejípu tɔn ɔ́ kpó azaglɔ́gán tɔn lɛ́ɛ kpó gbɛ́ wǎn nú mǐ. Mi wɛ sɔ́ ahwanfunnú e yě ná dó hu mǐ ɔ́ dó alɔ mɛ nú yě.”

Jelemíi 2:6

Yě kanbyɔ́ yěɖée vɔ́vɔ́ ɖɔ fítɛ́ Mawu Mavɔmavɔ e kplá émí sín Ejípu tomɛ ɔ́ ka ɖe é jí ǎ; yě kanbyɔ́ yěɖée ɖɔ Mawu Mavɔmavɔ e kplá émí gbɔn gbětótló mɛ, axéko jí fí e do gbɔn fí bǐ ɖe ɔ́, fí e jǐ ma nɔ ja ɖe gbeɖé ǎ ɔ́, fí e ablu ɖu axɔ́sú ɖe ɔ́, fí e mɛɖé má nɔ gbɔn gbeɖé ǎ ɔ́, fí e mɛɖé ma nɔ nɔ gbeɖé ǎ é ɔ́, yě kanbyɔ́ yěɖée ɖɔ fí e Mawu énɛ́ ɔ́ ka ɖe a jí ǎ.

Jelemíi 42:14

mi gbɔ bó yí Ejípu ɔ́, é nyɔ́ hú. Ahwan ɖě ɖo dɔ̌n ǎ, mǐ ná se lanzo sín gbe e nɔ ɖe xlɛ́ ɖɔ ahwan bɛ́ ɔ́ ɖě ɖo dɔ̌n ǎ, adɔ ɖě ná dó ya nú mǐ ɖo Ejípu ǎ. Dɔ̌n wɛ mǐ na yí nɔ.

Jelemíi 44:17

Nǔ e mǐ kó zé nu mǐtɔn dó ɖɔ ɔ́ wɛ mǐ jló ná bló, é wɛ nyí ɖɔ mǐ nǎ xwlé zǎlínkpɔ́n vodún Axɔ́si jǐxwé tɔn ɔ́, mǐ ná ba ahan n'i, lě e mǐ kpó mɛ mǐtɔn lɛ́ɛ, axɔ́sú mǐtɔn lɛ́ɛ, kpódó gǎn mǐtɔn lɛ́ɛ kpó nɔ́ bló gbɔn ɖo Judáa, bó nɔ́ bló gbɔn ɖo Jeluzalɛ́mu li lɛ́ɛ jí ɖ'ayǐ é. Hwenu e mǐ nɔ́ wa nǔ gbɔn mɔ̌ ɔ́, mǐ nɔ́ mɔ nǔ bó nɔ́ ɖu, bó nɔ́ gɔ́ xo, mǐ nɔ́ ɖu gbɛ, adǎn ɖěbǔ nɔ́ gbo mǐ ǎ.

Gbɛvíhan 4:9

È cí ahwan ɔ́, é nyɔ́ hú è kú adɔ. È cí ahwan ɔ́, é nyɔ́ hú è nǐ ba nǔɖuɖu kpo, bó xú gǒ, é nyɔ́ hú è nǐ ba nǔɖuɖu kpo nú hlɔ̌nhlɔ́n vɔ ɖo mɛ wú.

Kɛ́nsísɔ́ 11:15

Nú mɔ̌ jɛ́n a nǎ wa nǔ ce gbɔn hǔn, gbɔ bo hu mì; énɛ́ ɔ́, un ná mɔ ɖɔ a nyɔ̌ xomɛ dó wǔ ce, bɔ un sɔ́ ná ɖo gbɛ bo ná ɖo wǔvɛ́ élɔ́ mɔ wɛ ǎ.”

Kɛ́nsísɔ́ 11:20

lo ɔ́, mi ná ɖu xɔ sun ɖokpó kpíkpé; mi ná ɖu káká bɔ é ná kpé kɔ nú mi; mi ná ɖu káká bɔ é ná nɔ́ tɔ́n gbɔn awɔntín mɛ nú mi, ɖó mi gbɛ́ wǎn nú nyɛ Mawu Mavɔmavɔ e ɖo tɛ́ntin mitɔn ɔ́; mi hlún nǔ ɖɔ ɖo nukɔn ce, bó ɖɔ: ‘Aniwú wɛ mǐ ká tɔ́n sín Ejípu tawun?’ ”

Kɛ́nsísɔ́ 14:2

Yě bǐ ɖó gbe kpɔ́, bó jɛ nǔ hlún ɖɔ dó Mɔyízi kpó Aalɔ́ɔn kpó wú jí, bó nɔ́ ɖɔ nú yě ɖɔ: “Ényí mǐ kó kú ɖo Ejípu ɔ́, é nyɔ́ hú; abǐ ényí mǐ gbɔ bó kú ɖo gbětótló ɔ́ mɛ fí ɔ́, é nyɔ́ hú!

Kɛ́nsísɔ́ 14:3

Aniwú Mawu Mavɔmavɔ ka kplá mǐ xwe to énɛ́ ɔ́ mɛ, bɔ mǐ ná kú ɖo ahwangbénu, bɔ asi mǐtɔn lɛ́ɛ kpó vǐ mǐtɔn lɛ́ɛ kpó ná nyí mɛ e ɖu ɖo jǐ mǐtɔn lɛ́ɛ sín ahwankannumɔ? Mǐ lɛ́ kɔ yi Ejípu ɔ́, é nyɔ́ nú mǐ hú ǎ cé?”

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Kɛ́nsísɔ́ 21:5

Bɔ mɛ lɛ́ɛ jɛ nǔ hlún ɖɔ dó Mawu kpó Mɔyízi kpó wú jí ɖɔ: “Aniwú mi ka kplá mǐ tɔ́n sín Ejípu bɔ mǐ ná kú jɛ gbětótló mɛ fí? Đó nǔɖuɖu ɖe ɖo fí ǎ; sin ka ɖe ǎ. Wamamɔnɔ nǔɖuɖu élɔ́ cikɔ nú mǐ.”

Mɛsɛ́dó 26:29

Pɔ́lu ka ɖɔ: “É ná bó nyí din oo, é ná bo lín oo, Mawu ní bló nú é ní ma nyí hwi ɖokpónɔ kɛ́ɖɛ́ ó; lo ɔ́, mɛ e ɖo tó ɖó mì wɛ égbé lɛ́ɛ ɔ́, bǐ sésé ní cí nyɛ ɖɔhun; Mawu ma ka lɔn bónú è wá dó wlɔ mi nyɛ ɖɔhun ó.”

1 Kɔlɛ́ntinu 4:8

Mi ɖíe ko ɖó nǔ e ba wɛ mi ɖe lɛ́ɛ bǐ e. Mi ɖíe ko jɛ dɔkun e. Mi ko húzú axɔ́sú, có mǐdɛɛ lɛ́ɛ ka nyí axɔ́sú ǎ. Un jló ganjí ɖɔ mi ní ɖu axɔ́sú nǔgbó, bónú mǐ lɔmɔ̌ ná ɖu axɔ́sú xá mi.

2 Kɔlɛ́ntinu 11:1

Ényí mi sixú gbɔ nú ma ɖɔ tamɛmasɔgbenánɔ xó kpɛɖé nú mi ɔ́, nyɔ́ wɛ lo nyɔ́. Nǔgbó wɛ! Mi gbɔ ma ɖɔ!

Sɛ́nflínmɛ 28:67

É su zǎnzǎn ɔ́, mi ná nɔ́ ɖɔ: “Ényí zǎn yá wǔ kú din ɔ́, é ná nyɔ́ mɛ!” É ká su gbadanu ɔ́, mi ná nɔ́ ɖɔ: “Ényí ayǐ yá wǔ hɔ́n din ɔ́, é ná nyɔ́ mɛ!” Xɛsi e ná ɖo mi jí ɔ́ kpó nǔ e mɔ wɛ mi ná ɖe lɛ́ɛ kpó ná zɔ́n bɔ mi ná nɔ́ ɖɔ mɔ̌

Sɛ́nflínmɛ 8:3

Ée mi mɔ wǔvɛ́ énɛ́ lɛ́ɛ, bɔ adɔ dó ya nú mi fó ɔ́, é ná mǎna mi bɔ mi ɖu; nǔɖuɖu e tɔ́gbó mitɔn kpó mi kpó má mɔ kpɔ́n ǎ é wɛ é ná mi. É bló mɔ̌, bó dó ɖe xlɛ́ ɖɔ é kún nyí nǔɖuɖu kɛ́ɖɛ́ wɛ gbɛtɔ́ nɔ́ ɖu bó nɔ́ nɔ gbɛ ó, lo ɔ́, xó e tɔ́n sín Mawu Mavɔmavɔ nu mɛ ɔ́ bǐ wɛ nɔ́ hɛn mɛ ɖó gbɛ.

Jozuwée 7:7

Bɔ Jozuwée sú xó bó ɖɔ: “Óo! Aklúnɔ, Mawu Mavɔmavɔ! Aniwú a kplá mǐ d'asá Judɛ́ɛn tɔ ɔ́? A blǒ mɔ̌ bó ná jó mǐ nú Amɔliti lɛ́ɛ, bó ná tin bɔ mǐ ná kú wɛ a? Ényí mǐ kó tunwun ɔ́, mǐ ná kó gbɔ bó nɔ tɔ ɔ́ gúdo dɔ̌n.