Tíntɔ́n 11:6 - MAWUXÓWÉMA

⁶ Cáxóxowǒóo ná kpé Ejípu to ɔ́ bǐ mɛ; è ko se xósúsú mɔ̌hunkɔtɔn kpɔ́n gbeɖé ǎ, è ka sɔ́ ná lɛ́ se mɔ̌ kpɔ́n gbeɖé ǎ.

Tíntɔ́n 11:6 Iomraidhean Croise

Tíntɔ́n 12:30

Axɔ́sú Ejípu tɔn ɔ́ fɔ́n zǎn énɛ́ ɔ́ mɛ, gǎn hɔn-yitɔ́ tɔn lɛ́ɛ bǐ fɔ́n, Ejípunu lɛ́ɛ bǐ fɔ́n, bɔ xósúsú mlí ɖo Ejípu to ɔ́ mɛ, ɖó xwé ɖě gbe ɖe bɔ mɛ ma kú ɖe ǎ.

Amɔ́si 5:17

È nǎ ya gbɛvíhan gbɔn vǐwungle lɛ́ɛ bǐ mɛ, hwenu e un ná gbɔn tɛ́ntin mitɔn é.” Xó e Mawu Mavɔmavɔ ɖɔ ɔ́ nɛ́.

Luki 13:28

Fínɛ́ ɔ́, mi ná ya avǐ, bó ná ɖu aɖǔkún, hwenu e mi ná mɔ Ablaxámu kpódó Izáki kpó, kpódó Jakɔ́bu kpó, kpódó gbeyíɖɔ Mawu tɔn lɛ́ɛ bǐ kpán, ɖo axɔ́súɖuto Mawu tɔn mɛ, bɔ midɛɛ lɛ́ɛ ka ná ɖo hɛnkɛ́n é.

Sofoníi 1:10

Gbe énɛ́ gbe ɖo Jeluzalɛ́mu ɔ́, è nǎ se xósúsú ɖaxó ɖé sín Hweví Hɔntogbó ɔ́ kɔn. Gbɛvíhan ná ɖo Slǎ Yɔ̌yɔ́ ɔ́ mɛ, bɔ nǔ baɖabaɖa ɖé ná jɛ gbɔn só lɛ́ɛ jí.

Gbɛvíhan 3:8

Un sú xó káká, un ylɔ́ ɛ káká; é ká se ɖɛ ce ǎ.

Jelemíi 31:15

Xó e Mawu Mavɔmavɔ ɖɔ ɔ́ ɖíe: “È se mɛɖé ɖo xó sú wɛ ɖo Hlama, mɛ ɔ́ ɖo avǐ ya wɛ, bó ɖo alě ná wɛ tlala; Hlacɛ́li wɛ ɖo vǐ tɔn lɛ́ɛ ví wɛ. É jló ná se gbɔ ǎ, ɖó vǐ tɔn lɛ́ɛ sɔ́ ɖo fí ǎ.”

Ezayíi 15:8

È se xó e sú wɛ yě ɖe ɔ́ gbɔn Mɔwabu to ɔ́ bǐ mɛ. È ɖo káká Eglayímu bó se vo e sa wɛ yě ɖe ɔ́; è lɛ̌ ɖo káká Elimu bó se.

Nǔnywɛ́xó 21:13

Mɛ e lelenɔ ɖo xó sú wɛ ɔ́, é nɔ́ dó tókúse mɛ ɔ́, é lɔmɔ̌ wá ɖo xó sú wɛ ɔ́, mɛɖé ná ɖótó e ǎ.

Tíntɔ́n 3:7

Mawu Mavɔmavɔ ɖɔ: “Un mɔ ya e ji wɛ togun ce Izlayɛ́li ɖe ɖo Ejípu ɔ́. Un se xó e sú wɛ é ɖe ɖó nǔ e wa xá ɛ wɛ azɔ̌gán lɛ́ɛ ɖe ɔ́ wú é. Un tunwun wǔvɛ́ e mɔ wɛ é ɖe ɔ́ ganjí.

Tíntɔ́n 11:7

Lo ɔ́, ɖo Izlayɛ́li ví lɛ́ɛ bǐ mɛ ɔ́, cukú vɔ́vɔ́ ná hó gbɛtɔ́ abǐ kanlin ǎ, bónú mi ná dó tunwun vogbingbɔn e Mawu Mavɔmavɔ sɔ́ ɖó Ejípu kpó Izlayɛ́li kpó tɛ́ntin é.’

Tíntɔ́n 9:18

Énɛ́ ɔ́ wú ɔ́, un ná bló bɔ sɔ ɖo gan élɔ́ mɛ ɔ́, kɛ́njí ná ja ɖésú; sín gbe e gbe è ɖǒ Ejípu to ɔ́ ayǐ káká wá jɛ égbé ɔ́, kɛ́njí mɔ̌hunkɔtɔn kó ja ɖo Ejípu ǎ.

Ezayíi 19:16

Ayǐ ɖokpó ná wá hɔ́n, bɔ Ejípunu lɛ́ɛ ná cí nyɔ̌nu ɖɔhun; yě ná sísɔ́ hwenu e Mawu Mavɔmavɔ ná zé alɔ, bó ná ja nǔ wa xá yě gbé é.