Tíntɔ́n 13:5 - MAWUXÓWÉMA

⁵ Ényí Mawu Mavɔmavɔ kó kplá mi yi Kanáanu lɛ́ɛ kpó Hitíti lɛ́ɛ kpó Amɔliti lɛ́ɛ kpó Hivíti lɛ́ɛ kpó, kpódó Jebuzinu lɛ́ɛ kpó sín to mɛ ɔ́, mi ná nɔ́ ɖu xwe tɔn ɖo sun ɖokpó énɛ́ ɔ́ mɛ xwewú xwewú. To énɛ́ ɔ́ sín akpá wɛ Mawu Mavɔmavɔ kó dó nú tɔ́gbó mitɔn lɛ́ɛ; nyibúnɔ́sin kpó wǐin kpó nɔ́ sa ɖo to énɛ́ ɔ́ mɛ.

Tíntɔ́n 13:5 Iomraidhean Croise

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Bǐbɛ́mɛ 50:24

Jozɛ́fu ɖɔ nú nɔví tɔn lɛ́ɛ gbe ɖokpó ɖɔ: “Un ná kú, amɔ̌, Mawu ná wá gɔ́ alɔ nú mi dandan. É ná kplá mi sín Ejípu fí yi to e sín akpá é kó dó nú Ablaxámu, Izáki kpó Jakɔ́bu kpó ɔ́ mɛ.”

1 Tan 1:15

Hivíti lɛ́ɛ, Aakíti lɛ́ɛ, Sini ví lɛ́ɛ,

Tíntɔ́n 12:24

Mi ná nɔ́ xwedó nǔ énɛ́ e Mawu Mavɔmavɔ ɖɔ nú mi ɔ́, bɔ é ná nyí sɛ́n nú mi kpó kúnkan mitɔn lɛ́ɛ kpó káká sɔ́yi.

Tíntɔ́n 13:10

Mi ná nɔ́ nyi sɛ́n énɛ́ ɔ́ xwewú xwewú ɖo hwenu e è ɖǒ dó é.”

Tíntɔ́n 13:11

Mɔyízi lɛ́ ɖɔ: “Hwenu e Mawu Mavɔmavɔ ná kplá mi yi Kanáa to ɔ́ mɛ bó ná ná to ɔ́ mi lě e é kó dó akpá tɔn, bó xwlé nyǐkɔ tɔn d'é jí nú tɔ́gbó mitɔn lɛ́ɛ bó dó nú mi lɔ gbɔn ɔ́.

Tíntɔ́n 3:17

un ná kplá mi sín Ejípu tomɛ fí e mi ɖo ya ji ɖe wɛ é, bó ná kplá mi yi Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpó Jebuzinu lɛ́ɛ kpó sín to mɛ. Un ná kplá mi yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ.’

Tíntɔ́n 3:8

Énɛ́ ɔ́ wú wɛ un jɛ te bó ná hwlɛ́n ɛ ɖo Ejípunu lɛ́ɛ sí, bó ná kplá ɛ sín Ejípu yi to ɖaxó ɖagbe ɖagbe ɖé mɛ. Un ná kplá ɛ yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ, ɖo fí e Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó nɔ́ nɔ lɛ́ɛ é.

Tíntɔ́n 32:13

Flín mɛsɛntɔ́ towe Ablaxámu, Izáki kpódó Jakɔ́bu kpó e a dó akpá ná ɖɔ émí ná bló bɔ kúnkan yětɔn lɛ́ɛ ná sukpɔ́ sunví ɖɔhun bɔ émí ná ná to e sín akpá émí dó ɔ́ kúnkan yětɔn lɛ́ɛ, bɔ é ná nyí yětɔn káká sɔ́yi é.”

Tíntɔ́n 33:1

Mawu Mavɔmavɔ ɖe gbe nú Mɔyízi ɖɔ: “Jɛ ali, gosín fí, hwi kpódó togun e a ɖe tɔ́n sín Ejípu ɔ́ kpó. Jɛ ali bó yi to e sín akpá un dó nú Ablaxámu, Izáki kpódó Jakɔ́bu kpó ɖɔ un ná ná kúnkan yětɔn lɛ́ɛ ɔ́ mɛ.

Tíntɔ́n 34:11

“Mi xwedó nǔ e ɖɔ nú mi wɛ un ɖe égbé ɔ́ ganjí ɔ́, un ná nya Amɔliti lɛ́ɛ, Kanáa ví lɛ́ɛ, Hitíti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó ɖo nukɔn mitɔn.

Tíntɔ́n 6:4

Un lɛ́ jɛ akɔ xá yě, bó ná ná yě Kanáa; to énɛ́ e mɛ yě yi nɔ ɖ'ayǐ é, to énɛ́ e mɛ yě hɔn yi cí é.

Tíntɔ́n 6:8

Un ná kplá mi yi to e sín akpá un dó, bó xwlé nǔ d'é jí ɖɔ un ná ná Ablaxámu, Izáki kpódó Jakɔ́bu kpó ɔ́ mɛ. Un ná ná to ɔ́ mi, bɔ é ná nyí mitɔn. Nyɛ Mawu Mavɔmavɔ wɛ ɖɔ mɔ̌.”

Jelemíi 11:5

Énɛ́ ɔ́, un ná ɖe akpá e un dó nú tɔ́gbó mitɔn lɛ́ɛ é. Akpá e un dó nú yě ɖɔ un ná ná yě to e mɛ wǐin kpó nyibúnɔ́sin kpó nɔ́ sa tɔ ɖe é. To ɔ́ mɛ ɖíe mi ɖe din e.’ ” Ée Mawu ɖɔ mɔ̌ ɔ́, un ɖɔ: “Mawu Mavɔmavɔ, nǔgbó wɛ a ɖɔ.”

Jelemíi 32:22

A dǒ akpá nú tɔ́gbó mǐtɔn lɛ́ɛ bó xwlé nǔ d'é jí ɖɔ émí ná ná yě to élɔ́; to élɔ́ e mɛ wǐin kpó anɔ̌sin kpó nɔ́ sa ɖe é, bó ka ná yě nǔgbó.

Ezekiyɛ́li 20:6

Hwenɛ́nu ɔ́, un dó akpá nú yě ɖɔ un ná ɖe yě tɔ́n sín Ejípu, bó kplá yě yi to e un ko ba do ná ɖ'ayǐ ɔ́ mɛ; anɔ̌sin kpó wǐin kpó nɔ́ sa tɔ ɖo to ɔ́ mɛ. To ɔ́ nyɔ́ ɖɛkpɛ hú to lɛ́ɛ bǐ.

Levíi ví 20:24

Bó ɖɔ nú yě ɖɔ: ‘Mitɔn wɛ ayǐkúngban yětɔn ná nyí; to énɛ́ e mɛ anɔ̌sin kpódó wǐin kpó gɔ́ ɔ́, nyɛ wɛ ná mi.’ Nyɛ wɛ nyí Mawu Mavɔmavɔ, Mawu mitɔn e ɖe mi ɖó vo nú togun ɖě lɛ́ɛ é.

Kɛ́nsísɔ́ 11:12

Nyɛ wɛ hɛn togun élɔ́ sín adɔgo a? Nyɛ wɛ ji i, bɔ a nɔ ɖɔ nú mì ɖɔ nyɛ ní hɛn ɛ akɔ́nnu vǐnɔ ɖɔhun káká yi to e sín akpá a dǒ nú togun élɔ́ ɔ́ mɛ a?

Kɛ́nsísɔ́ 13:27

Yě ɖɔ nú Mɔyízi ɖɔ: “Mǐ yi to e mɛ a sɛ́ mǐ dó ɔ́ mɛ. Anɔ̌sin kpó wǐin kpó nɔ́ sa ɖo to ɔ́ mɛ nǔgbó. Atínsínsɛ́n to ɔ́ mɛ tɔn ɖě ɖíe.

Kɛ́nsísɔ́ 14:16

‘Mawu Mavɔmavɔ sixú kplá togun ɔ́ yi to e sín akpá é dó n'i ɔ́ mɛ ǎ, énɛ́ wú wɛ é sú kún tɔn dó ɖo gbětótló mɛ.’

Kɛ́nsísɔ́ 14:30

Mi sɔ́ ná yi to e sín akpá un dó nú mi ɖɔ mi ná nɔ mɛ ɔ́ mɛ ǎ. Kalɛ́bu Yefunnɛ́ɛ ví ɔ́, kpódó Jozuwée Nuni ví ɔ́ kpó ná yi to ɔ́ mɛ.

Kɛ́nsísɔ́ 32:11

‘Mɛ élɔ́ lɛ́ɛ e gosín Ejípu lɛ́ɛ ɔ́, yě mɛ e ɖó xwe ko lɛ́ɛ kpó yě mɛ e ɖó hú mɔ̌ lɛ́ɛ kpó ɖěbǔ ná mɔ ayǐkúngban e sín akpá un dó nú Ablaxámu, Izáki, kpódó Jakɔ́bu kpó ɔ́ ǎ. Đó yě nɔ gbejí nú mì yi kpé ǎ.

Sɛ́nflínmɛ 12:29

Mawu Mavɔmavɔ, Mawu mitɔn ná vívá kún nú akɔta e ɖo to e mɛ ná byɔ́ wɛ mi ɖe lɛ́ɛ bǐ ɖo nukɔn mitɔn, bɔ mi ná bɛ́ nǔ yětɔn lɛ́ɛ bǐ, bó ná nɔ to yětɔn mɛ.

Sɛ́nflínmɛ 19:1

Akɔta e ɖo to e ná ná mi wɛ Mawu Mavɔmavɔ, Mawu mitɔn ɖe ɔ́ mɛ lɛ́ɛ ɔ́, Mawu Mavɔmavɔ ná vívá kún yětɔn, bó ná ná ayǐkúngban yětɔn lɛ́ɛ mi, bɔ mi ná nɔ toxo yětɔn lɛ́ɛ mɛ, mi ná nɔ xwé yětɔn lɛ́ɛ gbe.

Sɛ́nflínmɛ 26:1

Mi ná yi to e Mawu Mavɔmavɔ, Mawu mitɔn ná ná mi bɔ é ná nyí mitɔn ɔ́ mɛ, bó ná yí to ɔ́. Ée mi ná yi jɛ to ɔ́ mɛ ɔ́,

Sɛ́nflínmɛ 7:1

Mɔyízi ɖɔ: “Mawu Mavɔmavɔ, Mawu mitɔn ná kplá mi yi byɔ́ to e mi ɖó ná yí ɔ́ mɛ. Hwenu e mi ná ɖo to ɔ́ sɛkpɔ́ wɛ ɔ́, é ná nya togun tobutóbú ɖé lɛ́ɛ ɖo nukɔn mitɔn; togun tɛ́nwe wɛ; yě sukpɔ́ hú mi, bó syɛ́n hú mi. Togun lɛ́ɛ wɛ nyí: Hitíti lɛ́ɛ, Giigacíti lɛ́ɛ, Amɔliti lɛ́ɛ, Kanáanu lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó.

Jozuwée 24:11

Mi dó asá Judɛ́ɛn tɔ ɔ́, bó wá Jeliko, bɔ Jelikonu lɛ́ɛ tɔ́n ahwan mi; mɔ̌ ɖokpó ɔ́, Amɔliti lɛ́ɛ, Pɛliziti lɛ́ɛ, Kanáanu lɛ́ɛ, Hitíti lɛ́ɛ, Giigacíti lɛ́ɛ, Hivíti lɛ́ɛ kpódó Jebuzinu lɛ́ɛ kpó tɔ́n ahwan mi, un ka jó yě bǐ nú mi.