Tíntɔ́n 13:6 - MAWUXÓWÉMA

⁶ Mi ná ɖu wɔ̌xúxú e mɛ è ma dó tɔ́n ǎ é nú azǎn tɛ́nwe; azǎn tɛ́nwegɔ́ ɔ́ gbe ɔ́, è nǎ ɖu xwe dó Mawu Mavɔmavɔ ɔ́ ta mɛ.

Tíntɔ́n 13:6 Iomraidhean Croise

2 Tan 30:21

Mɛ e kplé ɖo Jeluzalɛ́mu lɛ́ɛ bǐ ɖu wɔ̌xúxú e mɛ è ma dó tɔ́n ǎ é sín xwe ɔ́ kpó awǎjijɛ ɖaxó ɖé kpó, xɔ azǎn tɛ́nwe. Ayǐhɔ́ngbe ayǐhɔ́ngbe ɔ́, Levíi ví lɛ́ɛ kpó vɔ̌sánú-xwlémawutɔ́ lɛ́ɛ kpó nɔ́ ɖo susu kpa nú Mawu Mavɔmavɔ wɛ, kpó nǔxonú e ɖi gbe ganjí, bɔ è nɔ zán dó kpa susu nú Mawu Mavɔmavɔ lɛ́ɛ kpó.

Tíntɔ́n 34:18

“Mi ná ɖu wɔ̌xúxú e mɛ è ma dó tɔ́n ǎ é sín xwe. Azǎn tɛ́nwe wɛ è sɔ́ ɖó te ɖo Abibu sun ɔ́ mɛ bɔ mi ná ɖu xwe ɔ́ ná ɔ́. Mi ná ɖu wɔ̌xúxú e mɛ è ma dó tɔ́n ǎ é lě e un ɖɔ gbɔn nú mi é. Đó Abibu sun ɔ́ mɛ wɛ mi tɔ́n sín Ejípu.

Levíi ví 23:8

Đo aklúnɔzángbla énɛ́ ɔ́ bǐ mɛ ɔ́, mi ná nɔ́ sá vɔ̌ e è nɔ dó zo ɔ́ nú mì ayǐhɔ́ngbe ayǐhɔ́ngbe. Azǎn tɛ́nwegɔ́ ɔ́ gbe ɔ́, mi ná lɛ́ kplé, bó ná sɛn mì. Azǎn énɛ́ ɔ́ lɔ ɔ́, mi ná nɔ́ wa azɔ̌ e mi ko nɔ wa lɛ́ɛ ɖěbǔ ǎ.”

Sɛ́nflínmɛ 16:8

Mi ná ɖu wɔ̌xúxú e mɛ è ma dó tɔ́n ǎ é káká nú azǎn ayizɛ́n. É jɛ azǎn tɛ́nwegɔ́ ɔ́ gbe ɔ́, mi ná ɖu xwe ɖaxó ɖokpó, bó ná zé Mawu Mavɔmavɔ, Mawu mitɔn su. Mi ná wa azɔ̌ ɖěbǔ gbe énɛ́ gbe ǎ.

Jozuwée 5:11

Ayǐhɔ́ngbe tɔn ɔ́, yě ɖu wɔ̌xúxú e tɔ́n má ɖ'é mɛ ǎ é kpó jinukún mimɛ kpó ɖo gbe énɛ́ ɔ́ gbe ɖokpó ɔ́. Jinukún to ɔ́ mɛ tɔn wɛ yě dó ɖa nǔɖuɖu énɛ́ lɛ́ɛ ná.