Tíntɔ́n 12:22 - MAWUXÓWÉMA

²² Énɛ́ ɔ́ gúdo ɔ́, mi ná blá izɔ́puma, bó ná sɔ́ dó hun e mi yí dó gannú mɛ ɔ́ mɛ, bó ná sá d'agba ɔ́ kpó hɔntogbó ɔ́ sín hɔnkpo we lɛ́ɛ kpó wú. Mɛ ɖěbǔ ní má ká tɔ́n sín xwé tɔn gbe káká jɛ zǎnzǎn ó.

Tíntɔ́n 12:22 Iomraidhean Croise

Ɖɛhan 51:7

Sín hwenu e è ji mì ɔ́ wɛ hwɛhuhu sín alɔxwixwí kó ɖo wǔ ce, bó ɖo wǔ ce sín nɔ ce xomɛ. Ée è dǒ xo ce é jɛ́n hwɛhuhu tɔ́ dó wǔ ce.

Tíntɔ́n 12:7

È nǎ yǐ kanlin ɔ́ sín hun, bɔ xwé e gbe è nǎ ɖu lan tɔn ɖe lɛ́ɛ ɔ́, è nǎ sá dó xwé lɛ́ɛ ɖokpó ɖokpó sín hɔntogbó; hɔntogbó lɛ́ɛ sín hɔnkpo we lɛ́ɛ kpó agba yětɔn kpó wú wɛ è ka ná sá dó.

Ezayíi 26:20

Togun ce e mi, mi yi xɔ mitɔn lɛ́ɛ mɛ, mi dɔn hɔn mitɔn sú dó ta, bó nɔ fínɛ́ kpɛɖé, bónú xomɛsin Mawu tɔn ní wá yi.

Kɛ́nsísɔ́ 19:18

Súnnu e nyí mɛ mímɛ́ ɔ́ ɖokpó ná zé izɔ́puma bó sɔ́ dó sin ɔ́ mɛ, bó ná mi dó Goxɔ e mɛ mɛ kú ɖe ɔ́ wú, bó ná mi dó nǔ e ɖo Goxɔ ɔ́ mɛ lɛ́ɛ bǐ wú, bó ná mi dó mɛ e ɖo Goxɔ ɔ́ mɛ lɛ́ɛ bǐ wú, abǐ é ná mi dó mɛ e ɖó alɔ gbɛtɔ́ xú wú é wú, abǐ mɛ e ɖó alɔ cyɔ wú é wú, abǐ mɛ e ɖ'alɔ yɔdo wú é wú.

Matíe 26:30

Énɛ́ ɔ́ gúdo ɔ́, yě ji xwe ɔ́ sín han lɛ́ɛ, bó ɖidó olívutín só ɔ́ jí.

Eblée 11:28

Nǔɖiɖi e Mɔyízi ɖó ɔ́ wɛ zɔ́n bɔ é ɖó Dǐndínwáyi sín xwe ɔ́ ayǐ, bó ná gbe ɖɔ è nǐ mì hun dó hɔn lɛ́ɛ wú, bónú wɛnsagun e nɔ hu mɛ ɔ́ ma hu nukɔngbéví Izlayɛ́li ví lɛ́ɛ tɔn ó.

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Eblée 9:1

Akɔjijɛ nukɔntɔn ɔ́ ko ɖó tito lɛ́ɛ nú Mawu sinsɛn, bó ɖó sinsɛnxɔ e gbɛtɔ́ sɔ́ alɔ dó gbá é ɖokpó.

Eblée 9:14

Ée nǔ nyí mɔ̌ ɔ́, nɛ̌ Klísu sín hun ma ná wa azɔ̌ hú mɔ̌ ǎ gbɔn? Ɖó Klísu ɔ́ sɔ́ éɖée dó sá vɔ̌ nú Mawu vɔ̌sánú maɖóblɔ̌ ɖɔhun gbɔn Yɛ mavɔ mavɔ jí; hun tɔn ná slá wǔ nú ayixa mǐtɔn, bó ná ɖe azɔ̌ e nyí azɔ̌ nyanya ɖ'é mɛ lɛ́ɛ sín mɛ, bónú mǐ ná sixú wa azɔ̌ nú Mawu gbɛɖe ɔ́.

Eblée 9:19

Nǔ nukɔntɔn e Mɔyízi bló ɔ́ wɛ nyí ɖɔ: é xa nǔ e sɛ́n ɔ́ zɔ́n ɖɔ è ní wa lɛ́ɛ bǐ ɖo togun ɔ́ bǐ nukɔn lě e è wlǎn gbɔn dó sɛ́nwéma ɔ́ mɛ é. Énɛ́ ɔ́ gúdo ɔ́, é sɔ́ nyibúví kpódó gbǎgbá kpó sín hun, kpó sin kpó; é sɔ́ izɔ́pukpo, kpó avɔ vɔvɔ cɛ́cɛ́ ɖé kpó, bó sɔ́ dó hun kpó sin kpó ɔ́ mɛ, lobo mì dó sɛ́nwéma ɔ́ wú, bó lɛ́ mì dó togun ɔ́ bǐ wú.

Jozuwée 2:19

Ényí mɛɖé tɔ́n sín xwé towe gbe, bónú nǔɖé yi wa ɛ ɔ́, é wɛ é kan; é kan mǐdɛɛ lɛ́ɛ ǎ. Amɔ̌, ényí è wa nǔɖé nú mɛ e ɖo gɔ̌n towe ɖo xwé towe gbe lɛ́ɛ ɖě hǔn, mǐdɛɛ lɛ́ɛ wɛ kú tɔn ɖo kɔ ná.

1 Piyɛ́ɛ 1:2

Mawu Tɔ́ ɔ́ cyán mi, bɔ é sɔgbe xá lě e é ɖésúnɔ ko to gbɔn ɖ'ayǐ é, bɔ mi nyí mɛɖeɖóvo tɔn, gbɔn Yɛ tɔn sín nǔwiwa gbla mɛ, nú mi ná se tónú nú Jezu Klísu, bɔ hun tɔn ná lɛ mi wé. Mawu ní ná fɛ́nú kpó fífá kpó mi ní túnflá.