Tíntɔ́n 12:23 - MAWUXÓWÉMA

²³ Hwenu e Mawu Mavɔmavɔ ná wá tó dɔn nú Ejípu to ɔ́ gbé ɔ́, nú é mɔ hun ɖo agba ɔ́ kpó hɔnkpo we lɛ́ɛ kpó wú ɔ́, é ná dín gbɔn hɔntogbó ɔ́ ta nu; é ná lɔn bɔ nǔhɛngblétɔ́ ɔ́ ná byɔ́ xwé mitɔn lɛ́ɛ gbe bó hu mi ǎ.

Tíntɔ́n 12:23 Iomraidhean Croise

2 Samuwɛ́li 24:16

Ée wɛnsagun Mawu Mavɔmavɔ tɔn dlɛ́n alɔ dó Jeluzalɛ́mu jí, bó ɖo jɛmɛjí ɔ́ ná sɛ́ dó wɛ ɔ́, Mawu Mavɔmavɔ mɔ ɖɔ fí e émí wa nǔ xá yě jɛ ɔ́ kpé, lobo ɖɔ nú wɛnsagun nǔhɛngblétɔ́ ɔ́ ɖɔ: “É nyɔ́ mɔ̌, zě alɔ dó do.” Hwenɛ́nu ɔ́, wɛnsagun ɔ́ kó sɛkpɔ́ fí e Alona Jebuzinu ɔ́ nɔ́ fún jinukún ɖe é.

Jɔ̌bu 14:13

Mawu ce, nú a jlǒ nǎ zé mì hwlá ɖó kútomɛ, bɔ un ná nɔ hwlǎhwlá ɖo fínɛ́ káká bɔ xo towe mɛ ná fá dó wǔ ce, bɔ a nǎ ɖɔ hwenu e a nǎ flín mì dó ɔ́ wɛ ɔ́, é ná nyɔ́!

Tíntɔ́n 11:4

Cóbónú Mɔyízi ná gosín axɔ́sú ɔ́ gɔ́n ɔ́, Mɔyízi ɖɔ: “Đǒtó xó e Mawu Mavɔmavɔ ɖɔ é, é ɖɔ: ‘Zǎnvlɔ́ɖówe mɔ̌ ɔ́, un ná gbɔn Ejípu to ɔ́ mɛ,

Tíntɔ́n 12:7

È nǎ yǐ kanlin ɔ́ sín hun, bɔ xwé e gbe è nǎ ɖu lan tɔn ɖe lɛ́ɛ ɔ́, è nǎ sá dó xwé lɛ́ɛ ɖokpó ɖokpó sín hɔntogbó; hɔntogbó lɛ́ɛ sín hɔnkpo we lɛ́ɛ kpó agba yětɔn kpó wú wɛ è ka ná sá dó.

Ezayíi 26:20

Togun ce e mi, mi yi xɔ mitɔn lɛ́ɛ mɛ, mi dɔn hɔn mitɔn sú dó ta, bó nɔ fínɛ́ kpɛɖé, bónú xomɛsin Mawu tɔn ní wá yi.

Ezayíi 37:36

Wɛnsagun Mawu Mavɔmavɔ tɔn ɖokpó tɔ́n, bó hu gbɛtɔ́ adɔ̌kpo tɛ́nnɛ děgba ɖě afatɔ́n (185.000), ɖo Asilíinu lɛ́ɛ sín ahwankpá mɛ. Ée ayǐ hɔ́n zǎnzǎn ɔ́, mɛ e kpo lɛ́ɛ ná mɔ nǔɖé kpowun ɔ́, cyɔ yětɔn jɛ́n yě mɔ.

Ezekiyɛ́li 9:4

bó ɖɔ n'i ɖɔ: “Gbɔn Jeluzalɛ́mu toxo ɔ́ bǐ mɛ, bó ɖó wuntun nukɔn nú mɛ e ɖo alě ná wɛ, bó ɖo wǔvɛ́ mɔ wɛ, ɖó nǔ baɖabaɖa e dó sin wɛ è ɖe ɖo toxo ɔ́ mɛ lɛ́ɛ wú lɛ́ɛ.”

Ezekiyɛ́li 9:6

Mi hu degénɔ lɛ́ɛ, bó hu dɔ̌nkpɛvú lɛ́ɛ, bó hu ɖyɔ̌vǐ lɛ́ɛ, bó hu yɔkpɔ́vú lɛ́ɛ kpó nyɔ̌nu lɛ́ɛ kpó. Amɔ̌, mi ma ɖ'alɔ mɛ e wuntun ɖo nukɔn ná lɛ́ɛ ɖěbǔ wú ó. Mɛ e ɖo xwé ce gbe lɛ́ɛ jí wɛ mi ka ná bɛ́ sín.” Nǔgbó ɔ́, yě bɛ́ sín tomɛxó e ɖo Mawu xwé gbe ɖo sinsɛnxɔ ɔ́ nukɔn lɛ́ɛ jí.

1 Kɔlɛ́ntinu 10:10

Mi ɖó ná hlún nǔ ɖɔ lě e mɛɖé lɛ́ɛ bló gbɔn ɖo yě mɛ, bɔ wɛnsagun e nɔ hu mɛ ɔ́ wá hu yě ɔ́ ǎ.

Eblée 11:28

Nǔɖiɖi e Mɔyízi ɖó ɔ́ wɛ zɔ́n bɔ é ɖó Dǐndínwáyi sín xwe ɔ́ ayǐ, bó ná gbe ɖɔ è nǐ mì hun dó hɔn lɛ́ɛ wú, bónú wɛnsagun e nɔ hu mɛ ɔ́ ma hu nukɔngbéví Izlayɛ́li ví lɛ́ɛ tɔn ó.

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Nǔɖexlɛ́mɛ 7:3

“Mi ma to wa nǔ nyanya dó ayǐkúngban wú ó; mi ma wa dó xu wú ó; mi ma wa dó atín lɛ́ɛ wú káká jɛ hwenu e mǐ ná ɖó wuntun nukɔn nú mɛsɛntɔ́ Mawu mǐtɔn tɔn lɛ́ɛ dó é ó.”

Nǔɖexlɛ́mɛ 9:4

È ɖɔ nú yě ɖɔ yě ní ma wa nǔ nyanya nú gběhan ó, yě ní ma wa nǔ nyanya nú ama e ɖo mǔ lɛ́ɛ ɖěbǔ ó; yě ní ma ka wa nǔ nyanya nú atín ɖěbǔ ó. Lo ɔ́, gbɛtɔ́ e sín nukɔn wuntun Mawu tɔn ma ɖe ǎ lɛ́ɛ kɛ́ɖɛ́ wɛ yě ná wa nǔ nyanya ná.