Tíntɔ́n 11:8 - MAWUXÓWÉMA

⁸ Hwenɛ́nu ɔ́, gǎn hɔn-yitɔ́ towe lɛ́ɛ bǐ ná wá jɛ kpo ɖo nukɔn ce, bó ná ɖɔ: ‘Tɔ́n sín tomɛ fí! Hwi kpó mɛ e xwedó we lɛ́ɛ bǐ kpó ní tɔ́n!’ Énɛ́ ɔ́ gúdo ɔ́, un ka ná tɔ́n. Bɔ Mɔyízi gosín axɔ́sú Ejípu tɔn ɔ́ sín xwé gbe kpó xomɛsin ɖaxó ɖé kpó.”

Tíntɔ́n 11:8 Iomraidhean Croise

1 Axɔ́sú 20:10

Bɔ Bɛni-Hadadi ɖɔ sɛ́ dó Akábu azɔn atɔngɔ́ ɔ́ ɖɔ: “Un ná gba Samalíi toxo ɔ́ bǐ. Nú nǔ e ná kpo ɖo toxo ɔ́ mɛ ɔ́, mɛ e xwedó mì lɛ́ɛ ɖokpó ɖokpó mɔ hɛn alɔ mɛ hǔn, vodún lɛ́ɛ ní dɔn tó nú mì, bónú é ní syɛ́n hú tódɔnnúmɛ lɛ́ɛ bǐ.”

2 Axɔ́sú 3:9

Axɔ́sú Izlayɛ́li tɔn, Judáa tɔn kpódó Edɔ́mu tɔn kpó gbɔn ali tlɔlɔ ɔ́ ǎ. Ée yě ɖi zɔnlin káká nú azǎn tɛ́nwe ɔ́, sin wá vɔ dó sɔ́ja lɛ́ɛ kpódó kanlin e yě hɛn lɛ́ɛ kpó.

Nɛɛmíi 5:6

Ée un se xó énɛ́ lɛ́ɛ bó se vo énɛ́ lɛ́ɛ e sa wɛ yě ɖe ɔ́, xomɛ sin mǐ ɖésú.

Ɖɛhan 6:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ; è nɔ ji bo nɔ xo kanhún kantántɔnnɔ d'é mɛ.

Tíntɔ́n 10:29

Mɔyízi ka ɖɔ n'i ɖɔ: “É nyɔ́, a ɖɔ nǔgbó. Lě e a ko ɖɔ gbɔn ɔ́, un sɔ́ ná wá gɔ̌n towe ɖě ǎ.”

Ezayíi 49:23

Axɔ́ví nyɔ̌nu lɛ́ɛ wɛ ná nɔ́ ná nǔɖuɖu vǐ towe lɛ́ɛ, bɔ axɔ́sú lɛ́ɛ na nɔ kplɔ́n nǔ yě. Yě ná nɔ́ jɛ kpo ɖo nukɔn towe, bó ná nɔ́ ɖe kɔ́, bó ná nɔ́ ɖíɖɔ́ afúntúntún e ɖo afɔ nú we lɛ́ɛ. Énɛ́ ɔ́, a nǎ tunwun ɖɔ nyi wɛ nyí Mawu Mavɔmavɔ, ɖɔ mɛ e nɔ gán jɛ wǔ ce lɛ́ɛ kún nɔ ɖu winnyá gbeɖé ó.’

Ezayíi 49:26

Un ná hú gǎn mɛ e ɖo tagba dó nú we wɛ lɛ́ɛ, bɔ yě ná ɖu lan yě ɖésúnɔ tɔn; yě ná nu kanjɔ yě ɖésúnɔ tɔn bɔ é ná mú yě vɛ̌ɛn yɔ̌yɔ́ ɖɔhun. Énɛ́ ɔ́, mɛ e ɖo gbɛ ɔ́ mɛ lɛ́ɛ bǐ ná mɔ ɖɔ nyɛ wɛ nyí Mawu Mavɔmavɔ, nyɛ wɛ nyí mɛhwlɛ́ngántɔ́ towe; nyɛ wɛ xɔ gbɛ nú we; nyɛ wɛ nyí Mawu hlɔ̌nhlɔ́nnɔ Jakɔ́bu togun ɔ́ tɔn.’ ”

Ezekiyɛ́li 3:14

Yɛ Mawu tɔn zé mì sín kɔ́ mɛ, bó sɔ́ mì ɖidó. Ayi ce j'ayǐ ǎ, wǔ kú mì, bɔ un ɖo yiyi wɛ. Hlɔ̌nhlɔ́n Mawu Mavɔmavɔ tɔn wá jǐ ce bɔ é syɛ́n ɖésú.

Daniyɛ́li 3:19

Xó énɛ́ e axɔ́sú ɔ́ se ɔ́ lɛ́ dó xomɛsin n'i ɖésú, bɔ é húzú nukún mɛ dó Cadlaki kpó Mɛcáki kpó Abɛ́di-Nɛgó kpó jí. Énɛ́ ɔ́, é ná gbe ɖɔ è nǐ flɔ́ myɔ dó myɔkpó ɔ́ mɛ bónú é syɛ́n hú lě e é nɔ́ nɔ gbɔn ɖ'ayǐ é azɔn tɛ́nwe.

Kɛ́nsísɔ́ 12:3

Mɔyízi ka nyí mɛɖé, bó nɔ́ sɔ́ éɖée hwe ɖésú; é nɔ́ sɔ́ éɖée hwe hú gbɛtɔ́ e ɖo ayǐkúngban jí lɛ́ɛ bǐ.

Maki 3:5

Énɛ́ ɔ́, akpɔ ɖó e dó tótlítlí yětɔn wú, bɔ é kpɔ́n yě xaan lɛ́ dó kpódó xomɛsin kpó, bó ɖɔ nú nya ɔ́ ɖɔ: “Dlɛ̌n alɔ towe”, bɔ é dlɛ́n alɔ, bɔ alɔ tɔn jɛ tɛn tɔn mɛ.

Sɛ́nflínmɛ 29:24

Bɔ è nǎ yí gbe ɖɔ: “Akɔ e yě jɛ xá Mawu Mavɔmavɔ ɔ́ wɛ yě jó dó; akɔ e Mawu tɔ́gbó yětɔn lɛ́ɛ tɔn jɛ xá yě hwenu e é ɖe yě tɔ́n sín Ejípu é wɛ yě jó dó.

Sɛ́nflínmɛ 32:24

Hwenu e xovɛ́ ná sin yě bɔ avivɔ kpó jɛmɛjí kpó ná ɖo yě jí bɔ yě ná ba hlɔ̌nhlɔ́n kpo é ɔ́, un ná sɛ́ adǎnkanlin lɛ́ɛ kpó dan aɖǐnɔ lɛ́ɛ kpó dó yě.

Eblée 11:27

Nǔɖiɖi e Mɔyízi ɖó ɔ́ wɛ zɔ́n bɔ é gosín Ejípu ma ɖi xɛsi nú xomɛsin axɔ́sú ɔ́ tɔn. É kpán akɔ́n, ɖi é ɖo éyɛ́ Mawu e è ma nɔ mɔ ǎ é mɔ wɛ ɖɔhun.

Nǔɖexlɛ́mɛ 3:9

Mɛ e ɖo Satáan sín kplɔ́ngbasá lɛ́ɛ ɔ́, yě mɛ adingbannɔ énɛ́ lɛ́ɛ e nɔ ɖɔ émí nyí Jwifu, bó ma ka nyí ǎ lɛ́ɛ ɔ́, nǔ e un ná wa xá yě ɔ́ ɖíe: un ná dɔn yě gǎnnugǎnnu, bɔ yě ná wá jɛ kpo ɖo nukɔn towe, bó ná wlí yɛ̌yi nú we. Yě ná tunwun ɖɔ un yí wǎn nú we.

Hwɛɖɔtɔ́ 4:10

Balaaki ylɔ́ Nɛfutali kpó Zabulɔ́ɔn kpó sín akɔta lɛ́ɛ kplé; súnnu děgba we afɔwó (10.000) yí gbe bó ná xwedó e yi ahwangbénu, bɔ Debola ɖésú xwedó e yi.

Hwɛɖɔtɔ́ 8:5

Yě wǎ jɛ toxo e è nɔ ylɔ́ ɖɔ Sukɔ́tu ɔ́ mɛ, bɔ Jedenyɔ́ɔ ɖɔ nú to ɔ́ mɛ nu lɛ́ɛ ɖɔ: “Mi kɛnklɛ́n bó má wɔ̌xúxú nú mɛ e xwedó mì lɛ́ɛ, ɖó nǔ cikɔ nú yě. Madiáani ví lɛ́ɛ sín axɔ́sú Zɛváxi kpó Salumúna kpó gbé mɛ wɛ un ɖe.”