Tíntɔ́n 12:3 - MAWUXÓWÉMA

³ Mi yi ɖɔ nú Izlayɛ́li ví lɛ́ɛ bǐ ɖɔ: ɖo sun élɔ́ ɔ́ sín azǎn wǒgɔ́ ɔ́ gbe ɔ́, hɛ̌nnu ɖokpó ɖokpó abǐ xwédo ɖokpó ɖokpó ná ná gbɔ̌ví ɖokpó.

Tíntɔ́n 12:3 Iomraidhean Croise

Bǐbɛ́mɛ 22:8

Ablaxámu ka yí gbe n'i ɖɔ: “Vǐ ce, Mawu ɖésú ná ná lɛ̌ngbɔ́ví e è nǎ dó sá vɔ̌ ɔ́ ná é.” Yě mɛ we lɛ́ɛ ká ɖo yiyi wɛ.

Bǐbɛ́mɛ 4:4

Abɛ́li éyɛ́ ɔ́, é hɛn gbɔ̌ tɔn lɛ́ɛ sín nukɔn ví lɛ́ɛ wá sá vɔ̌ nú Mawu Mavɔmavɔ, bó xwlé e akpáxwé ɖagbe ɖagbe lɛ́ɛ. Mawu Mavɔmavɔ sɔ́ nukún ɖagbe dó kpɔ́n Abɛ́li kpó vɔ̌sánú tɔn kpó.

2 Tan 35:7

Joziyási kpɔ́n kanlinkpó é ɖésúnɔ tɔn mɛ, bó ná kanlin e Izlayɛ́li ví e ɖo fínɛ́ lɛ́ɛ ná hu nú Dǐndínwáyixwe ɔ́ lɛ́ɛ é: é ná lɛ̌ngbɔ́ kpó gbɔ̌ví kpó adɔ̌kpo ɖě děgba we afɔwó (30.000) yě, bó lɛ́ ná nyibú afɔwó-afatɔ́n (3.000) yě.

Tíntɔ́n 12:2

“Sun e mɛ mi ɖe ɔ́ ná nyí sun e jɛ nukɔn ɖo sun lɛ́ɛ mɛ ɔ́ nú mi; sun e jɛ nukɔn ɖo sun lɛ́ɛ mɛ ɖo xwe ɔ́ mɛ ɔ́ wɛ é ná nyí nú mi.

Tíntɔ́n 12:21

Ée Mɔyízi se mɔ̌ ɔ́, é ylɔ́ tomɛxó Izlayɛ́li tɔn lɛ́ɛ bǐ, bó ɖɔ nú yě ɖɔ: “Mi mɛ ɖokpó ɖokpó ní yi wlí lɛ̌ngbɔ́ví abǐ gbɔ̌ví bó hu dó xwé mitɔn lɛ́ɛ tamɛ, bó ná dó ɖu Dǐndínwáyixwe ɔ́ ná.

Tíntɔ́n 12:4

Ényí gbɛtɔ́ má sukpɔ́ ɖo hɛ̌nnu ɖé mɛ, bó ná sixú ɖu kanlin ɖokpó ɔ́ bǐ ǎ ɔ́, è nǎ kpɔ́n xwé e yá xwé énɛ́ ɔ́ gbe, bó ná ba mɛ gɔ́ nú yě. Nǔ e mɛ ɖokpó ɖokpó ná sixú ɖu ɔ́ wɛ è nǎ kpɔ́n dó zé kanlin ɔ́.

Tíntɔ́n 12:6

Mi ná zé kanlin ɔ́ ɖ'ayǐ káká jɛ sun élɔ́ ɔ́ sín azǎn wǒ-ɛnɛgɔ́ ɔ́ gbe, bɔ Izlayɛ́li ví lɛ́ɛ bǐ ná hu gbe énɛ́ ɔ́ gbe gbadanu.

Tíntɔ́n 14:15

Mawu Mavɔmavɔ ɖɔ nú Mɔyízi ɖɔ: “Nɛ̌ gbɔn bɔ a ɖo xó sú ylɔ́ mì wɛ? Đɔ nú Izlayɛ́li ví lɛ́ɛ ɖɔ yě ní jɛ ali.

Tíntɔ́n 20:19

Bó ɖɔ nú Mɔyízi ɖɔ: “Hwi ɖésúnɔ ní nɔ́ ɖɔ xó nú mǐ; mǐ ná ɖótó we. Mawu ɖésú ní má sɔ́ ɖɔ xó nú mǐ ɖě ó, é má nyí mɔ̌ ǎ ɔ́, mǐ táá kú.”

Tíntɔ́n 4:30

Aalɔ́ɔn ka ɖɔ xó e Mawu Mavɔmavɔ ɖɔ nú Mɔyízi lɛ́ɛ bǐ nú yě, bɔ Mɔyízi bló nǔjíwǔ lɛ́ɛ ɖo togun ɔ́ nukún mɛ.

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Ezekiyɛ́li 40:1

Ahwan wlí mǐ yi Babilɔ́nu ɔ́, xwe tɔn koatɔ́ngɔ́ (25) ɔ́ sín bǐbɛ́mɛ ɔ́, ɖo azǎn wǒgɔ́ ɔ́ e ɖo sun nukɔntɔn e ɖo xwe ɔ́ mɛ é gbe ɔ́, hlɔ̌nhlɔ́n Mawu Mavɔmavɔ tɔn wá jǐ ce, bó kplá mì yi Jeluzalɛ́mu; è gba Jeluzalɛ́mu ɔ́, é ɖo xwe wɛ̌nɛ bló wɛ pɛ́pɛ́pɛ́ gbe énɛ́ gbe.

Levíi ví 1:2

é ní ɖɔ nú Izlayɛ́li ví lɛ́ɛ ɖɔ: “Ényí mɛɖé ɖo mi mɛ, bó jló ná zé kanlin ɖé dó sá vɔ̌ ná nú Mawu Mavɔmavɔ ɔ́, é ná zé nyibú ɖokpó abǐ gbɔ̌ ɖokpó dó sá ná.

Levíi ví 5:6

Énɛ́ ɔ́ gúdo ɔ́, é ná zé lɛ̌ngbɔ́ asi ɖokpó, abǐ gbɔ̌ asi ɖokpó dó sá hwɛsɔ́kɛmɛvɔ́ ná nú Mawu Mavɔmavɔ, bɔ é ná nyí hwɛ e é hu ɔ́ sín vɔ̌. Énɛ́ ɔ́, vɔ̌sánú-xwlémawutɔ́ ɔ́ ná bló lě e è nɔ bló gbɔn, bó nɔ́ xwlé vɔ̌sánú mì ɔ́, bó sá vɔ̌ e nɔ súnsún hwɛ sín kɔ nú mɛ ɔ́ n'i.”

Kɛ́nsísɔ́ 15:11

“Ényí è jlǒ ná zé nyibú abǐ agbo, abǐ lɛ̌ngbɔ́ví, abǐ gbɔ̌ dó sá vɔ̌ ɔ́, mɔ̌ wɛ è nǎ bló gbɔn.

Jǎan 1:29

Ayǐhɔ́ngbe tɔn ɔ́, Jǎan mɔ Jezu jǎwe bó ɖɔ: “Mi kpɔ́n! Lɛ̌ngbɔ́ví Mawu tɔn e nɔ sɔ́ hwɛ kɛ gbɛtɔ́ lɛ́ɛ ɔ́ ɖíe.

Jǎan 1:36

Ée é mɔ Jezu wá xweyǐgbe ɔ́, é ɖɔ: “Mi kpɔ́n! Lɛ̌ngbɔ́ví Mawu tɔn ɔ́ ɖíe.”

Jǎan 12:1

Dǐndínwáyixwe kpo azǎn ayizɛ́n, bɔ Jezu yi Betaníi fí e Lazáa e é fɔ́n sín kú ɔ́ nɔ́ nɔ é.

Jǎan 12:12

Ayǐhɔ́ngbe tɔn ɔ́, yě mɛ wɔ̌buwɔ́bú e wá xwe ɖu gbé ɖo Jeluzalɛ́mu lɛ́ɛ se ɖɔ Jezu ja fínɛ́;

1 Kɔlɛ́ntinu 5:7

Mi ɖe hwɛhuhu sín tɔ́n xóxó énɛ́ ɔ́ síin, bónú mi ná húzú linfín nyinya yɔ̌yɔ́; ɖó linfín nyinya yɔ̌yɔ́ e mɛ è ma dó tɔ́n ǎ é wɛ mi nyí; ɖó Klísu e nyí Dǐndínwáyixwe mǐtɔn sín lɛ̌ngbɔ́ví ɔ́, è ko sɔ́ ɛ dó sá vɔ̌ ná.

Jozuwée 7:14

Sɔ zǎnzǎn ɔ́, mi ná wá gɔ̌n ce ɖě jɛ ɖě gúdo. Nú un ɖe akɔta ɖé ɔ́, hɛ̌nnu e ɖo akɔta énɛ́ ɔ́ mɛ lɛ́ɛ bǐ ná wá gɔ̌n ce ɖě jɛ ɖě gúdo. Nú un ɖe hɛ̌nnu ɖé ɔ́, xwédo e ɖo hɛ̌nnu énɛ́ ɔ́ mɛ lɛ́ɛ ná wá gɔ̌n ce ɖě jɛ ɖě gúdo. Nú un ɖe xwédo ɖé ɔ́, súnnu e ɖo xwédo énɛ́ ɔ́ mɛ lɛ́ɛ ná wá gɔ̌n ce ɖě jɛ ɖě gúdo.

Nǔɖexlɛ́mɛ 13:8

Mɛ e ɖo ayǐkúngban jí lɛ́ɛ bǐ ná nɔ sɛn ɛ: yě mɛ e sín nyǐkɔ è ma wlán dó Lɛ̌ngbɔ́ví e è hu ɔ́ sín wěma mɛ ǎ lɛ́ɛ ná sɛn ɛ. Wěma énɛ́ ɔ́, mɛ e ɖo gbɛ lɛ́ɛ tɔn wɛ, bɔ è ko wlán nyǐkɔ yětɔn lɛ́ɛ d'é mɛ sín bǐbɛ́mɛ gbɛ ɔ́ tɔn.

1 Samuwɛ́li 7:9

Samuwɛ́li sɔ́ lɛ̌ngbɔ́ví e kpo ɖo anɔ̌nu é ɖokpó, bó dó gbɔ̌ví ɔ́ blěbǔ tɔn zo nú Mawu Mavɔmavɔ. Samuwɛ́li sú xó ylɔ́ Mawu Mavɔmavɔ ɖó Izlayɛ́li ví lɛ́ɛ tamɛ, bɔ Mawu Mavɔmavɔ yí gbe nú ɖɛ tɔn.