Tíntɔ́n 12:8 - MAWUXÓWÉMA

⁸ Zǎn ɖokpó énɛ́ ɔ́ mɛ ɔ́, è nǎ mɛ lan tɔn bó ɖu; è nǎ zé wɔ̌xúxú e mɛ è ma dó tɔ́n ǎ é kpó ama e vɛ́ ɔ́ kpó dó ɖu ná.

Tíntɔ́n 12:8 Iomraidhean Croise

2 Tan 35:13

È mɛ lɛ̌ngbɔ́ví Dǐndínwáyixwe ɔ́ tɔn ɔ́, bó ɖa vɔ̌sánú mímɛ́ lɛ́ɛ ɖo kozɛ́n kpó ganzɛ́n gɔngɔn kpó, kpódó ganzɛ́n wɛnjɛ kpó mɛ, lě e è nɔ bló gbɔn sín do é. Yě hwlɛ́n dó bó má nǔ e è ɖa lɛ́ɛ nú togun ɔ́ bǐ.

Ɖɛhan 22:14

Yě hun nu bo ɖo nǎ wlí mì ɖu wɛ kinnikínní e ɖo adǎn jí, bó ɖo gbe dó wɛ é ɖɔhun.

Tíntɔ́n 1:14

Yě nɔ́ ɖó azɔ̌ syɛ́nsyɛ́n lɛ́ɛ kɔ jí nú yě, káká bɔ gbɛ nɔ vlɛ́ nu nú yě: yě nɔ́ wa kozɔ́, yě nɔ́ sún blǐki, bó nɔ́ wa glezɔ́ tɛnmɛ tɛnmɛ lɛ́ɛ bǐ. Yě nɔ́ ɖó azɔ̌ syɛ́nsyɛ́n alɔkpa alɔkpa énɛ́ lɛ́ɛ kɔ jí nú yě. Nǔ yětɔn nɔ́ blá wǔ nú yě ǎ.

Tíntɔ́n 12:9

Mi ma nú é kpo ɖo mǔ, bónú mi ɖu ó; mi ma zé sin dó ɖa ná ó; lo ɔ́, mi mɛ ta tɔn kpó afɔ tɔn lɛ́ɛ kpó, kpódó xomɛnú tɔn lɛ́ɛ kpó.

Tíntɔ́n 13:3

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi flín azǎn élɔ́ e gbe mi tɔ́n sín Ejípu bó gosín mɛ kannu é; ɖó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ. Hǔn, mi ja nǔ e jɛ nɛ́ ɔ́ sín xwe ɖu gbé ɔ́, mi ɖó ná ɖu wɔ̌xúxú e mɛ è dǒ tɔ́n ɔ́ ǎ.

Tíntɔ́n 13:7

È nǎ ɖu wɔ̌xúxú e mɛ è ma dó tɔ́n ǎ é nú azǎn tɛ́nwe énɛ́ lɛ́ɛ; wɔ̌xúxú e mɛ è dǒ tɔ́n ɔ́ ɖěbǔ ná nɔ xwé mitɔn lɛ́ɛ ɖě gbe, ɖo to mitɔn mɛ ǎ; tɔ́n ɖěbǔ ka ná nɔ xwé mitɔn lɛ́ɛ ɖě gbe ǎ.

Tíntɔ́n 23:18

Kanlin e mi ná dó sá vɔ̌ nú mì ɔ́, mi ma hɛn wɔ̌xúxú e mɛ è dǒ tɔ́n ɔ́ dó jǐ tɔn ó. Ayǐ ká ná hɔ́n dó kanlin e è dǒ sá vɔ̌ nú mì ɔ́ sín jǒ ǎ.

Tíntɔ́n 34:25

“Mi ná zé wɔ̌xúxú e mɛ è dǒ tɔ́n é gɔ́ nú kanlin e è hu nú mì ɔ́ sín hun, bó ná xwlé mì ǎ. Ayǐ ná hɔ́n dó kanlin e è hu dó sá vɔ̌ nú mì ɖó Dǐndínwáyixwe ɔ́ tamɛ ɔ́ sín lan ǎ.

Ezayíi 53:10

Amɔ̌, Mawu Mavɔmavɔ sɔ́ wǔvɛ́ dó dó ya nú mɛsɛntɔ́ tɔn bɔ é vɛ́ jlɛ́; ényí é sɔ́ éɖée dó sá hwɛsɔ́kɛmɛvɔ́ ná ɔ́, é ná ɖó vǐ. Mɛsɛntɔ́ tɔn ná ɖó vǐ bó ná lɛ́ nɔ gbɛ káká. É jí wɛ Mawu Mavɔmavɔ ná gbɔn bó ná bló nǔ e é to lɛ́ɛ.

Amɔ́si 4:5

Mi nɔ́ zé wɔ̌xúxú e mɛ è dǒ tɔ́n ɔ́ dó sá vɔ̌ nú Mawu dó nɔ́ dó kú n'i bó. Mi sú xó bó jlá nǔníná e mi zé jlǒ mi ɖésúnɔ tɔn dó ná lɛ́ɛ bó! Đó nǔ e mi mɛ Izlayɛ́linu lɛ́ɛ nɔ yí wǎn na é nɛ́.” Xó e Aklúnɔ Mavɔmavɔ ɖɔ ɔ́ nɛ́.

Zakalíi 12:10

Énɛ́ ɔ́, un ná gba wǔjɔmɛ kpó vosisa kpó sín yɛ kɔn nyi Davídi xwé ɔ́ kpó Jeluzalɛ́munu lɛ́ɛ kpó jí, bɔ yě ná sɔ́ nukún yětɔn ɖó nyɛ mɛ e yě sɔ́ hwǎn é wú. Yě ná ví mì, lě e è nɔ ví vǐɖokpónɔ e kú nú mɛ é ɖɔhun. Yě ná ví mì, bó só hehe, lě e è nɔ ví nukɔngbéví e kú nú mɛ é ɖɔhun.

Matíe 16:12

Hwenɛ́nu wɛ yě wá mɔ nǔ jɛ wú ɖɔ é kún nyí ɖɔ émí ní cɔ́ émíɖée dó tɔ́n wú xó ɖɔ nú émí wɛ é ɖe ó; lo ɔ́, nǔkplɔ́nmɛ Falizyɛn lɛ́ɛ tɔn kpódó Saduseɛn lɛ́ɛ tɔn kpó xó ɖɔ nú émí wɛ é ɖe.

Matíe 26:26

Hwenu e yě ɖo nǔ ɖu wɛ ɔ́, Jezu zé wɔ̌xúxú bó dó kú nú Mawu, bó kán, lobo ná ahwanvú tɔn lɛ́ɛ bó ɖɔ: “Mi yí, bó ɖu, élɔ́ ɔ́, agbaza ce wɛ.”

Galatinu 5:9

Lě e è ko nɔ ɖɔ gbɔn ɔ́: “Tɔ́n kpɛví ɖé wɛ nɔ fɔ́n linfín e è nya ɔ́ bǐ.”

Sɛ́nflínmɛ 16:7

Mi ná ɖa lan ɔ́ ɖo tɛn e mɛ Mawu Mavɔmavɔ, Mawu mitɔn ná sɔ́ ɔ́ mɛ, lobo ná ɖu. Ayǐ hɔ́n ɔ́, mi ná lɛ́ kɔ yi xwé mitɔn lɛ́ɛ gbe.

1 Tɛsalonikinu 1:6

Lě e mǐ wa nǔ gbɔn ɔ́ kpódó lě e Aklúnɔ wa nǔ gbɔn ɔ́ kpán wɛ mi xwedó, dó wa nǔ, ɖó mi mɔ wǔvɛ́ ɖésú, có mi ka yí Mawuxó ɔ́ kpódó xomɛhunhun e Yɛsinsɛn nɔ ná mɛ é kpó.