Tíntɔ́n 12:2 - MAWUXÓWÉMA

² “Sun e mɛ mi ɖe ɔ́ ná nyí sun e jɛ nukɔn ɖo sun lɛ́ɛ mɛ ɔ́ nú mi; sun e jɛ nukɔn ɖo sun lɛ́ɛ mɛ ɖo xwe ɔ́ mɛ ɔ́ wɛ é ná nyí nú mi.

Tíntɔ́n 12:2 Iomraidhean Croise

Ɛsitɛ́ɛ 3:7

Hwenu e axɔ́sú Zɛ̌ɛzɛsi ɖo xwe wěwe bló wɛ ɖo axɔ́súzinkpo jí ɔ́, sun nukɔn nukɔntɔn e è nɔ ylɔ́ ɖɔ Nisáan ɔ́ mɛ ɔ́, Hamáa nyi akɔ dó sun ɖokpó ɖokpó, bó nyi dó azǎn ɖokpó ɖokpó, bó ná tunwun azǎn e ná nyɔ́ ɔ́ kpó sun e ná nyɔ́ nú tito tɔn lɛ́ɛ é kpó, bɔ akɔ wá jɛ sun wěwegɔ́ e nyí Adáa é jí.

Tíntɔ́n 12:1

Mawu Mavɔmavɔ ɖɔ nú Mɔyízi kpó Aalɔ́ɔn kpó ɖo Ejípu ɖɔ:

Tíntɔ́n 12:18

Bɛ́ sín sun nukɔntɔn ɔ́ sín azǎn wǒ-ɛnɛgɔ́ ɔ́ gbe gbadanu káká yi sun ɔ́ sín azǎn ko-nukún-ɖokpógɔ́ ɔ́ gbe gbadanu ɔ́, wɔ̌xúxú e mɛ è ma dó tɔ́n ǎ ɔ́ wɛ mi ná ɖu.

Tíntɔ́n 12:3

Mi yi ɖɔ nú Izlayɛ́li ví lɛ́ɛ bǐ ɖɔ: ɖo sun élɔ́ ɔ́ sín azǎn wǒgɔ́ ɔ́ gbe ɔ́, hɛ̌nnu ɖokpó ɖokpó abǐ xwédo ɖokpó ɖokpó ná ná gbɔ̌ví ɖokpó.

Tíntɔ́n 13:3

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi flín azǎn élɔ́ e gbe mi tɔ́n sín Ejípu bó gosín mɛ kannu é; ɖó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ. Hǔn, mi ja nǔ e jɛ nɛ́ ɔ́ sín xwe ɖu gbé ɔ́, mi ɖó ná ɖu wɔ̌xúxú e mɛ è dǒ tɔ́n ɔ́ ǎ.

Tíntɔ́n 13:4

Égbé wɛ mi tɔ́n sín Ejípu, ɖo Abibu sun ɔ́ mɛ.

Tíntɔ́n 23:15

Xwe nukɔntɔn e mi ná ɖu ɔ́ wɛ nyí wɔ̌xúxú e mɛ è ma dó tɔ́n ǎ sín xwe. Mi ná ɖu wɔ̌xúxú e mɛ è ma dó tɔ́n ǎ, xɔ azǎn tɛ́nwe, ɖo Abibu sun ɔ́ mɛ, hwenu e un ɖó nú mi dó é, lě e un ɖɔ nú mi gbɔn ɔ́; ɖó sun énɛ́ ɔ́ mɛ wɛ mi gosín Ejípu. Mi ka ná wá gɔ̌n ce asígbá alɔgbá ǎ.

Tíntɔ́n 34:18

“Mi ná ɖu wɔ̌xúxú e mɛ è ma dó tɔ́n ǎ é sín xwe. Azǎn tɛ́nwe wɛ è sɔ́ ɖó te ɖo Abibu sun ɔ́ mɛ bɔ mi ná ɖu xwe ɔ́ ná ɔ́. Mi ná ɖu wɔ̌xúxú e mɛ è ma dó tɔ́n ǎ é lě e un ɖɔ gbɔn nú mi é. Đó Abibu sun ɔ́ mɛ wɛ mi tɔ́n sín Ejípu.

Tíntɔ́n 40:17

Yě gosín Ejípu ɔ́, é bló xwe ɖokpó, bɔ sun nukɔntɔn e ɖo xwe énɛ́ ɔ́ mɛ ɔ́ sín azǎn nukɔntɔn ɔ́ gbe ɔ́, è blǒ goxɔ ɔ́.

Ezekiyɛ́li 45:18

Xó e Aklúnɔ Mavɔmavɔ ɖɔ ɔ́ ɖíe: “Azǎn nukɔntɔn e ɖo sun nukɔntɔn ɔ́ mɛ ɔ́ gbe ɔ́, è nǎ nɔ́ hu nyibúsú maɖóblɔ̌ ɖo wǔ ɖokpó dó slá wǔ nú xwé ce.

Ezekiyɛ́li 45:21

“Sun nukɔntɔn ɔ́ sín azǎn wǒ-ɛnɛgɔ́ ɔ́ gbe ɔ́, mi ná jɛ Dǐndínwáyixwe ɔ́ ɖu jí. Xwe énɛ́ ɔ́, azǎn tɛ́nwe wɛ mi ná ɖu xɔ, bɔ mɛ ɖé ná ɖu wɔ̌xúxú e mɛ è dǒ tɔ́n é hwe énɛ́ ɔ́ nu ǎ.

Levíi ví 23:5

“Đo sun nukɔntɔn e ɖo xwe ɔ́ mɛ ɔ́ sín azǎn wǒ-ɛnɛgɔ́ ɔ́ gbe ɔ́, gbadanu cawun ɔ́, mi ná nɔ́ ɖu Dǐndínwáyixwe ɔ́ dó kpa susu nú nyɛ Mawu Mavɔmavɔ.

Kɛ́nsísɔ́ 28:16

Mawu Mavɔmavɔ ɖɔ nú Mɔyízi ɖɔ: “Sun nukɔntɔn ɔ́ e ɖo xwe ɔ́ mɛ ɔ́ sín azǎn wǒ-ɛnɛgɔ́ ɔ́ gbe ɔ́, mi ná nɔ́ ɖu Dǐndínwáyixwe ɔ́ dó nyɛ Mawu Mavɔmavɔ tamɛ.

Sɛ́nflínmɛ 16:1

Mi ɖu Dǐndínwáyixwe ɔ́ ɖo Abibu sun ɔ́ mɛ, bó dó zé Mawu Mavɔmavɔ, Mawu mitɔn su, ɖó sun énɛ́ ɔ́ mɛ wɛ Mawu Mavɔmavɔ ɖe mi tɔ́n sín Ejípu zǎn mɛ.