Tíntɔ́n 15:2 - MAWUXÓWÉMA

² Mawu Mavɔmavɔ wɛ nyí hlɔ̌nhlɔ́n ce, é wɛ un ná nɔ́ ji han mlá. É wɛ hwlɛ́n mì gán. É wɛ nyí Mawu ce: un ná nɔ kpa ɛ. É wɛ nyí Mawu tɔ́ ce tɔn: un ná nɔ́ mlá ɛ

Tíntɔ́n 15:2 Iomraidhean Croise

Bǐbɛ́mɛ 17:7

Un ná jɛ akɔ xá we, bó ná jɛ xá vǐ towe e ná jɛ do towe mɛ lɛ́ɛ, jijimɛ ɖě jɛ ɖě gúdo. Akɔjijɛ mavɔ mavɔ ɖé wɛ é ná nyí, bó ná zɔ́n bɔ un ná nyí Mawu towe, bó ná nyí Mawu vǐ towe e ná jɛ do towe mɛ lɛ́ɛ tɔn.

Bǐbɛ́mɛ 49:18

Mawu Mavɔmavɔ, un ɖo nukún ɖó hwlɛngán towe wɛ.

2 Samuwɛ́li 22:3

Mawu wɛ nyí só ce, é glɔ́ wɛ un nɔ́ hɔn hwlá cí. É wɛ nyí gǎglónú ce, bó nyí hlɔ̌nhlɔ́n e nɔ hwlɛ́n mì gán é. É glɔ́ wɛ un nɔ hɔn hwlá cí. É wɛ nyí mɛhwlɛ́ngántɔ́ ce, é wɛ nɔ́ hwlɛ́n mì sín adǎkaxotɔ́ lɛ́ɛ sí.

2 Samuwɛ́li 22:47

Mawu Mavɔmavɔ ɖo gbɛ nǔgbó! Un dó kú nú mɛ e nyí só ce é. È nǐ kpa susu nú Mawu Mɛhwlɛ́ngántɔ́ ce.

2 Samuwɛ́li 22:51

Mawu Mavɔmavɔ wa nǔ ɖaxó ɖaxó dó hwlɛ́n axɔ́sú e é sɔ́ é gán, é nyɔ́ xomɛ dó mɛ e é kɔn ami dó ta ná é wú, é nyɔ́ xomɛ dó Davídi kpó vǐ tɔn lɛ́ɛ kpó wú káká sɔ́yi.

2 Samuwɛ́li 7:24

A blǒ bɔ togun towe Izlayɛ́li lí dǒ, bó ná nyí togun towe káká sɔ́yi, bɔ hwi Mawu Mavɔmavɔ ɔ́, a húzú Mawu tɔn.

2 Samuwɛ́li 7:5

“Yi ɖɔ nú mɛsɛntɔ́ ce Davídi ɖɔ: Xó e Mawu Mavɔmavɔ ɖɔ è nǐ ɖɔ nú we ɔ́ ɖíe: ‘Hwi wɛ ná sá xwé nú mì bɔ un ná nɔ mɛ ǎ.

1 Axɔ́sú 8:13

Un gbá nɔtɛn towe nú we lo, fí e a nǎ nɔ káká sɔ́yi é!”

1 Axɔ́sú 8:27

“Mawu ká sixú nɔ ayǐkúngban jí nǔgbó a? Jǐnukúnsin ɖíe sɔ́ avɔ sɔ mɔ̌ cóbó ma ka sixú hɛn ɛ ǎ e! Ani wɛ ka sɔ́ lɛ́ nyí xɔ élɔ́ e nyɛ gbá nú we ɔ́ tɔn?

1 Tan 16:14

Mawu Mavɔmavɔ wɛ nyí Mawu mǐtɔn. É wɛ nɔ́ ɖɔ hwɛ dó nǔ e ɖo ayǐkúngban jí lɛ́ɛ bǐ.

Ɖɛhan 109:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Mawu, hwi wɛ nyí mɛ e un nɔ kpa é; ma tin dó mì ó,

Ɖɛhan 118:14

Mawu Mavɔmavɔ wɛ nyí hlɔ̌nhlɔ́n ce, é wɛ nyí han bo ɖo nu ce, é wɛ hwlɛ́n mì gán.

Ɖɛhan 118:21

Mawu, un ná mlá we, ɖó a se ɖɛ ce, a hwlɛ̌n mì gán.

Ɖɛhan 118:28

Mawu Mavɔmavɔ, hwi wɛ nyí Mawu ce, un ná kpa susu nú we. Mawu ce, un ná ɖɔ lě e a dǒ agba sɔ é.

Ɖɛhan 140:7

Un ɖɔ nú Mawu Mavɔmavɔ ɖɔ: “Mawu Mavɔmavɔ, Mawu ce wɛ a nyǐ, kɛnklɛ́n, ɖǒtó vo e sa nú we wɛ un ɖe é!

Ɖɛhan 145:1

Davídi sín han Mawu ce, axɔ́sú ce! Un ná nɔ́ mlá we, un ná nɔ́ dó kú nú we tɛgbɛ.

Ɖɛhan 18:46

Toɖévomɛnu lɛ́ɛ nɔ́ dán ɖě wa gbɔn; yě nɔ́ tɔ́n sín ahohó yětɔn lɛ́ɛ mɛ bɔ ahohó lɛ́ɛ nɔ́ jɛ vɔ̌.

Ɖɛhan 22:10

Mawu Mavɔmavɔ, hwi wɛ nyí tɔn bɔ nɔ ce ji mì, hwi wɛ sɔ́ mì ɖó akɔ́n tɔn mɛ, bɔ nǔɖé nɔ́ wa mì ǎ.

Ɖɛhan 22:3

Mawu ce, un nɔ sú xó ylɔ́ we kéze, a ka nɔ yí gbe nú mì ǎ; un nɔ lɛ́ sú xó ylɔ́ we zǎn mɛ, a ka nɔ lɛ́ xo hwihwɛ́ mì ǎ.

Ɖɛhan 27:1

Davídi sín han. Mawu Mavɔmavɔ wɛ nyí wěziza ce, bó nyí mɛhwlɛ́ngántɔ́ ce; mɛ̌ un ka ná ɖi xɛsi ná? Mawu Mavɔmavɔ lɔmɛ wɛ gbɛ ce ɖe; mɛ̌ un ka ná hɔn ná?

Ɖɛhan 28:8

Mawu Mavɔmavɔ wɛ nyí hlɔ̌nhlɔ́n nú togun tɔn. É wɛ nyí ahohó nú mɛ e é kɔn ami dó ta ná é.

Ɖɛhan 30:1

Davídi sín han; hwenu e è hun Mawu xwé ɔ́ wɛ è ji.

Ɖɛhan 34:3

Mawu Mavɔmavɔ mɛ wɛ un nɔ gó ɖe; mɛ e zé yěɖée hwe lɛ́ɛ ní ɖótó mì bó j'awǎ.

Ɖɛhan 48:14

Mi kpɔ́n dǒ tɔn lɛ́ɛ, mi kpɔ́n ahohó e è mɛ lɛ́ dó é ganjí; énɛ́ ɔ́, mi ná wá kpi tan tɔn nú vǐ e ná wá jɔ sɔ lɛ́ɛ.

Ɖɛhan 59:17

Nyɛ ɔ́, un ná ji han dó kpa hlɔ̌nhlɔ́n towe. Ayǐ hɔ́n tlóló ɔ́, un ná jlá lě e a nyɔ̌ xomɛ gbɔn é, ɖó ahohó wɛ a nyǐ nú mì. Hwi wɛ nyí bibɛtɛn ce, fí e un nɔ hɔn hwlá cí adǎngbomɛzán gbe é.

Ɖɛhan 68:20

Jɛlijɛli nú Aklúnɔ ayǐhɔ́ngbe ayǐhɔ́ngbe. É wɛ nɔ́ yí agban mǐtɔn lɛ́ɛ hɛn. É wɛ nyí Mawu mɛhwlɛ́ngántɔ́ mǐtɔn. Agbɔ̌n

Ɖɛhan 99:5

Mi kpa susu nú Mawu Mavɔmavɔ, Mawu mǐtɔn. Mi ɖe kɔ́ ɖo axɔ́súzinkpo ɔ́ nukɔn. Mɛ mímɛ́ wɛ é nyí.

Ɖɛhan 99:9

Mi kpa susu nú Mawu Mavɔmavɔ, Mawu mǐtɔn, mi ɖe kɔ́ ɖo só mímɛ́ tɔn jí, ɖó Mawu Mavɔmavɔ, Mawu mǐtɔn ɔ́, mɛ mímɛ́ wɛ é nyí.

Tíntɔ́n 14:13

Mɔyízi ka yí gbe nú yě ɖɔ: “Mi ma ɖi xɛsi ó, mi ma hɔn ó, bó ná kpɔ́n lě e Mawu Mavɔmavɔ ná hwlɛ́n mi gán gbɔn égbé din é; Ejípunu e mɔ wɛ mi ɖe din lɛ́ɛ ɔ́, mi sɔ́ ná mɔ yě ɖě gbeɖé ǎ.

Tíntɔ́n 3:6

Mawu lɛ́ ɖɔ: “Nyɛ wɛ nyí Mawu. Nyɛ wɛ tɔ́gbó Ablaxámu, Izáki, Jakɔ́bu kpó tɔ́ towe kpó nɔ sɛn.” Ée Mɔyízi se mɔ̌ ɔ́, é sɔ́ nǔ cyɔ́n nukún mɛ, ɖó é ɖo xɛsi ɖi wɛ ɖɔ émí táá mɔ Mawu.

Tíntɔ́n 4:22

Énɛ́ ɔ́, a nǎ ɖɔ n'i ɖɔ: Xó e Mawu Mavɔmavɔ ɖɔ ɔ́ ɖíe; é ɖɔ: ‘Togun Izlayɛ́li tɔn ɔ́, vǐ súnnu ce wɛ é nyí; nukɔngbéví ce wɛ.

Tíntɔ́n 40:34

Hwenɛ́nu ɔ́, akpɔ́kpɔ́ cyɔ́n goxɔ ɔ́, bɔ susu Mawu Mavɔmavɔ tɔn gɔ́ goxɔ ɔ́,

Tíntɔ́n 6:7

Un ná zé mi dó ɖó togun ce ná; un ná nyí Mawu mitɔn, bɔ mi ná tunwun ɖɔ nyɛ Mawu Mavɔmavɔ, Mawu mitɔn ɔ́ wɛ ɖe mi sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú mi lɛ́ɛ mɛ.

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 25:1

Mawu Mavɔmavɔ, hwi wɛ nyí Mawu ce; un jló ná sɔ́ we su, un jló ná ji han dó kpa susu nú nyǐkɔ towe, ɖó a blǒ nǔ ɖagbe ɖagbe gěgé. Nǔ énɛ́ lɛ́ɛ ɖe din ɔ́, é kó lín, bɔ è hɛn ɔ́, è nǎ ɖeji dó yě wú.

Ezayíi 45:17

Amɔ̌, Izlayɛ́li togun ɔ́, Mawu Mavɔmavɔ hwlɛ́n ɛ gán káká sɔ́yi. Mi mɛ e nyí togun tɔn ɔ́, mi sɔ́ ná ɖu winnyá gbeɖé ǎ, wi mitɔn ɖě sɔ́ ná kɔ́n gbeɖé ǎ.

Ezayíi 49:6

É ɖɔ nú mì ɖɔ: “Azɔ̌ e wa nú mì wɛ a ɖe, bó ɖo akɔta Jakɔ́bu tɔn lɛ́ɛ sɔ́ sí te wɛ, bó ɖo mɛ e kpo ɖo Izlayɛ́li lɛ́ɛ kplá wá wɛ ɔ́, azɔ̌ énɛ́ ɔ́ kɛ́ɖɛ́ kpé ǎ. Un lɛ́ sɔ́ we dó ɖó wěziza nú akɔta ɖě lɛ́ɛ, bónú hwlɛngán ce ná yi káká fí e gbɛ ɔ́ kponu ɖó é.”

Ezayíi 66:1

Xó e Mawu Mavɔmavɔ ɖɔ ɔ́ ɖíe: “Jǐnukúnsin ɔ́, axɔ́súzinkpo ce wɛ, ayǐkúngban ka nyí afɔɖótɛn ce. Énɛ́ ɔ́, xwé alɔkpa tɛ́ mi ná sixú sá nú mì? Fítɛ́ mi ka sixú bló bɔ un ná nɔ?

Jelemíi 3:23

Vodún e mǐ sɛn gbɔn sókan mɛ sókan mɛ nɛ́ lɛ́ɛ ɔ́, mǐɖée wɛ mǐ blɛ̌; xó wɛ mǐ sú gbɔn só ta só ta dó wǔvɔ́. Hwi Mawu Mavɔmavɔ, Mawu mǐtɔn ɖokpó gɔ́n jɛ́n mǐ Izlayɛ́li ví lɛ́ɛ na mɔ hwlɛngán ɖe.

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Jelemíi 32:38

Énɛ́ ɔ́, yě ná lɛ́ nyí togun ce, bɔ un ná nyí Mawu yětɔn.

Xabakúku 3:13

A nɔ tɔ́n bó nɔ́ hwlɛ́n togun towe gán, togun towe e a sɔ́ ɔ́ gán. A nɔ hu mɛ e kpa acɛ dó mɛ nyanya lɛ́ɛ nu é. A nɔ sú mɛ e nyí étɔn lɛ́ɛ kún dó bǐ gbídígbídí. Agbɔ̌n

Zakalíi 13:9

Un ná zé atɔnvlɔ́ɖó énɛ́ ɔ́ dó myɔ mɛ, bó ná ɖe nǔ kwíji e ɖo yě wú ɔ́ síin, lě e è nɔ zé kpatágan dó myɔ mɛ bó nɔ ɖe nǔ blíblí e ɖ'é mɛ lɛ́ɛ síin é ɖɔhun. Un ná tɛ́n yě kpɔ́n lě e è nɔ tɛ́n siká kpɔ́n gbɔn ɖo myɔ mɛ é. Énɛ́ ɔ́, yě ná sú xó ylɔ́ mì, bɔ un ná yí gbe nú yě. Un ná ɖɔ: ‘Togun ce wɛ mi nyí’, bɔ yě ná nɔ yí gbe ɖɔ: ‘Nǔgbó wɛ Mawu Mavɔmavɔ, hwi wɛ nyí Mawu mǐtɔn!’ ”

Luki 1:77

É ná sɔ́ togun tɔn sín hwɛ lɛ́ɛ kɛ ɛ, bó ná ɖe xlɛ́ ɛ ɖɔ émí hwlɛ́n ɛ gán.

Luki 2:30

ɖó nukún ce mɔ hwlɛngán towe

Jǎan 4:22

Mi mɛ Samalíinu lɛ́ɛ tunwun nǔ e sɛn wɛ mi ɖe ɔ́ ǎ; lo ɔ́, mǐ mɛ Jwifu lɛ́ɛ tunwun ɖɔ hwlɛngán ɔ́ Jwifu lɛ́ɛ gɔ́n wɛ é gosín.

Jǎan 5:23

bónú gbɛtɔ́ lɛ́ɛ bǐ ná sɔ́ Vǐ ɔ́ su, lě e yě nɔ sɔ́ Tɔ́ ɔ́ su gbɔn é ɖɔhun. Mɛ e ma sɔ́ Vǐ ɔ́ su ǎ ɔ́, é sɔ́ Tɔ́ e sɛ́ ɛ dó ɔ́ lɔ su ǎ.

Mɛsɛ́dó 4:12

É ɖokpónɔ géé jɛ́n sixú hwlɛ́n mɛ gán; ɖó, gbɔn gbɛ ɔ́ bǐ mɛ ɔ́, Mawu sɔ́ ná mɛ ɖěvo gbɛtɔ́ lɛ́ɛ ɖo fí ɖěbǔ, bɔ mi ná mɔ hwlɛngán gbɔn jǐ tɔn ǎ.”

2 Kɔlɛ́ntinu 5:19

Đó Mawu kó ɖo azɔ̌ wa wɛ gbɔn Klísu jí, bó ná dó hwɛ gbɔ xá gbɛtɔ́ lɛ́ɛ bǐ; é kpɔ́n dó nǔwanyido yětɔn lɛ́ɛ wú ǎ. Hwɛdógbɔ sín azɔ̌ énɛ́ e wa wɛ é ɖe ɔ́, é sɔ́ dó así nú mǐ ɖɔ mǐ ní jlá.

Efɛ́zinu 2:22

Đo bǔ e mi ɖe xá Klísu Jezu ɔ́ mɛ ɔ́, mi lɔmɔ̌ nyí blǐki ɖo blǐki e è dǒ mɛ xɔ ɔ́ ná lɛ́ɛ mɛ; bɔ mi kpódó mɛ ɖě lɛ́ɛ bǐ kpó ná kplé bó ná nyí xɔ e mɛ Yɛ Mawu tɔn nɔ́ nɔ é.

Sɛ́nflínmɛ 10:21

É wɛ mi ná nɔ́ kpa susu ná; é wɛ nyí Mawu ɖokpó e mi ɖó é; é wɛ wa nǔ ɖaxó ɖaxó lɛ́ɛ, nǔ e dó xɛsi lɛ́ɛ bɔ mi mɔ.”

Filípunu 2:11

bónú mɛ bǐ ná jlá ɖɔ Jezu Klísu wɛ nyí Aklúnɔ; énɛ́ ɔ́ wɛ ná sɔ́ Mawu Tɔ́ ɔ́ su.

Filípunu 4:13

Mɛ e nɔ ná hlɔ̌nhlɔ́n mì ɔ́ wɛ nɔ zɔ́n, bɔ un nɔ sixú kpé nǔ énɛ́ lɛ́ɛ bǐ wú.

Kolósinu 2:9

ɖó nǔ e Mawu nyí ɔ́ bǐ ko yí agbaza ɖo Klísu mɛ, bónú Mawu ná nɔ Klísu mɛ bǐ sésé,

Nǔɖexlɛ́mɛ 15:3

Yě ɖo mɛsɛntɔ́ Mawu tɔn Mɔyízi sín han ji wɛ, bó ɖo Lɛ̌ngbɔ́ví ɔ́ sín han ji wɛ ɖɔ: “Aklúnɔ Mawu Nǔbǐwúkpétɔ́, azɔ̌ towe lɛ́ɛ d'agba bó nyɔ́ kpɔ́n. Axɔ́sú to lɛ́ɛ tɔn, tito towe lɛ́ɛ jlɔ́ bó nyí nǔgbó.

Nǔɖexlɛ́mɛ 19:1

Énɛ́ ɔ́ gúdo ɔ́, un se gbe ɖaxó ɖé ɖo jǐnukúnsin, mɛ wɔ̌buwɔ́bú ɖé wɛ ɖo xó ɖɔ wɛ ɖɔhun, bɔ gbe ɔ́ ɖo ɖiɖɔ wɛ ɖɔ: “Alelúya Aklúnɔ! Mawu mǐtɔn tɔn wɛ nyí hwlɛngán, susu, kpó hlɔ̌nhlɔ́n kpó!

Hwɛɖɔtɔ́ 5:21

Tɔ e ko ɖo sisa wɛ tɛgbɛ ɔ́, Kicɔ́ni tɔ ɔ́, kplɔ́ kɛntɔ́ lɛ́ɛ yi. Mǐ ní zun zɔnlin kpó ta syɛ́nsyɛ́n kpó yi ahwangbénu.