Tíntɔ́n 13:9 - MAWUXÓWÉMA

⁹ Xwe ɔ́ ná cí wuntun ɖé ɖɔhun nú mi ɖo awa mitɔn lɛ́ɛ wú, bó ná nyí flǐn ɖé sín wuntun nú mi ɖo nukɔn mitɔn, bónú mi ná jlá nǔ e Mawu Mavɔmavɔ kplɔ́n mi é. Đó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ sixú nɔ te ɖo hlɔ̌nhlɔ́n tɔn nukɔn ǎ.

Tíntɔ́n 13:9 Iomraidhean Croise

Nɛɛmíi 1:10

Mawu Mavɔmavɔ, mɛsɛntɔ́ towe wɛ mǐ nyǐ, bó nyí togun towe. Mǐdɛɛ lɛ́ɛ wɛ a sɔ́ hlɔ̌nhlɔ́n towe dó hwlɛ́n gán, bó sɔ́ alɔ towe hlɔ̌nhlɔ́nnɔ ɔ́ dó hwlɛ́n gán.

Ɖɛhan 136:11

É wɛ ɖe togun tɔn Izlayɛ́li tɔ́n sín yě tɛ́ntin; ɖó xomɛnyínyɔ́ tɔn ɖe káká sɔ́yi.

Ɖɛhan 136:12

É wɛ ɖe yě tɔ́n kpó hlɔ̌nhlɔ́n ɖaxó ɖé kpó; ɖó xomɛnyínyɔ́ tɔn ɖo te káká sɔ́yi.

Ɖɛhan 89:13

Hwi wɛ bló Tofɔligbé, hwi wɛ bló Totaligbé. Tabɔ́ɔ só ɔ́ kpó Ɛmɔ́ɔ só ɔ́ kpó ɖo asíkpɛ́ xo nú nyǐkɔ towe wɛ.

Tíntɔ́n 12:14

“Mi ná hɛn nǔ e ná jɛ gbe énɛ́ ɔ́ gbe ɔ́ ayi mɛ, bó ná nɔ́ ɖu xwe dó ta ce mɛ dó flín ná; é ná nyí sɛ́n nú kúnkan mitɔn lɛ́ɛ káká sɔ́yi.”

Tíntɔ́n 12:41

Đo xwe afɔwe gban (430) énɛ́ lɛ́ɛ sín vivɔnu e nyí Dǐndínwáyi Mawu Mavɔmavɔ tɔn sín azǎn ɔ́, togun Mawu Mavɔmavɔ tɔn ɔ́ bǐ tɔ́n sín Ejípu.

Tíntɔ́n 13:14

Ényí vǐ mitɔn lɛ́ɛ kanbyɔ́ mi gbe ɖokpó ɖɔ étɛ́wú wɛ mi nɔ bló mɔ̌ a jí ɔ́, mi ná yí gbe nú yě ɖɔ: ‘Mawu Mavɔmavɔ wɛ ɖe mǐ tɔ́n sín Ejípu kpó hlɔ̌nhlɔ́n tɔn kpó, bɔ mǐ gosín mɛ kannu; mɛɖé nɔ́ nɔ te hlɔ̌nhlɔ́n tɔn nukɔn ǎ.

Tíntɔ́n 13:16

Vɔ̌sísá énɛ́ lɛ́ɛ ná nɔ́ nyí flǐn ɖé nú mi, bó ná nɔ lɛ́ nyí wuntun ɖé ɖo awa mitɔn abǐ nukɔn mitɔn. Yě ná nɔ́ flín mi ɖɔ Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ.”

Tíntɔ́n 13:3

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi flín azǎn élɔ́ e gbe mi tɔ́n sín Ejípu bó gosín mɛ kannu é; ɖó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ. Hǔn, mi ja nǔ e jɛ nɛ́ ɔ́ sín xwe ɖu gbé ɔ́, mi ɖó ná ɖu wɔ̌xúxú e mɛ è dǒ tɔ́n ɔ́ ǎ.

Tíntɔ́n 3:20

É ka ɖo mɔ̌ có un ná sí te dó to tɔn jí kpó hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ dó to ɔ́ wú, bɔ ado ná hu i bɔ é ná jó mi dó bɔ mi ná yi.

Tíntɔ́n 7:4

Axɔ́sú ɔ́ ná ɖótó mi ǎ. Alɔ ce ka ná jɛ to tɔn Ejípu ɔ́ wú, bɔ un ná dɔn tó nú to ɔ́ bɔ é ná syɛ́n ɖésú, bó ná dó ɖe togun ce Izlayɛ́li ɔ́ tɔ́n, é wɛ nyí ahwangɔnu ce.

Nǔnywɛ́xó 1:9

Đó jɛ̌gbákún wɛ nǔ énɛ́ lɛ́ɛ nyí ɖo ta nú we, jɛ̌ wɛ yě nyí ɖo kɔ nú we.

Nǔnywɛ́xó 3:21

Vǐ ce, ma nú ayi ɖo te kpó tamɛ lin cóbó wa nǔ kpó nɔ zɔ nú we ó; hɛn yě.

Nǔnywɛ́xó 7:23

É ɖo nyɔ̌nu ɔ́ gǔdo káká bɔ gǎ xo hǔn tɔn zlɛ́; é cí xɛ e zɔn bó yi jɛ mɔ mɛ é ɖɔhun; é tunwun ɖɔ gbɛ émí tɔn ko vɔ ǎ.

Hanvíví 8:6

Sɔ́ mì tɛ́ ɖó akɔ́n towe nu, nú má cí wuntun ɖɔhun ɖo wǔ towe, gbɔ nú má tɛ́ dó wǔ towe alɔgan ɖɔhun. Đó wǎn yíyí ɖó hlɔ̌nhlɔ́n kú ɖɔhun. Nǔ e hun zo dó mɛ ɔ́, è nɔ hɛn ɖó te ǎ, kú ɖɔhun wɛ é ɖe. Nǔ e hun zo dó mɛ ɔ́, zo wɛ, myɔ hɛhɛ wɛ.

Ezayíi 27:1

Gbe énɛ́ gbe ɔ́, Mawu Mavɔmavɔ ná zé hwǐ tɔn dó wǎ nǔ xá Levyatáan; hwǐ ɖaxó ɖé wɛ, hwǐ syɛ́nsyɛ́n ɖé wɛ, hwǐ ɖé wɛ bɔ nǔɖé nɔ́ nɔ te nukɔn tɔn ǎ; Levyatáan ɔ́, dan ɖé wɛ bɔ è nɔ sixú wlí i ǎ; dan ɖé wɛ bó sɛ́. Mawu Mavɔmavɔ ka ná hu xumɛkanlin ɖaxó énɛ́ ɔ́.

Ezayíi 40:10

Mi kpɔ́n Aklúnɔ Mavɔmavɔ; é jǎwe kpó hlɔ̌nhlɔ́n kpó, é ɖó hlɔ̌nhlɔ́n e ɖu axɔ́sú é; é bɛ́ nǔ e é mɔ lɛ́ɛ jǎwe; azɔ̌ e é wa ɔ́, é bɛ́ nǔ e é mɔ ɖ'é mɛ lɛ́ɛ ja.

Ezayíi 44:5

Mɛ ɖě ná ɖo yě mɛ bó ná ɖɔ: ‘Mawu Mavɔmavɔ tɔn wɛ un nyí.’ Mɛ ɖěvo ná ɖɔ: ‘Jakɔ́bu ví wɛ un nyí.’ Mɛ ɖěvo ná wlán dó alɔ ɖɔ: ‘Mawu Mavɔmavɔ tɔn’, bó ná sɔ́ Izlayɛ́li nyíkɔ ɔ́ dó yí go ná.”

Ezayíi 49:16

Éɖíe kpɔ́n! Nyǐkɔ towe ɔ́, alɔkpákpá ce mɛ wɛ un wlán dó. Un gɔn ahohó e è mɛ lɛ́ lɛ̌ dó we ɔ́ flín gbeɖé ǎ.

Ezayíi 51:9

Mawu Mavɔmavɔ, fɔ́n, yǎ wǔ fɔ́n! Đe hlɔ̌nhlɔ́n towe xlɛ́! Fɔ́n lě e a fɔ́n gbɔn ɖ'ayǐ é, lě e a fɔ́n gbɔn xóxó hwenu é! É má nyí hwi wɛ hu Hlaxávu a? É má nyí hwi wɛ hu nǔdábaɖa xu mɛ tɔn ɔ́ a?

Ezayíi 59:21

Mawu Mavɔmavɔ ɖɔ: “Nyɛ ɔ́, akɔ e un jɛ xá mi ɔ́ ɖíe: Yɛ ce ɖo mi jí; un sɔ́ xó ce dó nu nú mi, xó énɛ́ ɔ́ ná nɔ mi nu, bó nɔ vǐ mitɔn lɛ́ɛ nu, bó nɔ vǐvú mitɔn lɛ́ɛ nu, sín din káká sɔ́yi; un ná yí xó ce sín mi nu gbeɖé ǎ; nyɛ Mawu Mavɔmavɔ wɛ ɖɔ mɔ̌.”

Jelemíi 22:24

Mawu Mavɔmavɔ ɖɔ nú Jelemíi ɖɔ é ní ɖɔ nú Yoyakini Judáa xɔ́sú, Yoyakímu ví ɔ́ ɖɔ: “A na bo cí alɔkɛ́ e nɔ ɖo alɔ aɖisí nú mɛ bɔ è nɔ dó ɖó wuntun nǔ ná ɔ́ ɖɔhun nú mì ɔ́, un na ɖe we sín alɔ.

Daniyɛ́li 9:15

“Aklúnɔ, Mawu mǐtɔn, hwenu e a zě hlɔ̌nhlɔ́n towe e nukɔn mɛɖé ma sixú nɔ te ɖe ǎ é dó ɖe togun towe tɔ́n sín Ejípu ɔ́, nyǐkɔ towe yi jǐ, bó kpo ɖo mɔ̌ káká wá jɛ égbé. Lo ɔ́, mǐdɛɛ lɛ́ɛ ɔ́, mǐ hu hwɛ, mǐ jɛ agɔ dó we.

Jowɛ́li 2:11

Mawu Mavɔmavɔ ɖe gbe ɖo ahwangɔnu énɛ́ nukɔn, ɖó ahwanfuntɔ́ tɔn énɛ́ lɛ́ɛ nɔ́ se tónú n'i; yě dó xɛsi ɖésú. Đó Mawu Mavɔmavɔ zán ɔ́ kló, é dó abaɖa. Mɛ̌ wɛ sixú gán ɖo azǎn énɛ́ gbe?

Kɛ́nsísɔ́ 15:39

Hǔn mi ná nɔ́ dó awu e dó kɛyɛ lɛ́ɛ é. Nú mi kpɔ́n kɛyɛ énɛ́ lɛ́ɛ ɔ́, mi ná nɔ́ flín sɛ́n ce lɛ́ɛ, bó ná nɔ́ nyi. Énɛ́ ɔ́, mi sɔ́ ná nɔ́ xwedó nǔ e ayi mitɔn ɖɔ nú mi lɛ́ɛ kpó nǔ e mɔ wɛ nukún mitɔn lɛ́ɛ ɖe ɔ́ kpó, bó ná jɛ nǔ ɖěvo lɛ́ɛ sɛn jí ǎ.

Matíe 23:5

A mɔ mì a sín nǔ wɛ yě nɔ bló; yě nɔ blá tíla gbajagbaja dó wǔ; yě nɔ xo kɛyɛ dó awu yětɔn lɛ́ɛ tó gblɛlɛ .

Hlɔ̌manu 10:8

Bɔ nɛ̌ è ka ɖɔ lo? Nǔ e è ɖɔ ɔ́ ɖíe: “Xó ɔ́ ɖo akpá towe; é ɖo nu towe mɛ, bó ɖo ayi towe mɛ.” Xó énɛ́ wɛ nyí nǔɖiɖi sín wɛn e jlá wɛ mǐ ɖe é.

Sɛ́nflínmɛ 30:14

Xó ɔ́ ɖo akpá mitɔn. É ɖo nu mitɔn mɛ, bó ɖo ayi mitɔn mɛ, bónú mi ná sixú zé dó wa azɔ̌ ná.

Sɛ́nflínmɛ 5:15

Flín ɖɔ kannumɔ wɛ émí nyí ɖo Ejípu, bɔ nyɛ Mawu Mavɔmavɔ, Mawu towe zé hlɔ̌nhlɔ́n ce e nukɔn nǔɖé má nɔ́ nɔ te ɖe ǎ é dó ɖe we tɔ́n. Énɛ́ ɔ́ wútu wɛ nyɛ Mawu Mavɔmavɔ, Mawu towe ɖɔ nú we ɖɔ hwi ní nyi gbɔjɛzánsɛ́n ɔ́.

Sɛ́nflínmɛ 6:21

mi ná yí gbe nú yě ɖɔ: ‘Kannumɔ Ejípu xɔ́sú ɔ́ tɔn wɛ mǐ nyǐ ɖ'ayǐ ɖo to tɔn mɛ, bɔ Mawu Mavɔmavɔ zé hlɔ̌nhlɔ́n tɔn e nukɔn nǔɖé má nɔ́ nɔ te ɖe ǎ é dó ɖe mǐ tɔ́n.

Sɛ́nflínmɛ 6:6

Xó élɔ́ lɛ́ɛ e xa nú we wɛ un ɖe égbé din lɛ́ɛ ká ná nɔ ayixa towe mɛ.

Sɛ́nflínmɛ 6:8

A nǎ blá xó énɛ́ lɛ́ɛ dó awa, abǐ nukɔn, bó má wá wɔn ó.

Nǔɖexlɛ́mɛ 18:8

Énɛ́ ɔ́ wú wɛ awě e è sɔ́ ɖó ayǐ n'i lɛ́ɛ ná xo e ɖo kéze ɖokpó géé mɛ; awě énɛ́ lɛ́ɛ wɛ nyí: kúzɔ́n, aluwɛ kpódó adɔ kpó; è nǎ zě myɔ dó fyɔ́ ɛ ná. Đó Aklúnɔ Mawu e ɖo hwɛ ɖɔ xá ɛ wɛ ɔ́ ɖó hlɔ̌nhlɔ́n.”

Hwɛɖɔtɔ́ 2:12

Yě jǒ Mawu Mavɔmavɔ, Mawu tɔ́gbó yětɔn lɛ́ɛ tɔn e ɖe yě tɔ́n sín Ejípu ɔ́ dó, bó ɖo vodún lɛ́ɛ sɛn wɛ; yě nɔ́ sɛn vodún e togun e lɛ́ dó yě lɛ́ɛ nɔ sɛn lɛ́ɛ é. Yě nɔ́ jɛ kpo bó nɔ ɖe kɔ́ nú yě, bó nɔ dó xomɛsin nú Mawu Mavɔmavɔ.