Tíntɔ́n 13:2 - MAWUXÓWÉMA

² “Sɔ́ nukɔngbéví bǐ ɖó vo nú mì ɖo Izlayɛ́li: Nukɔngbéví súnnu e nyɔ̌nu ji ɔ́, ce wɛ; nukɔngbéví asú e kanlin ji ɔ́, ce wɛ.”

Tíntɔ́n 13:2 Iomraidhean Croise

Nɛɛmíi 10:36

Mɔ̌ ɖokpó ɔ́, xwewú xwewú tɛgbɛ ɔ́, mǐ nɔ hɛn jinukún nukɔntɔn lɛ́ɛ kpó atínsínsɛ́n nukɔntɔn lɛ́ɛ kpó wá Mawu mǐtɔn sín xwé gbe.

Nɛɛmíi 10:37

Mǐ nɔ bɛ́ nukɔn ví mǐtɔn lɛ́ɛ yi Mawu xwé, bó nɔ bɛ́ vǐ nukɔntɔn e kanlin mǐtɔn lɛ́ɛ ji lɛ́ɛ yi Mawu xwé gbe lě e sɛ́n ɔ́ zɔ́n gbɔn é; mǐ nɔ bɛ́ vǐ nukɔntɔn e kanlin mǐtɔn ɖaxó ɖaxó lɛ́ɛ kpó kpɛví kpɛví lɛ́ɛ kpó ji lɛ́ɛ yi Mawu mǐtɔn sín xwé gbe, bó nɔ bɛ́ yě jó nú vɔ̌sánú-xwlémawutɔ́ e nɔ wa mawuxɔmɛzɔ́ lɛ́ɛ.

Tíntɔ́n 13:1

Mawu Mavɔmavɔ ɖɔ nú Mɔyízi ɖɔ:

Tíntɔ́n 22:28

“Nǔkún e mi ya lɛ́ɛ kpódó vǐwun e mi gbɛ lɛ́ɛ kpó ɔ́, mi ná zé éé nyí ce lɛ́ɛ wá nú mì, mi ma ɖó hwenu ná ó; mi ná nukɔngbéví mitɔn lɛ́ɛ mì.

Tíntɔ́n 23:19

Nyɛ wɛ nyí Mawu Mavɔmavɔ, Mawu mitɔn; énɛ́ ɔ́ wú ɔ́, mi ná zé nǔ nukɔntɔn e gle mitɔn lɛ́ɛ ná ɔ́ wá xwé ce gbe. Mi ka ná ɖa gbɔ̌ví ɖo nɔ tɔn sín anɔ̌sin mɛ ǎ .

Tíntɔ́n 4:22

Énɛ́ ɔ́, a nǎ ɖɔ n'i ɖɔ: Xó e Mawu Mavɔmavɔ ɖɔ ɔ́ ɖíe; é ɖɔ: ‘Togun Izlayɛ́li tɔn ɔ́, vǐ súnnu ce wɛ é nyí; nukɔngbéví ce wɛ.

Ezekiyɛ́li 16:20

Vǐ súnnu kpó nyɔ̌nu kpó e a ji nú mì lɛ́ɛ ɔ́, a fɔ yě hu dó bǒcyɔ énɛ́ lɛ́ɛ. Hǔn afɔ e dó gbě wɛ a ɖe ɔ́ kpé ǎ,

Ezekiyɛ́li 16:21

bɔ vǐ nyɛ tɔn lɛ́ɛ wɛ a hu dó vodún towe lɛ́ɛ!

Levíi ví 27:26

Mawu Mavɔmavɔ ɖɔ: “Mɛ ɖé má sɔ́ vǐ nukɔntɔn e kanlin tɔn ji ɔ́ ɖó vo nú nyɛ Mawu Mavɔmavɔ bó ɖɔ é ɖésú wɛ jló ó; ɖó nukɔn ví bǐ wɛ kó nyí nyɛ Mawu Mavɔmavɔ tɔn. É ná bó nyí nyibúví, abǐ gbɔ̌ví ɔ́, nyɛ Mawu Mavɔmavɔ tɔn wɛ é kó nyí.

Kɛ́nsísɔ́ 18:15

Nukɔngbéví yětɔn súnnu e yě ná xwlé mì lɛ́ɛ kpó kanlin yětɔn lɛ́ɛ sín nukɔngbéví asú e yě ná xwlé mì lɛ́ɛ kpó bǐ wɛ ná nyí towe. Lo ɔ́, a nǎ xɔ gbɛ nú nukɔngbéví yětɔn lɛ́ɛ bǐ, bó ná xɔ nú kanlin yětɔn e nyí kanlin blíblí lɛ́ɛ sín nukɔngbéví lɛ́ɛ.

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:13

Nǔgbó ɔ́, gbe e gbe un hu Ejípunu lɛ́ɛ sín nukɔngbéví súnnu lɛ́ɛ bǐ ɔ́, un ɖe Izlayɛ́li ví lɛ́ɛ sín nukɔngbéví súnnu lɛ́ɛ kpódó kanlin yětɔn lɛ́ɛ sín nukɔngbéví asú lɛ́ɛ kpó ɖó vo nú nyɛɖée; ce wɛ yě nyǐ. Nyɛ wɛ nyí Mawu Mavɔmavɔ.”

Luki 2:23

Đó è wlǎn dó Aklúnɔ sɛ́n ɔ́ mɛ ɖɔ jí: “Súnnu nukɔngbéví bǐ wɛ è nǎ sɔ́ ɖó vo nú Aklúnɔ.”

Sɛ́nflínmɛ 15:19

Vǐ nukɔntɔn e nyibú mitɔn lɛ́ɛ, gbɔ̌ mitɔn lɛ́ɛ, lɛ̌ngbɔ́ mitɔn lɛ́ɛ ná ji bɔ é ná nyí asú lɛ́ɛ ɔ́, mi ná zé yě ɖó vo nú Mawu Mavɔmavɔ, Mawu mitɔn. Mi ma zé nyibúsú nukɔntɔn lɛ́ɛ dó wa azɔ̌ ná ó, mi ma kpa fún nú nukɔngbéví lɛ̌ngbɔ́ lɛ́ɛ tɔn ó.

Eblée 12:23

Mi sɛkpɔ́ Mawu ví nukɔn tɔn e kplé bó ɖo xwe ɖu wɛ, bɔ è wlǎn nyǐkɔ yětɔn ɖó sɛ́xwé lɛ́ɛ é. Mi sɛkpɔ́ Mawu e nɔ ɖɔ hwɛ xá mɛ bǐ e, bó sɛkpɔ́ yɛ mɛ e nyí hwɛjijɔnɔ bɔ Mawu zé yě dó húzú mɛ mímɛ́ bɔ nǔ bǐ vɔ ɖ'é wú lɛ́ɛ tɔn.