Tíntɔ́n 13:3 - MAWUXÓWÉMA

³ Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi flín azǎn élɔ́ e gbe mi tɔ́n sín Ejípu bó gosín mɛ kannu é; ɖó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ. Hǔn, mi ja nǔ e jɛ nɛ́ ɔ́ sín xwe ɖu gbé ɔ́, mi ɖó ná ɖu wɔ̌xúxú e mɛ è dǒ tɔ́n ɔ́ ǎ.

Tíntɔ́n 13:3 Iomraidhean Croise

Bǐbɛ́mɛ 15:16

Vitikli towe lɛ́ɛ ná lɛ́ kɔ wá fí, ɖó Amɔliti lɛ́ɛ kó hu hwɛ sɔ mɔ̌ din bónú má nya yě sín fí ǎ.”

1 Axɔ́sú 8:42

ɖó è nǎ tunwun ɖɔ nyǐkɔ towe d'agba, bó ná tunwun ɖɔ mɛɖé kún nɔ sixú nɔ te hlɔ̌nhlɔ́n towe nukɔn ó; bó ná tunwun ɖɔ a kpé nǔ bǐ wú. Ényí mɛ mɔ̌hun wá xo ɖɛ ɖo xwé élɔ́ gbe hǔn,

1 Tan 16:12

Mi flín nǔjíwǔ e é bló lɛ́ɛ, bó flín nǔ e é jlɛ́ lɛ́ɛ kpó hwɛ e é ɖɔ lɛ́ɛ kpó.

Nɛɛmíi 1:10

Mawu Mavɔmavɔ, mɛsɛntɔ́ towe wɛ mǐ nyǐ, bó nyí togun towe. Mǐdɛɛ lɛ́ɛ wɛ a sɔ́ hlɔ̌nhlɔ́n towe dó hwlɛ́n gán, bó sɔ́ alɔ towe hlɔ̌nhlɔ́nnɔ ɔ́ dó hwlɛ́n gán.

Nɛɛmíi 9:10

A jlɛ̌ nǔ dó dɔn tó nú axɔ́sú Ejípu tɔn kpó gǎn hɔn-yitɔ́ tɔn lɛ́ɛ kpó, kpódó togun tɔn bǐ kpó, ɖó a tunwun go e Ejípunu lɛ́ɛ nɔ yí tɔ́gbó mǐtɔn lɛ́ɛ wú é. È sɔ́ nyǐkɔ towe su ɖaxó hwenɛ́nu, bɔ nyǐkɔ towe sín susu lɛ́ kpo ɖo te káká jɛ égbé.

Ɖɛhan 105:5

Mi flín nǔjíwǔ e é bló lɛ́ɛ, mi flín nǔ e é jlɛ́ lɛ́ɛ kpó hwɛ e é ɖɔ lɛ́ɛ kpó.

Ɖɛhan 114:1

Hwenu e Izlayɛ́li tɔ́n sín Ejípu ɔ́, hwenu e Jakɔ́bu ví lɛ́ɛ gosín akɔta e nɔ flán gbe é mɛ ɔ́,

Ɖɛhan 136:11

É wɛ ɖe togun tɔn Izlayɛ́li tɔ́n sín yě tɛ́ntin; ɖó xomɛnyínyɔ́ tɔn ɖe káká sɔ́yi.

Ɖɛhan 136:12

É wɛ ɖe yě tɔ́n kpó hlɔ̌nhlɔ́n ɖaxó ɖé kpó; ɖó xomɛnyínyɔ́ tɔn ɖo te káká sɔ́yi.

Ɖɛhan 89:14

Hlɔ̌nhlɔ́n ɖo awa towe mɛ bó vɛ́ jlɛ́; alɔ towe syɛ́n, alɔ towe aɖisí ɔ́ ɖó hlɔ̌nhlɔ́n ɖésú.

Tíntɔ́n 12:15

Mawu Mavɔmavɔ lɛ́ ɖɔ: “Mi ná ɖu wɔ̌xúxú e mɛ è ma dó tɔ́n ǎ ɔ́ nú azǎn tɛ́nwe. Bɛ́ sín azǎn nukɔntɔn ɔ́ gbe ɔ́, tɔ́n ɖěbǔ ná nɔ xwé mitɔn lɛ́ɛ ɖě gbe ǎ. Bɛ́ sín azǎn nukɔntɔn ɔ́ gbe yi azǎn tɛ́nwegɔ́ ɔ́ gbe ɔ́, ényí mɛ ɖěbǔ ɖu wɔ̌xúxú e mɛ è dǒ tɔ́n ɔ́, è nǎ ɖe mɛ ɔ́ sín togun Izlayɛ́li tɔn ɔ́ mɛ.

Tíntɔ́n 12:17

“Mi ná ɖu wɔ̌xúxú e mɛ è ma dó tɔ́n ǎ ɔ́ sín xwe énɛ́ ɔ́ xwewú xwewú; ɖó gbe énɛ́ ɔ́ gbe wɛ un ɖe mi tɔ́n sín Ejípu. Mi ná nɔ́ flín azǎn énɛ́ ɔ́, bó ná nɔ́ nyi ɖo jijimɛ ɖokpó ɖokpó mɛ; é ná nyí sɛ́n nú vǐ mitɔn lɛ́ɛ.

Tíntɔ́n 12:19

Tɔ́n ɖěbǔ ná ɖo xwé mitɔn lɛ́ɛ ɖě gbe ǎ nú azǎn tɛ́nwe. Đó mɛ ɖěbǔ e ná ɖu wɔ̌xúxú e mɛ è dǒ tɔ́n ɔ́, è nǎ ɖe mɛ ɔ́ sín togun Izlayɛ́li tɔn ɔ́ mɛ, mɛ ɔ́ sixú nyí jǒnɔ, é ká sixú nyí toví.

Tíntɔ́n 12:2

“Sun e mɛ mi ɖe ɔ́ ná nyí sun e jɛ nukɔn ɖo sun lɛ́ɛ mɛ ɔ́ nú mi; sun e jɛ nukɔn ɖo sun lɛ́ɛ mɛ ɖo xwe ɔ́ mɛ ɔ́ wɛ é ná nyí nú mi.

Tíntɔ́n 12:41

Đo xwe afɔwe gban (430) énɛ́ lɛ́ɛ sín vivɔnu e nyí Dǐndínwáyi Mawu Mavɔmavɔ tɔn sín azǎn ɔ́, togun Mawu Mavɔmavɔ tɔn ɔ́ bǐ tɔ́n sín Ejípu.

Tíntɔ́n 12:42

Izlayɛ́li ví lɛ́ɛ ɖó ná nɔ́ nɔ wunzɛn zǎn énɛ́ ɔ́ mɛ, jijimɛ ɖě jɛ ɖě gúdo, ɖó Mawu Mavɔmavɔ tɔn wɛ zǎn énɛ́ ɔ́ nyí. Đó zǎn énɛ́ ɔ́ mɛ wɛ Mawu Mavɔmavɔ nɔ wunzɛn, bó ɖe togun tɔn tɔ́n sín Ejípu.

Tíntɔ́n 12:8

Zǎn ɖokpó énɛ́ ɔ́ mɛ ɔ́, è nǎ mɛ lan tɔn bó ɖu; è nǎ zé wɔ̌xúxú e mɛ è ma dó tɔ́n ǎ é kpó ama e vɛ́ ɔ́ kpó dó ɖu ná.

Tíntɔ́n 13:14

Ényí vǐ mitɔn lɛ́ɛ kanbyɔ́ mi gbe ɖokpó ɖɔ étɛ́wú wɛ mi nɔ bló mɔ̌ a jí ɔ́, mi ná yí gbe nú yě ɖɔ: ‘Mawu Mavɔmavɔ wɛ ɖe mǐ tɔ́n sín Ejípu kpó hlɔ̌nhlɔ́n tɔn kpó, bɔ mǐ gosín mɛ kannu; mɛɖé nɔ́ nɔ te hlɔ̌nhlɔ́n tɔn nukɔn ǎ.

Tíntɔ́n 13:9

Xwe ɔ́ ná cí wuntun ɖé ɖɔhun nú mi ɖo awa mitɔn lɛ́ɛ wú, bó ná nyí flǐn ɖé sín wuntun nú mi ɖo nukɔn mitɔn, bónú mi ná jlá nǔ e Mawu Mavɔmavɔ kplɔ́n mi é. Đó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ sixú nɔ te ɖo hlɔ̌nhlɔ́n tɔn nukɔn ǎ.

Tíntɔ́n 20:2

“Nyɛ wɛ nyí Mawu Mavɔmavɔ, Mawu towe e ɖe we tɔ́n sín Ejípu fí e a nyǐ kannumɔ ɖe é.

Tíntɔ́n 20:8

Ma wɔn gbɔjɛzán ɔ́ ó, nɔ sɔ́ ɖó vo nú nyɛ Mawu Mavɔmavɔ.

Tíntɔ́n 23:15

Xwe nukɔntɔn e mi ná ɖu ɔ́ wɛ nyí wɔ̌xúxú e mɛ è ma dó tɔ́n ǎ sín xwe. Mi ná ɖu wɔ̌xúxú e mɛ è ma dó tɔ́n ǎ, xɔ azǎn tɛ́nwe, ɖo Abibu sun ɔ́ mɛ, hwenu e un ɖó nú mi dó é, lě e un ɖɔ nú mi gbɔn ɔ́; ɖó sun énɛ́ ɔ́ mɛ wɛ mi gosín Ejípu. Mi ka ná wá gɔ̌n ce asígbá alɔgbá ǎ.

Tíntɔ́n 3:20

É ka ɖo mɔ̌ có un ná sí te dó to tɔn jí kpó hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ dó to ɔ́ wú, bɔ ado ná hu i bɔ é ná jó mi dó bɔ mi ná yi.

Tíntɔ́n 34:18

“Mi ná ɖu wɔ̌xúxú e mɛ è ma dó tɔ́n ǎ é sín xwe. Azǎn tɛ́nwe wɛ è sɔ́ ɖó te ɖo Abibu sun ɔ́ mɛ bɔ mi ná ɖu xwe ɔ́ ná ɔ́. Mi ná ɖu wɔ̌xúxú e mɛ è ma dó tɔ́n ǎ é lě e un ɖɔ gbɔn nú mi é. Đó Abibu sun ɔ́ mɛ wɛ mi tɔ́n sín Ejípu.

Tíntɔ́n 6:1

Mawu Mavɔmavɔ ɖɔ nú Mɔyízi ɖɔ: “A nǎ mɔ nǔ e un ná wa xá axɔ́sú Ejípu tɔn ɔ́ din é. Un ná ɖe hlɔ̌nhlɔ́n ce xlɛ́ ɛ, bɔ é ná jó Izlayɛ́li ví lɛ́ɛ dó bɔ yě ná yi. Un ná wa nǔ xá ɛ, bɔ é ná nya yě tɔ́n sín to tɔn mɛ.”

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Tíntɔ́n 6:7

Un ná zé mi dó ɖó togun ce ná; un ná nyí Mawu mitɔn, bɔ mi ná tunwun ɖɔ nyɛ Mawu Mavɔmavɔ, Mawu mitɔn ɔ́ wɛ ɖe mi sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú mi lɛ́ɛ mɛ.

Tíntɔ́n 7:4

Axɔ́sú ɔ́ ná ɖótó mi ǎ. Alɔ ce ka ná jɛ to tɔn Ejípu ɔ́ wú, bɔ un ná dɔn tó nú to ɔ́ bɔ é ná syɛ́n ɖésú, bó ná dó ɖe togun ce Izlayɛ́li ɔ́ tɔ́n, é wɛ nyí ahwangɔnu ce.

Jelemíi 34:13

“Xó e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe: Nyɛ lɔmɔ̌ jɛ akɔ ɖokpó xá tɔ́gbó mitɔn lɛ́ɛ, hwenu e un ɖe yě tɔ́n sín Ejípu, fí e yě ɖo mɛ kannu ɖe é.

Daniyɛ́li 9:15

“Aklúnɔ, Mawu mǐtɔn, hwenu e a zě hlɔ̌nhlɔ́n towe e nukɔn mɛɖé ma sixú nɔ te ɖe ǎ é dó ɖe togun towe tɔ́n sín Ejípu ɔ́, nyǐkɔ towe yi jǐ, bó kpo ɖo mɔ̌ káká wá jɛ égbé. Lo ɔ́, mǐdɛɛ lɛ́ɛ ɔ́, mǐ hu hwɛ, mǐ jɛ agɔ dó we.

Matíe 10:12

Ényí mi byɔ́ xwé ɖé gbe hǔn, mi ɖɔ: ‘Fífá ní nɔ xwé ɔ́ jí.’

Luki 22:19

Ée Jezu ɖɔ mɔ̌ ɔ́, é sɔ́ wɔ̌xúxú, bó dó kú nú Mawu, bó kán, bó ná yě bó ɖɔ: “Élɔ́ ɔ́, agbaza ce wɛ; [agbaza ce e un sɔ́ jó dó mi ta mɛ ɔ́ wɛ; mi nɔ bló lě, dó flín mì ná.”

1 Kɔlɛ́ntinu 11:24

bó dó kú nú Mawu, bó kán, bó ɖɔ: “Élɔ́ ɔ́, agbaza ce e nyí mitɔn ɔ́ wɛ; mi ná nɔ bló gbɔn lě dó flín mì ná.”

1 Kɔlɛ́ntinu 5:8

Hǔn, mi bo nú mǐ ná ɖu xwe mǐtɔn; mǐ ní ma ka zé wɔ̌xúxú e mɛ è dǒ tɔ́n xóxó e nyí hwɛhuhu sín tɔ́n kpódó agalilɛ sín tɔ́n kpán ɔ́ dó ɖu ná ó; lo ɔ́, mǐ ní zé wɔ̌xúxú e mɛ tɔ́n má ɖe ǎ é dó ɖu ná; wɔ̌xúxú énɛ́ ɔ́, mǐmɛ́ kpódó nǔgbó kpó sín wɔ̌xúxú wɛ é nyí.

Efɛ́zinu 1:19

Énɛ́ ɔ́, mi ná tunwun acɛ ɖaxó e ɖo azɔ̌ wa wɛ ɖo mǐ mɛ e ɖi nǔ n'i lɛ́ɛ mɛ é. Acɛ ɖaxó énɛ́ ɖokpó ɔ́ wɛ é ɖe xlɛ́ mǐ kpódó hlɔ̌nhlɔ́n tɔn kpán hwenu e é fɔ́n Klísu sín kú wá gbɛ, bó sɔ́ ɛ jínjɔ́n ɖisíxwé ɖo yɛswímɛ é.

Sɛ́nflínmɛ 13:10

hu wɛ è ɖǒ ná hu i dandan. Hwi mɛ e é jló ná dɔn dó hwɛ mɛ ɔ́ wɛ ná nyi awǐnnyaglo dó e dó nukɔn, bɔ togun ɔ́ bǐ ná zɔn jǐ tɔn bó hu.

Sɛ́nflínmɛ 13:11

Mawu Mavɔmavɔ ɖe mi tɔ́n sín Ejípu. Mɛ e ná ɖɔ émí ná lɛ́ kɔ nú mi sín gǔdo tɔn ɔ́, awǐnnyaglo wɛ è nǎ nyi dó mɛ mɔ̌hun káká bɔ é ná kú.

Sɛ́nflínmɛ 13:5

Mi ma xwedó nǔ ɖěvo zɛ Mawu Mavɔmavɔ, Mawu mitɔn wú ó; mi ní ɖó sísí n'i, bó ylɔ́ sɛ́n tɔn lɛ́ɛ ɖɔ nǔ, bó se tónú n'i, bó sɛn é ɖokpónɔ géé bó tɛ́ dó wǔ tɔn.

Sɛ́nflínmɛ 13:6

Gbeyíɖɔ abǐ amɔɛkantɔ́ mɔ̌hunkɔtɔn ɔ́, hu wɛ è nǎ hu i, ɖó é kplɔ́n nǔ mi ɖɔ mi ní lɛ́ kɔ sín Mawu Mavɔmavɔ, Mawu mitɔn e yí mi sín mɛ kannu, bó ɖe mi tɔ́n sín Ejípu ɔ́ gúdo. È nǎ hu i, ɖó é jló ná ɖe mi sín ali e Mawu Mavɔmavɔ, Mawu mitɔn ɖɔ mi ní gbɔn é jí. Lě e mi ná ɖe nǔ nyanya sín tɛ́ntin mitɔn gbɔn é nɛ́.

Sɛ́nflínmɛ 15:15

Mi flín ɖɔ kannumɔ wɛ émí lɔmɔ̌ ko nyí ɖo Ejípu, bɔ Mawu Mavɔmavɔ, Mawu mitɔn ɖe mi tɔ́n. Énɛ́ ɔ́ wú wɛ un ɖo sɛ́n énɛ́ xa nú mi wɛ égbé.

Sɛ́nflínmɛ 16:1

Mi ɖu Dǐndínwáyixwe ɔ́ ɖo Abibu sun ɔ́ mɛ, bó dó zé Mawu Mavɔmavɔ, Mawu mitɔn su, ɖó sun énɛ́ ɔ́ mɛ wɛ Mawu Mavɔmavɔ ɖe mi tɔ́n sín Ejípu zǎn mɛ.

Sɛ́nflínmɛ 16:12

Mi flín ɖɔ émí kó nyí kannumɔ kpɔ́n ɖo Ejípu; énɛ́ wú ɔ́, mi ɖó ayi te bó nyi sɛ́n énɛ́ lɛ́ɛ.

Sɛ́nflínmɛ 16:3

Mi ná ɖu wɔ̌xúxú e mɛ è dǒ tɔ́n ɔ́ xwe ɔ́ hwenu ǎ. Lo ɔ́, wɔ̌xúxú e mɛ è ma dó tɔ́n ǎ é wɛ mi ná ɖu káká nú azǎn tɛ́nwe. Énɛ́ xlɛ́ ɖɔ kpitikpiti wɛ mi tɔ́n sín Ejípu. Mi ɖo wamamɔnɔ wɔ̌xúxú énɛ́ ɖu wɛ ɔ́, é ná nɔ́ flín azǎn e gbe mi tɔ́n sín Ejípu é mi, bɔ mi ná wɔn gbeɖé ǎ.

Sɛ́nflínmɛ 24:18

Mi ná flín ɖɔ kannumɔ wɛ émí kó nyí ɖo Ejípu, bɔ Mawu Mavɔmavɔ, Mawu mitɔn wá hwlɛ́n mi ɖ'é mɛ. Énɛ́ ɔ́ wú wɛ un zɔ́n mi ɖɔ mi ní bló ɖó xó énɛ́ lɛ́ɛ e un ɖɔ nú mi din é jí.

Sɛ́nflínmɛ 24:22

Mi ná flín ɖɔ kannumɔ wɛ émí ko nyí ɖo Ejípu. Énɛ́ ɔ́ wú wɛ un zɔ́n mi ɖɔ mi ní bló ɖó xó énɛ́ lɛ́ɛ e un ɖɔ nú mi din lɛ́ɛ jí.

Sɛ́nflínmɛ 26:8

Énɛ́ ɔ́, Mawu Mavɔmavɔ zán hlɔ̌nhlɔ́n bǐ, nǔ hu ado, nǔ syɛ́nsyɛ́n bǐ, nǔjíwǔ kpó nǔjlɛ́jlɛ́ kpó dó ɖe mǐ tɔ́n sín Ejípu.

Sɛ́nflínmɛ 4:34

Nǔmɛsɛn tɛ́ ka tíin, bó sí te bó zán hlɔ̌nhlɔ́n bǐ, bó jlɛ́ nǔ, bó wa nǔjíwǔ, bó wa nǔ hu ado, nǔ syɛ́nsyɛ́n bǐ dó yí togun tɔn sín kɛntɔ́ sín acɛ mɛ kpɔ́n? É ɖe kpɔ́n ǎ; lo ɔ́, Mawu Mavɔmavɔ, Mawu mitɔn kɛ́ɖɛ́ wɛ nyí Mawu e yí mi gbɔn mɔ̌ ɖo Ejípu, bɔ mi gosín kannumɔgbénu lě e mi ɖésú mɔ gbɔn kpó nukún mitɔn kpó é.

Sɛ́nflínmɛ 5:15

Flín ɖɔ kannumɔ wɛ émí nyí ɖo Ejípu, bɔ nyɛ Mawu Mavɔmavɔ, Mawu towe zé hlɔ̌nhlɔ́n ce e nukɔn nǔɖé má nɔ́ nɔ te ɖe ǎ é dó ɖe we tɔ́n. Énɛ́ ɔ́ wútu wɛ nyɛ Mawu Mavɔmavɔ, Mawu towe ɖɔ nú we ɖɔ hwi ní nyi gbɔjɛzánsɛ́n ɔ́.

Sɛ́nflínmɛ 5:6

“Nyɛ wɛ nyí Mawu Mavɔmavɔ, Mawu towe e ɖe we tɔ́n sín Ejípu fí e a nyǐ kannumɔ ɖe é.

Sɛ́nflínmɛ 6:12

Ée mi ka ná ɖu nǔ bó gɔ́ xo ɔ́, mi ma wɔn Mawu Mavɔmavɔ e ɖe mi tɔ́n sín Ejípu fí e mi nyí kannumɔ ɖe ɔ́ ó.

Sɛ́nflínmɛ 6:21

mi ná yí gbe nú yě ɖɔ: ‘Kannumɔ Ejípu xɔ́sú ɔ́ tɔn wɛ mǐ nyǐ ɖ'ayǐ ɖo to tɔn mɛ, bɔ Mawu Mavɔmavɔ zé hlɔ̌nhlɔ́n tɔn e nukɔn nǔɖé má nɔ́ nɔ te ɖe ǎ é dó ɖe mǐ tɔ́n.

Sɛ́nflínmɛ 7:8

Lo ɔ́, Mawu Mavɔmavɔ yí wǎn nú mi, lobo ɖe akpá e é zin alɔ dó akɔ́n bó dó nú tɔ́gbó mitɔn lɛ́ɛ é: hlɔ̌nhlɔ́n tɔn e nukɔn nǔɖé má nɔ́ nɔ te ɖe ǎ é wɛ é sɔ́ dó ɖe mi tɔ́n sín Ejípu, fí e mi ɖo Ejípu xɔ́sú ɔ́ sín fɛn mɛ ɖe, bó nyí kannumɔ tɔn é.

Sɛ́nflínmɛ 8:14

Ée nǔ ná cí mɔ̌ é ɔ́, mi ma ɖo afɔ tɛ ayǐ wɛ káká bó wɔn Mawu Mavɔmavɔ, Mawu mitɔn e ɖe mi tɔ́n sín kannumɔgbénu ɖo Ejípu é ó.

Sɛ́nflínmɛ 9:12

é ɖɔ: ‘Yǎ wǔ jɛ te, togun towe énɛ́ e a kplá tɔ́n sín Ejípu é jɛ agɔ ɖaxó ɖé. Ali e un xlɛ́ yě ɔ́, bléwún jɛ́n yě gosín jí; yě sínsín siká dó bló bǒcyɔ.’

Jozuwée 24:17

Đó Mawu Mavɔmavɔ wɛ nyí Mawu mǐtɔn. É wɛ ɖe mǐ kpó tɔ́gbó mǐtɔn lɛ́ɛ kpó tɔ́n sín kannumɔgbénu, ɖo Ejípu. É wɛ jlɛ́ nǔ ɖaxó ɖaxó lɛ́ɛ bɔ mǐ mɔ. É wɛ cyɔ́n alɔ jǐ mǐtɔn ɖo ali e mǐ gbɔn ɔ́ bǐ xo, bó cyɔ́n alɔ jǐ mǐtɔn ɖo togun e mɛ mǐ gbɔn lɛ́ɛ bǐ mɛ.

Hwɛɖɔtɔ́ 2:12

Yě jǒ Mawu Mavɔmavɔ, Mawu tɔ́gbó yětɔn lɛ́ɛ tɔn e ɖe yě tɔ́n sín Ejípu ɔ́ dó, bó ɖo vodún lɛ́ɛ sɛn wɛ; yě nɔ́ sɛn vodún e togun e lɛ́ dó yě lɛ́ɛ nɔ sɛn lɛ́ɛ é. Yě nɔ́ jɛ kpo bó nɔ ɖe kɔ́ nú yě, bó nɔ dó xomɛsin nú Mawu Mavɔmavɔ.

Hwɛɖɔtɔ́ 6:8

Mawu Mavɔmavɔ sɛ́ gbeyíɖɔ ɖokpó dó yě, bɔ é ɖɔ nú yě ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Un ɖe mi tɔ́n sín Ejípu, un ɖe mi tɔ́n sín kannumɔgbénu.