Tíntɔ́n 11:5 - MAWUXÓWÉMA

⁵ bɔ nukɔngbéví lɛ́ɛ bǐ ná kú ɖo to ɔ́ mɛ; axɔ́sú Ejípu tɔn e ɖo zinkpo jí ɔ́ sín nukɔngbéví ɔ́ ná kú; mɛsɛntɔ́ nyɔ̌nu e ɖo sé kɔn ɔ́ sín nukɔngbéví ná kú, kanlin lɛ́ɛ sín nukɔngbéví ná kú.

Tíntɔ́n 11:5 Iomraidhean Croise

Ɖɛhan 105:36

Mawu hu nukɔn ví e ɖo to yětɔn mɛ lɛ́ɛ bǐ, bɔ nǔ nukɔn tɔn e yě sɔ́ hlɔ̌nhlɔ́n yětɔn dó wa lɛ́ɛ bǐ kú.

Ɖɛhan 135:8

É hu nukɔngbéví lɛ́ɛ ɖo Ejípu, é hu nukɔngbéví gbɛtɔ́ lɛ́ɛ tɔn, é hu nukɔngbéví kanlin lɛ́ɛ tɔn.

Ɖɛhan 136:10

É wɛ hu Ejípunu lɛ́ɛ sín nukɔngbéví lɛ́ɛ; ɖó xomɛnyínyɔ́ tɔn ɖe káká sɔ́yi.

Ɖɛhan 78:51

É hu nukɔngbéví e ɖo Ejípu lɛ́ɛ, nukɔngbéví e ɖo Cámu ví lɛ́ɛ sín tomɛ lɛ́ɛ, vǐ e è ji ɖo wǐnnyáwínnyá mɛ lɛ́ɛ.

Tíntɔ́n 12:12

“Zǎn énɛ́ ɔ́ mɛ ɔ́, un ná gbɔn Ejípu to ɔ́ mɛ, bó ná hu nukɔngbéví súnnu e ɖo to ɔ́ mɛ lɛ́ɛ bǐ, un ná hu gbɛtɔ́ kpó kanlin kpó sín nukɔngbéví bǐ. Un ná ɖó hwɛ nú vodún e ɖo Ejípu lɛ́ɛ bǐ. Nyɛ wɛ nyí Mawu Mavɔmavɔ.

Tíntɔ́n 12:29

Zǎn vlɔ́ ɖó we, bɔ Mawu Mavɔmavɔ hu nukɔngbéví súnnu e ɖo Ejípu lɛ́ɛ bǐ. É bɛ́ sín axɔ́sú Ejípu tɔn ɔ́ sín nukɔngbéví e ná nɔ tɛn tɔn mɛ ɔ́ jí, káká yi gantɔ́ kpó kanlin kpó sín nukɔngbéví jí.

Tíntɔ́n 13:15

Axɔ́sú Ejípu tɔn ɔ́ nɔ́ gbɛ́ ɖɔ émí kún ná jó mǐ dó bɔ mǐ ná yi ó; énɛ́ ɔ́ wú ɔ́, Mawu Mavɔmavɔ hu nukɔngbéví gbɛtɔ́ kpó kanlin kpó bǐ tɔn ɖo Ejípu. Nǔ e wútu mǐ nɔ zé kanlin lɛ́ɛ sín nukɔngbéví asú lɛ́ɛ bǐ dó sá vɔ̌ ná nú Mawu Mavɔmavɔ bó ká nɔ́ sɔ́ akwɛ́ dó xɔ gbɛ nú nukɔngbéví gbɛtɔ́ lɛ́ɛ tɔn ɔ́ nɛ́.’

Tíntɔ́n 4:23

Jǒ vǐ súnnu ce dó ní yi, bó ná yi sɛn mì; é ɖó ɖɔ a gbɛ̌ ǎ. Nú a gbɛ̌ ɖɔ é kún ná yi ó ɔ́, un ná hu vǐ súnnu towe nukɔngbéví towe ɔ́.’ ”

Ezayíi 47:2

Yi jɛ sé ta bó li linfín; ɖe avɔ sín nukún mɛ; kplɔ́ sɛ́ya towe d'aga nú asá towe jɛ wěxo, nú a nǎ gbo tɔ.

Gbɛvíhan 5:13

Dɔ̌nkpɛvú lɛ́ɛ nɔ́ ɖíɖá ségban, yɔkpɔ́vú lɛ́ɛ nɔ́ ɖo ayǐ jɛ wɛ ɖo nakígban glɔ́.

Matíe 24:41

Nyɔ̌nu we ná ɖo nǔ li wɛ ɖo sé kɔn, bɔ è nǎ sɔ́ mɛ ɖokpó, bó ná jó mɛ ɖokpó dó.

Eblée 11:28

Nǔɖiɖi e Mɔyízi ɖó ɔ́ wɛ zɔ́n bɔ é ɖó Dǐndínwáyi sín xwe ɔ́ ayǐ, bó ná gbe ɖɔ è nǐ mì hun dó hɔn lɛ́ɛ wú, bónú wɛnsagun e nɔ hu mɛ ɔ́ ma hu nukɔngbéví Izlayɛ́li ví lɛ́ɛ tɔn ó.

Hwɛɖɔtɔ́ 16:21

Lo ɔ́, Filisitɛ́ɛn lɛ́ɛ wlí i, bó tɔ́n nukún i; yě kplá ɛ yi Gaza, bó zé ganvɔ sín wlɔ dó blá ɛ ná, bó zɔ́n ɛ gǎnnugǎnnu ɖɔ é ní nɔ li nǔ ɖo sé kɔn, ɖo gankpá mɛ.