Tíntɔ́n 13:12 - MAWUXÓWÉMA

¹² Mi ná ɖe nukɔngbéví lɛ́ɛ bǐ ɖó vo nú Mawu Mavɔmavɔ. É ná bó nyí kanlin wɛ ɔ́, mi ná ɖe nukɔngbéví yětɔn lɛ́ɛ bǐ ɖó vo n'i. Mawu Mavɔmavɔ tɔn wɛ nukɔngbéví bǐ nyǐ.

Tíntɔ́n 13:12 Iomraidhean Croise

Nɛɛmíi 10:36

Mɔ̌ ɖokpó ɔ́, xwewú xwewú tɛgbɛ ɔ́, mǐ nɔ hɛn jinukún nukɔntɔn lɛ́ɛ kpó atínsínsɛ́n nukɔntɔn lɛ́ɛ kpó wá Mawu mǐtɔn sín xwé gbe.

Nɛɛmíi 10:37

Mǐ nɔ bɛ́ nukɔn ví mǐtɔn lɛ́ɛ yi Mawu xwé, bó nɔ bɛ́ vǐ nukɔntɔn e kanlin mǐtɔn lɛ́ɛ ji lɛ́ɛ yi Mawu xwé gbe lě e sɛ́n ɔ́ zɔ́n gbɔn é; mǐ nɔ bɛ́ vǐ nukɔntɔn e kanlin mǐtɔn ɖaxó ɖaxó lɛ́ɛ kpó kpɛví kpɛví lɛ́ɛ kpó ji lɛ́ɛ yi Mawu mǐtɔn sín xwé gbe, bó nɔ bɛ́ yě jó nú vɔ̌sánú-xwlémawutɔ́ e nɔ wa mawuxɔmɛzɔ́ lɛ́ɛ.

Tíntɔ́n 13:1

Mawu Mavɔmavɔ ɖɔ nú Mɔyízi ɖɔ:

Tíntɔ́n 13:2

“Sɔ́ nukɔngbéví bǐ ɖó vo nú mì ɖo Izlayɛ́li: Nukɔngbéví súnnu e nyɔ̌nu ji ɔ́, ce wɛ; nukɔngbéví asú e kanlin ji ɔ́, ce wɛ.”

Tíntɔ́n 22:28

“Nǔkún e mi ya lɛ́ɛ kpódó vǐwun e mi gbɛ lɛ́ɛ kpó ɔ́, mi ná zé éé nyí ce lɛ́ɛ wá nú mì, mi ma ɖó hwenu ná ó; mi ná nukɔngbéví mitɔn lɛ́ɛ mì.

Tíntɔ́n 22:29

“Vǐ nukɔntɔn e nyibú, abǐ lɛ̌ngbɔ́, abǐ gbɔ̌ yǎyá ná ji ɔ́, è ɖǒ ná jó e dó nyi nɔ tɔn kɔn nú azǎn tɛ́nwe; azǎn tántɔngɔ́ ɔ́ gbe ɔ́, è nǎ sɔ́ ɛ ná mì.

Tíntɔ́n 34:19

“Nukɔngbéví súnnu lɛ́ɛ bǐ wɛ nyí ce; nukɔngbéví asú kanlin mitɔn lɛ́ɛ tɔn lɔ ɖ'é mɛ; nyibú, gbɔ̌ abǐ lɛ̌ngbɔ́ sín nukɔngbéví asú lɛ́ɛ bǐ wɛ è nǎ sɔ́ ɖó vo nú mì.

Tíntɔ́n 34:20

Nú é ká nyí tócí sín nukɔngbéví wɛ ɔ́, mi ná zé gbɔ̌ví dó ɖyɔ́ ná, nú mi ma ka ɖyɔ́ ǎ ɔ́, mi ná gba zogúdo n'i, bó hu i, nukɔngbéví súnnu e ɖo mi mɛ lɛ́ɛ ɔ́, mi ná xɔ gbɛ nú yě. “Mi ná zɔn asígbá alɔgbá wá gɔ̌n ce ǎ.

Ezekiyɛ́li 16:20

Vǐ súnnu kpó nyɔ̌nu kpó e a ji nú mì lɛ́ɛ ɔ́, a fɔ yě hu dó bǒcyɔ énɛ́ lɛ́ɛ. Hǔn afɔ e dó gbě wɛ a ɖe ɔ́ kpé ǎ,

Ezekiyɛ́li 44:30

Nǔkún nukɔntɔn e ná nɔ́ nyɔ́ ɖo gle mɛ lɛ́ɛ ná nɔ́ nyí vɔ̌sánú-xwlémawutɔ́ lɛ́ɛ tɔn, bɔ nǔjɔ e è nǎ ná mì ɖo Izlayɛ́li tomɛ lɛ́ɛ bǐ ná nyí yětɔn. Mɛ lɛ́ɛ ná nɔ́ ná yě linfín yětɔn e nyɔ́ hú bǐ é, bɔ nyɛ Mawu Mavɔmavɔ ná nɔ́ xo ɖɛ dó xwé yětɔn jí.

Levíi ví 27:26

Mawu Mavɔmavɔ ɖɔ: “Mɛ ɖé má sɔ́ vǐ nukɔntɔn e kanlin tɔn ji ɔ́ ɖó vo nú nyɛ Mawu Mavɔmavɔ bó ɖɔ é ɖésú wɛ jló ó; ɖó nukɔn ví bǐ wɛ kó nyí nyɛ Mawu Mavɔmavɔ tɔn. É ná bó nyí nyibúví, abǐ gbɔ̌ví ɔ́, nyɛ Mawu Mavɔmavɔ tɔn wɛ é kó nyí.

Kɛ́nsísɔ́ 18:15

Nukɔngbéví yětɔn súnnu e yě ná xwlé mì lɛ́ɛ kpó kanlin yětɔn lɛ́ɛ sín nukɔngbéví asú e yě ná xwlé mì lɛ́ɛ kpó bǐ wɛ ná nyí towe. Lo ɔ́, a nǎ xɔ gbɛ nú nukɔngbéví yětɔn lɛ́ɛ bǐ, bó ná xɔ nú kanlin yětɔn e nyí kanlin blíblí lɛ́ɛ sín nukɔngbéví lɛ́ɛ.

Kɛ́nsísɔ́ 3:12

“Nyɛ Mawu Mavɔmavɔ ɖésú wɛ sɔ́ Levíi ví súnnu lɛ́ɛ ɖo Izlayɛ́li ví ɖě lɛ́ɛ bǐ mɛ, bó sɔ́ yě ɖó togun Izlayɛ́li tɔn ɔ́ sín nukɔngbéví lɛ́ɛ bǐ do mɛ; ce wɛ yě nyí.

Kɛ́nsísɔ́ 3:13

Nǔgbó ɔ́, gbe e gbe un hu Ejípunu lɛ́ɛ sín nukɔngbéví súnnu lɛ́ɛ bǐ ɔ́, un ɖe Izlayɛ́li ví lɛ́ɛ sín nukɔngbéví súnnu lɛ́ɛ kpódó kanlin yětɔn lɛ́ɛ sín nukɔngbéví asú lɛ́ɛ kpó ɖó vo nú nyɛɖée; ce wɛ yě nyǐ. Nyɛ wɛ nyí Mawu Mavɔmavɔ.”

Kɛ́nsísɔ́ 8:17

Đó nukɔngbéví e ɖo Izlayɛ́li lɛ́ɛ bǐ wɛ nyí ce; é sixú nyí gbɛtɔ́, é sixú nyí kanlin, ɖó gbe e gbe un hu nukɔngbéví lɛ́ɛ bǐ ɖo Ejípu ɔ́, un ko ɖe yě ɖó vo nú nyɛɖée,

Luki 2:23

Đó è wlǎn dó Aklúnɔ sɛ́n ɔ́ mɛ ɖɔ jí: “Súnnu nukɔngbéví bǐ wɛ è nǎ sɔ́ ɖó vo nú Aklúnɔ.”

Sɛ́nflínmɛ 15:19

Vǐ nukɔntɔn e nyibú mitɔn lɛ́ɛ, gbɔ̌ mitɔn lɛ́ɛ, lɛ̌ngbɔ́ mitɔn lɛ́ɛ ná ji bɔ é ná nyí asú lɛ́ɛ ɔ́, mi ná zé yě ɖó vo nú Mawu Mavɔmavɔ, Mawu mitɔn. Mi ma zé nyibúsú nukɔntɔn lɛ́ɛ dó wa azɔ̌ ná ó, mi ma kpa fún nú nukɔngbéví lɛ̌ngbɔ́ lɛ́ɛ tɔn ó.