Tíntɔ́n 12:13 - MAWUXÓWÉMA

¹³ Hun ɔ́ ná nyí wuntun ɖé nú mì ɖo xwé e gbe mi ná ɖe lɛ́ɛ sín hɔntogbó wú; nú un mɔ hun ɔ́, un ná gbɔn xwé ɔ́ ta nu dín, bɔ hwenu e un ná dɔn tó nú Ejípunu lɛ́ɛ ɔ́, mǐdɛɛ lɛ́ɛ ná gló awě e ná vívá kún yětɔn é.

Tíntɔ́n 12:13 Iomraidhean Croise

Bǐbɛ́mɛ 17:11

Mi ná nɔ́ gbo ada. Adagbigbo ɔ́ wɛ ná nyí akɔjijɛ e ɖo nyɛ kpó mi kpó tɛ́ntin ɔ́ sín wuntun.

Tíntɔ́n 12:11

Ényí mi ja lan ɔ́ ɖu gbé hǔn, mi sɔ́ to e mɛ mi xwe ɔ́ sín nǔ: mi ná blá gǒ, afɔkpa ná ɖo afɔ mitɔn, bɔ kpo mitɔn ná ɖo alɔ mitɔn mɛ; mi ná hwlɛ́ndó bó ɖu. Nyɛ Mawu Mavɔmavɔ ɔ́ sín Dǐndínwáyi wɛ.

Tíntɔ́n 12:23

Hwenu e Mawu Mavɔmavɔ ná wá tó dɔn nú Ejípu to ɔ́ gbé ɔ́, nú é mɔ hun ɖo agba ɔ́ kpó hɔnkpo we lɛ́ɛ kpó wú ɔ́, é ná dín gbɔn hɔntogbó ɔ́ ta nu; é ná lɔn bɔ nǔhɛngblétɔ́ ɔ́ ná byɔ́ xwé mitɔn lɛ́ɛ gbe bó hu mi ǎ.

Tíntɔ́n 12:7

È nǎ yǐ kanlin ɔ́ sín hun, bɔ xwé e gbe è nǎ ɖu lan tɔn ɖe lɛ́ɛ ɔ́, è nǎ sá dó xwé lɛ́ɛ ɖokpó ɖokpó sín hɔntogbó; hɔntogbó lɛ́ɛ sín hɔnkpo we lɛ́ɛ kpó agba yětɔn kpó wú wɛ è ka ná sá dó.

Ezekiyɛ́li 9:4

bó ɖɔ n'i ɖɔ: “Gbɔn Jeluzalɛ́mu toxo ɔ́ bǐ mɛ, bó ɖó wuntun nukɔn nú mɛ e ɖo alě ná wɛ, bó ɖo wǔvɛ́ mɔ wɛ, ɖó nǔ baɖabaɖa e dó sin wɛ è ɖe ɖo toxo ɔ́ mɛ lɛ́ɛ wú lɛ́ɛ.”

1 Tɛsalonikinu 1:10

lobo ná nɔ te kpɔ́n ɖɔ vǐ tɔn Jezu ní gosín sɛ́xwé wá é. Vǐ tɔn énɛ́ ɔ́ wɛ é fɔ́n sín kú, bɔ é hwlɛ́n mǐ sín xomɛsin Mawu tɔn e jǎwe ɔ́ mɛ.

Eblée 11:28

Nǔɖiɖi e Mɔyízi ɖó ɔ́ wɛ zɔ́n bɔ é ɖó Dǐndínwáyi sín xwe ɔ́ ayǐ, bó ná gbe ɖɔ è nǐ mì hun dó hɔn lɛ́ɛ wú, bónú wɛnsagun e nɔ hu mɛ ɔ́ ma hu nukɔngbéví Izlayɛ́li ví lɛ́ɛ tɔn ó.

Jozuwée 2:12

Din ɔ́, mi xwlé Mawu Mavɔmavɔ nú mì ɖɔ émí ná nyɔ́ xomɛ dó hɛ̌nnumɔ ce lɛ́ɛ wú, lě e un nyɔ́ xomɛ dó mi wú gbɔn din é.

Jozuwée 2:18

Hwenu e mǐ ná wá ahwan tɔ́n to ɔ́ gbé ɔ́, a nǎ sin kan vɔvɔ cɛ́cɛ́ élɔ́ dó flɛtɛ́li e nu a zě mǐ jɛ te gbɔn é. Énɛ́ ɔ́ gúdo ɔ́, a nǎ kplá tɔ́ towe, nɔ towe, nɔví towe súnnu kpó nyɔ̌nu kpó, kpódó hɛ̌nnumɔ towe bǐ kpán wá ɖó xwé towe gbe.

1 Jǎan 1:7

Lo ɔ́, ényí mǐ ɖo gbɛ zán wɛ ɖo wěziza mɛ lě e Mawu ɖésúnɔ ɖo wěziza mɛ gbɔn ɔ́, hǔn mǐ ɖo kɔnɖókpɔ́ mɛ xá mǐɖée, bɔ vǐ tɔn Jezu sín hun nɔ lɛ mǐ wé sín hwɛ mǐtɔn lɛ́ɛ bǐ mɛ.