Tíntɔ́n 12:5 - MAWUXÓWÉMA

⁵ Gbɔ̌ví asú e ko ɖó xwe ɖokpó bɔ blɔ̌ ɖé má ɖo wǔ tɔn ǎ ɔ́ wɛ è nǎ zé; é sixú nyí lɛ̌ngbɔ́ví abǐ gbɔ̌ví.

Tíntɔ́n 12:5 Iomraidhean Croise

Tíntɔ́n 12:4

Ényí gbɛtɔ́ má sukpɔ́ ɖo hɛ̌nnu ɖé mɛ, bó ná sixú ɖu kanlin ɖokpó ɔ́ bǐ ǎ ɔ́, è nǎ kpɔ́n xwé e yá xwé énɛ́ ɔ́ gbe, bó ná ba mɛ gɔ́ nú yě. Nǔ e mɛ ɖokpó ɖokpó ná sixú ɖu ɔ́ wɛ è nǎ kpɔ́n dó zé kanlin ɔ́.

Levíi ví 1:10

“Nú é ká nyí gbɔ̌ wɛ mɛ ɔ́ jló ná zé dó sá vɔ̌ e è nɔ dó zo ɔ́ ná ɔ́, gbɔ̌sú e má ɖó blɔ̌ ɖěbǔ ǎ é wɛ é ná dó sá vɔ̌ ɔ́ ná. É sixú nyí agbo abǐ gbǎgbá.

Levíi ví 1:3

“Nú nyibú wɛ mɛ ɔ́ jló ná zé dó sá vɔ̌ e è nɔ dó zo ɔ́ ná ɔ́, nyibúsú e má ɖó blɔ̌ ɖěbǔ ǎ ɔ́ wɛ mɛ ɔ́ ná dó sá vɔ̌ ɔ́; é ná kplá wá goxɔ ɔ́ sín alihɛ́nnu, bónú Mawu Mavɔmavɔ ná wa ɖagbe nú mɛ ɔ́.

Levíi ví 23:12

Azǎn ɖokpó énɛ́ ɔ́ gbe ɔ́, mi ná zé lɛ̌ngbɔ́ví e ɖó xwe ɖokpó, bɔ blɔ̌ ɖěbǔ má ɖo wǔ tɔn ǎ dó sá vɔ̌ e è nɔ dó zo ɔ́ nú mì.

Malacíi 1:14

Heelú nǔhízítɔ́ e ɖó kanlinsú ɖagbe ɖo kanlin tɔn lɛ́ɛ mɛ, bó ká nɔ́ zé kanlin e ma ɖo ganjí ǎ ɖó vo, bó ná zé dó sá vɔ̌ nú mì é. Heelú i, ɖó axɔ́sú ɖaxó ɖokpó wɛ un nyí, bɔ akɔta lɛ́ɛ bǐ nɔ ɖi xɛsi nú hlɔ̌nhlɔ́n ce.” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Kɛ́nsísɔ́ 7:39

É ná nyibúsú wínnyáwínnyá ɖokpó, agbo ɖokpó, lɛ̌ngbɔ́ví e ɖó xwe ɖokpó ɔ́ ɖokpó; è nǎ bɛ́ kanlin énɛ́ lɛ́ɛ dó sá vɔ̌ e è nɔ dó zo ɔ́ ná.

Kɛ́nsísɔ́ 7:57

É ná nyibúsú wínnyáwínnyá ɖokpó, agbo ɖokpó, lɛ̌ngbɔ́ví e ɖó xwe ɖokpó ɔ́ ɖokpó; è nǎ bɛ́ kanlin énɛ́ lɛ́ɛ dó sá vɔ̌ e è nɔ dó zo ɔ́ ná.

Sɛ́nflínmɛ 17:1

Mi ma zé nyibú abǐ gbɔ̌ azinzɔnnɔ abǐ kanlin e ɖó blɔ̌ ɖo wǔ é ɖěbǔ dó sá vɔ̌ nú Mawu Mavɔmavɔ, Mawu mitɔn ó, ɖó walɔ mɔ̌hunkɔtɔn nɔ́ vɛ́ mɔ n'i.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

1 Samuwɛ́li 13:1

Xwe gban (30) wɛ Sawúlu ɖó bó yi axɔ́súzinkpo Izlayɛ́li tɔn jí. Hwenu e é ɖo xwe we bló wɛ ɖo zinkpo jí ɔ́,