Tíntɔ́n 11:9 - MAWUXÓWÉMA

⁹ Mawu Mavɔmavɔ ɖɔ nú Mɔyízi ɖɔ: “Axɔ́sú Ejípu tɔn ɔ́ ná bló nǔ e mi ɖɔ lɛ́ɛ ǎ; énɛ́ ɔ́, un ná ɖo nǔ jlɛ́ wɛ ɖě jɛ ɖě gúdo ɖo Ejípu to ɔ́ mɛ.”

Tíntɔ́n 11:9 Iomraidhean Croise

Tíntɔ́n 10:1

Mawu Mavɔmavɔ ɖɔ nú Mɔyízi ɖɔ: “Yi axɔ́sú ɔ́ gɔ́n. Nyɛ wɛ zɔ́n bɔ é kpó gǎn hɔn-yitɔ́ tɔn lɛ́ɛ kpó ɖo tó tlí wɛ, bónú má jlɛ́ nǔdábaɖa énɛ́ lɛ́ɛ ɖo tɛ́ntin yětɔn.

Tíntɔ́n 3:19

Nyɛ ka tunwun ganjí ɖɔ axɔ́sú ɔ́ kún ná jó mi dó bɔ mi ná yi ó, è na bó hɛn ɛ syɛ́nsyɛ́n ɔ́, é ná jó mi dó ǎ.

Tíntɔ́n 4:21

Mawu Mavɔmavɔ ka lɛ́ ɖɔ n'i ɖɔ: “A lɛ̌ kɔ yi Ejípu hǔn, ɖǒ ayi nǔjíwǔ e un ná we bɔ a nǎ bló lɛ́ɛ bǐ jí. A nǎ jlɛ́ nǔ énɛ́ lɛ́ɛ ɖo axɔ́sú Ejípu tɔn ɔ́ nukún mɛ. Nyɛ ka ná zɔ́n bɔ é ná tlí tó, bó ná jó togun ɔ́ dó bɔ é ná yi ǎ.